المساعد الشخصي الرقمي

مشاهدة النسخة كاملة : تسخين السياره $ حقائق ومعلومات &



تيتشر
21/01/2009, 06:01 PM
أحد الزملاء رجع من ألمانيا ، فكنت أتكلم معاه عن السيارات الألمانية هناك وطرق القيادة في السيارات ، فقال لي كلام استغربت فعلا منه ، وهو ان الألمانيين ما يحمون سياراتهم في البرد ، ويقول خويي ، إني أشوف الكثير منهم يشيل الثلج من السيارة ثم يشغلها لمدة لا تزيد عن دقيقة ويدعس؟؟؟؟؟؟ ويكمل زميلي كلامه ويقول أنا سيارتي الأكورد مطلعها من الوكالة عام 2003 وإذا حميتها أتركها 30 فقط حتى اضمن دورة الزيت في المكينة ثم أعشق وأمشي؟؟؟؟
كلام خويي لعب في راسي شوي ، قمت قوقلت الموضوع في المواقع الأجنبية ، لقيت الكثير منهم يقولون إن تحمية السيارة يفترض أن لا تتعدى 30 ثانية ، ويقولون إنك اذا طول المدة اللي تحمي فيها موترك فإنك تستهلك مكينة سيارتك؟؟؟
وأنا أنقل لكم هناك بعض الكلام اللي قريته ونبي نتناقش فيه شوي ...

موقع حديث السيارات الشهير cartalk.com (http://cartalk.com/) قرأت فيه التالي وهذا إقتباس من حوار Click and Click:

TOM: Actually, what you've been told is correct, Carolee. Modern cars don't need to be warmed up at all. Nor do older cars.

توم : ما سمعت عنه صحيح ، لا تحتاج إلى تسخين على الإطلاق .


RAY: If your car starts and doesn't stall when you put it in gear, it's ready to go. In fact, the best way to warm it up is by driving it.

راي : إذا اشتغلت السيارة ولم تدقر أو تجيم عند تعشيق الجير ، فهي إذا جاهزة للقيادة ، فأفضل طريقة لتسخين السيارة هي بقيادتها .


TOM: It's best to drive it gently for the first three to five minutes, to allow the oil to fully warm up and thin out. So, you don't want to pull out of the parking lot and immediately floor it on a highway ramp. But driving it gently is an ideal way to warm it up.

توم : من الأفضل قيادة السيارة بهدوء لثلاث إلى خمس دقائق الأولى ، حتى تسمح بتسخين الزيت ، لذا فليس عليك الإنظلاق من الموقع مسرعا إلى الطريق السريع ، لكن القيادة بهدوء هي الطريقة المثالية لتسخين السيارة .




وفي موقع آخر وقعت على شخص يسأل عن المدة المثالية لتسخين السيارة ، فكانت الإجابة الأفضل (حسب تقييم الموقع )



Start, run for 15-20 seconds, put it in gear and go. Drive like an old woman until the temp needle starts to move.

شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...




وهذا مقال طويل عن تسخين السيارات في البرد / ويقول بأن السيارات لا تحتاج إلى تسخين أكثر من 30 ثانية باستثناء السيارات القديمة ...

كود :

http://www.motorpoint.com.au/warm-up-the-car.asp (http://www.motorpoint.com.au/warm-up-the-car.asp)



عموما لا شك أن عندنا في السعودية تسخين السيارة يعتبر من الأساسيات في أسلوب المحافظة التقليدي على السيارة ، ولكن الغرب معروف ان عمر سيارتهم أطول بكثير والبرودة عندهم لا تقارن بالرودة عندنا ، ومع ذلك يتعاملون مع سيارتهم بهذه الطريقة ....
أنا شخصيا احمي سيارتي من نص دقيقه الى دقيقه

أبوراشد
21/01/2009, 07:08 PM
هذي إشاعه من وكالات السيارات حتى تخبط سيارتكم وتستهلكون قطع غيار وصيانه
لأن الأمر واضح لو تشغل الموتر بهالبرد وتمشي على طول تحس أن الموتر مهوب مضبوط لكن لاخليته 10 دقايق تمشي وأنت مرتاح

,,,,

sierra denali
22/01/2009, 12:10 AM
انا عندي Vx-r اللي يجي معاه الريموت حق تسخين السيارة اللي يشغلها من بعيد ..

