رحلتنا لوادي لجب بجيزان ... صور خياليه‏

[ابو تـركـي]

اعضاء المنتدى الاعزاء على قلبي



في يوم الاربعاء 24-1-1430


قررت انا والشباب نسوي رحله سياحية سريعه على منطقه جيزان


سمعنا عن سوق اسمه سوق الخوبه ووادي اسمه وادي لجب


الصراحه انه مشوااااااار تتعب وانت تقول مشوار وما عندنا الا خميس وجمعه



===========


اعضاء الرحلة


محدثكم ابو تركي / ابو فهد / ابو سالم / ابو حمد / ابو ملاك



طبعا ابو حمد وابو سالم جايين من القصيم علشان يمروونا بالطايف


ونتخاوى جميع




نقطة الانطلاق كانت من الطايف على موتري المصون


http://www.up-00.com/szfiles/96k18341.jpg


طلعنا من الطايف يوم الاربعاء الساعة 2 الظهر وما كنا مخططين نروح على طريق


الباحة بس ابو فهد الله يهديه عطانا خط ما ادري وش يبي زاد علينا 200كيلو طبعا جلدوه الشباب


وما قصروا معه


على الساعه 8 ونص وقفنا بمقهى بصراحه ما ادري وش اسم الديره


علشان نشوف مبارات المنتخب والحمد لله فااز


وما وصلنا لجيزان الا الساعه 11 ونص بالليل


طبعا حسينا اننا لفينا كل الدنيا من المشوار ذا


ادري اني طولت عليكم بس جينا للزبده
شي خيااااااااااااااااالي



انتم شوفوا واحكموا




هذا مدخل الوادي طبعا هو عبارة عن شق بجبل وداخله مناظر رهيييبه





الحصاة اللي تشوفونها ساده الطريق وما لك الا تتسلق الحبل علشان تروح للجهه الثانية


انوااااااع الحماااااااااااس


http://www.up-00.com/szfiles/rGq20489.jpg


وهذي صورة الحبل من قريب






http://www.up-00.com/szfiles/wPK20489.jpg


وش رايكم بالمنظر


http://www.up-00.com/szfiles/DTX20504.jpg


بالله ما تستاهل المشوار


http://www.up-00.com/szfiles/CUj21372.jpg


من يتوقع هالمنظر ذا موجود عندنا


http://www.up-00.com/szfiles/C3D21374.jpg


اترك لكم التعليق






http://www.up-00.com/szfiles/9ZE21374.jpg


ابدااااااااع






http://www.up-00.com/szfiles/LXp21374.jpg


http://www.up-00.com/szfiles/ZdA21680.jpg


ابو فهد يبي يذوق طعم الماء




===========
هذا غدانا بالمطعم اللي بنفس الوادي


طبعا قبل ما ندخل الوادي مرينا المطعم و اخترانا ذبيحه من عنده وذبحه قدامنا


وقلنا له الساعه 4 بنجيك وهو جاهز


على فكره ترا حنا اللي طلعناه من البرميل


حنيذ على كيف كيفك


http://www.up-00.com/szfiles/QmZ21681.jpg



وبيوم الجمعه حركنا من جيزان متوجعين للطايف مشينا الساعه 3 الظهر


عاد المرة ذي ما سمعنا كلام ابو فهد رحنا من طرق الباحه


وبصراحه تحسفنا اننا ما جيناه بالنهار لان فيه مناظر رهيبه


ادري اني طولت عليكم بس قولوا لي بصراحه بالله المناظر والصور اللي شفتوه ما


تستاهل كل المشوار ذا


اتمنى ان الصور نالت اعجابكم


تقبلوا تحياتي // ابو تركي

[نجم حفرالباطن]

صور رائعه

شكر الله لك يالغلا


رحله ممتعه


وفعلا وادي لجب بقمة الروعه خاصه هناك شلال سبحان الله يصب من الجبل

[ابو تـركـي]

حياك الله اخوي نجم حفر الباطن

[ابراهيم2008]

رحله ممتعه الله يعطيكم العافية

[PATROL 98]

ماقصرتوا
الله يعطيكم العافية
كفيت ووفيت بالصور

[طير آلفلآء]

ما شا الله عليكم كل هاذا في يومين
انا رحتلها بس مو في يومين
على العموم الحمدلله على السلامه
وتقبل مروري اخوك طير آلفلآء

