المساعد الشخصي الرقمي

مشاهدة النسخة كاملة : تعرف على حركات الشريطية وأصحاب المعارض الجزء الثاني للفائدة



راعي المجهم
19/01/2009, 07:40 AM
حركات شياطين المعارض والمزادات

الأسبوع الماضي داومت من السبت إلى الخميس كل عصرية وأنا في معارض

جدة والمزادات والصالات إلى مابعد العشاء يومياً

وكتبت لكم هذا التقرير الخطييير الذي يبين حيل الشريطية وأصحاب المعارض

الشلة مسوين حركة خطيرة جداً وأتفاقات بينهم عشان يثبتون الأسعار

يحرجون على نوع معين من السيارات الدارجة والماشي سوقها مثل الفوردات

واليوكنات والكامريات ويوصلونها إلى سعر معين بعدين يشتريها واحد

منهم من أصحاب المعرض أو المزاد لإيهام الناس أن هذا هو سعر السوق الحقيقي

لهذه السيارة بدون دفع فلوس فقط يعلنون في المكيرفون

أحد له نظر ,,,, أقول الله يباركله ,,,,,, يستاهل ,,,,, هاه ياشباب التقنيع الأخير

إذا دخل في المزايدة واحد مسكين مايدري وش الطبخة دفوها على ظهره

وإذا لم يزاود أحد قال المحرج الله يباركله لقد تم بيع السيارة

على فلان بن فلان ويعطيك أسم من رأسه ويحط كرت ( مباعة ) على زجاج السيارة

والحقيقة هو أن السيارة ترجع للحوش خلف المزاد

ويحرجون عليها مرة ثانية بعد يومين وهكذا

حركتهم زي حركة هوامير الأسهم ( تدوير) يبيعون بينهم بين حتى يرفعون السعر

والي يدخل بينهم يدفونها عليه

فأحذروا من شياطين معارض السيارات

ونصيحة لا تشتري مستعمل الآن

حتى ينخفض الجديد وتستقر أسعار المستعمل

منقوووووووول

http://www.alyaum.com/images/12/12972/638210_1.jpg


http://www.mekshat.com/vb/images/misc/progress.gif

بـلـيـهـان 1
19/01/2009, 08:20 AM
راعي المجهم شكرا لك و قد تابعت موضوعك الجزء الاول و كلها رائعه جزاك الله خير و شكرا جزيلا

راعي المجهم
19/01/2009, 08:33 AM
هلا اخوي بليهان

تصدق أن السعودية أرض خصبة للنصب واألأحتيال

ميدان عملي للنصابين والمحتالين

لكن الواحد يفتح مضبووووووط ويصحصح لهم

أبو ليان00
19/01/2009, 09:03 AM
صدقت أخوي راعي المجهم /// هذي غيض من فيض من حركاتهم اللي بصراحة تستلزم الرقابة الصارمة على معارض السيارات وعلى الشريطية اللي لاعبين لعبتهم ..

قبل شهر دخلت المعارض (النسيم) بأبيع سيارتي تريل بليزر 2006 المهم الكل يمر ولا يسوم يسأل كم سيم وإذا ما سيم يروح ويخليك فترة ثم يرجع يسأل مرة ثانية .... إلين جاك واحد مختوم على جبهته شريطي مع سبق الإصرار والترصد ومعه حاشية شريطية تحت التدريب ودارت المحادثة بيني وبينهم ::

الخبرة : سلام عليكم .
أنا : هلا عليكم السلام .
الخبرة : سيم المزيون .
أنا : سيم بــــ 0000 ريال .
المتدرب 1 : كم كني أسمع سعره جديد .
الخبرة : وبنظرة حادة للمتدربين طيب بعتنا بــــ ويفرق عشرة آلاف ريال .
أنا : ضاع الكلام شوي ورجع بشوي فلسفة : ما تشوف أنها ميب حقه يالحبيب .
واسمع المتدرب 1 والمتدرب 2 يتكلمون والابتسامات تعلو حواجبهم : شبك له الدبل أبو فلان( الخبرة).
الخبرة والمتدربين أخذوا جولة على السيارة وخذ يا تقليب وجوا عند الشنطة وبعدها ما أدري وين راحو مدري دخلوا مع الشكمان ولا وين راحوا .
بعد كذا كل من جاني سيم قلتله سومة الخبرة .. وكل من قلتله هالسومه يحسبني أكذب يناظر شوي ويهج وعلى هالحال إلى بعد صلاة المغرب قررت المغادرة وأنا أهم بالخروج وإذا بأحدهم يا راعي البليزر من بعيد وقفت :
سيم بكذا وكذا ... أنا ادور لي بليزر وأنا محتاجه ومن هالكلام بعته بالسومه صافي .. جرب الموتر وسألني عنه قلت له أصفطه لأخوي .. المهم رحنا للمعرض وكانت الفاجعة ..

