المساعد الشخصي الرقمي

مشاهدة النسخة كاملة : بسببها صدمت مرتين



مدرس بالغصب
21/01/2009, 08:30 PM
انا عندي ماركيز(ميركوري) موديل 2006 فيها مشكله ان الفرامل مايمسك اذا ضغطت عليه بقوه بس الدواسه تهتز ويطلع صوت ولا يمسك غيرت الفحمات مانفع فما الحل من كان لديه الخبره فلا يبخل علينا والف شكر

ابو سلطان ؟؟؟؟؟@
21/01/2009, 08:39 PM
اخي الكريم هذي الفرامل فيها abs مانع انزلاق هو الي يطلع الصوت ويخليها تهتز الطريقه لا تمسك الفرامل مفاجئه بقوه شوي شوي

مخاوي البر9
21/01/2009, 08:46 PM
* السلام عليكم ورحمة الله وبركاته
أخوي هذا نظام في جميع السيارات الجدد يسمى (abs) يعني مانع الإنغلاق والإنزلاق أفضل من النظام القديم ، فهذا يمنع الحوادث بإذن الله .

راعي الخرازه
21/01/2009, 09:03 PM
والله ياخوي انا صار لي حادث كلفني حول 20 الف بسبب المشكله هذي وسيارتي فودر كراون الـabs هذا مشكله والله مو حل

ثورة الشك
21/01/2009, 09:07 PM
والله انه نظام فاشل السيارات القديمه فراملها افضل بكثير عن اللي بها ال بي اس

مدرس بالغصب
21/01/2009, 09:13 PM
شاكر لكم يااخوان على المعلومات ولكن ماادري هل المشكله فيني لاني ماعرفت اتعامل معه ولا نفس الفرامل فيه مشكلة

أبا مجاهد
21/01/2009, 09:29 PM
اخوي انا معي فورد

اذا تحس الكفر يهتز فاخرط الهوبات

وافحص الزيت لعله ناقص

والتوقع الاخير لعل الحساس تبع الفرامل خربااان وتغيره مكلف شوي

اعانك الله

أبا مجاهد
21/01/2009, 09:31 PM
والله انه نظام فاشل السيارات القديمه فراملها افضل بكثير عن اللي بها ال بي اس

الفوردات تصميمها هيكليا وميكانيكيا كلاسيكي لم يتغير الا اشياء بسيطه من عشرات السنوات ايام 92

وهذا اللي معجب الحكومه وبعض الاشخاص

رياح الشرق1
21/01/2009, 09:38 PM
انا معي اخوه ما يسويها ها السالفه الي تقول رغم ان واحد من اخويانا يقول عنده مشكله نفسها بس انا اقول انه ال اي بس اس ماله علاقه با السالفه وانا راي اخررط الهوبات عند ورش معروفه با الشغله ذي وغير القماشات طبعن امام وخلف .............تحياتي

بنزرت
21/01/2009, 09:41 PM
لا تخرط الهوبات
غيرها بجديد ........... ارخص واضمن

أمير المصفحات
22/01/2009, 01:28 AM
أخوي الكريم

خذ العلم الاكيد

أنا موتري كروان فيكنوريا كان مجنني كل مرة يجيب لي مصيبة

وقررت أني أفصل الــ Abs وبعد مافصلته والله أني ارتحت وطلع الفرامل ولا أحسن منه

خذ العلوم السنعه


تحياتي

كاشت وحداني
22/01/2009, 02:09 AM
اولا الحمدلله على سلامتك
انيا هذا نظام اي بي اس
وهو بكل صراحه نظام فاشل ومشاكله كثيره مدري ليش صنعوه
يقولك مانع انزلاق وهوابو الانزلالقات كلها
يطلع لك شئ مفاجئي وتكبس الفرامل يقوم الجهاز يرد الدعسه ويسبب في اهتزاز انت تدعس وهو يبي يرجعها
اللي تقولون امان وين الامان فيه الله يهديكم
افصل الفيش من الطرمبه حقته وترتاح
واكبس فرامل زي ما تبي

كاشت وحداني
22/01/2009, 02:11 AM
اخوي دواس ضلماء
ما كل سيارات فورد يجي فيها اي بي اس
نفس الموديل يجي انواع بعضها فيه النظام وبعضها ما فيه .

