المساعد الشخصي الرقمي

مشاهدة النسخة كاملة : زيت القير العادي للجمس(استفسار)؟



GMC79
17/01/2009, 05:54 PM
المشكلة اني ما ادري عن الزيت الموجود فيه الان

لكنه خفيف جدا يبين من التهريب


الميكانيكي يقول غيره الى زيت لزوجته 140 احسن

اللي انا اخبره زيت القير لزوجته 90

وش رايكم اغيره الى 140 ؟؟؟؟؟ وهل هو مناسب؟؟

الموتر 2002 صحن 2500hd

bu talal
17/01/2009, 06:07 PM
أخي GMC79 حياك الله
نصيحتي لاتغيير زيت القير
زيده من الزيت الموجود بالوكالة لأن لزوجته تطول أكثر من الزيوت الأخرى
وخل الزايد ينزل للآخر وبعدين ضب البرغي
هذي نصيحة والأخوان يفيدونك

GMC79
17/01/2009, 06:15 PM
حياك الله اخوي

المشكلة اني قبل شهر فكيت القير والميكانيكي صب زيت لكن والله مدري وش لزوجته لكنه خفيف مرة وصار يهرب بقوة اذا جريت عليه

والا ماغيرته من راسي

ناوي نيه
17/01/2009, 09:08 PM
ايه اذا الزيت صار خفيف وفيه تهريب يكثر التهريب
بس الزيت حق قير الجمس الجديد يجي اخف من 90 ينبااع في الوكاله التر بحدود 100 !!!
وفيه نفسه اي سي ديلكو بس ارخص ب25 للتر وينبااع عند محل الغيار

ونصييييييييييييييييييحة مجرب لاتحط زيت 140 انا حطيته وفقع الصوف وثقيل على الموتر ولا ينفع
وعلى فكره زيت الدبل لا 90 ولا 140 زيت الدبل زيت القير التماتيك الخفيييييييف الاحمر
وترا زيت 90 مو بطال انا الحين حاط 90 وماااشي االحال


واشوا انك سئلت قبل لاتسوي شي.

GMC79
17/01/2009, 09:48 PM
ايه اذا الزيت صار خفيف وفيه تهريب يكثر التهريب
بس الزيت حق قير الجمس الجديد يجي اخف من 90 ينبااع في الوكاله التر بحدود 100 !!!
وفيه نفسه اي سي ديلكو بس ارخص ب25 للتر وينبااع عند محل الغيار

ونصييييييييييييييييييحة مجرب لاتحط زيت 140 انا حطيته وفقع الصوف وثقيل على الموتر ولا ينفع
وعلى فكره زيت الدبل لا 90 ولا 140 زيت الدبل زيت القير التماتيك الخفيييييييف الاحمر
وترا زيت 90 مو بطال انا الحين حاط 90 وماااشي االحال


واشوا انك سئلت قبل لاتسوي شي.
يهلا والله ومسهلا

تصدق عاد التهريب بين القير والدبل
يمكن التهريب من زيت الدبل؟

بس اخاف ان الزيت الموجود 90

وان شا الله امر الوكالة

عنزي من نجد
17/01/2009, 11:33 PM
ايه اذا الزيت صار خفيف وفيه تهريب يكثر التهريب
بس الزيت حق قير الجمس الجديد يجي اخف من 90 ينبااع في الوكاله التر بحدود 100 !!!
وفيه نفسه اي سي ديلكو بس ارخص ب25 للتر وينبااع عند محل الغيار

ونصييييييييييييييييييحة مجرب لاتحط زيت 140 انا حطيته وفقع الصوف وثقيل على الموتر ولا ينفع
وعلى فكره زيت الدبل لا 90 ولا 140 زيت الدبل زيت القير التماتيك الخفيييييييف الاحمر
وترا زيت 90 مو بطال انا الحين حاط 90 وماااشي االحال


واشوا انك سئلت قبل لاتسوي شي.

