تبي تركب طربال ( حنايا وشد ) ؟؟ أدخل هنا

[أبو نايف]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

في هذا الموضوع ابي اوريكم طريقه تركيبي للطربال واتمنى تستفيدون منها

أولا الحنايا هذي انت على راحتك تسويها زي ما تبي
والاكثريه يفضلون انها تكون على حد التنده علشان ما يتقطع الطربال مع الهواء والشي الثاني انضر للموتر

انا بالنسبه لي افضل ارفعها عن التنده بشي بسيط علشان لو حملت شي رفيع شوي مااتوهق
كما في الصوره
http://www.mekshat.com/pix/upload/images4/mk7589_ertfa3.JPG

المهم الحنايا انت اللي تختارها على كيفك ..

الشي الثاني الطربال ( القماش )
أفضل قماش هو القماش التنزاني بلا منافس
لاسباب منها انه ما يشمر مع المويه ولا يخر مع المويه
وفيه انواع اخرى ( باكستاني , روسي ......) بس كلها تشمر مع المويه بعدين
انسى انك تسكر السحاب

الشي المهم في الطربال انه يكون مشدود
لانك اذا ما شديته يبي يتقطع ويبي يزعجك
http://www.mekshat.com/pix/upload/images4/mk7589_mshdood.JPG

لاحظ في الصورة السابقه خلفيه الطربال انا حاط سحاب وبعدين لزق شمع علشان يصير مخفي

ولا تنسى تخلي المحل اللي يبي يفصله لك يحط لك دريشه بلاستيك علشان تشوف اللي وراك
وتشوف اغراضك
مثل كذا
http://www.mekshat.com/pix/upload/images4/mk7589_insaid.JPG

لاحظ في الصوره السابقه اني حطيت الحنايا حقت الموتر داخل الطربال وهالشي علشان ما يدخل
مويه داخل الطربال وهذي صوره من قدام ( بدايه الطربال )
http://www.mekshat.com/pix/upload/images4/mk7589_front.JPG

باقي اللحين تثبيت الطربال
طبعا انت ما تبي المويه تدخل داخل الطربال ولا تبي الغبار بعد علشان كذا انسى
مسئله الحبال فيه مسامير التثبيت سهله الفك والتركيب وقويه اول شي تثبتها في
الشد كما في الصوره التاليه
http://www.mekshat.com/pix/upload/images4/mk7589_msameer.JPG
لاحظ في الصوره السابقه الفتحه تركب في نفس الطربال
وهذي الصوره بعد التركيب
http://www.mekshat.com/pix/upload/images4/mk7589_after.JPG

وبعدين تكون مخفيه كما في الصوره التاليه

http://www.mekshat.com/pix/upload/images4/mk7589_last.JPG

باقي شي اخير انا انصحك به علشان ما يطلع للطربال صوت ابد
اذا رحت للي يفصل خله يحط لك حزامين في اول الطربال زي كذا
http://www.mekshat.com/pix/upload/images4/mk7589_7zaam.JPG

واذا ركبت الطربال اربطهن في اسفل الموتر يعني في الشاص او في اي حديده تشوفها
http://www.mekshat.com/pix/upload/images4/mk7589_rb6.JPG



في الختام اتمنى تستفيدون من تجربتي
وارجوا من الاخوان التعليق على الموضوع فاللي عنده طرق افضل لا يبخل علينا

وتقبلوا تحياتي
اخوكم
ابو نايف

[أيمن]

فكرة رائعة .. وسلمت يمينك على هالموضوع الجديد والمختلف كليًّا ..
لاسيما وأنه واضح جدا ومدعم بالصور ..
وبالنتظار جديدك ..

