جيب شاص 2003 خليجي (مشاكل تبحث عن حل )

[قناص الظبي]

السلام عليكم ورحمة الله وبركاته
اعزائي في واحد من الشباب عنده جيب شاص جديد 2003 خليجي ونحكي ان وهو المهم طلع عنده مشكلتين وقلت لزم اني بلقى عند اعضاء مكشات حبايبي حل باذن الله المهم المشكلة الاولى
__1/*
معقولة ان سيارة جديدة تصرف بمسافة 120 كيلو مامقدره 40 ريال بنزين والسرعه طبعا" 169كيلو / ساعة
........................
صرف مو صاحي صــــــــــــــــــــــح وش تتوقعون المشكلة به
...........................
ــــــــ2/*
فصلة السيارة عند سرعة 170 كيلو / ساعة مافي طريقة تخلي السيارة ماتفصل بعد الـ170 كيلو / ساعة
بدون فصلة العداد حق السرعة فهمتو علي لانه عارف الطريقة حقت فصل العداد حق السرعة الي بالطبلون
يبي الفصلة تلغي بدون مايفصل عداد السرعه والكيلو ............



تكفون الي عنده حل لايبخل علينا .؟؟@!!!!!!!!!!!!!!!!!!11



:confused: :confused: :confused: ترى له هدية الي يعطيني الحل وعد مني انا

[متاخر]

الحل بسيط

تشتري فرد (مسدس) وتهديه لصديقك عشان ينتحر بطريقه اسرع واضمن من طريقته في الانتحار على هذي السرعه المجنونه

170 على شاصي ويبغى زياده بعد :confused:
خاف ربك يا شيخ لو ضرب عليه كفر بسرعه 100 ما قدر يتحكم في الموتر فما بالك 170

[قناص الظبي]

الاخ متأخر
شكرا" على قرائتك للموضوع ولكن صاحبي

لوانه يبي يتمشى بالمدينة ويكشخ بالجيب كان جاب بدل الشاص GXRJ ولا VXR

بس راعي القنص لاتلومونه ((( تبيه يسلم لحيته للرجاجيل )) الرجل يالغالي ميسلم لحيته للرجال اتمنى وصلتلك المعلومة ...............



والمكتوب على الجبين لزم تشوفه العين

[بدر الرويلى]

تبيه يسلم لحيته للرجاجيل

قناص الظبي السلام عليكم ورحمة الله وبركاته

معك حق لايسلم لحيته للرجاجيل (خله يصفر عداده اصلا الشاصى ان ما صفر قزوزه حرام مركابه)

اااااااقووووول بس هم وش يبوووووووووووووووون بلحيته

معليش على المداخله

[أبو نايف]

أخي الكريم قناص الظبي

السلام عليكم ورحمه الله وبركاته

ذكرت اخي الكريم انه صرف تقريبا 40 ريال في 120 كيلو
أتوقع هذا شي عادي خصوصا اذا صار في وجه الموتر هواء

وعندي نصيحه اخوي اذا بغيت توفر بنزين
أغلب المواتر والتويوتا بشكل عام
تلقاه دعستين وهذا اغلب الناس ما يدري عنه ولا يلاحظه
يعني يقول ما تعرف الدعستين الا في الجموس وهذا غلط
لا حظ اذا دعست للموتر تلقى نص الدعسه خفيفه وهذي الدعسه الاولى
وبعد النص تثقل الدعسه وهذي الدعسه الثانيه
اذا مشيت كل خطك بالدعسه الاولى وهو يجيب تقريبا 140 الى 150
اعرف ان موترك مهوب صارف بنزين

لكن من يوم تدعس الدعسه الثانيه وخصوصا اذا صار في وجه الموتر هواء
اعرف ان موتر يبي يشرب البنزبن شرب .

أرجوا ان اكون افدتك اخي الكريم
تحياتي

[قناص الظبي]

اخ بدر الرويلي :::
اااااااقووووول بس هم وش يبوووووووووووووووون بلحيته
وان كان معه سلاح ومعه ص ي د

فهمت ولا لا يالغالي

ابو نايف الف ومليون وخمس وخمسون الف واربعمائة

وعشر شكر يالغالي على المعلومة القيمة يالغالي

[ابو ســــاره]

اخوي قناص الضبي ،،،

صرف البنزين الي تتكلم عنه مهوب طبيعى لا وشاص جديد بعد شكل التانكي فيه شق،،
وفيه اشياء كثيرة تؤثر على صرفية الموتر اولها اذا كان للموتر مركب له شد شراع تأكد راح يزيد الصرف وثاني شي اذا كان الوجه مرتفع والكفرات بعد تؤثر على الصرف واهم شيء انه يسوي تششيك للموتر لمعرفة اذا كان فيه تبخير بنزين من احد المحركات او فيه عطل بالكهرب من بواجي وغيره وهاد عزم السيارة او غيره وللمعلومية فيه كماليات لسيارة لتخفيف صرف البنزين اولها الفرارات الي تفصل الدبل وتخفف من سير السيارة وفيه شي يركب على ليات البنزين يقولون انه يخف من الصرف .

[ابودلـــــــه]

صرفه طبيعي 100%
يعني ان هذا تصميم مكينته لاني اعرف قريب نفس الصرفيه
عموما كل التايوتا تصرف بزياده والنيسان

[جهام القصيم]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

الوضع طبيعي اعرف اكثر من واحد معهم جيوب شاص واحد من الشباب معة 2002 من القصيم الى الرياض مايكفي تانكي واحد وهو يعبية بـ 85 ريال يعبي قبل يدخل الرياض وذلك بسبب السرعة علما ان المسافة 300كم 0

اماسؤلك عن القطعة فهناك فيش في الطبلون ينزع ويظهر لمبة في الطبلون برتقالية تنبية ان الفيش مفكوك ولا يكون هناك اي قطعة 0
نصيحتي السرعة ما فيها خير