المساعد الشخصي الرقمي

مشاهدة النسخة كاملة : سؤال بخصوص كفرات البالون يا اهل البالون



ضحية صمت
15/01/2009, 12:16 AM
السلام عليكم ورحمة الله وبركاته

ياشباب ابي شوركم

معي جمس صحن وابي اركب جنوط الجمس الوكاله واركب عليه كفرات بالون وش تنصحوني فيه

اي نوع بالبالون مع العلم اني ودي يكون اعرض شئ فوش رايكم

ومثل مايقول المثل

ماخاب من استشار

ابي نوع الكفر البالون يعني اسمه
ونوعه ومقاسه وكل شئ عنه
وهل فيه مقاس عريض

بيبسي
15/01/2009, 01:15 AM
افضل شي واعرض شي في البالون سيام تاير 900/16 8 غاط سعره 530 تقريبا لكن ركبته وفكيته باسبوع كرهني بالسياره 2008 صارت كانها 88 رجه وعزم ثقيل
عشان كذا لا تغامر وخذ لك ماكسس يمدحونها ورخيصه عشان ماتخسرك واجد 900/16 8 غاط 320 ريال وفيه 6 غاط ارخص بعد
بس تبي النصيحه لاتقربها وجرب قبل تركب وخذ لك دنلوب نقشة شاهين او شاهين احسن لك

sa3d
15/01/2009, 01:21 AM
مساك الله بالخير اخوي انا بقولك رايي
افضل شي سيام 8 غاط لاتاخذ غيرها وبالنسبه لرجه رصصها واذا ماضبطت فيه سوري في الصناعيه
اسم ورشته الباديه يخليك تنسى الرجه مثل ماصار معي,,,,

ضحية صمت
15/01/2009, 02:58 AM
افضل شي واعرض شي في البالون سيام تاير 900/16 8 غاط سعره 530 تقريبا لكن ركبته وفكيته باسبوع كرهني بالسياره 2008 صارت كانها 88 رجه وعزم ثقيل

عشان كذا لا تغامر وخذ لك ماكسس يمدحونها ورخيصه عشان ماتخسرك واجد 900/16 8 غاط 320 ريال وفيه 6 غاط ارخص بعد

بس تبي النصيحه لاتقربها وجرب قبل تركب وخذ لك دنلوب نقشة شاهين او شاهين احسن لك




يخوي انا سيارتي شنابر ومنحاش من الشاهين تبيني اركب شاهين بس مافهمت دنلوب على قولك نقشة شاهين
ونقشة الشاهين زينه بس اخاف يطلع ماهوب عريض

ضحية صمت
15/01/2009, 02:59 AM
http://www.up2up.com/uploads/images/up2up-de8aa110f5.jpg



شف كفرات الجمس هذا وش نوعها ابي اركب مثلها بالضبط والله ياهي رزه ماشاء الله ونظره
بس ماعرفت وش هي ووش مقاسها اللي يعرف وش هي ووش مقاسها ونوعها يعلمني الله يحرم وجهه عن النار

ضحية صمت
15/01/2009, 12:07 PM
^^
^
^
^
^
^
هاه ياشباب وش نوع كفرات هالجمس اللي فوق وكم مقاسها وعرضها

صقر الحراملة
15/01/2009, 12:15 PM
إن شاء الله يجي اللي يعطيك العلم

مجالس الرجال
15/01/2009, 01:39 PM
والله يالغالي لاتركب بالون الا اذا انت تروح لمكشيت الحصى والا البالون قلق
رجه وانزلاق ويمسح اسرع من غيره
لكن الميزة فيه الارتفاع
و8 غاط ثقيل 6 اخف لكن مايتحمل الحصى
وافضل المقاسات 900

monsixnet
16/01/2009, 01:59 AM
-

زى ماذكرو الاخوان نوعين:

-الاول ماكسس تيليندى 6 و 8 غاط زى ماذكروا الاخوان رخيص نوعا ما

-الثانى السيام تيلندى 6 و 8 غاط غالى بالشرقيه بحدود 580 - 600 ريال

شورى لك هو تحديد نوعية استخدامك له هل هو بر فقط؟ بر وخط؟ خط؟؟ وعلى ضوءها حدد. ان كانك بطقطق تصبيره فخذلك رخيص او مستخدم نص عمر وان كانك تبى كد ومد خذلك غير البالون للسلامه

عمموما يبيلك ترصيصه علشان الرجه و ترى نوعية ترصيصه تسمى "ترصيص ارضى" تختلف عن الترصيص العادى

واخير اتمنى ان اكون اجبتك

firstclass
16/01/2009, 02:10 AM
السلام عليكم

شف ياخوي انا عندي ونيت ومركب عليه كفرات بالون شاهين هي اصغر من السيام والمكسس بس على فكره وفكره مهمه جدا الكفرات البالون الشاهين هي الكفرات البالون الوحيده المعتمده من ارامكو وما ادراك ما هي موصفات ارامكو ، انا والونيت ما استخدمه الا للبر والكفرات مره مريحتني لاني ما جربت عليها الا هذي الكفرات اشتريتها مستعمله وكان عليها شاهين وغيرت لها جديد والي الان ولله الحمد ما شيه ورحت فيها كل مكان اذا دخلت الصمان نفختها واذا نفود نسمت وطعس كنك على سفلت الشكل هي اصغر من السيام بس السيام لو جيت طاير واخذت لك مطب بالبر ممكن تحك بالرفرف لانها اكبر من حجم الكفر الاصلي والله اعلم

firstclass
16/01/2009, 02:31 AM
السلام عليكم

شف ياخوي انا عندي ونيت ومركب عليه كفرات بالون شاهين هي اصغر من السيام والمكسس بس على فكره وفكره مهمه جدا الكفرات البالون الشاهين هي الكفرات البالون الوحيده المعتمده من ارامكو وما ادراك ما هي موصفات ارامكو ، انا والونيت ما استخدمه الا للبر والكفرات مره مريحتني لاني ما جربت عليها الا هذي الكفرات اشتريتها مستعمله وكان عليها شاهين وغيرت لها جديد والي الان ولله الحمد ما شيه ورحت فيها كل مكان اذا دخلت الصمان نفختها واذا نفود نسمت وطعس كنك على سفلت الشكل هي اصغر من السيام بس السيام لو جيت طاير واخذت لك مطب بالبر ممكن تحك بالرفرف لانها اكبر من حجم الكفر الاصلي وهذي صورت الونيت على صعس العجير حول هاف مون ---- والله اعلم





http://www.mekshat.com/pix/upload02/images94/mk43064_gmc.jpg



تحياتي