اللي شرا السيارة ولد الخبرة المذكور أعلاه ،،، وهنا بدأ مسلسل آخر بين الخبرة وأبنه والحاشية ..

الخبرة لأبنه :: أنت ما تفهم الموتر قيمته في المعارض أدون من هالقيمة مهبول أنت منتب صاحي (( وكلام أكبر من كذا وتهزيء قدامي وقدام الحاشية )) وأنا كأني غير موجود ما علي منهم .

الحاشية للخبرة :: الرجال موب مقصر معكم وبيعطيكم بالسعر وينقصون 7 آلاف ريال من البيعة (( وأنا لازلت خارج نطاق الخدمة))

جوا عندي هاه وش ردك الولد جاهل والموتر خوانه في السوق ما وصلوا هالقيمة ..

أنا :: دراهمكم في مخباتكم وسيارتي معي ، لكن الرجال ما تثني كلمته الفلوس وأعطيهم شطر آخر في الصميم وأركب السيارة ..

الخبرة من القهر والغيض :: الموتر وشريناه وجعله ينشب بحلق الولد تعال يا ولد أكتب له ...

أثناء المكاتبه دخل علي رجل ملتزم كان من ضمن الحاشية دخل علي وهو يقول لي ضاحكاً :: كفو والله أنك نشبتها فيهم ... أمس نفس الطريقة جابوا راعي كامري بسومة وطلعوه بأقل منها 6 آلاف ريال وهذي شغلتهم يسوون المسلسل هذا وخذ يا تهزيء لين ينقص لهم الرجال بداية 500 ريال ويتورط بعد كذا بأكثر ..

المهم قبل لا يكتب الولد السعر قلت أطرح 500 ريال ( عن عيونهم ) وقلت للخبرة يا أبو فلان عشاكم ذا الليل علي <<<<< بس كذا أبي أغيضه ... قال :: لا الله يغنيك ... قلت : العشا قام وخلصنا ..

وفي النهاية /// أتمنى أنكم تنتبهون لحركات الشريطية اللي ما تنتهي وأنا الحمد لله ذا المرة سلمت منهم وصار حيلهم بينهم .... أعتذر عن الإطالة بس كان نفسي تعيشون الحدث اللي صار لي ..

راعي المجهم
19/01/2009, 09:42 AM
الشكر لمن عطر الموضوع برده وأتمنى لكم الفائدة

ابو الفهدة
19/01/2009, 10:29 AM
مشكووووووووووووووووووووووور خوي يعطيك ااااااااااااااااااااااااااااااااااااااااااالف عافية

راعي المجهم
19/01/2009, 01:01 PM
الشكر لله يا اخواني واسعدني ردودكم

راعي المجهم
20/01/2009, 01:18 PM
يرفع للفائدة

راعي المجهم
23/01/2009, 06:02 PM
في صبيحة يوم الثلاثاء 23/1/1430هـ توجهت الى التأمينات الاجتماعية لضم خدماتي السابقة في احدى القطاعات الخاصة قبل التحاقي بالتعليم ....

و طلب مني الموظف ابراز الهوية الشخصية لكي يطلع على معلوماتي الموجودة في قاعدة البيانات لديهم (على فكرة وزارتنا ليس لها قاعدة بياناتhttp://www.ksa-teachers.com/forums/images/sm/cry.gif)


و أنظروا الى المفاجأةhttp://www.ksa-teachers.com/forums/images/sm/ah.gif التي لم تكن في الحسبان فلقد وجدت أن شركة الناغي للسيارات (وكيل BMW و هيونداي) قد إستخدموا إسمي للتغطية على برنامج السعودة الخاص بهم http://www.ksa-teachers.com/forums/images/sm/ah.gifو اعتمدوا لي رواتب 10 أشهر مع العلم أني لم أعمل لديهم و لم أتقدم حتى بطلب وظيفة لديهم http://www.ksa-teachers.com/forums/images/sm/ah.gif.