شوف انا ماذبحني بموتري الا تهريب القير والدبل وابعطيك نصيحة مجرب اول شي لازم تحط وجه اصلي اللي بين القير والدبل وتنظف مكانه صح اذا كان الميكانيكي حاط لك معجون يوم تفكه ولازم تتأكد انه رجع المسامير الاصليه والا الله يعينك على التشاليح وبالنسبه لزيت القير حط فوكس 90 قيمته بحدود الـ35 ريال وزيت الدبل حط زيت تماتيك مقاس 10 بس حط اصلي تلاقي ايسي ديلكو العلبه مقاس لتر بـ10 ريال وانشاء الله يضبط وترا احتمال اذا حاط لك الميكانيكي زيت 90 بالدبل بعد ماتغير الزيت بتنفقع الصوفه فاختصر الموضوع وغيرها اذا فكيت القير مره وحده والله يعينك

ابن عكاش
17/01/2009, 11:41 PM
ياخي تراك اشغلتنا بموترك غير اي زيت وريحنا ياخي
ولا مر ابن عبيد اوعسكر وهم يعلمونك
وترى عرفناك يالذيب
الله يوفقنا وياك

ناوي نيه
17/01/2009, 11:49 PM
يهلا والله ومسهلا

تصدق عاد التهريب بين القير والدبل
يمكن التهريب من زيت الدبل؟

بس اخاف ان الزيت الموجود 90

وان شا الله امر الوكالة
شف شيك وش الي ينقص الدبل ولا القير

ناوي نيه
17/01/2009, 11:50 PM
شوف انا ماذبحني بموتري الا تهريب القير والدبل وابعطيك نصيحة مجرب اول شي لازم تحط وجه اصلي اللي بين القير والدبل وتنظف مكانه صح اذا كان الميكانيكي حاط لك معجون يوم تفكه ولازم تتأكد انه رجع المسامير الاصليه والا الله يعينك على التشاليح وبالنسبه لزيت القير حط فوكس 90 قيمته بحدود الـ35 ريال وزيت الدبل حط زيت تماتيك مقاس 10 بس حط اصلي تلاقي ايسي ديلكو العلبه مقاس لتر بـ10 ريال وانشاء الله يضبط وترا احتمال اذا حاط لك الميكانيكي زيت 90 بالدبل بعد ماتغير الزيت بتنفقع الصوفه فاختصر الموضوع وغيرها اذا فكيت القير مره وحده والله يعينك

تصدق عااد عندي الحين تهريب مكانه من عند مسامير الدبل الي تمسك الدبل ببعضه
انت اي مساامير تعاني ....؟ لايكون تعااااني السراات

GMC79
18/01/2009, 12:18 AM
ياخي تراك اشغلتنا بموترك غير اي زيت وريحنا ياخي
ولا مر ابن عبيد اوعسكر وهم يعلمونك
وترى عرفناك يالذيب
الله يوفقنا وياك
:D الف مبروووووووك:D

معليش ازعجناك ماصارت مكالمة

ماضيعنا الاعسكر وما فيه شوق في الدمام

على فكرة النعيرية ممطورة فيك شده؟

GMC79
18/01/2009, 12:22 AM
شف شيك وش الي ينقص الدبل ولا القير
شيكت على الدبل يقول تمام

اما القير مالقا مفتاح للصرة الله من زين الورشة

بكرة ادور واحد صاحي مشكور الغالي

ناوي نيه
18/01/2009, 12:33 AM
شيكت على الدبل يقول تمام

اما القير مالقا مفتاح للصرة الله من زين الورشة

بكرة ادور واحد صاحي مشكور الغالي
ههههههههههه مالقا السره ولا ماعنده مفتااح للسره :D (على فكره تراا مفتااح السره ناااادر مو عند اي بنشري تحصله)
اذا انت في الخبر ابشر بلي يدلك بالبنااشر الي عندهم مفتاااح السره