شدني فكرة تثبيت الشد بالمسامير؛ لأني سبق وبحثت عنها ما وجدتها، فوين ألقاها في الرياض؟

تحيتي

[أبو نايف]

أهلا بك مشرفنا الكبير أيمن

أشكرك جزيل الشكر على التعليق على الموضوع

اما بالنسبه للمسامير تلقاها في الغرابي
واذا بغيت المحل اللي انا مفصل عنده
اذا جيت لاول الغرابي المحلات اللي يزينون الخيام وغيرها
نفس العماره بس في الجهه اللي يم عكس شارع الغرابي
فيه سكه صغيره يالله تدخل معها السياره
اسئل هناك عن يماني اسمه ابو عبده
ترا شغله ممتاز مره مره انا انصحك تشتري من عنده واذا انت بتشتري المسامير بس
تراه يبي يقولك بخمسه ريال المسمار الواحد واذا شبيتا عليه يبيلعه لك بـ 3 ريال
بس احسن لك تفصل عنده لانه ما عنده لف ودوران يقولك تبي تنزاني اصلي او غير الاصلي
وانا فصلته عنده مع 4 شنط معلقهن في وسط الشراع بـ 300 ريال

أرجوا ان اكون افدتك أخوي ايمن

تحياتي

[الجوني]

موضوع في قمة الإبداع...

ولي عودة بإذن الله لطرح بعض الأسئلة ومناقشة...

تستاهل التقييم أخوي أبو نايف ..

[راشد ابراهيم]

السلام عليكم ورحمة الله وبركاته صلى الله عليه وسلم جهد طيب تشكر عليه

[Bader-M]

الصراحه

موضوع ولا اروع :good:

ياسلام عليك يا الذيب

انت :good:

انت احسن احد ( على قولة ولد عمي :D )

الله يعطيك العافية

[راع الكحيلة]

بارك الله فيك
شرح وافي وجميل

[دكتور شبعان]

بسم الله الرحمن الرحيم
جهد جبار تشكر عليه
خاصة الصور التوضيحية

[الجوني]

عودتي للموضوع :/

أولا:/ أشكرك على هذا الطرح المبدع والمنسق ..

ثانيا:/ مسئلة الحديد اللي تربط به الشراع أن شفته بالغرابي (( سهل كسره ألمونيوم )) هذا اللي أنا شفته مادري إذا كان فيه نوع ثاني.. وبرأي الحبال أفضل :rolleyes:

ثالثا:/ مسئلة الرفع جميل نسبة ما لكن لبد أن لا يكون الرفع مره وحده يعني للهيلوكس يكون مابين 10 - 18 سم من فوق التندة اما الشاص مابين 15 -25 سم عن التندة ويفضل كذلك أن تضع ... كما في الصورة
كي يخفف نسبة الهواء ويكون الحديدة اللي على التندة حوايفها عليها ربل بحيث ماتضر التندة وكذلك كي لايتمزق الشراع

http://www.mekshat.com/pix/upload/images4/mk6202_mk7589_ertfa311.jpg

رابعا وأخيرا :/ لاتنسى إن الهنقل للسيارة يكون متحرك بحيث إذا تبي تفكه تفكه وترجعه إذا جيت تكشت مثل اللي بالصورة اللي بالخط الأحمر الهنقل اللي تحته يكون ثابت أما الباقي فيفك برفعه للأعلى وإذا قدرة أدبر لك صورة أبشر

http://www.mekshat.com/pix/upload/images4/mk6202_mk7589_insaid1.jpg


محبك أبو صالح

ياليت يكون ردي فهمته زين ..

[اسيزو 4x4]

السلام عليكم ورحمة الله وبركاته

الله يعطيك الف عافية :good:

والله انك رجال كفو بما تعنية الكلمة:good2:

والله استفدنا الشي الكثير ولا هنت يا ابو نايف ويالجوني

وتحياتي للجميع:D :D :D

[طالبان]

السلام عليكم ورحمة الله وبركاته
تسلم أخوي على الموضع الجميل والهادف......