مبداء النظام انه يشغل السيارة لمدة عشر دقايق علشان تسخن ..
اذا وصلت الحرارة للربع قبل مايوصل عشر دقايق تطفى السيارة لوحدها ..

عموماً انا الجيب اخليه على راحته لين يسخن وعندي بي ام دبليو ولا يجي فيها مؤشر حرارة اشغلها تقريباً ثلث ساعة و وانيت جمس برضة ثلث ساعة يومياً في الصباح ..

عموماً يمكن تقولون وش هاللي وسيع صدره يصبر كل هذا بس الحقيقة اني اخلي مفاتيح سيارتي للسواق من الليل وقايل له اذا صحى يشغل السيارات كلها لمدة ثلث ساعة تسخن ويطفيها اذا سخنت سواء كان الجو صيف او شتاء .
وبكذا مرتاح والحمدلله لا اجور على سيارتي بحيث اكون مستعجل واشغل وامشي ولا اتحمل الانتظار الممل لين تسخن السيارة ..


وبالتوفيق للجميع

skroOoOob
22/01/2009, 03:27 AM
انا عندي Vx-r اللي يجي معاه الريموت حق تسخين السيارة اللي يشغلها من بعيد ..

مبداء النظام انه يشغل السيارة لمدة عشر دقايق علشان تسخن ..
اذا وصلت الحرارة للربع قبل مايوصل عشر دقايق تطفى السيارة لوحدها ..

عموماً انا الجيب اخليه على راحته لين يسخن وعندي بي ام دبليو ولا يجي فيها مؤشر حرارة اشغلها تقريباً ثلث ساعة و وانيت جمس برضة ثلث ساعة يومياً في الصباح ..

عموماً يمكن تقولون وش هاللي وسيع صدره يصبر كل هذا بس الحقيقة اني اخلي مفاتيح سيارتي للسواق من الليل وقايل له اذا صحى يشغل السيارات كلها لمدة ثلث ساعة تسخن ويطفيها اذا سخنت سواء كان الجو صيف او شتاء .
وبكذا مرتاح والحمدلله لا اجور على سيارتي بحيث اكون مستعجل واشغل وامشي ولا اتحمل الانتظار الممل لين تسخن السيارة ..


وبالتوفيق للجميع


اكبر دليل على انه كلام مدبر لتخريب السيارات وشراء قطع غيار جديده .. كلام اخوي الي فوق
وبعدين بالعقل اصلا اذا مشيت انت قبل لا يحتمي الموتر .. يجلس يتفتف بقوه .. خذ و خل

بـلـيـهـان 1
22/01/2009, 11:03 AM
السلام عليكم اخوي تيتشر

موضوعك قد تكرر مرات عديده هنا و انتشر في كافه المنتديات بسرعه عجيبه !

من ناحيتي و من ناحيه استشارات لأكبر المهندسين و من ناحيه استشار ( العقل ) انا اقول يجب تحميه السياره حتى تصل الى الحد المطلوب ، يعني مثلا عداد حراراتك شد بلد يوصل النص , تنتظر الى ما يوصل الربع و تمشي ..

و من ناحيه استشاره المهندسين

لابد مرور الزيت على المحرك ( من داخل ) و يجب ان يسخن حتى تضمن مرور انطلاق جيد و عند البرودة وعدم التحميه لفترات طويله يبي يخبط اذا كان المحرك ماسخن زيته . و كلما زادت حراره الزيت زادت كفائه المحرك .

و في السيارات و المحركات القديمه احرص على التحميه اكثر من اللازم ، انا عندي جمس79 احميه غالبا ربع ساعه ثلث ساعه عشر دقايق

و اصلا لو مشيت فيه و هو بارد يبي يكتم علي وما يمشي مضبوط .