طبعا أين ذهب المبلغ المعتمد ؟؟؟؟؟؟؟؟؟؟؟؟؟؟؟

قد تستغربون ذلك و لكن و الله هذا الذي حصلhttp://www.ksa-teachers.com/forums/images/sm/cry.gif

عندها خاطبت الموظف و قلت له:

أنا لم أعمل لديهم أصلا .........

قال هو:

هذا تلاعب من الشركة بالتعاون مع بعض موظفي مكتب العمل للتغطية و الإيهام بأن الشركة تشغل وظائفها بالسعوديين ... و على فكرة كثير من الشركات تعمل نفس الحركة.

ومالكم بالطويلة ........


أنا قررت تقديم شكوى الى الجهات المختصة لكشف تلاعب هؤلاء التجار الذين يدعون النهوض باقتصاد هذا البلد ...http://www.ksa-teachers.com/forums/images/sm/Diablo.gifhttp://www.ksa-teachers.com/forums/images/sm/Diablo.gif

ملاحظة : قد تكون أخي القارئ أحد هؤلاء الضحايا.... فتوجه الى أقرب مكتب للتأمينات الاجتماعية و أستفسر.

عاشق الفكسار
23/01/2009, 06:22 PM
ملاحظة : قد تكون أخي القارئ أحد هؤلاء الضحايا.... فتوجه الى أقرب مكتب للتأمينات الاجتماعية و أستفسر.
يوجد رابط تدخل فيه رقم السجل المدني وتعرف انت موظف باي جهة
ياليت الي عنده علم يفيدنا

سدير 1
23/01/2009, 06:27 PM
حسبي الله عليهم لاكن الحملة مستمرة ويعطيك العافية على هالتنبية

راعي المجهم
05/05/2009, 04:35 AM
هلا بالجميع وندعوا التوفيق لحملة خلوها تصدي

طالب هدد
05/05/2009, 07:40 AM
راعي المجاهيم كلام سليم وفعلا هذا مايحدث والعياذ بالله ولاكن الله يمهل ولا يهمل وللأسف لا يوجد الا مزاد واحد نضامه ممتاز وادراة اصحابه راقيه مع ان اسعاره شاده لاكن البقيه يفتح الله ياما ورطو ناس كثير خلال الخمس السنين الي اشتغلو فيها حريقه وطبعا اوقفوها المزادات منذ فتره لاكن صعبوها على الناس من يوم جعلو الاستيراد محدود الموديلات والله كريم بس ياليت الناس تفتح شويه وتركها من الشعارات الي ماتفيد وتصحصح.

سهيل تميم
05/05/2009, 07:44 AM
موضوع مهم لكثرة الغش من الي مايخافون الله ويرضون بمال الحرام

وفيه حركه لاحضتها بمزاد الرياض للسيارات الي على طريق الدمام..

السياره قبل لاتدخل المكرفون ..يجتمعون الشراطه على رفرف معين.. ويحسسون على الرفرف ويناضرون بعض ويتبسمون.. يعني بيفهمون الموجودين ان الموتر رايح فيها..

ولا نزل الموتر المكرفون ما أحد يزايد عليه وبالإخير يكون من نصيب احد هالشرييطيه وبالسعر الي يبيه..

طالب هدد
05/05/2009, 07:57 AM
صدقت أخوي راعي المجهم /// هذي غيض من فيض من حركاتهم اللي بصراحة تستلزم الرقابة الصارمة على معارض السيارات وعلى الشريطية اللي لاعبين لعبتهم ..

قبل شهر دخلت المعارض (النسيم) بأبيع سيارتي تريل بليزر 2006 المهم الكل يمر ولا يسوم يسأل كم سيم وإذا ما سيم يروح ويخليك فترة ثم يرجع يسأل مرة ثانية .... إلين جاك واحد مختوم على جبهته شريطي مع سبق الإصرار والترصد ومعه حاشية شريطية تحت التدريب ودارت المحادثة بيني وبينهم ::

