ياجماعة أشاوركم في جيب برادو

[أنا المسلم]

وش رايكم بجيب برادو من ناحية السعر والقوة والستخدام والراحة

وكذلك أنواع جيب برادو ............


ولكم منا دعوة صادقة


ختاماً لاتنس إخوانكم في غزة من الدعاء

[الوايلي...501]

يفيدونك الشباب والله مالي خبره

[faiz-111]

مانيب بعيد عنك اخوي افكر بواحد واستفسرت عنه وعن اسعاره فيه غلا بس السياره مع زملاء لي في العمل وجربتها والكل يمدحها ويمدح قوتها في الطعوس وغيره وادخل اليوتيوب واكتب برادو وشف المقاطع
ال 4 سلندر جي اكس 3 ب 103 الف قير عادي جنوط كروم وجناح ودعاميه امامية وقوته 160 حصان بالنسبه لل 4 سلندر ماينفع الاوتوماتيك العادي افضل على كلام الشباب اللي جربوه وانا جربت سيارة صديقي اربعه سلندر قير عادي بصراحه العزم روعه قوي والسياره تحس انها كتله واحده بس رساوة الموتر بسرعه عاليه ماعجبتني كثير هذا اللي العيب الوحيد اللي شفته فيها
وال 6 سلندر 124 الف قير اوتوماتيك فيه ثلاجه وومكينته قوتها 240 حصان

[راعي المجهم]

سريييييييييييع الأنقلاب مرة إذا ليت وأنت مسرع أو ضرب الكفر

والتشاليح أكبر دليل على ذلك

يبله سواقة شيبان ماتتعدى 120

[أنا المسلم]

أشكر الجميع على المرور وارجوا المزيد

[حر المجمعه]

يفيدونك الشباب والله مالي خبره

[براري القصيم]

السيارة عملية وصبورة وتنسى شئ اسمه ورشة وعزم الست سلندر لايقارن بالفكسار ولابالباترول (فشقة ماشاء الله) لكنها سريعة الانقلاب يعني مثل ماقال أخينا (تبي سواقة شيبان)
الله ييسر أمورك.

[خالد510]

وش رايكم بجيب برادو من ناحية السعر والقوة والستخدام والراحة

وكذلك أنواع جيب برادو ............


ولكم منا دعوة صادقة


ختاماً لاتنس إخوانكم في غزة من الدعاء



أجوي تايوتا مرغوب بس أنا أفضل الفرتيشر 6 سلندر أنه أذ ظرب الكفر أرس من البردو
وهذي وجهة نظر .... وشكرا

[هاوي بر12]

يالغالي.....خلها تصدي....

وابعد عن الياباني بشكل خاص لأنه غالي على الفاضي.......

[biak23]

موتر ولا عليك

أنا اليوم طقيت واحد من الوكالة في اكس 2 ستة سلندر بـ 131000

وبالنسبة للي قالو تنقلب
ولد عمي معه واحد موديل 2005 وضرب عليه الكفر اللي قدام وهو يمشي 160 ولا جاه إلا العافية

معليك انت اجزم بس على الفي اكس ستة سلندر وابعد عن الجي اكس محد يمدحه

[راعي البحري]

بصراحة الياباني عجزت أهضمه لعدة أسباب :
1- سعره غالي جدا
2-فخامة تكاد تكون معدومة
3- قطع غيار نار
4- درجة الآمان أقل من غيره
5- مكينته أضعف من الأمريكي
يتميز
1- سعره يبقى وهذا يرجع لسعره جديد طبعا
2- قلة المشاكل في الصيانة ولكن إن طاح طاح

وهذا رأي خاص وكل حر في رأيه الفورد اكسبلولروالشفر بليزر أحسن منه بكل المقاييس خاصة إن سعره سعر يوكن وسعر تاهو اللي أفضل من وجهة نظري من اللاند كروزر ما بالك ببرادو

[kwa_198]

اخوي والله ان ازين سيارة جيب سكتها خاصتن 6 سلندر والله حلو وما عليك من الي يقول سريع الانقلاب يخوي على سواقت الواحد لو تسوق لكزس وينفقع عليك الكفر وتضرب فرامل بتنقلب خلنا واقعين توكل يخوي وخذ لك واحد بس 6 سلندر ابعد كل البعد عن 4 سلندر ::

والله ينصر اخوننا في غزة وفي العراق وافي كل مكان

[الملثم البحري]

ممتاز ولكن يقولون عليه مطب ماهو صاحي ماعدا الفل كامل

[أنا المسلم]

أشكر الجميع على هذه الفوائد وجزاكم الله خيراً وأنتظر المزيد بصراحة بحيرة واحد يقول سريعة انقلاب واحد يقول لا ................................

أرجو من الأخوة الكرام أن لا يبخلوا علينا بتجارب الأصدقاء والأخوة

[طير شوى]

البرادو مووووووووووتر لايعلا علية لابطعوس ولا برساوة بالخطوط ولاخربات الراحة شيء ثاااااني موى معقول
اخوى الي يقول انه ينقلب ماعند سالفة 2 من اخوياي معهم البرادو يمدحونه وانا انصحك به

[ابن عكاش]

اخوي والله ان ازين سيارة جيب سكتها خاصتن 6 سلندر والله حلو وما عليك من الي يقول سريع الانقلاب يخوي على سواقت الواحد لو تسوق لكزس وينفقع عليك الكفر وتضرب فرامل بتنقلب خلنا واقعين توكل يخوي وخذ لك واحد بس 6 سلندر ابعد كل البعد عن 4 سلندر ::

والله ينصر اخوننا في غزة وفي العراق وافي كل مكان
مثل كلام الأخ وازيد ان الموتر صناعه ياباني تجميع ياباني ولو حصل تاخذ خليجي افضل لأنه يجي اسبير علاق وتانكيين اكبر من الاندكروزر
فيه نقطه مهمه لاتشتري على راي غيرك فإذا كان الموتر معجبك خذه وتوكل على الله
اخوك ابوصقر

[المميـز]

اللي اعرفه عن هذا الموتر انه ياباني 100% بس

وياليت تفيدنا عن اسعاره خااااصه القير العادي

سواء من ابو جميل او البازعي

واتوقع ان البازعي افضل مواصفات

وان شاء الله يب يفيدونك عشاق التايوتا

[أنا المسلم]

شكرأ وألف شكر لكل واحد أفادنا

[براري القصيم]

كان عندي برادو(الشكل الجديد)لأكثر من سنتين
السيارة مافيها كلام ولكن (حط خط تحت كلمة ولكن)
شكل خلفية السيارة قبيح
الأمر الثاني
لكي تتأكد أن السيارة سريعة الانقلاب قم بجولة على تشليح الحاير
وفي الكويت يسميها بعضهم (المقبرة) لكثرة انقلابها
ولذلك تبي (سواقة شيبان)
واستخر ربك سبحانه بعد المشورة ، وانصحك بالست سلندر2005 فما فوق لأن التماتيك خمس تعشيقات والعادي ست ، والتماتيك أريح وارغب عند البيع
وإذا تبي تشتري مستعمل رح للكويت لأن أسعار البرادو هناك مناسبة جدا
وفقك الله.

[ابن عتيبه]

تبي نصيحتي وانا اخوك رغم اني كنت ابيع النصايح بس لك انت بلاش هالمره


برادو كلام

توكل على الله الجيب خاش راسي وانا افكر فيه من عام 2003

بس مواصفات خليجي استبنه معلق علشان اكشخ وافضل وعشان تانكي البنزين ياخذ مساحه اكثر

[راس الرعيلة]

توكل على الله وخذه..

خذ تماتيك ,,في اكس و الجي اكس لا تقربه ,,,وان قدرت على الفل تراه مرييييييح اريح جيب ركبته البرادو فل كامل مساعدات هيدروليك...

والله ان مايعوقني عنه الا الدراهم ولا القضيه محسومه..

لكن باذن الله هو الخيار الاول اذا غيرت الموتر والخيار الثاني اف جي..

[صالح333]

السلام عليكم

ما رأيكم بالجيب موديل 2010

ولكم جزيل الشكر

[المسنلم]

يقولون من شاورك دخل ذمتك @@@
البرادو سياره لايعلا عليها وافضله على الاند الكبير وذلك من واقع تجربه ومميزاتها كاتالي:
سياره يابانيه 100% (_الى موديل 2009 فقط)
سياره قويه وجباره لابعدحد وفي البر والرمال لايعلى عليه
سياره متماسكه جدا ومتينه وصبوره
قطع غيار رخيصه جدا
وبالنسبه للاخوان اللي يقولون سريع انقلاب فامتاكد انهم جايبين هالمعلومات من خيالهم او بنا ء على اجتهادهم الشخصي واحب اقولهم ان معلوماتهم خاطئه 100%السياره راسيه وممتازه حتى البنشر ماياثر في رساوتها وسالفة التشاليح استغرب منها لاني على كثرة روحاتي للتشاليح لان لي صديق فاتح له محل فيها عمري ماشفت برادو واحد!!!
طبعا كلامي على البرادو موديلات(2003---2009)فقط طبعا فئة سته سلندر @@
وبالنسبه للجدد اعلى من هالموديل مع واحد من الزملاء2010 )اشتراه ورطان فيه من كثرة عيوبه ولايمدحه ابدا
وفوق كل شي ماندم من استشار ولا خاب من استخار