[خشم الحصان]

الاخ الحبيب
الجوني
السلام عليكم
ماشاء الله عليك تبارك الرحمن مدري اخيي حنا ناضر الصور ولا نرد عليك بيني وبينك يابيلها ركاده
كنها فلم هندي طويل ويالله من فضلك مشكور كل الشكر علي ماقدمته والله يرفع من قدرك ويغفرلك
اخوك
خشم الحصان:D

[ناصر]

بصراحة موضوع يوسع الصدر
ومفيد بكل ماتعنيه الكلمه :good:

تقبل خالص التحيه اخوي ابو نايف

[أبو نايف]

أخواني
الجوني , راشد ابراهيم , طايربالعجه , راع الكحيلة , دكتور شبعان , اسيزو 4x4 , طالبان , خشم الحصان , ناصر

أشكركم جزيل الشكر على الرد على موضوعي ويشهد الله اني اتشرف بوجود اسمائكم في موضوعي , فجزاكم الله كل خير وعفا عنا وعنكم ...

==============================

أخوي الجوني رعاك الله

النقطه الاولى اللي تكلمت عنها هي المسامير
أنت تقول انها المنيوم يعني تنكسر علطول وتقول ان الحبال افضل
انا صراحه اخالفك الراي في هالنقطه مهوب علشانه المنيوم يعني انه ما ينفع بالعكس فهو ممتاز وقوي جدا هذا من تجربتي والشي الاهم سرعه فكه وتركيبه يعني ما ياخذ منك دقيقتين الشي اللي يبي ياخرك هي السبت المربوطه في الحنايا بس وبعدين يكفيك انه لا يدخل لا هواء ولا ماء ولا غبار ولاغيره يعني خيمه تمشي معك....اما مسئله انه ينسكر علطول شف اخي الكريم
اولا : مهوب بارز مره علشان نقول انه لو يطقه شي انكسر وهذا واضح في الصوره هذي
http://www.mekshat.com/pix/upload/images4/mk7589_last.JPG

ثانيا : انا اضمن لك ان اي شي يكسره فهو يبي يعفط البدي اكيد يعني منتب قاعدن ترزح الموتر انت ولو فرضنا انه طقه شي وانكسر اشتر مسمار بثلاثه ريال وبرشمه مكان الاول :)

نجي اخوي العزيز الجوني للنقطه الثانيه وهي رفع الطربال عن التنده
أعتقد أخوي ان هالنقطه ما اختلفنا فيها يعني انا رافعه 10 سم ومناسبه جدا
لكن !!!! الحديده اللي قلت ممكن ترهم وتكون متصله مع التنده
فهذي والله اعلم انها ما تصلح ليش ؟؟؟
لان اولا منتب قادر تثبتها بدون ما تخرم التنده او تلحمها في التنده وهالشي ما يستاهل
ثانيا انك تبي تخرم الحنايا والطربال فيبي يدخل داخل الطربال مويه يعني ما سوينا شي
ولو قلنا نثبتها في الحنايا بس وعند التنده نخليها نازله بدون ما تثبت في التنده فانا اضمن لك ما تتعدى 80 اللي وهي منعفطه للجهه الثانيه

مع اني الصراحه ما لاحظت اي فرق في الموتر الهواء يلعب بك اذا رفعت وجه موترك كذا تحس بالهواء اما بالنسبه للطربال اسئلني لااصوات ولا غير شي في دفع الهواء

اما اذا انت ملزم عليها فعندي طريقه اسهل وهي انك تلغي الحنيه الاولى في الشد وتثبت الطربال في حنايا الموتر اللي هي شد بلد والحنيه الثانيه في الشد تكون مرتفعه .
بس طبعا بتشوه شكل الشد وبعدين ما راح تعرف تشدها مظبوط يعني انواع الاصوات ويبي يتقطع طربالك .

النقطه الرابعه اللي تطرقت لها اخوي الجوني
هي فكه الحنايا وتركيبها وراء ( عقرب ) هذا شي اكيد واتوقع معروف عند كل الشباب .

أرجوا ان اكون وفقت في توصيل فكرتي اليكم
واحب اطمن الشباب من ناحيه انه يبي يتقطع مع الهواء انا مجربه ولله الحمد لا تقطع ولا جاه الا العافيه يعني ارفعه فوق التنده وانت مرتاح

طبعا هالكلام كله يحتمل الخطأ ويحتمل الصح فارجوا من كان له ملاحظه فلا يبخل علينا

وتقبلوا تحياتي
أخوكم
أبو نايف

[الضاري]

ماشاء الله عليك يابونايف ..
صراحه جهد تشكر عليه.