الخبرة : سلام عليكم .
أنا : هلا عليكم السلام .
الخبرة : سيم المزيون .
أنا : سيم بــــ 0000 ريال .
المتدرب 1 : كم كني أسمع سعره جديد .
الخبرة : وبنظرة حادة للمتدربين طيب بعتنا بــــ ويفرق عشرة آلاف ريال .
أنا : ضاع الكلام شوي ورجع بشوي فلسفة : ما تشوف أنها ميب حقه يالحبيب .
واسمع المتدرب 1 والمتدرب 2 يتكلمون والابتسامات تعلو حواجبهم : شبك له الدبل أبو فلان( الخبرة).
الخبرة والمتدربين أخذوا جولة على السيارة وخذ يا تقليب وجوا عند الشنطة وبعدها ما أدري وين راحو مدري دخلوا مع الشكمان ولا وين راحوا .
بعد كذا كل من جاني سيم قلتله سومة الخبرة .. وكل من قلتله هالسومه يحسبني أكذب يناظر شوي ويهج وعلى هالحال إلى بعد صلاة المغرب قررت المغادرة وأنا أهم بالخروج وإذا بأحدهم يا راعي البليزر من بعيد وقفت :
سيم بكذا وكذا ... أنا ادور لي بليزر وأنا محتاجه ومن هالكلام بعته بالسومه صافي .. جرب الموتر وسألني عنه قلت له أصفطه لأخوي .. المهم رحنا للمعرض وكانت الفاجعة ..

اللي شرا السيارة ولد الخبرة المذكور أعلاه ،،، وهنا بدأ مسلسل آخر بين الخبرة وأبنه والحاشية ..

الخبرة لأبنه :: أنت ما تفهم الموتر قيمته في المعارض أدون من هالقيمة مهبول أنت منتب صاحي (( وكلام أكبر من كذا وتهزيء قدامي وقدام الحاشية )) وأنا كأني غير موجود ما علي منهم .

الحاشية للخبرة :: الرجال موب مقصر معكم وبيعطيكم بالسعر وينقصون 7 آلاف ريال من البيعة (( وأنا لازلت خارج نطاق الخدمة))

جوا عندي هاه وش ردك الولد جاهل والموتر خوانه في السوق ما وصلوا هالقيمة ..

أنا :: دراهمكم في مخباتكم وسيارتي معي ، لكن الرجال ما تثني كلمته الفلوس وأعطيهم شطر آخر في الصميم وأركب السيارة ..

الخبرة من القهر والغيض :: الموتر وشريناه وجعله ينشب بحلق الولد تعال يا ولد أكتب له ...

أثناء المكاتبه دخل علي رجل ملتزم كان من ضمن الحاشية دخل علي وهو يقول لي ضاحكاً :: كفو والله أنك نشبتها فيهم ... أمس نفس الطريقة جابوا راعي كامري بسومة وطلعوه بأقل منها 6 آلاف ريال وهذي شغلتهم يسوون المسلسل هذا وخذ يا تهزيء لين ينقص لهم الرجال بداية 500 ريال ويتورط بعد كذا بأكثر ..

المهم قبل لا يكتب الولد السعر قلت أطرح 500 ريال ( عن عيونهم ) وقلت للخبرة يا أبو فلان عشاكم ذا الليل علي <<<<< بس كذا أبي أغيضه ... قال :: لا الله يغنيك ... قلت : العشا قام وخلصنا ..

وفي النهاية /// أتمنى أنكم تنتبهون لحركات الشريطية اللي ما تنتهي وأنا الحمد لله ذا المرة سلمت منهم وصار حيلهم بينهم .... أعتذر عن الإطالة بس كان نفسي تعيشون الحدث اللي صار لي ..
ابو ليان انت الله قدرك وفهمتها غيرك كثيرررر مايفهما فتاخذه العاطفه ..... هذا هو الي مخلي ذا النصابين يعيشو .
وكلامك انا ابصم انه فعلا 100% سليم وهذا واقع وسببه الجهل واصلا ذا الخلق ناس مايتبارك في رزقها والعياذ بالله ويااااااااماااااااا يطلعون مكاسب وتلقى ديونهم اكثر منها والعياذ بالله وهذا عقاب الله وتلقى حالتهم اسؤا من اي شخص متدني المعيشه .

لاكن للأسف الناس اذا جت تحكم على من يترزق الله حكمت على الكل وانا مااخفي عليكم هي نسبه كبيره من نوعية (تكفى) لاكن مو الكل صدقوني فيه كثير يترزقون الله ومايرضون يدخلون على بيتهم لقمه حرام وهذي في الاصل من طباع وشيم بلدنا الطيبه الله يحفضها لاكن للأسف مايوهوجم بالتهم والقذف غير ها النوعيه لأن المسأله فيها ابليس والعياذ بالله منه .

فمن الافضل وارى ان اذا ضحك على المرء في مسأله تجاريه في أي سلعه كانت ان لا يرمي بلاه على نقابة من منهم غشه فل يرمي بلائه على غبائه الذي لاينتهي.

