الزبيدي اللي فاتكو ...داخل شبوك هادكو

[ابو شكاع]

مسيهم بالخير
يقول المثل الصيني ... لاتلقط لي فقعة ...ولكني علمني أين تنبت الرقة
مثل مليان ...يعطي معاني كثيرة ... تشعر معه بالأمان << صار دعاية بطاقة فيزا مهوب مثل http://www.alrassxp.com/forum/images/smilies/sm1/u187.gif
لا سكروب أبوعيون ولازبيدي ولد الحزم
أبو ومشعل شديد الباس ........قوي العزم http://www.alrassxp.com/forum/images/smilies/sm1/u188.gif
هذا الله يسلمكم أبو مشعل ...أرسل لنا من هناك ...من حائل ... صور لقاطه للزبيدي
الرجال مكسور وعلى العكازة ...لكن مدام فيها زبيدي ... كل شي يهون ..الله يلبسه لباس العافية
الزبيدي ...اطلع خمس وعشرين فوق العامة أبيك :D
http://www.alrassxp.com/uploaded2/820/41232392618.jpg
.
.
يالله من فضلك يهالفلقوع اللي يخلي البس يقول للشاة ياماما اسناني واوا
http://www.alrassxp.com/uploaded2/820/31232392618.jpg
.
.
ماشاء الله ... أشم ريحة الزبيدي من خلف الكيبورد << منتب تهايط أبد
http://www.alrassxp.com/uploaded2/820/21232392618.jpg
.
.
الدفاية البيضا شكله أصلية << تفكير واحد بردان
شف يابوعيون بس ...وخل عنك http://www.alrassxp.com/forum/images/smilies/sm1/u187.gif
http://www.alrassxp.com/uploaded2/820/11232392618.jpg
.
.
رايح رايح الله لايعوق بشر ... لو يفصلونن البلدية http://www.alrassxp.com/forum/images/smilies/sm1/u187.gif
http://www.alrassxp.com/uploaded2/820/01232392618.jpg
.
.
.
.
هاللقاط الطيب ياجماعة من شبك هادكو
شبك هادكو يقع مابين حائل وبريدة
يعني تطلع من بريدة قاصد حائل يجيك على اليمين
والله يسلمكم وحياكم الله وتعالوا دايم ترانا هنا نربص مرو ونبيع الكيلو بعشرة

[عاشق البر 898]

الله الله الوعد بكرا مشيك عالمنطقه
مشكووووووووووور

[ابراهيم2008]

ما شاء الله تبارك الله
مشكور الله يعطيك العافية

[جبل راف]

الله يشفي الرجال وجزاكم الله خير طلعتوه للبر حتي يستانس بلقاط الفقع

جزاكم الله خير والله يقوم مريضكم بالسلامة

[فيوجن]

ما شاء الله تبارك الله
مشكور الله يعطيك العافية

[الخفاق]

مشكور اخوي على هاالمعلومات الطيبه<<بدا يخطط:cool:
حقيقه يوم شفت العنوان جاني مثل لااله الاالله:D
الاماتبيلك خوي:j

[سوبر152]

جزاكم الله خير والله يقوم مريضكم بالسلامة

[مدار السرطان]

ماشاء االله خخخخخخخ

والله واجد واغلبه زبيدي ياسلام يازينه مع السمن :D

عز الله يجيب العافية .. الله يجزاك خير

الكيلو بعشر ريال اجل احجز لي 10 كيلو يعني 100 ريال

عز الله دبل الي عندنا صندوق صغير بـ 150 ريال في شارع سلمان الفارسي . .

