صوت غريب في الددسن >>>>أرجوا الافاده

[Abo-ibrahem]

السلام عليكم


يا اخوان انا مع ددسن 99 يطلع صوت صرصره قوي مثل السيور


و انا اشك انه يكون من السيور


لان المروحه اذا زادت سرعتها راح الصوت ويرجع اذا رجعت سرعتها


واحيانا تزيد سرعتها والموتر اصلا جامد :(


والاسبوع اللي راح البطاريه خضراء وضعفت بسرعه من طلع الصوت واليوم ماتشغل السياره نهائياً


اتمنى تفيدونني الله يوفقنا وياكم

[فقشات]

والله ما عندي علم
لكن الشباب انشاء الله يفيدونك
يالله يا شباب الراجل ينتظركم

[isuzu.2007]

أتوقع و الله أعلم ان الصوت هذا كان صوت رمان الدينمو .. بما انك تقول ان البطاريه خضراء و السياره ما تشتغل فعلى هذا يكون الصوت زاد معك لين خرب الرمان و اصبح الدينمو ما يشحن و فضى الكهرب اللي في البطاريه و ما اشتغلت السياره .. فيلزمك تغيير رمان فقط لا تغير دينمو كامل بعض اللي في الصناعيه نصابين


أو ..

يكون سير الدينمو مرتخي و هو اللي يطلع الصوت و اذا كان مرتخي مرره الدينمو ما يشحن و بالتالي فضت البطاريه و لا اشتغلت سيارتك ..

اخوي تاكد من الحديده اللي مربوط فيها مسمار وزن الدينمو سبق و ان انكسرت معي بددسن او يكون المسمار مرتخي فتخرب ميزانية الدينمو فما يشحن فما تشتغل سيارتك ..

اتمنى اني اكون افدتك ..

[ee150]

مثل ما قال لك راعي السوزو

احتمال كبير انه من رمانة الدينمو

[ناااادرالوجود]

رمان دينمو ام صوة مكرات السيور الرئسيه المروحه

[escape_man]

نفس كلام الاخوان

الدينمو احيانا ميخرب فجاءة .. يعطيك تنبيهات

صوت مثل السيور ثم بعده تضعف دقة السلف ثم يموت فجأة

لابد قبلها انك شفت ضعف او ضعف بالانوار

[Abo-ibrahem]

فقشات
isuzu.2007
ee150
ناااادرالوجود
بن غييثات


كل الشكر لكم على مساعدتكم


انا اليوم تالي النهار طالع من الجامعه بروح للصناعيه


واشغل السياره ولا احلى منها رحت كم مشوار ابي الصوت يطلع ماله حس


قلت هونا يمكن زان :) بس تو في الليل بروح مشوار طلع ثانيه :(


----



بس يا أخوان انا ما لاحظت ضعف بالانوار والكهرب طبيعي


واللي اعرفه اذا كان الديمنو فيه مشكله يضعف النور واذا دعست بنزين يقوى وكذا


لكن انا النور عندي ثابت


هل تتوقعون يبيله شد سيور عادي والبطاريه فضت مصادفه ..؟

[قناص حفراوي]

والله ياخوك عندي ددسن 97
وصارت عندي نفس المشكله رحت وشريت طقم سيور
سير للمكينه وسير للمكيف تقريبا ب 30 ريال وغيرتهن وراح الصوت والسبب ان
سير المكيف متقطع من الاطراف
وارجو اني افدتك

[aooa]

يمكن السير يحتاج تغيير

ويمكن تكون المشكله عندك بالدينمو

لكن الحل وده لكهربائي فاهم وهو يعطيك الزبده

[Abo-ibrahem]

الحمدلله المشكله صارت بسيطه

غيرت كل السيور ووحده من البكرات ماكانت مشدوده

الله يعطيكم العافيه وبيض الله وجيهكم