المساعد الشخصي الرقمي

مشاهدة النسخة كاملة : بخصوص الأسعار _وكاله تبوك تويوتا_(قهرني)



عآشق الحره
21/01/2009, 05:50 PM
السلام عليكم
.
.
.


اليوم رحت الوكاله ادخل جيب الوالد الوكاله صيانه المهم قلت ياولد خلنا نسأل .قلت للمهندس بسالك سوال (هو مشغول) المهم قلت ياخوك السيارات اسعارها ماهي نازله يعني برا بامريكا مثلا فرق 30 الى 20 الف قال لا .امريكا تمر باازمه كبيره قلت طيب بخصوص المقاطعه سمعت انا الناس مقاطعين تويوتا عشين الأسعار (قام يضحك منحشر) قال : كم تبغى تستمر المقاطعه يوم يومين(قهرني)
وقال تفاجأنا بانه 2009 نزل غالي بزياده 3000 عن 2008 واكثر...

المهندس سوداني

يوم كثرت الأسأله قال والله مايقولون لنا بخصوص الأسعار وممنوع..
...
هذا الي صار والله على مااقول شهيد

عبدالله9999
21/01/2009, 06:43 PM
والله ياخوك ما عاد ندري هل هي بتنزل ولا لا

يا اخي انا شغال في شركة طالبة من تويوتا 55 لاندكروزر تصدق من شهرين ما عطو الشركة الا سيارتين وكل يوم يتعذرون.
والغريب انه في واحد يقولي مصدر ثقة الرجال متعامل مع احد فروع عبداللطيف جميل يعرف له واحد سعودي شغال يقول البيع نازل والشركة بدت تقلل من الموظفين على حد قولة والله اعلم

والغريب بعد ان الشريطية يجمعون السيارات في المعارض ويستغلون الوضع الي صاير والمعارض معبية من السيارات عارضينها بغالي ومع العلم ان اكثر المعارض في بيع السيارات المشهورة هي ملك للمعرض وعارضها بغالي يعني غريبة ما خافوا من النزول الي ممكن يصير وهم اهل خبرة بالسوق يعني لو بتنزل كان ما شروا باسعار اليومين هذي

لكن ما اقول الا حسبي الله ونعم الوكيل

biak23
21/01/2009, 08:01 PM
أنا عندي نظرية

لو كانت الوكالة خاسرة ماراح تعوض بتخفيض السعر!!

راح تعوض بتقليل الموظفين , تقليل الانتاج أو حتى ترفع السعر

لأن تخيض الأسعار هو إضافة خسارة إلى خسارتها

لذلك أنا اتوقع عدم نزول الأسعر مع أني اتمنى نزولها

بو خليفه
21/01/2009, 08:15 PM
يخفضون السعر ويبعون أكبر كمية من القطع بسبب زيادة عدد السيارات هذه الفكرة

أبو ذريع
21/01/2009, 08:23 PM
تجار البترول خسروا

تجار الحديد خسروا

تجار الشعير كذلك

إيش معنى تجار السيارات لازالوا يصارعون من أجل البقاء

الموضوع لا يحتاج لمقاطعة بل يحتاج لوقت ليأخذ السوق وضعه الطبيعي

صدقني إذا ظل البترول على هالسعر بمتوسط الأربعينيات

غصب راح ترجع أسعار السيارت و تنخفظ إلى حوالي 30 %

السووووق عرض وطلب

عبدالله9999
21/01/2009, 08:29 PM
الله يسمع منك

G M C 511
21/01/2009, 08:55 PM
ان شاء الله تنزل الاسعار
بس خلها تصدي ومديلها يعدي

ابن عتيبه
24/01/2009, 04:08 AM
ياشباب الموضوع والله اعلم فيه لعب ناس كبار ويمكن سياسه دول لتضر بدول اخرى

انا الى حد الان ماني مقتنع في شي اسمه الازمه العالميه

يعني وش اللي تغير مضاربه اسعار لا اكثر ولا اقل

بس الشي الطبيعي مع نزول البترول السيارات تنزل

من غير مقاطعه ومن غير صجه ولجه

بس التجار عندنا لهم كلام ثاني ينزل البترول ما ينزل

رافعين رافعين شف مشكله الارز الى الان والتجار ماسكين سعرهم الاول

بحجه المخزون الزايد طيب المخزون الزايد ووينه اول ما ارتفعت الاسعار

اول شي رفعوه سعر المخزون الزايد في المستودعات رغم انه بسعره الاول

الله لا يرفع قدرهم

وبعدين الوكاله اتوقع شغلتها تصريف للشركه الاصليه يعني تاخذ ارباحها على التصريف


ولاهي خسرانه شي صحيح انهم يرفعون السعر حسب رغبتهم لكن في الاصل هم مصرفين

وبعدين الزمان والتجارب علمتنا ما نثق في التجار
اقول بس الحمدلله انا في زمن سلم وسلام

