المساعد الشخصي الرقمي

مشاهدة النسخة كاملة : يا هل الباثفندر!! هل ممكن نظيف تانكي بنزين ؟ دعونا نناقش ونحلل الإمكانيه!



ابو وافي 444
23/01/2009, 07:16 PM
اخواني ملاك الباث 2005 وما دون...
كلنا نعرف ان الباث سياره وانا ما عمري عشقت وحبيت سياره مثلها
ولا أرى فيها عيوب إطلاقا ولكن اسميها مشاكل بسيطه

والشاعر يقول:

عيون الحب لا يمكن تناظر

عيوب الخل لوهو عيب كله

http://www.mekshat.com/pix/upload02/images96/mk91662_98pathfinder_rockrail_5.jpg

وانا الحقيقه عندي مشكله صرفيه الباث اللي اجتمعت مع صغر تانكي بنزينه
يعني فل ب 40 ريال ما تمشيك الا 350 كيلو؟ وان كانك سواقه شايب
يمكن تنوش ال 400كيلو ...
لو بغينا نظيف تانكي بنزين يمشينا ما دون 200 كيلو زياده ... تتوقعون يكون :
عملي؟
آآآآآآآآآآآمن؟؟؟؟
مخفي تحت بطن السياره بشكل غير ملاحظ؟

ولو فرضنا ان الامور تمام من هي الورشه اللي تتوقعون تسويه باخلاص ودقه وتقنيه في العمل
وبالسعر المعقول؟

والسلام عليكم ورحمة الله وبركاته

سفير الجزيرة
23/01/2009, 07:21 PM
الموضوع حساس ويبغى حل

ياليت يا اخوي احد يفيدنا .

.......

وبالنسبة لي وجدت في الزلفي يركبون توانك صغيرة تحت مركبة السواق والراكب وكل تانكي يأخذ 25 لتر
لكن ما اتوقع تصلح للبنزين لصعوبة استخدامها ،، إلا كان الواحد بيحطهن احتياط ويركب بزبوز ويصب في جيكة ثم يعبي بنفسه ...!!!! وهذه طريقة غير متطورة ومتعبة

سد الصفرات
23/01/2009, 07:24 PM
كم موديل الباث الي معك؟؟؟

ابو وافي 444
23/01/2009, 09:54 PM
الموضوع حساس ويبغى حل

ياليت يا اخوي احد يفيدنا .

.......

وبالنسبة لي وجدت في الزلفي يركبون توانك صغيرة تحت مركبة السواق والراكب وكل تانكي يأخذ 25 لتر
لكن ما اتوقع تصلح للبنزين لصعوبة استخدامها ،، إلا كان الواحد بيحطهن احتياط ويركب بزبوز ويصب في جيكة ثم يعبي بنفسه ...!!!! وهذه طريقة غير متطورة ومتعبة

الشباب فيهم البركه وان شاء الله نطلع بحل لهالموضوع ...
ومن ناحيه الطريقة اللي ذكرت... الحقيقه انها متعبه وغير مجديه
حنا ودنا طال عمرك شغل متكتك زي ما تقول تعبي فل التانكيين من المحطه
وعبر مدخل التانكي الأصلي واتوقع انه لازم يكون أرفع من التانكي الأصلي حتى يصب فيه بدون
شفط ولا حقن يعني بمجرد انه يوصل النص مثلا ويبدا يسحب من التانكي الإضافي
وهكذا ...