AMAZ
22/01/2009, 03:41 AM
انا صار معي نفس الشي ادعس فرامل ترجع او تكون ثقيله ماتمسك . سويت كل شي غيرت الاقمشه خرطة الهوبات . رحت لمهندس سوري وشكيت له حالت سياراتي وانه كل شي سويته . قال مافيه الا حل واحد وبسيط اذا طلع كان وبها قالي اشتري ثلاث علب زيت فرمله وتعال . شريت زيت الفرمله طبعا الاصلي . قام الله يجزاه خير وفتح جميع مكان تنسيم الفرامل التي عند الكفرات ونزل الزيت القديم بعدها عباء علبه من الزيت الجديد وخلاه يصب لين وقف الزيت . بعدها قفل حقات التنسيم . وعباء زيت من جديد لين امتلاء . ورجع على كل وحده وقام ينسم لها لين طلع الهواء وقفلها طبعا انا كانت ادبل . المهم قالي روح جرب السياره صراحه شي خيال ولا توقعت انه السبب كان من الزيت . المهم قالي شوف الزيت عندك كان فيه رطوبه وهذا السبب . طبعا انا انصحك تغير الزيت .لكن اهم شي انه يفك جميع فتحات التصريف الموجوده بجانب كل كفر ولازم يخلي الزيت ينزل لين ياقف . وبعدها يعبيه بعلبه وحده زيت التنظيف . وبعدها يعبيه للنهايه من شان يوزنه ويطلع الهواء .

الربذي
22/01/2009, 07:28 AM
الحمد لله على السلامه

ماقلت هل من يوم طلعتها وكاله وهي كذا ولا بعدين
واعتقد انها مازالت على الضمان مر فيهم الوكاله
واعتقد ان عندك مشكله باحد الكفرات تمسك كفره وحده تكون حساسه اكثر للبريك وطبعا عشان تمسك بريك وش تسوي تدوس اكثر يقوم النظام البايخ بصراحه الاي بي اس يمنع الكفره الاولى من انها تتوقف تماما فبذلك يمنع البريك عن الثلاث المتبقية يضيع عليك الدعسه حتى هواء البريك يضيع وابلش بعمرك الله يقلعه من نظام معي جيب فيه هذا النظام والله بعد ستر الله سبحانه شوي ولا دخلني انا وبنيتي تحت تريله
شوري عليك افصله وجرب تلقى له فيوز ولا شي افصله وامش كم متر وجرب
هذا نظام جربته سنين طويله ماينفع الا فيه ميزه تقدر انك تلف السياره وانت ماسك بريك لان الكفرات ماتتوقف تمام يصير ذبذبات
افصله وجرب.........................قبل كل شي وشوف ضبط ولا لا
وانا اعتقد ان فيه كفره عندك تمسك بدري عشان كذا يسوي معك السالفه جرب بدونه ويتضح كل شي ......................

ابو شهد جدة
22/01/2009, 10:45 AM
عزيزي خذ العلم من باب التجربة
هذا نظام ال ABS وهو نظام عملي وممتاز
ولكن طريقة الاستخدام ممكن تكون غلط.
في حالة الوقوف المفاجئ لا سمح الله وكان الخط غير مستو راح تسمع صوت مثل صوت السسته يوم تنفك ومع الصوت دعسة الفرامل تتحرك مع نفس قوة الصوت.

طريقة الاستخدام
اذا احتجت ان توقف فعليك بدعس الفرامل بتدرج واذا طلع معاك الصوت ارفع رجل عن الفرامل وادعس مرة ثانية بقوة يعني تدبل الدعسة.
تقبل مروري.