اشكرك اخي و اعذرني على الاطاله ولا تنسون التسخين امر مهم جدا

مضياف
22/01/2009, 02:36 PM
لا أرى المبالغة في مسألة تسخين السيارة، ولا الإهمال في عدم التسخين.
الاعتدال مطلوب، وأظن أن فترة خمس دقائق فيها كفاية.
هناك نقطة قد تكون غائبة عن البعض عند المقارنة مع الدول الأوربية في موضوع تسخين السيارة!
يجب أن لاننس أن سعر الوقود لديهم عال جدا.
تعبئة كامل خزان السيارة تصل في بعض الدول الأوربية لمبلغ يعادل 600 ريال!
لذا لاغرابة أن يكون جل اهتمامهم يتركز على توفير الوقود.
شاهدت سيارة مرسيدس من جيل الثمانينات الميلادية، استعمال ألماني، فيها نظام تسخين لزيت السيارة على كهرباء البطارية دون تشغيل السيارة، والنظام يعمل على مؤقت قبل وقت التشغيل مثلا بربع ساعة، والهدف هو توفير الوقود مع عدم إضاعة الوقت في التسخين.
آمل أن أكون قد أسهمت في إيضاح الصورة!

سبع البوادي
22/01/2009, 03:51 PM
موضوع جميل جدا وهادف

واحب انوه الى حاجة هنا غابت عن اذهاننا وهي نوعية الزيت المستخدم في المحركات في اوربا وامريكا

حد علمي انه زيت خفيف ما يجمد ويحمى بسرعة ولا يحتاج انك تسخن السيارة هالفترة هذه واظن لو نجيب الزيت هذا للسياراتنا في السعودية كان مدى لمبة حرارة الأتش ولعت في الطبلون قبل ما تخلص تحمية

وهذا وبالله التوفيق

قطب 999
22/01/2009, 05:01 PM
الشعب نصفهم شايل بلف الحراره يبي لهم ساعه تحمية

خ الفياض
22/01/2009, 05:21 PM
عن تجررررررررررررررررررررررررررررربه
اهم شي في التسخين ان الزيت ياخذ دوره كااااامله فقط فقط
كان معنا جيب جي اكس 4500 مشيناه300 الف مكينته ماتهز وانفكت ولا يحزنون حتى الشكمان بشرشر ماء وهو كلبريتر وبعنااااه ولا عمرنا سخناها اهم شي تاخذ المكينه دوره كامله فقط
واللحين معنا جي اكس ار ونفس الهرجه والسياره ماشيه فوق 200 ولله الحمد والمنه مكينه بس بواجي وسيور نغير لها طبعا وفلاتر

يارب ديميها من نعمه

المكينه تاخذ دوره كامله خلال 15 ثانيه تقريبا تزيد او تنقص قليلا

بعض الناس ربع ساعه ومدري كم كله ماله داعي لاتخسر نفسك بنزين بس


عموما اهم شي انك ماتشغل وتدوس لانك تخرب جلد البلوف
سلااااااااااااااااااااااام

قناص خلاوي
22/01/2009, 05:32 PM
الله يجزاكم بالخير
طيب إذا التحمية ماهيب مهمة على كلام الغالبية
ليش السيارات القديمة موديل التسعينات وورى فيها نظام تحمية بالكلبيتر يعلق الابنص لين تحمى السيارة ثم ينزل من حالة أو تدوس دوسة خفيفة وينزل إذا كانت السيارة محتمية ؟؟؟

مستعد للتضحية
23/01/2009, 12:53 AM
على حسب السيارة

مخاوي الليل.
26/01/2009, 10:30 AM
عندهم الاديتر صغيرمايحتاج لتحميه

:redcar:

تميمي92
26/01/2009, 11:28 AM
يعني مانحمي سياراتن

sudyer
26/01/2009, 11:53 AM
مره واحد استغرب وانا احمي سيارتي يقول جوكم حار ليه تشغلون السيارة عشان تحمونها

(( الذيب))
26/01/2009, 12:05 PM
اقول كلن بعقله يعيش
نحن كسعوديين نسخن السيارة الا ما قل
وهذا في رأي آمن للماتور
حتى الانسان لازم يقوم بعمليات احماء قبل الاعمال الشاقة ولا لا؟؟؟؟؟
هذا رأي من اخوكم ومحبكم
والله اعلم

بندر خلف
26/01/2009, 12:06 PM
السياره ان ماسخنتها ومشيت يصير عزمها طايح ولاكن ان سخنتها (( حميتها )) ومشيت عزمها 100%

abuud
26/01/2009, 02:01 PM
عندهم الاديتر صغيرمايحتاج لتحميه

:redcar:

كلام صحيح وبعد الزيت الخاص بالسيارة مخصص للأجواء الباردة مايحتاج تصخين