والله لو كنا في زمن حرب اول ما ينهبنا التجار قبل العدؤ

مسابق السيول
24/01/2009, 04:32 AM
يالربع biak23 كشفناه كشفناه تراه من احد الوكالات داخل مع بداية الحمله
اقطع يميني
شفوا جميع مشاركاته
ضيقوا عليهم الخناق

سهم جدة
24/01/2009, 04:48 AM
هههههههههه حلوة ياجو صح ضيقو عليه الخناق

حتى لو كان من احد الوكالات من حقه يعبر عن رأيه

على العموم

انا ايضا اتوقع انه الاسعار ما راح تنزل وبالنسبة للأخ اللي يقول او يسأل ليس الشريطية يجمعو على هالسيارات

اتوقع اني سألت في هذا الموضوع

ولو تلاحظ انه الاستيراد زاد بشكل كبير

لأأنه على حد علمي ان هناك قرار سوف يصدر بمنع استيراد السيارات ذات موديل اقل من 2005 الى داخل المملكة

واذا كان الخبر صحيح وصدر واحنا في ازمه زي كذا

راح يستغل اخواننا التجار السيارات المخزنه عندهم بأسعار خياليه

والله يستر علينا

وفي الاخير

لا تتوقع من احد يرحم حالك وحالي

تحياتي للجميع

( الزاهر )
24/01/2009, 04:51 AM
الصبر مفتاح الفرج .....
انا أقول والله على ما أقول شهيد .... خلوهم بس لغاية شهر خمسة افرنجي يعني مايو 2009 .....
للي مافهم بالبدوي ....
وشوفوا كيف يصيرون وكلاء السيارات ......

( الزاهر )
24/01/2009, 04:54 AM
هههههههههه حلوة ياجو صح ضيقو عليه الخناق

حتى لو كان من احد الوكالات من حقه يعبر عن رأيه

على العموم

انا ايضا اتوقع انه الاسعار ما راح تنزل وبالنسبة للأخ اللي يقول او يسأل ليس الشريطية يجمعو على هالسيارات

اتوقع اني سألت في هذا الموضوع

ولو تلاحظ انه الاستيراد زاد بشكل كبير

لأأنه على حد علمي ان هناك قرار سوف يصدر بمنع استيراد السيارات ذات موديل اقل من 2005 الى داخل المملكة

واذا كان الخبر صحيح وصدر واحنا في ازمه زي كذا

راح يستغل اخواننا التجار السيارات المخزنه عندهم بأسعار خياليه

والله يستر علينا

وفي الاخير

لا تتوقع من احد يرحم حالك وحالي

تحياتي للجميع


واضح مقصدك يالسهم ..... والله انك سهم .... لا ... وسهم حاد ولامع بعد .......
خطر فري دنجر .... احذروا مثل هذه السهام ..... هاهاهاها

رحال7
24/01/2009, 08:34 AM
اى مقاطعه فى الدنيا على اى شىء لا بد يكون لها تأثير...اقل الايمان هالوكالات تطور تعاملها مع الزبائن وتحترم حقوقهم ....

هالوكالات وصلت لمرحلة التخمه والعياذ بالله ..من كثر البيع ما يلحقون الصيانه ولا يطورونها يمسك موتر اسبوع على اتفه مشكله ويمكن تصلح ويمكن لا...وفوق هذا يستغل الزبون بمصاريف لا حاجه لها!

الدوام لله وما طار طير الا كما طار وقع والله اعلم

روقي
24/01/2009, 10:28 AM
ياخوان المستودعات مليانه عند عبداللطيف 2007 و 2008 و 2009
والمشكلة لما تطلب سياره يقولون بعد 6 شهور
على شان يصرف 2007 و 2008 بالمعارض وعند الموزعيين


المهم خليكم على المقاطعة كل شي يقاطعون غصب يطيح


وتجارنا فيهم جشع ولا يرضيه المربح القليل لازم ياخذ دبل السعر الاصلي 4 مرات



خلوها تصدي ومديلها يعدي :good: :good:
http://www.mqataa.com/vb/uploaded/1862_11189547654.jpg


http://www4.0zz0.com/2008/04/02/01/434433502.gif

http://www.almuraba.net/coctel/scoda/scoda1.jpg

عريدان
24/01/2009, 10:46 AM
لا و يهونون تجار البطاريات والكفرات وقطع الغيار..