زيوت مغشوشه باسماء متعددة

[مدرس بالغصب]

السلام عليكم ورحمة الله وبركاته : سمعنا في الوقت الاخير ان هناك زيوت مغشوشه في البناشر وتحمل نفس علبة واسم الزيوت الاصليه مثل ( موبيل - شل -فوكس ....) وغيرها وانها تعبأ محليا من بعض العماله الوافده ولها اثر سلبي وفوري على السيارة فمن لديه خبره في هذا الموضوع فليطلعنا عليه شاكرين لكم حسن الاهتمام

[ابراهيم2008]

حسبنا الله ونعم الوكيل عليهم

[بدوي جنوبي]

اللي اعرفه انهم يفرغوا زيوت
من النوع الرخيص في علب
من النوع المعروف مثل الترا7
او فوكس او غيرها
على اساس يبيع العلبه ب 14 او 15 ريال
وفي الحقيقه سعرها ما يتعدي 9 ريال
وعندما يغفل السائق يقوم بالتعبئه
او البعض منهم يترك سيارته للبنشر ويرجع
بعد وقت من الزمن وما يدري انه انغش

وافضل طريقة هي شراء الزيت من محلات الجمله
سواء بالحبه او بالكرتون

تحياتي لك

[السليطين]

حسبي الله عليهم

[مشعل العيسى]

حسبي الله عليهم


..............................

[hightech]

واللة كل شي عند العمالة الوافدة جايزة وانا سبق وتعرضت لموقف

مع اياهم حطيت السيارة وقلت لهم غيروا الزيت والسيفون ودخلوها في المغسلة

وانا ذهبت للبيت وانا في طريقي تذكرت اني نسيت شي لااذكره حاليا ورجعت

يعني الوقت اخذ من اقل من خمس دقايف والا الرجال مطلع السيارة بيدخلها

في المغسلة وشافني وارتبك ولكن اصر على انه غير الزيت والسيفون

المهم اني سويت معهم مشكله وفضحتهم في الحارة وبعد كم شهر انقلعوا

اللة لايردهم

[ensaaan]

والله الحل
زي ماقال أخونا

إشتر بالجمله السيفون والزيوت
وريح راسك وفيها توفير شوي
وخلك على راسهم وهم يغيرون لك الزيت
ولا حتى ترمش عينك انتبه

تحياتي
الإنسان

[مريقب العيفار]

كل شي جايز مع هالعمالة

الله يكافينا شرهم

[منصور الفايز]

الله يعافيك اخوي ...

ولازم اخذ الحيطه والحذر ...
وافضل سي ان تكون لازق:cool: مع العامل اللي يغير الزيت .. وما راح يلعب عليك ... واذا كنت ما عندك اي خلفيه عن الزيوت .. لاتهرج معاه واجد علشان ما يدري انك ماتعرف ويلعب عليك :p

بالنسبة لفوكس سوبر جتي ... الاصلي يكون بعلبة بلاستكية وليست معدنيه (اللي تجي مدوره ) يكون اسمها فورس وبعدم الملاحظة الجيده يظن الزبون انها فوكس ويلعب عليك :mad: وتكون اقل موصغات طبعاً ويبيعها لك بسعر الفوكس سوبر جتي

وزيت موبيل من المعروف انه زيت مكرر, مُعاد تصنيعه

بس هذا اللي انا اعرفه .. وان شاء الله الشباب مايقصرووووون;)

[سدير 1]

حسبي الله ونعم الوكيل
ومشكور على التنبية

[مدرس بالغصب]

طيب يااخوان من اين اشتري الزيوت والسيفونات بالجمله وبكم سعر الكرتون وكم فيه علبه كذلك السيفون

[راعي الهدد 77]

السلام عليكم

بالنسبة لسؤالك اخوي (مدرس بالغصب) تلقاه عند محلات قطع الغيار

اما كم فيه حبة وكم سعره والله ماعندي خلفية لاني انا كذا مرة اشوفهم حاطين عينات من الزيوت اللي موجودة عندهم

ارجو اني اكون افدتك وتقبل تحياتي
اخوك (راعي الهدد 77)