المساعد الشخصي الرقمي

مشاهدة النسخة كاملة : للنقــــــــاش هواء الكفرات ...



اكليل الجبل
23/01/2009, 07:37 PM
السلام عليكم ورحمة الله وبركاتة .

عندي استفسار ومشغل بالي ؟

اللي هو انا لما اطلع للتطعيس طبعاً اطري الكفر على 15 وبعد ما انوي الرجوع ما اعبي هواء بسبب الكسل واتركة لما ارجع للبلد واقرب بنشري طبعاً المسافة تقريباً معدل 60كيلو .. السؤال هل يؤثر نقص الهواء على الكفر ولماذا . وشكراً للجميع ..

ksm
23/01/2009, 07:52 PM
والله يا خوي اذا مضطر ما عليه مش حالك

بس اذا عندك ماطور هواء نصيحة وقف وانفخ الكفر لان المسافه اللي ذكرتها طويله وتضر الكفر
ويبدأ الكفر بالتأكل من الاطراف هذا في حالة اذا الهواء ناقص اما اذا الهواء زايد عن المواصفات يعني مثلا الكفر يحتاج هواء 30 وتجي تنفخه 40 او 45 التأكل يبدأ في المنتصف

والشغله الثانية : في حالة لا سمح الله اضطريت تضرب بريك قوي مع انحناء يمين او يسار اش تتوقع النتيجه ؟

والله يستر عليك

حاب الربع
23/01/2009, 07:55 PM
السلام عليك
اخوي الغالي

هذا (نقص الهوا) هو سبب انسلاخ الكفرخصوصاً اذا مشيت في وقت حار
واكثر ما ينسلخ اذا مسكت خط والزفلت حار
واذا قلت المسافه قصيره مع الوقت ( يلين ) الكفر اكثر من اللازم بعدين ما يتحمل الحراره

فارس الفرسه
23/01/2009, 08:09 PM
انا مثلك
كسول جدا
حتي انقرصت
كقرات يوكوهما جدد
لما اوصل البنشر اعبي ولا من بكرا اعبي المهم
كفرين انسلخن من داخل تشوف قطع صغيره داخل الكفر
والكفر صار مثل المنخل متشقق

ابوفهد2001
23/01/2009, 08:21 PM
كانك تقصد هالوقت بالبراد (فإن شاء الله انه مايضر الكفر بس لا تسرع عليه وساع ما ترجع عبه)
بس بالحر لازم تعبيه لان الفرامل ماهوب ماسكن معك تبي تبتل الموتر زالقه بالقار

صحيح
23/01/2009, 08:33 PM
نقص الهواء على الازفلت يسبب تغيير في شكل الكفر (صعرور) وخاصة اذا كان الكفر قديم الصنع وهذا يحدث في السيارة الجديدة بسبب ان تاريخ الصنع للكفر قديم والسيارة لها فترة طويلة واقفة مما يسبب مايسمى بأحتراق الكفر اي انه يصبح شبه قاسي (ناشف) ويكون قابل للسلخ لدنى سبب( حرارة -نقص الهواء- ضربة للكفر ) ونقص الهواء في البر للتطعيس يسبب مشاكل للكفر لكن على مدى طويل

اكليل الجبل
23/01/2009, 08:52 PM
الله يجمل حالكم جميعاً وما قصرتو على التعليق والمشاركة ..

أمير المصفحات
24/01/2009, 02:15 PM
لا تتهاون يا اخوي في هالموضوع حاول تعبيها دايم

البوابه
24/01/2009, 02:30 PM
بسم الله الرحمن الرحيم

فيه طريقه احسن

اتذكر عند ساكو خزان هواء حجم صغير قبل ان تطلع البر تمر على البنشري وتعبيه وتاخذه معك وعندما تخلص تعبي الكفرات

انا شريته من ساكو الدمام من قديم ومازال شغال ماعرف هل هم يبيعونه الان اولا وهو اسرع من الماطور ويعبي 4 كفرت بسرعه عجيبه

غاوي رومانس
24/01/2009, 02:38 PM
بصراحه انا ماانصح تمشي على الكفرات وهن ناقصات هوا
لان في هذي الحالة تقصر عمر الكفر ونسبة ان الكفر
ينصلخ عليك كبيرة وبعد زيادة على هذا ثبات السيارة لك عليه

فلذا خل الكسل على كنب واسلم على عمرك