أفتوني في أمري

[صبيح2009]

صباح الخير مساء الخير
بعد السلام على الجميع اطلب منكم طلب
عندي مشكلتين وابي المشوره 1- عندي لاند في اكس آر 2002وصراحه الاند ثقيل بالبر ولا ياخذ العزبه وصرفيه وفي الخط متعب وابي اغيره واخذ سياره للبر وسياره للسفر والخطوط وركزت على الديماكس اعجبني انه ابتاع كلو لكن ابي سؤال عن قوته ودبله يفصل ولا لا
2- الوالد احيل للتقاعد ونبي نشري له موتر هديه واختلفنا انا أقول باترول وأخواني يقولون يوكن علما ان أبوي عند لاند 93وصراحه متعب حيل يكسر الظهر وهو ما يعرف للتماتيك وانا اعرف طبعه اكثر من الباقين بس ابي اسئلكم وش احسن نوع اهم شي يكون القير عادي وشكله فخم ولا تقول رح للوكاله
متهاوش معهم نصابين باخذ مستعمل 2007وفوق

[big boss]

الله يعطي الوالد الصحة والعافيه وطول العمر في مايرضى الله
خذ لاندكروزر G من عند البازعي او بريمي G

[السنع كله]

الديماكس وشو من لحية 000واذا الوالد الله يحفظه ويعينك على بره مايبي الا قيرعادي شف له امريكي نظيف

[العيسمود]

gx2 لاند 2007 وتوكل على الله
الله يحفظه لكم ويطول في عمره

[صبيح2009]

مشكورين بس نبي احد يفيدني في الديماكس

[طارق الحربي]

راعي بر وتبيع الفكس ار وتشتري ديماكس ؟


غريبه

الديماكس ديزل ومن وجهه نظري ماينفع ابدا

اذا لك خاطر بيعه ارسل لي على الخاص

[ابو الشباب3]

اخوي الله يخلي لك ابوك ويمد في عمره على الطاعه اذا بغيت ونيت خذ جمس غماره ونص يشيلك ويشيل الشباب الي بيكشتون وعزبتكم...الخ ,,,,,, قوه هيبه وراحه اسل مجرب ولاتسل طبيب

[صبيح2009]

الله يوفقكم انا تعبت من كثر ما اضربها ارباع وخماس
البر صراحه حرام تلعب فيه بموتر غالي مثل الفكسار
وانا بالعربي كسر اظهري والغماره ونص زين لكن بالصيف كل سنه اروح للجنوب وانزل أماكن توحش رحت بالاند مره ومريت على الوكاله وصكيتهم ب2000تشييك يبيلي موتر ما اتحسف عليه لو صار فيه شي ولا اعتمد عليه اعتماد كلي

[العريني1]

غريبه يااخوي انا معي 2002 vxr وراعي بر وما شفت مشكله .......كل انواع البر اللي في بالك....ويش هالعزبة اللي مايشيلها اللاندكروزر؟؟؟؟؟

[هاوي البرد]

الدماكس ممتاز هذا الرابط يفيدك
http://www.mekshat.com/vb/showthread.php?t=181723

[قطب 999]

خللك على اللاند واذا تبي شي على قولتك ما اتحسف عليه لو صار فيه شي ولا اعتمد عليه اعتماد كلي خذ هالمزيون
http://i23.ebayimg.com/01/i/001/2c/db/5907_1.JPG

او المزيون
http://www.globalclassicimports.com/ebay/images/33/ebay_001.jpg









http://www.globalclassicimports.com/ebay/images/33/ebay_003.jpg

http://www.globalclassicimports.com/ebay/images/33/ebay_012.jpg

[صبيح2009]

حرام عليك وش شايفني عاق لوالدي
هذا شكله مخلفات الحرب العالمية الأولى

[رجل كريم]

جزاك الله خيرا على برك بوالدك .

انصحك بالبكب ال 200 غمارتين دبل وعليك الاستخارة ..

[صبيح2009]

كيف بكب ددسن ولا هايلكس

[رجل كريم]

كيف بكب ددسن ولا هايلكس

البكب الـ200 ميتسوبيشي 6 سلندر مع مفاضل محدود الانزلاق .