ارنون
22/01/2009, 10:53 AM
شف اخوي حلل القماشات اللي فيها لين ماينتهن وبرضه حلل الهوبات لين مايبدا يطلع صوت
وبعدها اروح غير كل شيى جديد وشاف مثل ماقالوا الاخوان يمكن الزيت حق الفرامل فيه رطوبه
حاول تتخلص منه وتركب جديد والله يعينك .

NISSAN-VTC
22/01/2009, 11:28 AM
السلام

هذا نضام مانع انزلاق abs وهو الي مايخليك تظرب كل البريك على شان مايمسك الكفرات وبعدين تفقد السيطره على السياره اذا بغيت تمسك بريك بقوه دبل بريك وبعدين اضغطه على اخر شين
تحس ان الدواسه يرجع رجلك وتقطع بالتمسيك وهو مفيد للغايه اذا تبي تفكه رح لم الوكاله وخلهم يفصلونه لك وتوشف وش الفرق وتعرف وش قيمت abs

مدرس بالغصب
22/01/2009, 01:22 PM
شكرا على الايضاح ولكن كيف افصل الاي بي اس

مدرس بالغصب
22/01/2009, 01:27 PM
الاخوه الاعضاء لكم مني خالص التقدير على المشاركه ولكن كيف افصل الاي بي اس وهل هو مكلف

بندر خلف
22/01/2009, 01:32 PM
هد سواقتك احس انك ماتمسك ابريك الى اذا قربت للموتر الى قدامك

وبعدين رح الى اي ورشه وقله ابي افصل ال اي بي اس وتنتهي السالفه

خالد الهتيمي
22/01/2009, 01:37 PM
فيه اعتقد يا بعدي من السرعه

وعندك بعد في شي يسمونه ماستر سلندر يجي في المكينه سيده الدركسون هذا يمكن خربان

فحصه

تناهيت
22/01/2009, 01:51 PM
افصلة وارتاح والممواتر القديمة ما ضرها لأن هذا النظام اعتقد ما يصلع معنا في السعودية بسبب التوعية المرورية اللي فينا وطريقة القيادة الخاطئة لأنة يبيلة ناس ميب راعية سرعة وهادية نوعا ما وتحطاط في القيادة لأننا لا نعرف الفرامل الا عند وقوع الخطر او قرب حدوثة وان بغيت الجد حنا يالله ينفع لنا فحمات حديد....

DARK2
22/01/2009, 02:30 PM
السلام عليكم ورحمة الله وبركاتة
اخي الفاضل نظام الـ ( Abs ) هو نظام مانع للانزلاق والغلق للكفرات وهو احد الـ 21 براءة اختراع التي سجلتها شركة ( Bmw ) في سياراتها الحديثة بسبب كثرة الامطار والندى في شوارع تلك الدول الاوربية .. وطريقة عمل هذا النظام بأختصار شديد هو عند الدعس على الفرامل بطريقة مفاجأه يقوم بعمل هزات في قدم السائق يجبره على ترك البريك حتى لا تتم عملية الاغلاق ومن ثم الانزلاق للمركبة وعدم السيطرة عليها .. حتى انة يعطي السائق السماح بلف السكان ( الدركسون ) لاي جهة مناسبة حتى يتفادى الحدث الذي امامة دون دوران السياره وفقد السيطرة عليها .. وانصحك بعدم فصلة بشرط استخدامة بالطريقة الصحيحة .. وكيفية معرفة عطل هذا النظام ؟؟
1 : تلاحظ لمبة ( Abs ) تولع في طبلون السيارة .
2 : دعسة البريك تكون خفيفة مع عدم وجود اي اهتزازات فيها
3 : عدم ثبات سكان المركبة عند الدعس على البريك
واخيرا ارجوا اتباع طرق السلامة والتقيد في السرعات المرققة حتى لا تضطر لاستخدام البريك المفاجأ .. واتمنى من الله العلي القدير السلامة لنا .. تقبل مروري اخوك ابو خالد

مدرس بالغصب
23/01/2009, 12:31 AM
شكرا لك يا ابوخالد ولجميع من شارك وبارك الله فيكم

sweed1
23/01/2009, 12:44 AM
السلام عليكم

أحياناً يتراكم الصداء على حسساسات ال Abs مما يعنى أن كمبيوتر السيارة قد لا يلتقط سرعة السيارة
افحصها أولاً فلربما كانت السبب.

