شريت الموتر وأبأسألكم عنه

[biak23]

أبشركم اليوم طلعت الموتر برادو 2009 في اكس 2

أسأل الله أن يبارك لي فيه

لكن فيه سؤالين
أولا انا ناوي أسافر عليه الإربعاء هذا يعني قبل يكمل 1000
هل صحيح كلام الوكالة المفروض ما أزيد عن سرعة 100 كلم وما أشغل المكيف لحد مايعدي فحص الألف؟

والسؤال الثاني : بما أن محاكيم خبرته ماش بسيارات الدفع الرباعي
الدبل عليه أربعة حروف
n -- Hl --ll - H

وش يعني كل واحد منهن؟

والله يعطيكم العافية

[6670]

الله يبارك لك به ويطعم من خيره ويكفيك شره.
بالنسبه للسرعه لا تتعدى 160 وبالنسبه للمكيف شغل ولايهمك على مسؤليتي أنا مشغل المكيف من باب المعرض.
أما الدبل للأسف ماأعرف عنه شئ .
يفيدونك ألأخوان.

[biak23]

يعطيك العافية أخوي 6670 وبانتظار افادات الإخوان

[التمَاري]

(الله يطعمك من خيره ويكفيك شره )



http://www.up.extra-pc.com/uploads/images/extrapc-1eb06a3936.gif (http://www.up.extra-pc.com) خلوها تصدي http://www.up.extra-pc.com/uploads/images/extrapc-1eb06a3936.gif (http://www.up.extra-pc.com)

[GMC79]

شقيت الصف الله يهديك

احسن الله عزاك في فلوسك والبركة للوكيل

[بن شمروخ]

مبروك يعطيك خيره ويكافيك شرهـ ....

شف يالغالي بتلقى كلام واجد وكلن بيعطيك رايه

لكن خذ مني شف ياخوي ...... المكيف شغله لكن الافضل ولعدم الوسوسة شغله بعد ماتمشي 300 كيلو او 500 والسرعة امش طبلونها لكن بعد 500 كيلو الان امش 100 الى 120 اضمن

[shehab450]

الله يعطيك خيره ويكفيك شره


اقرا الكتالوج واللي مكتب فيه التزم فيه

[أبو ياسر العمراني]

الله يعطيك خيره ويكفيك شره
ويبارك للوكيل البيعه الزينه

[ابوعبدالله9999]

الله يعطيك من خيره ويصرف عنك شره.

[لن أمل من العطاء]

لو ترجع لكتاب دليل المالك تجد ان الصانع يقول شغل المكيف في تمرين وتليين السيارة يعني مثل ما قال اخونا بالاعلى من باب المعرض لكي تتعود المكينه على الكمبروسر وعلى قوة

لماذا المكيف

التمرين الشديد يجعل السيارة قوة وخفيفة
التمرين القيق يجعل السيارة ضعيفة العزم

اذا مرنت السيارة برقة لانك توك شاريها وتخاف وفلوس دافعها من دم قلبك ومعاك حق في الرقة هذي زد على ذلك ماتشغل المكيف اكيد بتكون السيارة ضعيفة العزم

حتى مع فتح النوافذ لاتطفي المكيف وقت التمرين
سرعات متفاوته
اول 300 كم لا تجهد الفرامل

حاول تشغل جميع الانظمه من بعد 300 الى 1000 كم Abs Ebd Tcs وغيرها لتتأكد من عملها بشكل طبيعي وفعال

اخير لا تشغل الدبل كما هو موضح اعتقد الا بعد 3000 كم (لا اجزم بالمسافة المحدده )


اخيرا

بارك الله لك في السيارة ورزقك خيرها وصرف عنك شرها وشر الاشرار وكيد الفجار

اخوك
لن امل من العطاء

[بدوي جنوبي]

والسؤال الثاني : بما أن محاكيم خبرته ماش بسيارات الدفع الرباعي
الدبل عليه أربعة حروف
n -- Hl --ll - H