GMC79
18/01/2009, 12:48 AM
لا والله مالقا مفتاح للصرة

انا حولك في الدمام دلني ولك الاجر

GMC79
18/01/2009, 02:00 PM
التهريب وقف شكل الزيت خلص يا ناوي نية وانت ماوصفتلي المشحمة

ناوي نيه
18/01/2009, 02:25 PM
التهريب وقف شكل الزيت خلص يا ناوي نية وانت ماوصفتلي المشحمة
ههههههههههه وراااك زعلت :D
زيين اذا وقف معناااته كاااان زااايد (نقول ان شاءالله)
بس لاتخاااف مستحيل يخلص مايخلص الا اذا صااار يصب صب وليس تقطيير

والله ياحبيبي الدمام ما اعرف فيها بس الخبر فيها خذ الوصف
مستشفى السعد مقاااابله محطة نفط فيها بنشري عنده المفتااح .على شاارع البيبسي ( هذا اسهل محل للوصف)

GMC79
18/01/2009, 02:40 PM
شف ازعل من الاعضاء كلهم ولا ازعل منك

اصلا انت الوحيد اللي معطيني وجه ومشارك في كل مواضيعي


ومشكور الوصف تمام وان شاء الله امر عليه المغرب ونخليه يشيك

عنزي من نجد
18/01/2009, 07:16 PM
تصدق عااد عندي الحين تهريب مكانه من عند مسامير الدبل الي تمسك الدبل ببعضه
انت اي مساامير تعاني ....؟ لايكون تعااااني السراات

لا انا اقصد المسامير اللي تمسك القير بالدبل

ناوي نيه
18/01/2009, 07:23 PM
شف ازعل من الاعضاء كلهم ولا ازعل منك

اصلا انت الوحيد اللي معطيني وجه ومشارك في كل مواضيعي


ومشكور الوصف تمام وان شاء الله امر عليه المغرب ونخليه يشيك
افاااا مابينا شي اذا ماخدمتك وماخدمت اعضاء مكشات بخدم مين>>>> وشفيـــــــــــــه
ردلنا وش صااار

ناوي نيه
18/01/2009, 07:24 PM
لا انا اقصد المسامير اللي تمسك القير بالدبل

ايه لا ابشرك كان فيه تهريب بين القير والدبل وصلحته ولله الحمد
بس الحين التهريب من الدبل نفسه قالو مكسور ولحمته قالو صوفه خلفيه وبدلتها ولا حيااه لمن تنادي

GMC79
18/01/2009, 09:33 PM
افاااا مابينا شي اذا ماخدمتك وماخدمت اعضاء مكشات بخدم مين>>>> وشفيـــــــــــــه
ردلنا وش صااار
انا وذا المفتاح كاني ادور جح في عز الشتاء اسبوع كامل ياله لفيته اعوذ بالله من الجمس وغثاه

رحت لهم وطبعا قعدت احوس في الخبر حوس وصلت جسر البحرين ورجعت الله من الضيعه الين لقيت مستشفى الاخ سعد

يوم وصلت ويقعد ابويمن ربع ساعة يدور المفتاح واستفزع بخويه وقعدو يدورون وجا معهم ثالث واستنفار الين لقوه في محل الكهربائي اللي جنبهم

فك الصرة قال الزيت ناقصا قلنا زده زاده تقريبا ست ضغطات بطرمة الزيت اللي معهم

توني جاي والموتر عند الباب اذا طلعت شيكت على التهريب

وان شا الله بشتري المفتاح هذا لو بالف ريال واحطه معي ورا المرتب وارتاح

مفتاح سداسي مقاس 8/3

ERIC7
18/01/2009, 10:55 PM
والله انك شكلك اتعبت نفسك بالحيل اذا المفتاح هو اللي في بالي
هذا مفتاح الن كي اللي يجي راسه منعفط بس مقاسه بالانش لو تمر اي محل سباكه تاخذ منه طقم النكيات ملي وانش كل طقم بحدود 12 ريال مع ان خبري قديم ولو تمر الحراج او شارع الريل في الرياض تلقا بعض المحلات يبيعونك بالحبه بدون مشاكل وهذي مهمه في المقاسات الكبيره اللي عادة ماتجي في الطقم مثل 14 , 16
وبالتوفيق اخوي وباذن الله ماترى بعدها مشاكل في الموتر