فيه بعض الناس يابغوا الدعوى دددددلع.. يركبون الطربال ويلبسونة من الداخل سدو.. ويحطون الحنايا على بستم تفك من أحد الجوانب وترتفع قليلا ويحطون لمبه مثبته على الحنايا من داخل وفيش للمبه ( يطفي ويشغل وأنت بالحوض ) وشنطة عزبة ثابته ( بالعرض ) وتوانك طولية على الجوانب وطبقة يكون لها مجرى في أعلى التوانك في الجزء الداخلي من الحوض تغطي الجزء السفلي من الحوض ( بين التوانك وشنطة العزبه ) يضعون تحت الطبقة مثلا بقيه العزبة والحطب والرواق والجزء الفوقي يفرش ويضع فية فراش البر وبعض الأغراض..

وسمعت بعد أنهم بالقصيم يركبون أقفال على باب الحوض الخلفي ..

يعني أذا ضبطت شغلك هذا و على جيب شاص وأنت بالبر والجوغيم وأمطار والشعبان تمشي..

خطررررر عليك
تدري لية ؟؟
يمكن ينفقع أمبير الوناسه عندك..

أخيرا
تقبلوا تحيات أخوكم / الضاري

[أيمن]

رب كلمة قالت لصاحبها دعني :D

أخوي الضاري - ولا يهون الموجود - نبي موضوع لكل جملة قلتها وشرح مفصّل بعد :) خصوصا للبستم اللي أسمع عنه لكن مدري وش هو !!
يالله شد حيلك ..

تحيتي

[بن نويشر]

جزاك الله خير ابو نايف على هذا الموضوع والفكرة الجيدة والمزيد المزيد بارك الله فيك ...

وطلب بسيط لأخونا أيمن بأن يحفظ هذا الموضوع المميز في المواضيع المميزة ...

لكن وش الأفضل ؟؟

الطريقة الذي عرضتها . أم الغطاء الجاهز من الفيبرجلاس (السليماني) .

تحياتي ،،

[أبو نايف]

أخي الكريم الضاري
صدقت طال عمرك وعسى الله يجيب الخير
واشكرك على تعليقك

أخي الكريم أيمن
انا معك والله هذي يبيلها موضوع لحالها بساتم ودلع

أخي الكريم سنيدي
انا بالنسبه لي هذي افضل
لاسباب منها
1/ ان الفيبر لازم يفك الحنيه اللي في الصندوق يعني حقت شد البلد وانواع السيلكون يلطس موترك
2/ ان الفير فكه وتركيبه غثا يبيلك ورشه تلحم وتصبغ من جديد وما فيه امل يرجعه لك شد بلد

اما الطربال فكه وتركيبه ما يخذ منك نص ساعه مع الشد وكل شي ..

وتقبلوا تحياتي
أخوكم
أبو نايف

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8666) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[أبو نايف]

أشكرك أخي أيمن

وجعله الله في موازين اعمالك

تحياتي
أخوك
أبو نايف

[عروان]

أخوي أبونايف


الله يجزاك خير على هالموضوع اللي مشغلني من زمان.

عندي موتري ركبت عليه شد حلو وركبت عليه شراع باكستاني مثبت بحبال ولكن الله لا يوريك مع المطر شمر وصار مقوس من فوق الشد والسحاب يبيله معابل علشان يصك و يوم انه شمر قصر مع الجوانب.


و أنا عازم اني أغيرة هالايام وكنت حاط في بالي أني أثبته بمسامير دريل في فريم الشد. ولكن بعد موضوعك هذا الظاهر ان فكرتك أطيب من واحدن طيب.

مدري أخوي أبو نايف عندك تلفون اليماني أبو عبده اذا ممكن ترسله لي بالخاص.