هذاك من المغرب بعد هذا من ديااااارنا ديار نجد ان شاء الله الشباب يروحون

ويجيبون لنا فقع هههههههه

[سطام vip]

ما شاء الله تبارك الرحمن

وبالعافيه عليه والله يشفيه وكل مسلم

دمت بخير

[نجم حفرالباطن]

ماشاء الله وش هالفقع الطيب
اخوي لاهنت علمن وين المكان بالتحديد لاهنت

[سالم1111]

الله يعطيك الف عافيه

[بن شمروخ]

ماشاء الله تبارك الله يستاهل الفقع والله يشافيه ويلبسه لباس الصحة والعافية

ايه والله صادق ياخوي ( مدار السرطان ) عندنا ناس الله لايوريك مدري منين هم جايين يبيع الفقع بالسعر الي يبيه ...

[AL-Hadbani]

انا في الرياض ممكن ترسل لي 10 كيلوا الله لايهينك وبأحولك مية اريل على حسابك ...
مادام إنك مكشاتي أكيد إنك ثقة .... إنزل خمسين يالذيب

[ابوحلووة]

الفقع وما ادراك ما الفقع الله يستر لا يصيرمثل فقع ناصر القصبي
والله اخاف اعني واخرتة يطردوننا هادكو ولا على مسؤليتك..
مشور اخوي الف شكر

[الظآمي]

ما شاء الله تبارك الرحمن

وبالعافيه عليه والله يشفيه وكل مسلم

دمت بخير

[ياهملالى]

ما شاء الله تبارك الله .. والكيلو بعشره .. هذا والله الزين

[ارنون]

اممممممممممم
فقع بين بريده وحايل اجل ابقول للسباب هناك يرسلون لنا خمسة كيلو لزوم الكبسه
اجل رابصين يابو شكاع هههههههه

[ارنون]

اجل ابقول للشباب هناك نبي خمسه كيلو يرسلونها لزوم المطازيز
اجل رابصين ابو شكاع ههههههههههههههه

[ابو شكاع]

ههههههههههههههههههههههههه
موتون ضحك الله يسلمكم
ياجماعة وراكم فهمتوا غلط
اللي الكيلو بعشرة المرو ...
بآخر المشاركة قلت إننا جالسين نربص مرو الكيلو بعشرة ...وترى اللي معرفة أبخليه له ب 5 ريال
والمرو الله يسلمكم هم الحصا الأبيض
وهالكلمة تطلق على من يرجي شي لايمكن أن يحدث .. يعني مثلا يقول لي رفيقك المدرس إنهم حطوه على المستوى المستحق لكن بالنسبة للدرجة المستحقة والفروقات بعدين
تقول له المستوى صحيح ... لكن الدرجة المستحقة والفروقات ربص مرو
يعني مهوب حاصلن لك شي ...
وهالجملة الله يحفظكم مرت مرور بدون أي قصد لكن من باب الممالحة بالمشاركة وسعة الصدر
ماقلت إن الزبيدي الكيلو ب 10 ريال ...والله لو إنه ملح يالربع
هالحين تلاقي ناس دخلوا النت ومكشات عشان سمعوا ان فيه فقع زبيدي الكيلو بعشرة ريال
وتلاقيهم البارح بمجالس عندك دونك اللي يقول اكيد انه مسري واللي يقول مستحيل واللي يقول اقسم بالله انا قاري الخبر
اضحك الله أسنانكم.... الله يوسع صدوركم بالعافية يالغالين
اللي يبي الوصف ... تروح لم هادكو ...البوابة الرئيسية ..حسب علمي إنها على طريق بريدة حائل القديم
تدخل مع البوابة << هذا إن سمحوا لك بعد
يجيك اسفلت ...أمسكه لحد مايروح يسار ...تستمر معه ... بعدين يتيامن الخط ...رح معه ...تبي تلاقي حولك بوابة قديمة ...من هناك اللقط
لكن ترى الوصف مهوب دقيق لا أحد يعتمد عليه
اتصلت على اللي جاب لي العلم وقال لي تراي ماضبطت الوصف
هذا غير إن الرجال يوم راح يبي يدخل مع البوابة الرئيسية منعوه
لكن مع التلزيم سمحوا له ...ويوم جلس يلقط اتصلوا عليه ربعه ..قال تعالوا ...ودخلوا مع البوابة لكن هل دخولهم ببساطة أو بتلزيم ما أعلم
وهل الواحد مننا لو راح يبي يدخل أو يبي لهم تلزيم أو بيمنعونه مرتن وحدة لا أعلم
وجزاكم الله خير على دعواتكم

[الحرس]

مشااا الله تبارك الله

[سيف السيف1]

مشاء الله تبارك الله ...

