المساعد الشخصي الرقمي

مشاهدة النسخة كاملة : توماتيك ولا عادي (فزعتكم يالنشامى)


fof6666
19/01/2009, 09:33 PM
السلام عليكم:

ناوي أشري سفاري 2005
ونصحني بعض الشباب بالقير ىالعادي لأنه أقوى وأصبر لكن التماتيك أريح وسهل الحصول عليه
فما رأيكم؟؟؟؟؟؟؟:confused:

وهل قير السفاري 2005 العادي مثل 2007 و2008؟؟؟؟؟؟؟؟؟؟؟
عاشق البترول
19/01/2009, 10:03 PM
امسيك بالخير اخي الكريم :)
والله ياخ اخوي اول شي الاستخاره ...
ثاني شي انا من ملاك السفاري الجديد وعندي واحد 2007 تماتيك والحمدلله على كل حال ..
الفرق بين العادي والتماتيك بالزحمه .. والقير العادي ضغطه مرتفع بالحيل بالحيل يفرق بالبانزين
اعطيك مثل .. التماتيك سرعتك 120 كيلو متر بالساعه وال ار بي ام على ال2 ونص تقريبا او اقل منه بشوي والعادي ال ار بي ام حقه 3 وشخطتين فرق كبير بينهم علما ان التماتيك اذا كان ال ار بي ام حقه 3 وشخطتين تكون السرعه حقه سرعه 160 كيلو متر بالساعه فالتماتيك اريح بالخطوط يكون ضغط المكينه نازل ومرتاحه المكينه ....و بالنسبه للقير لم يتغير شي ابد :)
اسف على الاطاله :) واتمنى اني افتدك اخوك نيسان بترول ...
تقبل تحياتي الخالصه..... لاتنسى الاستخاره.
الربذي
19/01/2009, 10:06 PM
وعليكم السلام
قير عادي ولاتحاتي
للجيب مامثل القير العادي عندك قبل اسبوعين خرب على السلف ودفينا السياره وشغلتها لو تماتيك على طول سطحة !! فاضين
اخر تماتيك خرب عليه وعلى طول سطحه وللورشه

واحد معه سفاري خرب عليه مرتين وباعه القير اوتو
جاري انفرط معه مرتين وهو مامشى الا 120الف وشايب ومطلعه وكااااااااااااااله
واخر وووووووووووو
القير الاوتو ماله ماله طعم عجزت اهضمه
سقت 2007في اكس ار تماتيك
وسقت 2009تماتيك
صراحه العادي اطلق واقوى
وخصوصا على الجيب الحين دور اكستيرا قير عادي ماتلقى لقطوها الناس لانه اقوى عزم وقليل خرابات
مريقب العيفار
19/01/2009, 10:09 PM
والله الناس الحين متوجهه للتوماتيك

اريح من العادي

زمان كانت الناس متخوفه من التماتيك والحين لا
fof6666
20/01/2009, 04:23 PM
اشكر الجميع على مرورهم ولاهنتو يالنشامى
هواوي
20/01/2009, 05:04 PM
السلام عليكم ورحمة الله


اخي الفاظل


نوعية الاستخدام هو ما يحدد نوعية القير


فان كان استخدامك له - استخدام مدني - يعني داخل المدينه او طلعات بسيطه للبر فعليك بالتماتيك


اما ان كان استخدامك له - اوف رود - يعني خارج الازفلت وانت راعي رحلات وكشتات وتبغا الموتر يعمر معك ولا يخرب فعليك بالقير العايدي بلا تردد


وقبل كل شي استخر


واخيرا انا من ناحيتي افضل القير العايدي وبشده
رحـ R ـال
20/01/2009, 05:13 PM
اذا كنت راعي مكاشيت فالعادي افضل
والله يوفقك