المساعد الشخصي الرقمي

مشاهدة النسخة كاملة : تحديث الصفحة انت بالسعوديه؟ وتبي تسمع إذاعاتfm الخليج كله << حركه حلوه والله



الشفلحي
13/01/2009, 10:20 PM
السلام عليكم ورحمة الله وبركاته

كيف حالكم يا شباب يا كشاته
إن شاء الله طيبين

ابي اخش بالموضوع مبااااشره

انا موجود بالقصيم واحب ان اسمع إذاعة إمارات اف ام ولافيه طريقه اني اسمعها إلا عن طريق النت

المهم قالي واحد من الشباب انه فيه طريقه اني اسمعها بالسياره عن طريق اريل معين للسياره +تركيب ريشة الكنود للمسجل عن طريق قسام او شئ زي كذا


بس المشكله خويي ما يعرف الطريقه بالضبط

سؤالي :فيه احد يعرف كيف ؟؟؟ يا ليت تتوضح لنا الفكره
وكم تكلف ؟؟
و وين اركب القطع هذي ؟؟؟

مع العلم ان الاذاعه هذي ما تجي على الــ Am ولا على الــsw

ولكم الف شكر

راعي العشــه
13/01/2009, 11:16 PM
لاتعلييييييييييييييق :)

الشفلحي
13/01/2009, 11:39 PM
حياك اخوي بصفحتي وإن شاء الله يجي احد يعلمنا كيف

صقر نجد99
14/01/2009, 06:59 PM
ركب راس دش في اريل السيارة وبتسمع كل الاذاعات

Criminal Mind
14/01/2009, 07:30 PM
فيه محل بالرياض أخبره يسويها وسعره زين ..

بالغرابي إسم المحل ( أحد ) ..

بو خليفه
14/01/2009, 07:56 PM
هذه حلوه و تستاهل العملية إذا كانت فعلية

الشفلحي
15/01/2009, 04:34 AM
فيه محل بالرياض أخبره يسويها وسعره زين ..

بالغرابي إسم المحل ( أحد ) ..


والله يا ليت اخوي تفحص لنا الموضوع لاني انا مو بالرياض

وترد علينا

_MAJID_
15/01/2009, 08:38 AM
اتوقع مستحيل لان اشاره الأف ام اشارة قصيرة يعني لازم تكون في مدي البرج !!

كاشخ 24 ساعه
15/01/2009, 08:42 AM
فيه راديوا الان في السوق اسمه Internet Radio عن طريق الانترنت وتستطيع ان تشبكه عن طريق الشريحه اذا تبي محطات عالميه ولكن ياخوك الشغله مكلفه جدا ويبي لك اتصال انترنت على طول

monsixnet
16/01/2009, 02:16 AM
اتوقع مستحيل لان اشاره الأف ام اشارة قصيرة يعني لازم تكون في مدي البرج !!

راى من راى الاخ ماجد

( الزاهر )
16/01/2009, 02:24 AM
تبغاها تجي .... تجي .....
رح لمحلات الأتصالات وأستشيرهم .... ولابد من حل وانا أخوك ....

AMAZ
16/01/2009, 03:06 AM
هناك ثلاث انواع من البث
fm : تعتمد على الابراج .وكذلك عن طريق الاقمار تستقبل في دش فضائي .
am او Mw: موجات متوسطة البث وهذي تعتمد نوعين من البث بث عن طريق الابراج وكذالك بث راسي . لكن هذا البث يتحكم فيه الليل والنهار حيث انه عند طلوع الشمس هناك طبقة في الغلاف الجوي تنفتح من حرارة الشمس مما يؤثر على البث ويجعله لا ينعكس حتى يرجع إلى الارض مره ثانية حتى يتسقبل الراديو .
sw: موجات قصيره وهذ تستطيع الاستقبل عليها في النهار وكذالك في الليل ولكنها غالبا تكون غير صافيه مما يضطر المحطات الى التنقل بين اكثر من ذبذبه .
في النهاية : قبل حوالي خمس سنوات كنت سوق الجمجوم وتحديدا في محل للالكترونيات خاص بشركة عبدالواحد ووجدت عندهم راديو وعليه ماكرويف صغير تقريبا كبر راحت اليد وسائلت العامل عنه ايش هذا قال هذا راديو يستقبل عبر الاقمار يقول اي قناة تبث على الدش يجيبها . طبعا انا صراحه كان وقتها غير مهتم بالموضوع ولا حبيت استفسر منه اكثر . ولا اعلم هي لو شغلت هذا الراديو في السياره يستقبل او لا . لانه مع الدوران والحركه . اما بخصوص الدش هناك دشوش تركب على السفن شكل الطبق دائري يستقبل والسفينه مبحره . لكن هذا الدش غالي جدا حيث ان تكلفته حوالي 35الف .

mohd26
16/01/2009, 11:25 AM
كلام الاخوان عن قوة بث الاف ام صحيح لانها تعتمد على قوة برج البث
الاف ام لها تغطية محدودة وهذه من احدى عيوبها
يعني البث ما يروح بعيد
وعلى فكره شركة الهيومكس لديها جهاز رسيفر نقال يصلح للرحلات بس لازال سعره غالي تقريبا 3300
http://www.humaxdigital.com/global/products/product_DTV_satellite.asp