[ارنون]

مشاللاه تبارك الله عز الله انكم شقرديه
صور قمة الروعه

[هواي البرr]

حلوة مغامرة تسلية فوز منتخب هههه والاخير وش صار مهزومين اكتشافات امكان جديدة
ويقولون هل البر والمغامرة خراط تفكيرهم والله لو يشوفون صورك يحبون البر

[هواي البرr]

نبي جديد لاتقصر علينا ان شاء الله اذا حصلي كشتة راح انقلها لكم ادعولي اطلع للبر ربي ييسر

[هواي البرr]

حلوة الصورة اخوي وين هذي

[غاوي رومانس]

بصراحه رحلة تنشرى بفلوس

والله المناظر روووعه

وانا لي نية اروح هناك من زمان بس استنى الوقت والاجازة وان شاء الله طالع لها طالع

غصب طييب

تسلم يمناك اخوي وماقصرت

[ابو تـركـي]

حياكم الله ومشكورين على المرور الرائع

اخوي هاوي البر هذا وادي لجب بجيزان وادي بصراحه عجبه وانت شفت الصور ما يحتاج

واذا تبي تروح له علمن وانا اوصف لك وصف دقيق للمكان

اخوي غاوي رومانس لا يفوتك المكان تراه ما ينتفوت واذا تبي نصيحتي رح له الحين بالوقت ذا

لان الجو عندهم الحين رهييييييييييب ما عندهم برد

يعني احسن وقت لذيك الديار بالشتاء

[ناصر البداح]

صور قمة الروعه

[الماطور]

رحله رايقه بس مارحتو سوق الخوبه الي يوم الخميس

[ابو تـركـي]

اخوي الماطور مشكور على المرور

بس ترا سوق الخوبه ما يجي الا يوم الخميس

وحنا رحنا له يوم الخميس

وان شاء الله بنزل موضوع ثاني عن سوق الخوبه مع الصور

[خن بط]

الصراحه صور رائعه ومكان يستاهل العنوه

وودي اعرف هل يوجد صيد في الوادي

ومشكور

[رأس الزعامه]

مشكوووور وماقصرت
بصراحه صور رهيبه ومشوقه وحنا ورانا أختبارات

[ابو تـركـي]

اخوي خن بط مشكور على مرورك
ما ادري بصراحه بس الارض ارض وبران
ومشكووور على مروورك

اخوي البراري دياري حياك الله بس تبي الصدق المكان يستاهل العنوه لا يفوتك

[00هواي البر00]

الصراحه الصور خيااال

ومبدع على هذي الصور

[المشلوف]

الله يعطيكم العافية

[ابو تـركـي]

هاوي البر المشلوووف

يعطيكم العافيه على المرور

[سلمان88]

بارك الله فيك على التقرير الشامل وما قصرت ورحلة موفقة

:good2:

[حوات جده]

مشكور ابو تركـــــــــــــــــــي

[ابو تـركـي]

حوات جده واخوي سلمان

مشكورين على المرور

[فريدي القصيم]

كفو والله فيك والنشامي
وعـــــــــــــــيد مبارك
وهذي الصورة والمنظر الجميل أعجبني صراه تسلم يمينك





http://www.up-00.com/szfiles/C3D21374.jpg

[مفحط بتيس]

صور قمة الروعه

لك جزيل الشكر

[مرخية]

يعطيك العافية اخوي ابو تركي موضوع رائع جدا وفعلا الوادي مميز ويستحق الزيارة
سبق لي ان زرته قبل رمضان الفائت 1430هـ وعندي له صور روعة سوف انزلها ان شاء الله
اخو ابو تركي الوادي فيه سمك ما اشوف له صوره معك
تقبل مروري

[مرخية]

يعطيك العافية اخوي ابو تركي موضوع رائع جدا وفعلا الوادي مميز ويستحق الزيارة
سبق لي ان زرته قبل رمضان الفائت 1430هـ وعندي له صور روعة سوف انزلها ان شاء الله
اخو ابو تركي الوادي فيه سمك ما اشوف له صوره معك
تقبل مروري

[القطامي82]

ماشاء الله والله خوش مناظر وخوش صور
اقول ممكن اسفسار انا كنت ابروح لسوق الخوبة بس يقولون انة مو موجود بسبب الجيش او شغلة هل صحيح وردلي خبر باسرع وقت