وش يعني كل واحد منهن؟

والله يعطيكم العافية



مبروك
والله يعطيك خيرها ويكفيك شرها
حرف الا n يستخدم عند سحب (قطر) السيارة
ال hi هذا الوضع المثالي للقيادة العجلات الخلفيه فقط
ال ll وال h اول مره اشوف هالحروف :(

[قلم آخر]

الله يعطيك من خيرها ويصرف عنك شرها

وتسافر وترجع بالسلامة والسعادة

[Black VTC]

ما شاء الله تبارك الرحمن الله يطعمك خيرها ويكفيك شرها و جلعها الله عون على الطاعة

[هلال داورد]

ابوك خلها تصدي انت عكست السير الله يجزيك خير مبروك يابوجميل

[mohmad]

الله يعطيك خيرها ويكفيك شرها

[مستعد للتضحية]

بالنسبة للسآل الاول
لايتعدى الضغط 2 وربع لان المحرك فية اوساخ من برادة حديد و غيرها فان تظف المكينة باول زيت و فلتر

اما السآل الثاني

فرجع الى ديليل المالك
وعسى الله يعطيك خيره و يكفيك شره .

[ربع 91]

تساهل كل خير يا بعدي

الله يعطيك خيرها ويكفيك شره

ما عليك من كلام الناس

تروح وترجع بسلامه

[راعي المقانيص]

اخي الكريم

رحت مع صديق لي معه هايلكس دفرنسين 2008للوكاله تشييك 1000 كلم

غيروا الزيت وكل شي وسئل خويي المهندي قال الحين اقدر اشغل الدبل والمكيف ولافيه مشاكل

ضحك المهندس وقال ذبحت عمرك بالحر لين مشيته 1000 كلم

شغل المكيف والدبل والي تبي لانها اساسا جايه من اليابان ممرنه وجاهزه

ولا والله اقدر اعطيك نصيحتي لاني لو انا في مكانك وشاري سياره جديده ودافع دم قلبي عليها ابي امرنها شوي شوي وامر الله من سعه والاجواء الحين الحمدلله شتاء والدبل انا عندي شاص موديله 2004 والوكاله قالت لي لاتشغله الا بعد 1200 كلم

وبخصوص الدبل عندك انا والله اول مره اشوف هالرسومات ياغالي

[السنع كله]

جعلها ناصية مباركة وجمع بينكما بخير ماكان الرفق في شيء الازانه

[الطنايا_hail]

الله يبارك لك به ويعطيك من خيره ويكفيك شره
السرعه لاتتعدى 120 حتى تمشي1000 الفايده من ذللك حتي تظهر العيوب المصنعيه (يعنى لاتسرع ثم يطلع معاك عيب ثم تاكلها على سرعه) >>كلام مهندس

[غاوي رومانس]

اخوي بخصوص الدبل احسن لك راجع دليل المستخدم

بس خلني اقول لك ايش هو الدبل في معضم السيارات


عندك Hi 2
وهذا هو الوضع الطبيعي لكل سيارة يعني بس يشتغل الدفع الخلفي من دون
الدبل

وعندك Hi 4
وهذا افضل وضع للتطعيس بحيث تقدر تمشي فيه على طول في الرمال
والتطعيس وهذا اللي نسمية الوضع الخفيف لدبل السيارة

وعندك Lo4
وهذا اللي احنا نسميه بمصطلحنا الدبل الثقيل
وهذا استخدامه قليل بحسب صعوبة التطعيس ولكن استعماله قليل جدا

وعندك الـ N
وهذا الوضع الفاضي اللي ماتقدر تمشي بالسيارة حتى لو عشقت القير
يعني وضع الفاضي اللي مو مشبوك الدفرنسات اثنينهم اللي ورا واللي قدام


اتمنى استفدت مني اخوي

والسموحه على الاطالة
بس برضو اقول لك اقرأ دليل المستخدم احسن لك

[biak23]

الله يعطيكم العافية جميع من رد وأفاد