المساعد الشخصي الرقمي

مشاهدة النسخة كاملة : ليه بعض انواع Gxr المستخدم اغلى من Vxr؟


ناصر
27/03/2004, 02:43 PM
السلام عليكم ورحمة الله وبركاته
استغربت ونا داخل الحراج ان اغلب الزبائن تبحث عن الجي اكس ار
الاند كروزر
من موديل 2000 وطالع
اكثر من الفي اكس ار
مماجعل سعره دائما مرتفع وماسك قيمته

سألت احدهم قال لي عشان صرفيت البنزين وقال واحد ثاني عشان صيانة الجي اكس ار اسهل
المهم ماخرجت بنتيجه معاهم وياليت نعرف الاسباب طبعا انا اتكلم عن بعض انواع الجي اكس ار
الفل كامل

ولا انا عارف ان بعض انواع VXR الفخمة مستحيل تنزل قيمته
تحياتي :D
دكتور شبعان
27/03/2004, 06:41 PM
السلام عليكم ورحمة الله وبركاته
تدري اخوي ناصر ان الاسعار عندنا ما تحكمها مواصفات ولا جودة
كل المسألة والله اعلم ان الشعب عاجبهم الشكل فطيروا سعره
والا المسألة رح الوكاله بكل العالم وتعرف ان ال VXR افضل من جميع النواحي

مجرد رأي..:light:
مشغول
28/03/2004, 10:13 AM
هلا بك اخوي ناصر

انا معي جي اكس آر 2001 ممتاز لكن لو يحصل لي VXR نظيف ما تركته

واللي جرب غير اللي ما جرب .

وهلا بك
ابوجندل
28/03/2004, 10:48 AM
القصة وما فيها ان الجي اكس ار اخف من الفكس ار في البر
فقـــــــــــــــــــــــط
aboabdullah20
28/03/2004, 02:19 PM
السلام عليكم اعزائي
ياجماعة الخير اولا مافيه وجه مقارنة بين VXR و GXR الاول ان مكينته 8 سلندر والثاني 6 سلندر يعني الفكس ار اقوى وافضل عزم اما الجي اكس ار فهو مثل مايقولون الشريطية شعبي لنه اقل صرف بنزين وهذي لك عليها لانه ان وجد الفرق فهو فرق بسيط لا يكاد يذكر اما مسئلة ان اكثر الموجود بيعاً بالمعارض جي اكس ار فانه بسبب ان اللي يجرب الجي اكس ار يحس ان عزمه يقطع القلب اما الفكس ار مثل ماذكرت سابقاً عزمه قوي ويتحمل ، وهو سلعة غالية عند صاحبها ولا يفرط فيه اذا كان الموتر نظيف والتجربة خير برهان . تحياتي للجميع
Bader-M
28/03/2004, 03:19 PM
عشان البنزين

والله تفكير

بالله فيه واحد يبي يشتري سيارة سعرها في 80 الف ريال على اقل تقدير
ويفكر في البنزين
يعني
عشان توفر لك 50 او 100 ريال
تاخذ لك سيارة اقل مواصفات و اقل عزم وقوة

الصراحه
الي يفكر كذا
هذا دلخ
مع احتراماتي

........
تقبل تحياتي
اسيزو 4x4
29/03/2004, 12:19 AM
والله يا اخوان الظاهر لان GXR أخف من VXR في النفود

او علشان صرفية البنزين وتكاليف الصيانة اقل

او سعر قطع المكينة اقل

وفي الاخير نقول

تعددة الاسباب والجيب واحد

وجهة نظر!!!!
بركان
29/03/2004, 07:36 AM
يا اخوان
قد تستغربون من هذه المعلومه
استهلاك البنزين في الاثنين متساوي.
بدون استغراب


كيف؟؟؟
اخوين واحد منهم لديه جي اكس
والثاني في اكس
عبئا السيارتين من محطة واحده (فل)
وانطلقا الى وجهتهما ما نيب قايل لكم وين على شان ما تعرفونهم.!!!!

وعند وصولهم الى محطة بنزين عبيا بنفس المبلغ.
هذا ما قاله لي احدهما.

جربوا!!!
فكما يقال الماء يكذب الغطاس.!!!