كم موديل الباث الي معك؟؟؟

2005 طال عمرك

سد الصفرات
23/01/2009, 10:49 PM
فل كامل موترك

hdd4004
23/01/2009, 11:06 PM
بسم الله
عند الرماية خزان 95 لتر يركب بدال الاستبنة الي تحت السيارة مكون من بلاستيك مقوى وسعرة 2900 ريال بس يجي طلبية من استراليا

عبدالله22
23/01/2009, 11:12 PM
3000 ريال علشان قطعة بلاستك مافيها ولا قطعة الكترونيه

يا ناس اصحواا كفاية لعب علينا

أن شاء الله تلقى التاكي اللي ينومسك ويوسع صدرك

أخوك عبدالله

سفير الجزيرة
24/01/2009, 11:38 AM
لو اعبي بالجركل ولا اشتر هالتانكي اللي بـ 2900 يعني 3000 الاف

ابو وافي 444
24/01/2009, 07:56 PM
لو اعبي بالجركل ولا اشتر هالتانكي اللي بـ 2900 يعني 3000 الاف
على قولتك


3000 ريال علشان قطعة بلاستك مافيها ولا قطعة الكترونيه

يا ناس اصحواا كفاية لعب علينا

أن شاء الله تلقى التاكي اللي ينومسك ويوسع صدرك

أخوك عبدالله

شوفت عينك يا الغالي... لاكن حنا عفادهم الشرهه على اللي بيشتريه... والله لو أقلص لي خزان مويه مفلفل بنزين

بسم الله
عند الرماية خزان 95 لتر يركب بدال الاستبنة الي تحت السيارة مكون من بلاستيك مقوى وسعرة 2900 ريال بس يجي طلبية من استراليا
والله مبالغ بالسعر جدا لكن نجي للكلام اللي هو... وين أقلع استبنتي؟؟؟ من كبر صندوق الباث علشان انطل استبنتي جوى معي؟
ولكن يبدوا أن الأستبنه هي الأقرب للترهيم لاني لاحظت أن بطنه ضيق وما يمديك تدعبر فيه


فل كامل موترك
مالك لوا سياحي تماتيك

الصامل1111
03/02/2009, 04:07 PM
طيب وث الي وصلتو له ؟

لان عند نفس المشكلة

ابو وافي 444
05/02/2009, 03:51 PM
طيب وث الي وصلتو له ؟

لان عند نفس المشكلة

ما وثلنا لثي :) لكن أملنا بالله كبير يطلع لنا عبقري بحركه ذكيه تفكنا من صرفيه هالباث اللي ذبحتنا...

ابوقاسم
05/02/2009, 05:00 PM
الموضوع حساس ويبغى حل

ياليت يا اخوي احد يفيدنا .

.......

وبالنسبة لي وجدت في الزلفي يركبون توانك صغيرة تحت مركبة السواق والراكب وكل تانكي يأخذ 25 لتر
لكن ما اتوقع تصلح للبنزين لصعوبة استخدامها ،، إلا كان الواحد بيحطهن احتياط ويركب بزبوز ويصب في جيكة ثم يعبي بنفسه ...!!!! وهذه طريقة غير متطورة ومتعبة


ياليت تفيدنا يخوك عن هالخزانات اللي تقول عنها
او رقم تلفون الورش اللي تصلحها

Topstars
05/02/2009, 05:19 PM
ممكن وانا سويتها ب 200 ريال في الخبر...

ولا كن هناك اشياء كثيرة تتحكم بصرفية البنزين..

ابو وافي 444
05/02/2009, 09:16 PM
ممكن وانا سويتها ب 200 ريال في الخبر...

ولا كن هناك اشياء كثيرة تتحكم بصرفية البنزين..

تكفى وانا اخوك نبي تقول لنا انطباعك عنها ويا ليت لو تكشحها بكم صوره نشوف شكلها وهي راكبه وطريقة استخدامك لها
ودمت بود

Topstars
05/02/2009, 11:24 PM
ياخي إذا تقصد تنظيف التانكي ترى امره هين وما ياخذ اكثر من ساعتين...

وللأسف اني نظفت التانكي بعدما رحت لليمن وحرصا مني غسلته مع تغيير صفاية البنزين...

لانه طلعتلي طقطقه مع دعست البنزين ورحت الوكاله قالولي تحتاج تنظيف التانكي..

وبكم ب 600 ريال...

وخذت السيارة ورحت لواحد في صناعية الخليج في الخبر..ونظف التانكي على الطاير ب 200 ريال...