ابن عكاش
19/01/2009, 12:37 AM
:D الف مبروووووووك:D

معليش ازعجناك ماصارت مكالمة

ماضيعنا الاعسكر وما فيه شوق في الدمام

على فكرة النعيرية ممطورة فيك شده؟
مهيب شينه
والمطر إن شاء الله بياصلنا

GMC79
19/01/2009, 12:54 AM
والله انك شكلك اتعبت نفسك بالحيل اذا المفتاح هو اللي في بالي
هذا مفتاح الن كي اللي يجي راسه منعفط بس مقاسه بالانش لو تمر اي محل سباكه تاخذ منه طقم النكيات ملي وانش كل طقم بحدود 12 ريال مع ان خبري قديم ولو تمر الحراج او شارع الريل في الرياض تلقا بعض المحلات يبيعونك بالحبه بدون مشاكل وهذي مهمه في المقاسات الكبيره اللي عادة ماتجي في الطقم مثل 14 , 16
وبالتوفيق اخوي وباذن الله ماترى بعدها مشاكل في الموتر
ابد هو اللي في بالك
وهذا اللي بيصير بروح اشتري باذن الله بس عساي القاه بسهوله لاني ما ادري عن سبب عدم وجوده عند اهل الاختصاص

عنزي من نجد
19/01/2009, 04:23 PM
ايه لا ابشرك كان فيه تهريب بين القير والدبل وصلحته ولله الحمد
بس الحين التهريب من الدبل نفسه قالو مكسور ولحمته قالو صوفه خلفيه وبدلتها ولا حيااه لمن تنادي

اذا فيه تهريب موجود الى الان معناه مو من الدبل مكسور هذا والله اعلم انه من العصاء حقت الدبل المكان اللي تركب فيه بالدبل مع الفك والتركيب فيه صوفه تخرب لازم تغيرها او من اللي حق تنسيم الهواء اللي بالدبل اذا كان مافيه بلف عندك ترا بيهرب فتره الزيت الزايد وبعدين بيوقف اصبر عليه شوي اذا ماوقف التهريب شيك على المكان اللي تركب فيه عصاء الدبل والساعه حقت الطبلون لف عليها شطرطون سباكه وبتظبط بس اهم شي غسل الموتر بستم وبعدين امش شوي وشف التهريب بالظبط من وين قبل تتعب

ناوي نيه
21/01/2009, 12:08 AM
انا وذا المفتاح كاني ادور جح في عز الشتاء اسبوع كامل ياله لفيته اعوذ بالله من الجمس وغثاه

رحت لهم وطبعا قعدت احوس في الخبر حوس وصلت جسر البحرين ورجعت الله من الضيعه الين لقيت مستشفى الاخ سعد

يوم وصلت ويقعد ابويمن ربع ساعة يدور المفتاح واستفزع بخويه وقعدو يدورون وجا معهم ثالث واستنفار الين لقوه في محل الكهربائي اللي جنبهم

فك الصرة قال الزيت ناقصا قلنا زده زاده تقريبا ست ضغطات بطرمة الزيت اللي معهم

توني جاي والموتر عند الباب اذا طلعت شيكت على التهريب

وان شا الله بشتري المفتاح هذا لو بالف ريال واحطه معي ورا المرتب وارتاح

مفتاح سداسي مقاس 8/3
اشوااا انهم لقوووه والا كااان وجهي في الحضيض:eek:
ابس تراا ست ضغطاات مو بسيطه يعني عندك تهريب قوي
ايه والله ذا المفتااح عله بس انت اعرف البناشر الي عندهم ذا المفتاح

لاتنسى ترد وش صااار معك بخصوص التهريب

ناوي نيه
21/01/2009, 12:14 AM
اذا فيه تهريب موجود الى الان معناه مو من الدبل مكسور هذا والله اعلم انه من العصاء حقت الدبل المكان اللي تركب فيه بالدبل مع الفك والتركيب فيه صوفه تخرب لازم تغيرها او من اللي حق تنسيم الهواء اللي بالدبل اذا كان مافيه بلف عندك ترا بيهرب فتره الزيت الزايد وبعدين بيوقف اصبر عليه شوي اذا ماوقف التهريب شيك على المكان اللي تركب فيه عصاء الدبل والساعه حقت الطبلون لف عليها شطرطون سباكه وبتظبط بس اهم شي غسل الموتر بستم وبعدين امش شوي وشف التهريب بالظبط من وين قبل تتعب

واقسم باالله اني تعبتك بس تكفاء تحملني
الي فهمت منك مكان عصاء االدبل فيه وصله من تحت بين العصاء والدبل العصاء ذي شابكه في الدبل يعني من ذاااك المكان تتوقع .
وتغييرها يحتاج ينزل الدبل..؟
والي بل احمر مافهمت ياليت توضح
ومعليش على القلق الي مسويه لك تحملني تكفاء

عنزي من نجد
21/01/2009, 07:41 PM
واقسم باالله اني تعبتك بس تكفاء تحملني
الي فهمت منك مكان عصاء االدبل فيه وصله من تحت بين العصاء والدبل العصاء ذي شابكه في الدبل يعني من ذاااك المكان تتوقع .
وتغييرها يحتاج ينزل الدبل..؟
والي بل احمر مافهمت ياليت توضح
ومعليش على القلق الي مسويه لك تحملني تكفاء

صحيح المكان حق العصا اللي تقول هو اللي اقصد وانشاء الله مايحتاج تنزيل الدبل واللي بالاحمر فيه ستة مسامير تمسك القير بالدبل هاذي اللي اقصد واي شي تبي انا حاضر

ناوي نيه
22/01/2009, 03:19 AM
صحيح المكان حق العصا اللي تقول هو اللي اقصد وانشاء الله مايحتاج تنزيل الدبل واللي بالاحمر فيه ستة مسامير تمسك القير بالدبل هاذي اللي اقصد واي شي تبي انا حاضر

الله لا يهينك وبيض الله وجهك وعزة الله انك ماقصرت

GMC79
24/01/2009, 05:31 PM
اشوااا انهم لقوووه والا كااان وجهي في الحضيض:eek:
ابس تراا ست ضغطاات مو بسيطه يعني عندك تهريب قوي
ايه والله ذا المفتااح عله بس انت اعرف البناشر الي عندهم ذا المفتاح

لاتنسى ترد وش صااار معك بخصوص التهريب

تبي الصدق عاد

السالفه وما فيها بيني وبينك

هو اني اني جيت من الشرقيه الى الرياض بالجمس في اقل من ساعتين امشي طبلونه يوم وصلت لقيت التهريب واضح حاولت اشيك على الزيت ماقدرت والسبه هالمفتاح والتهريب كان يخف يوم عن يوم الين رجعت للدمام ورحت للبنشري صاحبك وزاد الزيت ومن يومها والتهريب شبه توقف والله يستر علينا وعيكم

عنزي من نجد
25/01/2009, 07:57 PM
على فكره يالربع ترا فيه زيت عند العليان اللي بطريق خريص زيت تحطه مع زيت القير ويوقف التهريب البسيط بس ترا ماجربته اذا منكم احد مجربه يفيدنا

