مشكله بالباثفندر وأبي فزعتكم

[أبو الكشتات]

أنا عندي باثفندر 2003
إذا مسكت بريك وأنا أمشي 50-60 بعض المرات يترتر تقل يبي يطفى وبعض المرات يطفى وديته للشلال ببريدة وسواله فحص كمبيوتر وقالي هذا حساس الهواء وسواله برمجه وقال خلاص ضبط يوم جربته صارت نفس المشكله ورجعت لمه قال خله عندنا علشان نفحصه يوم جيت لمه بعد 3 أيام قلته وش سويت قال فكينا البخاخات ونظفناهن وضبط أنشاء الله ويوم جربه صارت نفس المشكله رجعته لمه قالي سوت كل الحلول يعني ما أعرفله :confused: :confused:

وشكرا وآسف على الإطاله

[EFI-4500]

دامك بالقصيم ابدلك على محل

ان شاء الله انه راح يفيدك كثييييير

فيه بعنيزه بعد دوار الساعه اذا صارت بنده على يمينك والساعه يسارك شوي ويجي مبارك يمينك بعده فيه بنشر على ورشه مدري شلون جاي المحل لكن عندهم فلبيني على كيييف كيفك وفاهم بالكهرب وخاصه بالنيسان اكثر من الوكاله المحل تلقاه يمين

وان شالله انه بيظبطك لانقبل كان فيه مشكله بسيارة واحد من العيال وعجزو الوكاله والشلال وكل الطقه ما قدروله ويوم راح للمحل ذاك ويظبطونه له

وان شاءالله اني اكون افدتك

[عجاج]

شيك على أسلاك البواجي

[fj4]

هذي المشكلة حصلت لي
الراي ركب فلتر رياضي مع شرابه
وان شاء الله بيضبط

[عالي الحوم]

تأكد من فلتر الهوا انه نظيف وحاول تبدل حساس الهوا مع باث فايندر آخر وتأكد من خناق الهوا انه نظيف وجرب .