إعصار
06/02/2009, 12:05 AM
لك خيارين في وجهة نظري ..

تقلع التانكي الاصلي وتركب واحد بداله اكبر مساحة ..

لو تشوف تانكي البرادو الخليجي .. تراه يمدحونه ويركبونه اضافي لجيب الاف جي ..

ممكن يركب معك ..

او غيره يكون شغل محلي بس حديد اصلي ابو نجمه ..



الحل الأخر ..

تغير مكان الاستبنه الى استبنه علاق ..

وذلك شوي مكلف ..

تشتري لك خلفية من موديل 2002 وتحت .. وبكذا يصير عندك مساحة تقدر تحطه فيها تانكي اضافي .. بس اشتر خلفيه نفس اللون ..


اتمنى اكون افدتك يالغالي ..


وهذي رقم ورشتين يصلحون توانك بنزين ..

0504429550 ورشة المواهب ..

0505288840 ورشة سوافي ..

وبالتوفيق يالغالي ..

سفير الجزيرة
07/02/2009, 04:33 PM
بالنسبة للورشة اللي يركب تانكين تحت مرتب السواق والراكب الامامي

هذي في صناعية الزلفي ،، المحل السليمان
محل معروف
اول ما تدخل الصناعية يجيك على يدك اليمين

لكن المشكلة كل تانكي ماياخذ اكثر من 25 لتر

زمزم 100
07/02/2009, 08:43 PM
نفس المشكلة نعاني منها نحن اهل ( الباجيرو الربع )

ونفس الصرفية بالضبط ..

وش الحل ؟؟؟

ابوقاسم
08/02/2009, 01:10 PM
بالنسبة للورشة اللي يركب تانكين تحت مرتب السواق والراكب الامامي

هذي في صناعية الزلفي ،، المحل السليمان
محل معروف
اول ما تدخل الصناعية يجيك على يدك اليمين

لكن المشكلة كل تانكي ماياخذ اكثر من 25 لتر




مشكور اخوي على الرد
لو تضيف رقم تلفونهم علشان نتواصل
وياليت تشوف البريد لك رسالة على الخاص

ابو وافي 444
08/02/2009, 08:40 PM
لك خيارين في وجهة نظري ..

تقلع التانكي الاصلي وتركب واحد بداله اكبر مساحة ..

لو تشوف تانكي البرادو الخليجي .. تراه يمدحونه ويركبونه اضافي لجيب الاف جي ..

ممكن يركب معك ..

او غيره يكون شغل محلي بس حديد اصلي ابو نجمه ..



الحل الأخر ..

تغير مكان الاستبنه الى استبنه علاق ..

وذلك شوي مكلف ..

تشتري لك خلفية من موديل 2002 وتحت .. وبكذا يصير عندك مساحة تقدر تحطه فيها تانكي اضافي .. بس اشتر خلفيه نفس اللون ..


اتمنى اكون افدتك يالغالي ..


وهذي رقم ورشتين يصلحون توانك بنزين ..

0504429550 ورشة المواهب ..

0505288840 ورشة سوافي ..

وبالتوفيق يالغالي ..

بصراحه خيارك الأول أعجبني ويبدو منطقي ولا فيه لا رهم ولا فك ولا خرب

ابندعس تحت الجيب أشوف أن كان فيه مساحه فاضيه حوالينه معناته انه يقبل تركيب تانكي أكبر
أما حكايه الاستبنه العلاق فهي غير مجديه بالنسبه لي وشكلها غبي أفضل اشيل الاستبنه بالشنطه ولا اعلقها
مشكور يالغالي على هالتوضيح المفيد



بالنسبة للورشة اللي يركب تانكين تحت مرتب السواق والراكب الامامي

هذي في صناعية الزلفي ،، المحل السليمان
محل معروف
اول ما تدخل الصناعية يجيك على يدك اليمين

لكن المشكلة كل تانكي ماياخذ اكثر من 25 لتر

مشكور يالطيب على المعلومه وشكرا على مرورك


نفس المشكلة نعاني منها نحن اهل ( الباجيرو الربع )

ونفس الصرفية بالضبط ..