واوعجبت بتصرفك ياابوليان وياليت الكل يفهم هذه الحركه لأنها السائده مع اضافة نقطه بأنه اي شخص يأتيت ويقول العباره هذه( ابغى السياره للولد وتلقى ولده جنبه) ارجوك اكرشه كرشتا سنعه حتى لو سامها بمليون فأعرف انه سيكسر السومه بطرق احترافيه .

بو خليفه
05/05/2009, 08:00 AM
اثناء بيع السيارة قبل الخروج من السوق الكل يسوم على مزاجه لكن عند اتفاقية البيع يجب مسك عربون ما يعادل 5 - 10 بالمائة من قيمة السيارة قبل الخروج والشريطية يسوونها قبل الفحص يأخذ عربون منك وإذا السيارة لم تصلح لك العربون راح عليك فيجب عند البيع تسوي مثلهم امسك عربون وإذا فيها عيب ميكانيكي يعود العربون لكن هم يقول فيها و يطلع 100 عيب غير المكانيكية و يبقي تنزل السعر و إذا لم تبيع ينزل ويترك لك السيارة لكن انت خرجت من السوق و العودة تنزل السعر خاصة أن السيارة الكل يراها عودة و اكيد عودة السيارة يعنى فيها خلل او عيب كبير و لا تمت البيعه هذه حكاية من التلاعب
تحياتي

رحال7
05/05/2009, 08:40 AM
حسبنا الله ونعم الوكيل عليهم ..مجرمين!

اخى انت بارك الله فيك ضربت على وتر حساس واتمنى ان يثبت هذا الموضوع لتعم الفائده

من اساليبهم القذره اخراجك من المعارض اذا عجبه الموتر واحراجك ايما حرج!

قلة ذمه وجشع..نعوذ بالله منهم

اتمنى يكون للدوله دور لحماية الناس من هالمجرمين المحترفين ..بوضع مكتب يمثل وزارة التجاره والداخليه فى المعارض لاستلام الشكاوى واغلاق اى معرض تكثر عليه الشكاوى ومخالفة اى مشترى ماليا يعود عن البيعه او يتلاعب بمصالح المسلمين! ..كذلك هناك حل عملى بان يقوم هذا المكتب باستلام مبلغ 500 ريال من المشترى و500 ريال من البائع عند الاتفاق المبدئى تعاد المبالغ بعد كتابة العقد واذا لم تتم البيعه بتراجع اى طرف تذهب 500 ريال الطرف المتراجع! لمكتب الحكومه! اما اذا تراجع الطرفين برضىاهم جميعا فيتم اعادة المبالغ للجميع مع خصم 100 ريال على كل طرف!
ويكون الذهاب لمكتب الحكومه اختيارى...لكى لا يكون هناك حرج! ...بهذا ستجد البائع يقول للشريطى فلنذهب الى مكتب الحكومه لنثبت البيعه ! عندها لن يذهب وسيبدا بالمراوغه فتقول له توكل على الله لن ابيع لك ولو بمليون ريال!

راعي المجهم
05/05/2009, 11:28 AM
الشكر للجميع وأتمنى لكم الفائدة

ابو رياض الهل
05/05/2009, 11:47 AM
لللأسف ان هذا يحصل في بلاد الحرمين نصب وحلف واستغلال حاجة وجهل وطيبة الناس انا من كثر ماتخوبرت بالسيارات راح أألف كتاب عن ماتعرضت له من خوابير والسبب للاسف واحد انني احسب ان العالم مثلي ( ولاازكي نفسي ) تتعامل بالصدق والامانه وانصح الي يذهب للمعارض للشراء او البيع لايهمك الشكل والمظهر لانه صار ستار المحتالين والنصابين وانا اعرف زملاء كثير شريطية تركوا هذا المجال بعد سنوات لانه مافيه بركه والفلوس الي تدخل عليك والله منزوعة البركة .

بو خالد77
05/05/2009, 05:52 PM
الله المستعان..

الله يكفينا والمسلمين شرهم

.........

رشيد22
05/05/2009, 06:13 PM
يعطيك العافيه على الموضوع انت ماتشوف وجيههم مايه ملح وبارده من الغش نعوذ بالله الا من رحم الله؟؟ اما طريقة التامينات صارت مع خالي لقى نفسه موظف في شركة البان شهيره عندنا وهو ماهو موظف عندهم شي غريب

محمد بن سعيد
05/05/2009, 07:06 PM
جزاك الله خير