بارك الله فيك

[نجمة سهيل]

شرح مصور أكثر من رائع ، وتفصيل على كيف كيفك :) ، وباين عليك انك:good: ،

ننتظر المزيد من ابداعاتك ..

[أبو نايف]

أخي الكريم عروان

أشكرك على هذا الاطراء وماسوينا الا واجبنا وانا اخوك
أما بالنسبه لتلفون ابو عبده لا والله مهوب عندي
لكن على الوصف اللي ذكرته في الغرابي
وانشاء الله اذا مريت الغرابي مريته ونشدته عن تلفونه وارسلته لك .
وشكرا لك مره اخرى أخوي عروان ..


أخي الكريم نجمة سهيل
شكرا لك على ردك وجزاك الله خير الجزاء .

تحياتي للجميع
أخوكم
أبو نايف

[الضاري]

السلام عليكم ورحمه الله وبركاته جميعــــــا

حياك الله أخوي أيمن ..

رب كلمة قالت لصاحبها دعني !!!!!!!!!!!!

يعني ما مرت عليك الشغلات اللي ذكرتها في ردي السابق سواء رأيتها أو سمعت بها..

غريبه !!!!

[أيمن]

أخوي الضاري ..
ليس المقصد شخصي بدليل سؤالي لك في الموضوع وليس عبر الخاص .. وإنما المراد أن تعطينا من دررك ليستفيد الجميع ..

تحيتي

[الضاري]

حياك الله أخوي أيمن ..

والله يالغالي الأعتراف بالحق فضيلة فأنت أستاذنا في هذه الخيمه وخبرتي لاتقارن أبدا بخبرتك الكبيرة والعين ماتعلى على الحاجب.

أما من ناحية ما ذكرت فيما سبق فسأحاول أن أجمع بعض الصور التي تفيد الموضوع .

وبعدين عندك أغلب الأعضاء في المنتدى من القصيم وهم أصحاب خبرة كبيرة في هذا المجال وهم أول من أبدع في هذة الأمور... فيا ليت لو يعطوننا بعض الشرح والصور عما قلت سابقا:-

تفصيل شنطة العزبه وتثبيتها في حوض السيارة.

تفصيل توانك الماء الجانبية في حوض السيارة أو في أسفل السيارة.

وضع الطبقة في السيارة

تفصيل الطربال ووضع السدو من الداخل.

تفصيل الحنايا الثابته والمتحركه.

تركيب لمبه داخل الطربال .

تقبل تحيات أخوك / الضاري

[الضاري]

السلام عليكم ورحمة الله وبركاته

وأنا أتفرج على بعض الصور عندي رأيت هذة الصورة.. فتذكرت كلمة اخي / ايمن ..
رب كلمة قالت لصاحبها دعني..

أرفق لكم هذة الصورة التي توضح بعض ما قلتة في أحد ردودي السابقة في هذا الموضوع..
ولكن أعتذر لكم عن عدم وضوح الصورة..

وسوف أقوم أنشاء الله بجمع بعض الصور التي تفيد في هذا الموضوع .. وأتمنى أن تكون في القريب العاجل.
http://www.mekshat.com/pix/upload/images5/mk658_dary222.jpg
توضيح الصورة..

1- الطبقة التي توضع بين التوانك الجانبية في الحوض ولها مجرى خاص تمشي معة حتى يقف حدها الأقصى بشنطة العزبة .. في مقدمة الحوض.. ويثبت بطرف الطبقة من جهة الحوض لصتك أسود مطاطي يقوم بضغط وتثبيت الطبقة من جهة الباب الخلفي للحوض.
2- توانك جانبية تثبت في جوانب الحوض ويكون مخرج الماء في أسفل الحوض.
3- الجزء الداخلي للحوض ويوضع في بعض الأغراض التي لايوجد لها مكان في شنطة العزبة .. مثل الرواق والحطب وغير ذلك من الأغراض.
4- يوضع هنا عمود حديد ( يوضع بشكل عرضي ) وتثبت أطرافة بمطاط أسود يمنع الأهتزاز والأحتكاك بالتوانك .. يوضع بين التوانك وباب الحوض.
5- هذا حامل للصابون مثبت في التانكي.

