المساعد الشخصي الرقمي

مشاهدة النسخة كاملة : ادخل بس اعطيني رأيك ... انا وسيارتين باترول قديمة..



turkiq
17/01/2009, 10:57 PM
الموضوع خاص لكن بما انكم من محبي سيارات الدفع الرباعي فأنا طالب
مشورتكم لان الموضوع محيرني .. بس حط نفسك مكاني واعطيني رأيك



اولا انا من عشاق الباترول ..
ومن بدأت حياتي الوظيفية وانا اتمنى شراء سيارة باترول قديمة (موديل الثمانينات)
لاعجابي بهذا الموديل ... وفعلا وبعد عدة سنوات اشتريت واحد موديل 86 هاردتوب
وحالته اقل من متوسطة .. وصارله معي سنتين ما قال شي ما شاء الله عليه
والان جاتني شوية دراهم وابي اجدده بشكل كامل .. واعددت خطة لهذا المشروع


طيب وين المشكلة .....؟؟!!



المشكلة اني وقعت على باترول موديل 76 الشكل (اللي يمثل الجيل الثاني من باترول)
ومعروض للبيع .. وبسعر مناسب ... والسيارة ما فيها عيوب رئيسية (لا بأس فيها)
وافكر جديا في شرائها .



لكن المشكلة الان .. انا بين خيارين :

1- اشتري ال 76 وهذا راح يأثر على ميزانية تجديد ال 86 (يعني ما راح يكتمل المشروع).

او

2- اجدد ال 86 حسب الخطة .. لكن يمكن ال 76 يروح علي خصوصا انه صار نادر ونادر جدا



ادري ما لكم في السالفة لكني فعلا محتار


اشكركم جدا




تركي

مشعل العيسى
17/01/2009, 11:04 PM
نصيحة مجرب .... وانت بالخيار والموضوع طبعاً راجع لك ... لكن من باب النصحية ...

اذا كان معك فلوس فانا اشوف انك تتبيع الجيب اللي معك وتزيد عليه وتحطها في جيب جديد او مستعمل نظيف وموديله اخو الجديد افضل لك .. اما القديم كان بتستعمل وراعي روحات وطلعات فانا اضمن لك انه كل يوم بيطلب منك لين يفلسك ... وهذا تجربتي ...

موفق ومعان ومسدد ...

escape_man
11/12/2012, 02:38 PM
اخوي مشعل

الرجال يتكلم عن موديلات الكلاسك .. عن الآنتك

هذي هواية لها عشاقها

من رايي وانا اخوك .. الحق على 76 كان شاصيه ودفرنساته شغالة

هذا كان عندك زود وشغف بهالموديل وبنيتك تقنيه للمشاركة في العروض

او التجمعات ..

المواتر هذي لا ضبطتها تسلك معك .. شف الجموس الي معنا سبعينية ونروح عليها وين مانبي

ذيب زلفاوي
11/12/2012, 04:24 PM
اختار واحد منها

باترول 88
12/12/2012, 12:54 AM
اولا استخير ربك
ثانيا وضعت نفسي مكانك واحترت مدري وش اختار
ولاكن انا اميل الى انك تشتري 76 وتزبطهن حبه حبه
وبالتوفييق لك

Salamah.y
12/12/2012, 03:13 AM
لو مكانك , اضمن الـ 76 الحين و ان شاء الله التجديد ما عليه فوات
الله يرزقنا وياك من واسع فضله , انا احترم هالهوايه و الحال من بعضه
ان شاء الله , تطول اللي ببالك , انبسط دام هالشي يوسع صدرك و ما يخالف شرع الله

,

سمعت ان قطع غيار الباترول القديم متوفر بكثرة في الفلبين ~
إذا ممكن تتواصل مع احد هناك , ممكن يخدمك و يأمن لك بعض القطع

كل التوفيق , و لا تحرمنا من الصور و مراحل التجديد
تحياااتي @~

المميـز
13/12/2012, 01:10 AM
:

الموضوع قديم من عام ٢٠٠٩

يغلق

: