المساعد الشخصي الرقمي

مشاهدة النسخة كاملة : مشكله بالباترول عند التشغيل



asd20009
18/01/2009, 11:27 PM
اخواني الاعضاء انا اول ماعرفت ان فيه ملاك للنيسان الباترول جيت عاضن ثوبي لاني عندي مشكله تواجهني له فتره وابي فزعتكم

انا عندي جيب باترول 99 نيسان
من دخل البرد علينا وهو الصبح يطول مايشتغل لكن يدق يدق السلف بعدين يشتغل بعد فتره من المحاوله ولو اشتغل يكون مكربن يعني فيه كربون اسود شوي مع الشكمان لانه كتم بنزين

الحلول اللي انا سويتها ::

غيرت ليات الصفاي حق البنزين والصفاي نفسه والبواجي ... طبعا زبط له كم يوم ورجع نفس العله

بعدين غيرت الطرنبه البنزين الي تحت الكلبليتر ولافي فايده

باقي لي الان الاصلاح للكلبليتر نفسه
مع العلم ان كثير قالو لي انو صافي ولا فيه اية مشاكل ...اقصد الكلبليتر

شباب لو فيه اية حل ردووولي بليز

===========
طبعا فيه مشكله ثانيه واعتقد باغلب مواتر الباترول تجي لانها جتني زمان كان معي باترول قبل 6 سنوات
............

المشكله انو احيانا اول مااامشي بالموتر وامسك الخط واوصل سرعه 60-80 تجي هزه للموتر شديده وتروح لما اهدي السرعه

======
طبعا لاتقولو لي ترصيص لاني دجيت وانا ارصص مافي فايده ؟؟؟

===========
تتوقعووو جلد او اذرعه ؟؟؟ او ربلات؟؟


اسف للاطاله وانتظر الحل لاعدمناكم

ابن عتيبه
19/01/2009, 04:56 AM
اخوي اسد 20009
مشكله الرجه في الموتر جت في موتري كانت تجي عند 100 ولا تفصل ليين اهدي رصصت الكفرات مرتين ما بين ارضي وعادي وغيرت الجنوط ووزنت الاذرعه ولافيه امل تروح

ولقيتها اخيرا في ترصيص عمود الكردان

قالي الميكانيكي ارصصه قلت لا غيره واذا ما راحت ارجعه لك والحمدلله راحت الرجه اما مشكلتك الاولي فلعل احد الاخوان يفيدنا والله من وراء القصد

باتروليك
19/01/2009, 09:09 AM
المشكلة هذي دايم تصير معي بالشتاء أنا معي باترول ربع 2006 وواحد من الربع معه فتك 2007 ونفس المشكلة وهي تدق ولا يشتغل والحل هو :
في كتاوت طرمبة البنزين . وللتأكد إذا دخلت المفتاح ودقيت ما تسمع وزة الطرمبة يعني ما تسمعه تشتغل . إذا حصلك هشي تقوم
1 - وتصك السلف
2 - تفتح غطا الفيوز.
3 - تدخل أيدك على فوق مسافة كفك بس ثم تلمس ثلاثة كتاوت متجمعة على شكل هرم . علما أن المسافة ضيقة جداً بين لوحة الكتاوت اللي راكبة فيها الكتاوت والديكور المغطي الكتاوت .
4 - بعد ما تحدد مكانها تقوم وتدخل مفك أو حديده وتطقق الكتاوت بشكل سريع وخفيف .
5 - ثم سم بالله ودخل المفتاح ودق سلف , وأن مشتغل صك السلف وعد المحاولة من جديد .
6 - ادع لي ولوالدين والمسلمين و أبرياء غزة و أعضاء موقع مكشات .
وشكراً...

ناصر97
19/01/2009, 12:48 PM
أسلام عليكم ورحمة الله وبركاته
مهب مدح في نفسي لكن الحلول الي افادوك فيها شباب وما قصرو 50% صحيحه
لكن المشكلة عندك (يسمى _ الشك (تماتيك)) ويسمى في الموديلات القديمة شفاد لكن يختلف من موديل الى موديل واي استفسار انا حاضر راسلني على الخاص اوnissansdrh@yahoo.com والله اعلم

http://www.mekshat.com/vb/images/misc/progress.gif

صدى الاهات
19/01/2009, 01:05 PM
اخووي مشكلة الرجه اما من احد اميرين امااا من عامود الدبل او عامود الكردان وللتاكد فك عامود الدبل وجرب ان مافي رجه اعرف من عامود الدبل وان الرجه مستمره اجل من الكردان امنى اني افدتك

الطرقي 1
19/01/2009, 01:13 PM
السلام عليكم
ناصر 97 انا عندي نفس المشكلة وابي الحل مديل 98 كلبليتر
مشكلة الرجة غيرالجلب الي فوق الاذرعة يمين ويسار او دبلهن ونشاء الله تروح الرجة ولاتعرض العمدان ترى مالهن دخل وان امكن تغير الجلب والربلات الاماميه خير وبركه

أبو طلح
19/01/2009, 01:37 PM
السلام عليكم

حبيبي انا عندي نفس مشكلتك الباترول 98 ربع يطول الفجر مايقوم ولا خليت شي ماسويته حتى انه خلص البطاريه علي من الدق

ورحت الى ميكانيكي ابشوف الكلبليتر فيه شي اولا قالي الكلبليتر ممتاز المشكله عندك في الكهرب ضعيف واروح للكهربائي ويزين الكهرب والحين مضبوط معي الحمد لله بس قبل تدق ادعس مره وحده بنزين اذا ماقام دق وانت ضاغط على الدعسه ثم دق على طول يقوم وهذي انا مجربه كم مره

asd20009
20/01/2009, 02:41 AM
اخوي اسد 20009
مشكله الرجه في الموتر جت في موتري كانت تجي عند 100 ولا تفصل ليين اهدي رصصت الكفرات مرتين ما بين ارضي وعادي وغيرت الجنوط ووزنت الاذرعه ولافيه امل تروح

ولقيتها اخيرا في ترصيص عمود الكردان

قالي الميكانيكي ارصصه قلت لا غيره واذا ما راحت ارجعه لك والحمدلله راحت الرجه اما مشكلتك الاولي فلعل احد الاخوان يفيدنا والله من وراء القصد
ياقلبي انتي تسلم انا الان غيرت عامود ذراع الدركسون ... لانيلقيته منعدك كله زيوت يخرخر .. وانشالله خير بس تدورن وش الغريب ؟؟ انه مايسوي هالحركه الا الصبح بدري اول ماامشي بعد التسخين ..... سبحان الله غيره لا ماتجي ....

asd20009
20/01/2009, 02:46 AM
المشكلة هذي دايم تصير معي بالشتاء أنا معي باترول ربع 2006 وواحد من الربع معه فتك 2007 ونفس المشكلة وهي تدق ولا يشتغل والحل هو :
في كتاوت طرمبة البنزين . وللتأكد إذا دخلت المفتاح ودقيت ما تسمع وزة الطرمبة يعني ما تسمعه تشتغل . إذا حصلك هشي تقوم
1 - وتصك السلف
2 - تفتح غطا الفيوز.
3 - تدخل أيدك على فوق مسافة كفك بس ثم تلمس ثلاثة كتاوت متجمعة على شكل هرم . علما أن المسافة ضيقة جداً بين لوحة الكتاوت اللي راكبة فيها الكتاوت والديكور المغطي الكتاوت .
4 - بعد ما تحدد مكانها تقوم وتدخل مفك أو حديده وتطقق الكتاوت بشكل سريع وخفيف .
5 - ثم سم بالله ودخل المفتاح ودق سلف , وأن مشتغل صك السلف وعد المحاولة من جديد .
6 - ادع لي ولوالدين والمسلمين و أبرياء غزة و أعضاء موقع مكشات .
وشكراً...

اخوي الغالي باتورليك انا شريت الكتاوت بس المشكله ان جوا موتري يعني عند الفيوزات فيه فقط ثلاث فيوزات كبيره باللون الازرق وكلها نفس القوه ... انا بحاول باول واحد من يمين ... وربك يوفق ...

وفعلا انا اسوي نفس كلامك قبل... ياقلبي تعلمني بالنيسان كل مواتري نيسان منول ...

وربي يوفقك انت ويغفر لك ولوالديك ولكل المسلمين اجمعين .. .وبنصر اهل غزه على عدوهم وكل اذناب اليهود ومن تبعهم...

asd20009
20/01/2009, 03:01 AM
اخوي ناصر 97 كلك ذوق ياقلبي وانت ماقصرت وتمت اضافت ياغالي ..

اخوي صدى الاهات ... كلك ملح لتفاعلك ياقلبي وانا زي ماقلت لكم غيرت مساعد الدركسون وان شاللله خير .. ولو مازبط بحاول بكلامك ...


اخوي ابوطلح ::

انا مثلك رحت وكشفت على الكلبليتر وقال مامثلوووه لاتغيره ... وشيك على الديلكوووو وغير البليتين وقالي يمكن من كهرب الكويل ... من ناحية الدقه لو عطيتها كهرب من المبرد وتزبط يكون البلا قوة او ضعف كهرب ... ولو دقيت والكهرب قوي وكويس يقول اجل البلا من السلف .... مع اني غيرت السلف جديد ودينمو الكهرب جديد والبطاريه جديده .. وللان لما يكون الجوووو بارد ماتشتغل على طوووول السياره ... عموما ياقلبي انا بحاول بالكتاوت وربك يعين وراي كشته الاربعا وبحاول فيه هناك ...

تحياتي لكل اللي شاركوني مشكلتي والله انكم كفوووووووو ونعم الرجال وماقصرتوووووووووووووووو

اخوكم اسد 20009

((السنياري))
20/01/2009, 03:11 AM
حل المشكله الاولى((فيه قطعه في الكبريتر اسمها((جوك)) تبي اعيار بس الي تخلي اسياره من اول ماتشغلها ضغط اسياره واحد او واحد ونص)) هذي يبيلها فنان مكانيكي عشان العيار

وانتبه لا تطيح بمكانيكي فاشل لايحوسلك الكبريتر
ولا يفك الكبريتر ((يعني يفلشه))مراح يرجع نفس ماكان

المشكله الثاني ((بدل المساعدي+المعاوني))حق الهيئه الاماميه

مرت علي هل مشاكل ومالقيت غير هل حل

جيبي جايزلي
20/01/2009, 12:44 PM
المشكله عندك والله العالم تمتيك اللى يشتغل اذا صارت السياره بارده يسمونه تمتيك الصباح الغه وتبى ترتاح وهى قطعه سودا فى الكبليتر دئريه من الخلف اما الرجه تئكد من رباطات العمدان وبالتوفيق

عنزي من نجد
20/01/2009, 05:48 PM
بالنسبه للرجه اللي من ثمانين الى ميه لاعمود ولاشي هاذي رح للصناعيه وخلهم يخرطون لك فلنجات الدفرنس واللي يبي ورشه مظبوطه بالرياض يراسلني وانا حاضر

لعيون فهد
20/01/2009, 08:50 PM
انا عندي باترول موديل 2004 وللعت لنبة التشيك وبعدين صر ضعيف وش المشكله فزعه

Black VTC
20/01/2009, 09:45 PM
انا عندي باترول موديل 2004 وللعت لنبة التشيك وبعدين صر ضعيف وش المشكله فزعه


اخوي لعيون فهد شف بريدك الخاص ...

adil33
20/01/2009, 09:52 PM
بالنسبة انه ما يشتغل فارجو ان تعمل وزن بلوف وباذن الله يشتغل معاك الصباح

لعيون فهد
20/01/2009, 10:45 PM
ابشرك قلبت الكتاوت وضبط الله يجزك خير ب
بلاك فتك

سسته
20/01/2009, 10:57 PM
مواتركم على 2005 و 2006 و 2007 ويالله تشتغل الصبح ...
ومعي واحد في الدوام جاي يداوم بموتره السبير .. ويقول عيا يشتغل الباترول ... علماً بان موديله 2008 فتك ... والله اشتري اكسنت كلها معاجين ولا اشتري موتر اقوم الصبح ما ادري هو يشتغل ولا لا ..

Black VTC
20/01/2009, 10:59 PM
ابشرك قلبت الكتاوت وضبط الله يجزك خير ب
بلاك فتك


على كذا رح للوكالة قطع الغيار و غيره وتحصل رقم القطعة على ظهر الاكتاوت وسعرها حدود 65 ريال و لاتهمله لان الاكتاوت اللي انت ركبته كبديل للاول تراه مستهلك وممكن يرجع وايضا ً اللي انت ركبته محل الريوس راح يحوس الكهرباء عليك لانه خربان فمشي عمرك لان كهرباء الماكينة اهم بس لا تهمله ...

الله يوفقك

بيبسي
20/01/2009, 11:33 PM
صار معي في 99 وبعته قلت يمكن الموديل فيه خلل وخذيت 2000 بوقته ونفس المشكله
غيرت كل شي مابقى الا الكلبليتر قالوا غيره وخلاص لكن بعته وتركت النيسان كله بدون رجعه

ناصر97
23/01/2009, 09:41 PM
ياخوان بنسبة للباترل الكلبريتر ليش في ناس شرو باترولات كلبريتر من الوكاله ولا احد اشتكى الى ما ندر لكن اسيارات المستخدمة ماتدري راعيه الى قبل ودا السياره للورشه ولا لا وذا سار في مشكله يجي ابو هناد او ابو يمن ويلعب في وزن البنص او اديلكو هذي محد يلعب فيها يتعلمون في مواترنا ومعروف كلبريتر انيسان مهما سار خله شد بلد الى باشديد القوي سبحانه لكن في حاجات يجهلونها ناس لكن اتجارب تكسب الواحد الخبره
1-تأكد ان اهواز الهوا موصله في محلها الصحيح
2-البليتين مايكون خربان
3-وزنيت البنص (دوران المكينة مثل اشد بلد وللمعلومية اسيارة مايوزن الهوا الى اذ كانت حارة مثال بعد مشوار
4-فلتر هوا نظيف
5-اسلاك البواجي + بواجي جديده
6-طبعن ان كان المشكله في مايسمى الشك (تماتيك) لازم يوزن واموتر بارد شرط اساسي
7- اديلكو موزون صح ويحتاج خبير عشان يتناغم مع الكلبريتر
8-الكويل يعمل بشكل صحيح
9- شرط اساسي طريقة ادعسة البانزين اصباح وحده مهب تخليه يشرق
اسف على الأطاله والأخوان يمكن يظيفون على المعلومات يمكن نسيت

asd20009
24/01/2009, 02:35 AM
تسلمون يالغالين
من ناحيه الرجه حليتها وهي غيرت عامود مساعد الدركسون والحمد للله زان الموتر ... وكاله ب150 ريال

اما من ناحية التشغيل بدلت الكويل وركبت حق 97 الي هو الكبير الحجم ... والحمد لله زان لان الظاهر ماكان يجيه كهرب قوي يقوووم الموتر وبكذا يخلي الطنربه مع كل تشغيله تعطي دفع بنزين وتصير هنا الكربنه والله اعلم ....

lowly
27/12/2012, 07:19 PM
الله يعين...........

ابو خالد 111
31/12/2012, 01:27 PM
اخواني الاعضاء انا اول ماعرفت ان فيه ملاك للنيسان الباترول جيت عاضن ثوبي لاني عندي مشكله تواجهني له فتره وابي فزعتكم




انا عندي جيب باترول 99 نيسان
من دخل البرد علينا وهو الصبح يطول مايشتغل لكن يدق يدق السلف بعدين يشتغل بعد فتره من المحاوله ولو اشتغل يكون مكربن يعني فيه كربون اسود شوي مع الشكمان لانه كتم بنزين


الحلول اللي انا سويتها ::


غيرت ليات الصفاي حق البنزين والصفاي نفسه والبواجي ... طبعا زبط له كم يوم ورجع نفس العله


بعدين غيرت الطرنبه البنزين الي تحت الكلبليتر ولافي فايده


باقي لي الان الاصلاح للكلبليتر نفسه
مع العلم ان كثير قالو لي انو صافي ولا فيه اية مشاكل ...اقصد الكلبليتر


شباب لو فيه اية حل ردووولي بليز


===========
طبعا فيه مشكله ثانيه واعتقد باغلب مواتر الباترول تجي لانها جتني زمان كان معي باترول قبل 6 سنوات
............


المشكله انو احيانا اول مااامشي بالموتر وامسك الخط واوصل سرعه 60-80 تجي هزه للموتر شديده وتروح لما اهدي السرعه


======
طبعا لاتقولو لي ترصيص لاني دجيت وانا ارصص مافي فايده ؟؟؟


===========
تتوقعووو جلد او اذرعه ؟؟؟ او ربلات؟؟




اسف للاطاله وانتظر الحل لاعدمناكم



بخصوص الرَجه انا كانت تجيني بموتري باترول صالون 92 بعد ماتوصل السرعه 80 احس الموتر مايمسك ورجَه غير طبيعيه طبعاً كان عليه كفر بالون الله لايعيد البالون
فحصته وقال لي الميكانيكي ( عامود مساعد الدركسون ) غيرته وكاله ومافاد , نصحني واحد من العيال وقال رصصه ترصيص ارضي وحتشوف راح يتغير ولكن الرجه ماراح تروح كلياً بس حتكون خفيفه ( وفعلاً ليومك من 4 شهور وهو الحمد لله كويس )

تقبل مروري ودمت :

111333
02/04/2013, 11:21 PM
السلام عليكم انا عندي نفس مشكلتك في التشغيل بس مب بالبرد بكل وقت واحس اذا طفيت الموتر تقل يبي يرمي