[سفير الشمال]

السلام عليكم ورحمة الله وبركاته
مساك الله بالرضا والعافيه
أخي الكريم أبو شكاع
تقرير شيق بإسلوب رائع بالطرح وتعليق أروع أضاف للموضوع التمتع بقرائته
شاكرا ومثمنا لك جهدك المبذول بارك الله فيك
تقبل محبتي وتقديري

[aan]

ما شاء الله تبارك الله. ان شاء الله خلية لنا شوي من الزين و عليكم بالعافية.

[ابو شكاع]

الحرس
أبو فارس
أشكر لكم مروركم وبارك الله فيكم
سفير الشمال
أشكر لك مداخلتك
كلماتك نبراس يالغالي مشكور
ann مشكور وماقصرت وحياك ربي

[أخت مبارك]

حـــلوة الصور ماشاء الله

[المغرز]

مشكووووووووووووووووووووووووووووووووووووووووووووووو ووووور
على صحن الزبيدي
ولاكن يشبه زبيدي المغربي
تسلم ولايسلم ردي العزايم

[منزلي الصمان1]

ربي يعافيك تقرير منتاز مره

والمثل يقول / فقع ديرك ولافقع تجهله

[عشيران]

ما شاء الله تبارك الله
مشكور الله يعطيك العافية

[ناصر البداح]

مشكور اخوي على هاالمعلومات الطيبه

[ابو شكاع]

بنت مبارك
حياتس الله
المغرز ... والله ياخوك عاد وش نسوي .. تبي الربع يدورون زبيدي مثلث الشكل ومتوازي الأضلاع وسداسي عشان مايشبه فقع المغرب ؟ :D
تقبل مزحتي ...وهلابك
منزلي الصمان1
صدقت ... ومثل قوي ومعروف عند العرب وأهل البداية :p
عشيران
ناصر البداح
مشكورين وماقصرتوا وهلابكم

[كشته 111]

ابو شكاع شكرا علي الموضوع الرائع والف سلامة لابو مشعل وقل له عليه بالبيض البلدي وما يشوف شر , وهذا موضوع عن طبخ الفقع الليبي اهداء لك ولابو مشعل وللاخوان :



هذا الصوره للفقع قبل التنظيف والغسل


http://www12.0zz0.com/2009/01/11/23/253773423.jpg (http://www.0zz0.com/)

هذه الصوره بعد الغسل جيدا عن الرمل وبقايه التراب ومن ثمه تقطيعه

http://www12.0zz0.com/2009/01/11/23/853810831.jpg (http://www.0zz0.com/)


وهذه الصوره عند طبخه بالماء والملح وهذا افضل طريقه لطبخ الفقع في القدر النحاسي منظره احلي

http://www12.0zz0.com/2009/01/11/23/861994604.jpg (http://www.0zz0.com/)


وهذه بعد نزل من القدر

http://www12.0zz0.com/2009/01/11/23/147462619.jpg (http://www.0zz0.com/)

ومن الافضل ان يترك حتي يبرد قليلا لانه بارد اطيب

نتمني ينال الاعجاب ,,

وشكرا للجميع ,,,

[EFI.4500]

ههههههههههههههههههههههههههههههههههههه يعطيه العافيه ولد الحزم الله يدوم عليه وعلينا الصحه والعافيه

هههههههههههههههههههههههههههههههههههههههههههوعندك مرو للبيع بعد خخخخخخخخخخخخخخ
ويعطيك العافيه تقبل مروري


ويعطيك العافيه اخوي كشته 111 تسلم يمناك ويازين شكله وهي تطبخ

[راعى ثادق]

تسلم على هذه التقارير المصور