وهذة الصورة واضحة..

http://www.mekshat.com/pix/upload/images5/mk658_dary333.jpg

هذة صورة لشنطة العزبة وتحتوي على تانكي في أسفل الشنطة..

http://www.mekshat.com/pix/upload/images5/mk658_santa.jpg

وترون مكان تعبئة التانكي وتصريف الماء الزائد من التانكي..( تحت الصابونة )

http://www.mekshat.com/pix/upload/images5/mk658_sabonh.jpg

وهذة لمبة مثبتة داخل الطربال ولها قاطع مثبت بجانب اللمبة.. يعني تشغل اللمبة وتطفيها وأنت داخل الطربال..
http://www.mekshat.com/pix/upload/images5/mk658_lambh.jpg

وهذة صورة توضح الحنايا المتحركة .. بواسطة ذراع الرفع ( رقم 1 بالصورة )
وكذلك قفل الحنايا حتى لاتنفتح ( رقم 2 )
http://www.mekshat.com/pix/upload/images5/mk658_zraaa.jpg
يمكن الأستغاء عن ذراع الرفع ببستم يرتفع للأعلى بعد فتح القفل .. وعندما أجد له صور سأنزلها للمنتدى..

أخير آمل تقبل تحياتي

أخوكم / الضاري

[الضاري]

السلام عليكم ورحمة الله وبركاته

وأنا أتفرج على بعض الصور عندي رأيت هذة الصورة.. فتذكرت كلمة اخي / ايمن ..
رب كلمة قالت لصاحبها دعني..

أرفق لكم هذة الصورة التي توضح بعض ما قلتة في أحد ردودي السابقة في هذا الموضوع..
ولكن أعتذر لكم عن عدم وضوح الصورة..

وسوف أقوم أنشاء الله بجمع بعض الصور التي تفيد في هذا الموضوع .. وأتمنى أن تكون في القريب العاجل.
http://www.mekshat.com/pix/upload/images5/mk658_dary222.jpg
توضيح الصورة..

1- الطبقة التي توضع بين التوانك الجانبية في الحوض ولها مجرى خاص تمشي معة حتى يقف حدها الأقصى بشنطة العزبة .. في مقدمة الحوض.. ويثبت بطرف الطبقة من جهة الحوض لصتك أسود مطاطي يقوم بضغط وتثبيت الطبقة من جهة الباب الخلفي للحوض.
2- توانك جانبية تثبت في جوانب الحوض ويكون مخرج الماء في أسفل الحوض.
3- الجزء الداخلي للحوض ويوضع في بعض الأغراض التي لايوجد لها مكان في شنطة العزبة .. مثل الرواق والحطب وغير ذلك من الأغراض.
4- يوضع هنا عمود حديد ( يوضع بشكل عرضي ) وتثبت أطرافة بمطاط أسود يمنع الأهتزاز والأحتكاك بالتوانك .. يوضع بين التوانك وباب الحوض.
5- هذا حامل للصابون مثبت في التانكي.

وهذة الصورة واضحة..

http://www.mekshat.com/pix/upload/images5/mk658_dary333.jpg

هذة صورة لشنطة العزبة وتحتوي على تانكي في أسفل الشنطة..

http://www.mekshat.com/pix/upload/images5/mk658_santa.jpg

وترون مكان تعبئة التانكي .... وتصريف الماء الزائد من التانكي..( تحت الصابونة )

http://www.mekshat.com/pix/upload/images5/mk658_sabonh.jpg

وهذة لمبة مثبتة داخل الطربال ولها قاطع مثبت بجانب اللمبة.. يعني تشغل اللمبة وتطفيها وأنت داخل الطربال..
http://www.mekshat.com/pix/upload/images5/mk658_lambh.jpg

وهذة صورة توضح الحنايا المتحركة .. بواسطة ذراع الرفع ( رقم 1 بالصورة )
وكذلك قفل الحنايا حتى لاتنفتح ( رقم 2 )
http://www.mekshat.com/pix/upload/images5/mk658_zraaa.jpg
يمكن الأستغاء عن ذراع الرفع ببستم يرتفع للأعلى بعد فتح القفل .. وعندما أجد له صور سأنزلها للمنتدى..