تحياتي
Bader-M
29/03/2004, 03:21 PM
8
8
8
8
اقول

كلامك صحيح

يعني

لو جينا نحسبها

اولا

سته سعته 4500 سي سي
اما الثمانيه 4700 سي سي

وهذا فرق بسيط جدا

ثانيا

الثمانيه سلندر تشيل الموتر وهي مرتاحه وهذا يساعد في تقليل صرف الوقود

عكس الستة سلندر


وهذا والله اعلم
ناصر
29/03/2004, 04:22 PM
السلام عليكم ورحمة الله وبركاته
قبل إن أرد على الأخوان الأعزاء لدي معلومة سريعة
من واقع تجربه شخصيه
كان عندي vxr99 قبل سنتين
بعتة في حدود 90الف وشريت gxr2001 قبل سنه كان بحدود 107الف
وكان فيه شوي مواصفات مغريه خلتني اشريه مثل
خلفية لكزس ووجود جناح وانوارة زونن وفتحة في السقف وونش سحب واستبنتين يعني مواصفات حلوه
الصراحة اذا فتحت كبوت gxr وشفت الماطور نفس الواحد تنفتح :D
يعني تشوف ماطور التويوتا منذ خمسين سنه ماتغير بنفس القوة والمتانه
وفيه حاجة ثانيه صيانته سهله
يعني الماطور قدامك ماهو مغطى بليات هوى ومواصير
غير السير اذا انقطع بدون تعقيدات
بدل طرمبه المويه بكل سهوله فك البواجي فك االاقزوز او الاديتر
اهم شيء يكون عندك عدة صح :D
وذا تعطل عليك في خط
طب جوة الكبوت وابشر بسعدك
وجميع الورش تعرف له
بالنسبه لماطور vxr فهو قوي جدا لايقارن
ولاكن اذا فتحت الكبوت
احسه صعب ويخوف اذا تعطل في خط مادري ليش؟
على الرغم انه قوي وفخم وهادي في الخط ولكن
هذه وجهة نضري المتواضعه ;)
ناصر
29/03/2004, 04:25 PM
اخوي دكتور شعبان
فعلا كلامك صحيح من حيث سعر الوكاله
وهذا ماعليه كلام
والاختلاف فقط عن السيارات المستخدمة وتفاوت الأسعار في هذه النوعيه
تقبل التحيه
=================
هلا اخوي مشغول
نعم صحيح البحث عن الموتر النظيف صعب جدا
المهم امسك سيارتك اخوي :D
والله يبارك لك
تقبل التحية
ناصر
29/03/2004, 04:28 PM
اشكرك اخوي ابوجندل على هذه المعلومة القيمه
تقبل خالص التحية
=====================

مرحبتين اخوي aboabdullah20
حتى لوكان الفي اكسر 8 سلندر قوي فهذا لايعني ان 6 سلندر ضعيف :D
حتى الهايلكس 4 سلندر قويه جدا حملها 50 كرتون طماط وجربها تمشي زي الطلقه

تقبل خالص التحية :D
========================
هلا وغلا اخوي
طايربالعجه
كيف الحال اخوي :D
اقدر لك اخوي وجهة نضرك
وخلينا نتناقش حول الخمسين ريال التي ذكرت

وبلاش حكايه 100 ريال عشان مانتعب
على افتراض ان السيارة ستعمر معك 10 سنوات كفترة زمنيه
تستطيع أي سيارة ان تعيشها
وشيل من ذهنك نوع السارة
يالله نحسبها

50 ريال صرفيه البنزين الاسبوعي
على 4 اسابيع في الشهر يطلع لك 200 ريال في 12 شهر 2400 ريال
في 10 سنوات
يطلع معاك
24 الف ريال :confused:

ربع قيمة الجيب ونا خوك

مع خالص التحية والتقدير ;)
ناصر
29/03/2004, 04:29 PM
هلا ومرحبتين اخوي اسيزو 4x4
اشكرك الشكر الجزيل على تفضلك بالمرور من هنا مع خالص التحيه والتقدير
================

هلا ومرحبتين اخوي بركان:)
معلومه جميله ورائعه من واقع تجربه
بس عندي استفسار اذا كان الجي اكس ار 4500
والفي اكس ار4700
اضف الى ذلك سرندلين زيادة في vxr
بقي معانا 200 حصان
هاذي وش تشرب ؟:D
مع خالص التحيه
arabdrh
05/04/2004, 01:44 AM
ياخواني انا معي جي اكس ار 3 موديل 2003 خليجي بكامل المواصفات (ونش - فتحة السقف - خلفية لكزس-قيراوتومتيك ......... وغيرها ) وسبق ان جربت الفي اكس ار 2001 قيراوتومتيك بدون اي مواصفات ... ومن هالتجربه اقول انه لامقارنه بين الاثنين من جميع النواحي : 1- كمية الزيت اذا غيرته في الفي اكس ار اقل برغم انه 8 سلندرات ،2- صرف البنزين على الطرق السريعه وبسرعه اعلى من 140كم الفي اكس ار اقل صرفيه ، 3- صوت الضجيج والازعاج اثناء السرعات العاليه .. الفي اكس ار افضل بمراحل ... هذا غير العزم اثناء الشد ...واحب انبه ان السيارتين الي جربتهم قير اوتومتك ولكن الفي اكس 5 سرعات والجي اكس 4 سرعات وانا صراحه . نادم على الفي اكس جداً .. بس خلاص طاحت الفاس بالراس ... وانصح الي يبي يشتري ومحتار وش يشتري انه يأخذ الفي اكس ار حتى لو كان مواصفاته اقل وسعره اغلى .........