فكرة إختراع ....للسائق عند الإقلاع

[الاسمر999]

فكرة إختراع ....للسائق عند الإقلاع
أهدافها : 1/ المساهمة في جعل السائق مستيقضا .
2/ أمنيا بحيث حماية المركبة بعد الله من السرقة وهي مشتغلة .
3/ حماية مابداخلها وخاصة من الأطفال عند نزول السائق من السيارة لغرض ما وهي مشتغلة .
والفكرة تكمن بوضع شاشة صغيرة فوق الطبلون أمام السائق مباشرة , وتدار بحاسب آلي بسيط يتم تقسيم الشاشة لقسمين :
القسم الأول / بمجرد تشغيل السيارة يتم إلتقاط صورة للسائق ويخزنها الجهاز وعيناه مفتوحتان .
القسم الثاني/ يتم متابعة وجه السائق متابعة دقيقة بالمقارنة بالصورة المأخوذة له في القسم الأول من الشاشة بحيث لو تم غلق عينيه عن خمس ثوان مثلا أو إختلفت الصورة , يصدر الجهاز فورا منبه عالي الصوت لإستيقاظة إن كان نائما أو إزعاج السارق وترهيبة .
أرجو أن تكون الفكرة قد وصلت

تحياتي /الأسمر999
السبت 28/1/1430

[بلجرشي]

الاسمر 999
يعطيك العافيه على هذه الفكره الجميلــــــه

[الاسمر999]

أسعدني مرورك أخي الكريم (بلجرشي )
دمت بحفظ الله ورعايته

[راعي العشــه]

فكره حلووووو ويعطيك العافيه على الطرح
لاكن هل فيه من يركب الجهاز هذا ؟؟؟؟؟

[ارتست]

انا من الناس اللي لو نعس ينعس وهو فاتح نصف عينه لدرجه ان اللي جنبي مايدري اني غفيت خ خ خ خ
يعني اختراعك مايمشي معي محتاج غرس جهاز في المخ وباليالله يعرف اني غفيت

[m1m2m3m4m5m6]

ههههههه النظري سهل لكن الصعوبه جب لي كميرا قادره على تتبع العين وحط في اعتبارك ان السواق بيلتفت وبيتحرك راسه يعني الفكره بعيييده عن الواقع ...

[kwa_198]

والله فكرة حلوة وتفكير نضيف ما شالله الله يحفضك لهلك

[&أبوخالد&]

فكره رااااااااااااائعه والي الامام
نحتاج منك تطبيق هذي الفكره نظري
بس الحق قبل الغرب ما يسونها وتروح حقوقك
ولا عليك من المثبطين
الله يرعاك

[حق الفيتو]

اول شي بتكون باهضة التكاليف

[الوعب]

السلام عليكم ورحمة الله و بركاتة


الفكره هذي موجوده فعلا
وهي في سياره لكسز ls460 الجديده من 2008 و فوق.
اول ماتشغل السياره فيه جهاز في الطبلون يسوي سكان للوجه (مثل السكنر الي تصور الاوراق - الماسح الضوئي) و في السياره قدان عند اللوحه الاماميه جهاز رادار ففي حال ان السائق كان لاف وجهه يكلم الي جمبه ولا يفتش في درج ولا ملتفت ورى و السياره مالت عن الطريق او طلع شي في وجهة مثل سياره او شي .
اول شي السياره تفصل دواسه البانزين و تصدر صوت و اذا ما انتبه السياره من نفسها تمسك بريك وتبتعد عن الجسم الي قدامها

[الوعب]

هذا رابط على موقع يو تيوب يشرح هذي الميزة
http://www.you.tube.com/watch?v=nS4WMJR_JZs

انسخو الرابط و شيلو النقطه الي بين كلمه you و tube

[المساهر]

جزاك الله خير

[س ع د]

موضوع رائع
ومميز
حفضك الله ورعاك

[الاسمر999]

أحبابي الأعزاء شرفني مروركم الكريم وإضافاتكم الجميلة , وماوضعت هذه الفكرة إلا إجتهادات مني وممكن أكون على صواب أو على خطأ ولا أنظر سوى لدعوة ( جزاك الله خير )
تقباوا تحياتي

أخوكم / الأسمر