وش الحل ؟؟؟

ما أثار إعجابك حل أخونا إعصار؟

سفير الجزيرة
11/02/2009, 10:48 AM
ما عندي لهم رقم يا اخوان

وإلا ودي افيدكم اكثر

ابوقاسم
13/02/2009, 08:46 PM
ياليت تشوف اللي رمبو عندهم وترد لنا خبر
واكون لك من الشاكرين

رفيع
14/02/2009, 03:09 AM
ممكن تركب تانكي .. والأستبنه موجودة ؟؟!!

أنا لي رآي يمكن ما ينفع لكن الجود من الماجود..

داري انكم بتضحكون علي :) بس ماعلي منكم :) أهم شيء مبدأ الفكرة .. وانا ما معي باث بس حبيت افزع واطرح الفكرة ..


هل من الممكن ان تنزل الأستبنه قليلا .. يعني من 5- 10 سنتي ويركب في هالمكان تانكي .. ؟؟!<< أنا ما ادري عن ارتفاع استبنه الباث .. بس اتوقع 5 سنتي ما راح تأثر في نزول الأستبنه .
مع ملاحظة ان يكون في المنتصف فتحة لدخول سلسة الأستبنه . ويكون التانكي عريض ..ولا يهم الأرتفاع..

مثل توانك الموية الي تركب في بعض السيارات..


مع ملاحظة ان يكون التانكي أعلى ارتفاع من التانكي الأصلي ..

وأن يكون قآع التانكي الأحتياطي غير مستوي.وان يكون مائل الى الفتحة المغذية للتآنكي الأصلي ..لكي لا يترسب به اي رواسب

وتكون هذه الفتحة بوصة او نص بوصة او الي يعجبك ..

ويفضل ان تكون مثل مقاس لي (هوز)طرمبة المحطة بحيث ينزل البنزين بسرعه موازية لسرعه ضخ البنزين من المضخه .

طبعا لابد ان توصل خرطوش من هذه الفتحه الي في التانكي الجديد الى الفتحه في التانكي الأصلي التي كآنت تغذي التآنكي بالبنزين ..

يعني لا تفتح فتحة ثانية فالتانكي الأصلي .. مجرد مد الخرطوش للفتحة الأصليه ..

وبهذي الطريقة راح يتعبأ التانكي الأصلي بدون طرمبه ولا ما طرمبه .. بتأثير الجاذبيه راح ينزل البنزين الى التانكي الأصلي ..

اذا أمتلأ .. راح يبدا تعبأة التانكي الأحتياطي الجديد ..

بس أهم شيء لا يكون هناك تهريب ..

ولا تركب خزآن الله بالخير .. لأن العبث في الأمور هذي حساس جدا ..



وهذا رسم على الطآير لتوضيح فكرة مكان التانكي الجديد .. ..

.....................i << وهذي السلسة حقة الأستبنه ,,
.._______i_______
[_______i_______] << هذا التانكي
..{{{{{{{i}}}}}}} <<< وهذي الأستبنه ..

أتمنى ان تكون الصورة وآضحة ..



بحسبه بسيطة وكمثال من عندي ..... انا ما أدري كم المساحة الي ممكن يآخذها التانكي عند صاحب الباث ... ممكن أكبر ومككن أصغر ... لكن مجرد مثال :

لو قلنا تم تركيب تآنكي بعرض 50 سم وطول 50 سم والأرتفاع 10سم ..

فإن مجموع اللترات التي سيستوعبها الخزان هي : 25 لتر ..<< مهيب شيء.. بس تفك أزمه .. وجيدة بالنسبه لوجود الأستبنه ووجود التانكي الأحتياطي ..

وكل ما تم تفصيل الخزان على كآمل المساحة المتوفرة كلما استفدت من أكبر عدد من اللترات ..