(لاحظ أنى أتكلم فصحى) يعنى انى مثقف هههههههه

سوبر152
23/01/2009, 12:55 AM
http://www2.0zz0.com/2008/08/24/01/197659925.gif

النيزك الناري
23/01/2009, 03:06 PM
أنا كان عندي يوكن 99 هبل بي عند كل اشاره اصدم اللي قدامي وبعد الشقى صارت القماشات الخلفيه مو أصليه غيرتها وصار ماأحلى منه

عود الليل
23/01/2009, 03:45 PM
اول مره اسمع ناس تذم في Abs ..................

غريبه............؟؟؟؟؟؟؟؟؟؟؟؟؟؟!!!!!!!!!!!!!!!!! ما احب اقول تخلف لكن غريب ان احد يذم في Abs والي يقول افصله.................

تدري انه يقلل مسافة التوقف و بإمكانك انك تلف يمين يسار وانت ماسك فرامل عكس الفرامل العاديه الي لو تكسر الطار ماتحركت من مكانها............واشياء كثيره ............

راعي الهدد 77
23/01/2009, 06:59 PM
انتبه !! انتبه!!انتبه!!
تفصل الـ اي بي اس
اذا فصلت..اذا اسرعت وكبست فرامل بيروح الموت الكفرات توقف والموتر مروح الـ اي بي اس حاطينه عشان كذا يحافظعلى ثبات السياره
اللي يصيرلك شي طبيعي لانك اكيد تمشي والسيارة ماهي حاميه لازم اي واحد عنده فورد يحميها

انا صارت معي على فورد كراون فيكتوريا 2001 رحت عند ورشة باكستاني ممتاز قالي حم السيارة واكبس الفرامل قبل ماتمشي خمس مرات اكبس الدعسة كاملة وراح يضبط معك

سويت كلامه والله ويضبط معي الموتر

بس ما ادري يمكن عندك الزيت ناقص او مو اصلي انت جرب اللي سويته وانشاء الله يمشي معك

ارجو اني اكون افدتك وتقبل ردي
اخوك (راعي الهدد 77)

العنقري
23/01/2009, 09:00 PM
انا صار معي نفس الشي ادعس فرامل ترجع او تكون ثقيله ماتمسك . سويت كل شي غيرت الاقمشه خرطة الهوبات . رحت لمهندس سوري وشكيت له حالت سياراتي وانه كل شي سويته . قال مافيه الا حل واحد وبسيط اذا طلع كان وبها قالي اشتري ثلاث علب زيت فرمله وتعال . شريت زيت الفرمله طبعا الاصلي . قام الله يجزاه خير وفتح جميع مكان تنسيم الفرامل التي عند الكفرات ونزل الزيت القديم بعدها عباء علبه من الزيت الجديد وخلاه يصب لين وقف الزيت . بعدها قفل حقات التنسيم . وعباء زيت من جديد لين امتلاء . ورجع على كل وحده وقام ينسم لها لين طلع الهواء وقفلها طبعا انا كانت ادبل . المهم قالي روح جرب السياره صراحه شي خيال ولا توقعت انه السبب كان من الزيت . المهم قالي شوف الزيت عندك كان فيه رطوبه وهذا السبب . طبعا انا انصحك تغير الزيت .لكن اهم شي انه يفك جميع فتحات التصريف الموجوده بجانب كل كفر ولازم يخلي الزيت ينزل لين ياقف . وبعدها يعبيه بعلبه وحده زيت التنظيف . وبعدها يعبيه للنهايه من شان يوزنه ويطلع الهواء . وهو الكلام الصحيح