أخير آمل تقبل تحياتي

أخوكم / الضاري

[أيمن]

أحسنت وأبدعت يالضاري ..
وعدت فأوفيت، وبارك الله فيك على هالشرح الواضح والجميل ..

تحيتي

[أبو نايف]

أخي الكريم الضاري

الله يجزاك خير ويوفقك دنيا واخره قل امين

شرح رائع خصوصا الصور التوضيحيه .

أخوك
أبو نايف

[الضاري]

السلام عليكم ورحمه الله وبركاته

مشرفنا الغالي / أيمن

حياك الله وأتمنى أني أوفيت بوعدي.

الغالي / ابونايف
اللهم آآآآمين .. الله يجزاك خير على هالدعوة.

المشكلة أن فصل الشتاء أنتهى وأصحاب السيارات المطربلة فكوا الحنايا .. لكن أحاول أنشاء الله أجمع كل هذة الصور من سيارة واحدة متكاملة.

تحياتي

[نقا هشال]

الضاري يعطيك الف عافيه

ولاهنت

[فتـ الخرج ـى]

ما قصرت يا الضاري على الصور

[الضاري]

الأخوة الأعزاء ..

فتى الخرج

نقا هشال

حياكم الله وبارك الله بكما.

[الجمس]

اخوي ابو نايف
السلام عليكم ورحمة الله وبركاته
اشكرك على ما اتحفتنا به من معلومات عن الشد والطربال ومحاولة تفادي معضم العيوب وتداركها قبل التفصيل , فقد قمت بتركيب شد وطربال مستعينا بالله ثم بتوجيهاتك وكانت النتيجه ممتازه جدا ولكن بدل استخدام القماش التنزاني استخدمت الطربال البلاستك اخف واقوى ويعيش اطول ولايضره ماء ولايكمش . صحيح انه حار بالصيف ولكن من اللي يستخدمه في الصيف. على العموم جزاك الله كل خير واكثر الله من امثالك ولايهنون الربع الباقين .
الا على فكره , منين طيحك الله على هالشويب ابوعبده؟؟؟؟ عزالله انه فاهمن شغله ومحترف .
وللاخوان اللي يسالون عن تلفونه هو 4080740
تحياتي للجميع.

[المطلق]

موضوع جداً رائع

بارك الله فيك وما قصرت

[شاص]

على البركة الشد والطربال أخوي جمس ..
الطربال اللي ركبته تاياندي مثل اللي يركبونه التريلات ؟؟
بكم ركبته ؟؟
وين فصلت الشد ؟؟

[ابو ايمن]

شكرا لك اخ ابو نايف

عز الله إنك تعبت في الشرح والصور والتوضيح

لك كل الشكر والتقدير لاعدمنا أمثالك

[عاشق عرعر]

مشكور علي الموضوع سراحه كفييت ووفيت بس عندي سؤال وين المحل هل هو في المجمعه او غير ذلك وهناك اخوان يمدحون في محل بالرس فبماذا :confused: تنصحني تراني اطيع علما بان عندي ددسن غمارتين بكم يفصلي الشد كامل الحديد مع الطربال التنزاني واكون شاكر لك ياابونايف :D المبدع اخوك ابو فيصل

[شد حزامك]

اخوي ابو نايف
بارك الله فيك
انا عندي قلص( تيذر) شاريه من عند السنيدي ببريدة هل اقدر اركب عليه شد؟
وش الافضل افصل طربال ولا فيبر؟
وشكرا

اخوك ابوعبدالعزيز

[ابو سعد التميمي]

كفو والله يعطيك العافيه ماقصررررت لاهنت يالغالي

[ابـ معزي ـو]

الله يعطيك العافيه

كفيت ووفيت

وشيء رائع انك تنزل مثل هالمواضيع اللي بعض الناس يكونون بحاجتها

[almobd3]

مشكور اخوي لاكن كم يكلف كله على بعضه؟

[صحيح]

مشاء الله تبارك الله لاحول ولا قوة الا بالله

يعطيك العافيه والله وصراحة كان هذا الموضوع شاغل بالي الله لا يشغلن الا في طاعته.