هذا ما احببت ان اتفلسف به عليكم ..

ولا نستغني عن دعواتكم لي ولوالدي .
وأعذرونا على القصور .
وبالتوفيق .

faris2006
15/02/2009, 11:32 AM
السلام عليكم
ممكن تنظيف التنكي ولاكن لايحل المشكله

البـدر
15/02/2009, 01:39 PM
السلام عليكم
ممكن تنظيف التنكي ولاكن لايحل المشكله


صاحب الموضوع يقصد إضافة تانكي ولا يقصد تنظيفه

بن محفوظ
15/02/2009, 06:16 PM
طيب ليش ما نشتري تانكي مستعمل أو جديد ... ونسوي اللي نبي فيه ..

ونترك التانكي الاصلي عندنا ...

اما عن التانكي الجديد انا اقول فيه مساحات فاضية تحت الموتر يمكننا ان نوسع من التانكي ..

لكن اهم نقطة واللي ممكن تعكر جوك .... هل بتطلع ريحة بنزين مع التعبئة من التانكي المرهم

ANAS-2
15/02/2009, 07:10 PM
عزا الله حلك يا أخوي الرفيع هو الحل ..

وممكن ترفع الموتر .. بأي وسائل الرفع المعروفة ..

رفيع
17/02/2009, 12:54 AM
عزا الله حلك يا أخوي الرفيع هو الحل ..

وممكن ترفع الموتر .. بأي وسائل الرفع المعروفة ..

جزآك الله خير على الترفيع :)

ابو وافي 444
06/03/2009, 02:40 AM
عزالله يا رفيع ان رايك وشرحك بالقمه وذكرني باللي يقول السهل الممتنع
ان شالله اول ما يبنشر الموتر بشوف الوضع واذا زبطت وركبته صورت لكم
كل الشغله من طقطق لسلامو عليكم...
دمتم بود وعز الله ما خاب من استشار بهذا المنتدى العظيم

ابوسعودد
06/03/2009, 03:23 AM
والله يالربع اني اضم صوتي لفكرة اخوي رفيييييييييييع الله يجعله رفيع دنيا واخره

كورابيكا
14/03/2009, 03:58 PM
الله يعطيك ألف عافيه ياخوي على هال موضوع أصراحه انا معي
باث فاندر 2004 وإذا فللته ما يمشين غلا 320كم بس
وأنا أتحرى الحل المناسب وبسرعه أرجو من الأخوان أن يجدوهههههههههههههههههههه

AZOO9Z
31/08/2009, 04:50 AM
بيض الله وجهك يا رفيع و فكرتك حلوووة و هذا وأنت ما عندك باث

لو عندك باث وش بتسوي ، يا شيخ بيطلع أحسن جيب على وجه الأرض

على العموم جاري دراسة بفكرتك الرائعة و بنعطيكم خبر و موفقين .

و الرفيع دائماً رفيع .

الليث الذهبي
13/07/2010, 07:56 AM
ياخوان ابشركم لقيت مكان بس يبيله شغل شوي
المكان هو.........
تعرفون المخزن الي مادري وش يبي....( شكل الي مفصله مهرب :D) فالشنطه حدر الفرشه قمت وقصيته مع الحواف ادري تبي تقولون مهبول;) لكني هاوي هالشغلات وقصيت العارضه الي تعلق عليه السبير(الستبنه) وفصلت له عارظة صغيره بس حديد علية الكلام مب مثل حديد الشاصي الله يخلف :mad:
ثم صفالي مكان ولا احل :good2:
انشاءالله اذاقظيت منه ابنزله :good:
بس الله يعين ماعرف انزل الصور

نومـ11111س
01/02/2011, 11:48 AM
فيه فكره حلوه

لو تطل من تحت الاستنبنه بتشوف فيه فراغ كبير في حوض الجنط نفسه

فلو صرنا نركب الاستبنه مقلوبه وننزلها شوي بيكون معنا مساحة ماهيب شويه فوق الاستبنة !!