ناوي نيه
25/01/2009, 08:50 PM
على فكره يالربع ترا فيه زيت عند العليان اللي بطريق خريص زيت تحطه مع زيت القير ويوقف التهريب البسيط بس ترا ماجربته اذا منكم احد مجربه يفيدنا
تكفاء مالهم فرع في الشرقيه
بس اخاف يضر علي الدبل ولا شي

ناوي نيه
25/01/2009, 08:52 PM
تبي الصدق عاد

السالفه وما فيها بيني وبينك

هو اني اني جيت من الشرقيه الى الرياض بالجمس في اقل من ساعتين امشي طبلونه يوم وصلت لقيت التهريب واضح حاولت اشيك على الزيت ماقدرت والسبه هالمفتاح والتهريب كان يخف يوم عن يوم الين رجعت للدمام ورحت للبنشري صاحبك وزاد الزيت ومن يومها والتهريب شبه توقف والله يستر علينا وعيكم
ايه ترا فعلا الجور على السياره يكثر التهريب مره رحت الصمان وانا جاير عليه
ورجعت البيت واطلع من بكره واشوف نقط الزيت تحت موتري

حسين السبيعي
07/02/2009, 02:19 AM
عندي نفس المشكله ياشباب كان زيت الدبل 10 احمر بدلته الي 90 فوكس خف التهريب مره ولكن باقي موجود وتهريب يجي عندي من فتحه فوق الديل زي المصوره مفتوحه واتوقع انها لتصريف الزيت الزايد والله واعلم ولكم جميعا شكري وحترامي

عنزي من نجد
01/03/2009, 06:01 PM
تكفاء مالهم فرع في الشرقيه
بس اخاف يضر علي الدبل ولا شي
والله مادري بصراحه اذا لهم فرع بالشرقيه او لا واذا حبيت ياخالي ارسلي عنوانك اوانا ارسلك الزيت ترا حاضرين وبالخدمه

عنزي من نجد
01/03/2009, 06:02 PM
عندي نفس المشكله ياشباب كان زيت الدبل 10 احمر بدلته الي 90 فوكس خف التهريب مره ولكن باقي موجود وتهريب يجي عندي من فتحه فوق الديل زي المصوره مفتوحه واتوقع انها لتصريف الزيت الزايد والله واعلم ولكم جميعا شكري وحترامي

هاذي تنسيم للدبل ومع الجلد والحراره يطلع معها زيت

ناوي نيه
01/03/2009, 09:59 PM
والله مادري بصراحه اذا لهم فرع بالشرقيه او لا واذا حبيت ياخالي ارسلي عنوانك اوانا ارسلك الزيت ترا حاضرين وبالخدمه
الله لايهينك ووجهك ابيض
لقيت الي تقول عنه عند بنشري مكتوب عليه استوب علبته زي علبة التونه بس طويله
سئلته قلت وش وضيفته قال يثقل الزيت يخليه متماسك زي الصمغ السرااحه خفت منه وقلت لا تحطه



انت وشرايك هل هو الي تقول عنه
وتنصحني احطه ولا لا...؟

حسين السبيعي
02/03/2009, 02:33 AM
مشكور ياوايلي علي المرور

عنزي من نجد
03/03/2009, 07:27 PM
الله لايهينك ووجهك ابيض
لقيت الي تقول عنه عند بنشري مكتوب عليه استوب علبته زي علبة التونه بس طويله
سئلته قلت وش وضيفته قال يثقل الزيت يخليه متماسك زي الصمغ السرااحه خفت منه وقلت لا تحطه



انت وشرايك هل هو الي تقول عنه
وتنصحني احطه ولا لا...؟
لا لاتحطه هذا يثقل زيت المكينه يحطونه اللي مواترهم مشنبره اذا جاء بيبيع السياره وبالنسبه للزيت اللي اقصد ابسئل وارد لك خبر انشاء الله