[ابو تركيr]

مشششششششششكور على الفائدة

[alkongrs]

وش تنصحون اركب طربال تنزاني أوأي شي

[TURKI-HS]

الله لايهينك

[سعودي والنعم]

ماشاء الله عليك

[alkongrs]

ما شالله اول مره اشوف موضوع الطرابيل
والله ما قصرت

[woqaili]

يا ريت علشان تعم الفائده تعيد وضع الصور


تكفى

[الفريشه]

ياليت مكشات (ابوياسر)
يعجل يرجع لنا الصور بعد الانتقال للسيرفر الجديد
خاصة المواضيع القديمة
لي انني ابحث عن هذه النوعية من المواضيع منذ اكثر من شهرين

تحياتي للجميع

[سعيد حظ]

موضوع مميز بس يا ليت الاخوة المشرفين يعيدون رفع الصور من جديد حتى تتحق الفائدة دمتم بخير

[الرهدن]

مشاركة مكررة

[الرهدن]

السلام عليكم:


نفس الأمنية ,,
خصوصآ إني بحثت صور لقصر أبوجفان لوالدي
ولم تفتح لي ولاصورة
وأتمنى من عنده صورللقصر يسعفنا بها


ومكشات الحين صار ياسلام ,, وهذا بلا شك بفضل الله ثم بالجهود الجبارة من أبو ياسر

وهناك ملاحظة بسيطة وهي :
عند الرد على أي موضوع لك وقت محدد , وعندما تطلب حفظ المتغيرات تخرج صفحة بعدم تنفيذ ذلك
والواقع أنه تم تنفيذ الرد ,, ومن ثم تتكرر المشاركة كما حصل معي أكثر من مرة0



تقبل الله من الجميع صالح الأعمال
0

[احضري وبدوي]

شكراً لك
شكراً لك شكراً لك
شكراً لك شكراً لك شكراً لك
شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك شكراً لك
شكراً لك شكراً لك شكراً لك شكراً لك
شكراً لك شكراً لك شكراً لك
شكراً لك شكراً لك
شكراً لك

[نباك]

جزاك الله خير ابو نايف على هذا الموضوع

[ابو الجازي]

سلام عليكم كيف الحال يالربع

الله يعطيكم العافية طيب ومابي اطول عليكم ابي اركب حنايا وشد وش تنصحوني به

يعني وين اركبه فيه هل فيه محل معين شغله كويس وعلى كم اسعاره ولكم جزيل الشكر.

[ابو محمد سعود]

مشششششكور جدا

[شاص2006]

شرح متكامل بارك الله فيك

[م.عمر]

ماشاءالله تبارك الله ...
شغل مرتب واكثر اعجبن التثبيت بطريقة المسامير ..
ابسالك ياخوي لا هنت ..كم كلف القماش مع التركيب والوقت ...

[ابومحمدالبري]

مشاء الله تبارك الله

[ابوحازم ل]

أشكرك على هذا الطرح المبدع والمنسق

[---ابو يوسف-]

بالنسبه الي المسامير نبيعه حنا 3 والجمله2 محل الغانم وبنسبه الي التفصيل يوجد محل السحيم عنده هندي شغل وكاله وآسف انكان ضايقتك بس مجرد معلومه عشان الناس

[السناعيس .f16]

جزاك الله خير على الصور و التقرير المبدع

و انشاء الله يستفيدون الاخوان من تجربتك
وانا استفيد الكثير من تقريرك و يعطيك العافيه

[ابوايفاء]

الله يعطيك العافيه