حصلت لي مشكلة وأنا ماسك خط ....!! [الأرشيف]

مشاهدة النسخة كاملة : حصلت لي مشكلة وأنا ماسك خط ....!!

بلاك باث

27/01/2009, 02:06 AM

السلام عليكم ورحمة الله وبركاته

اخواني معي باثفندر 2004 اتوماتيك غيرت الزيت والسيفون الظهر ومشيت عليه مشاوير بسيطة تقريباً 20كيلو داخل الديرة وناوي أسافر العصر بنفس اليوم ولما مسكت الخط وبعد مامشيت 45 كيلو تقريباً وكنت ماشي بسرعة 130 كيلو بالساعة ومشغل المكيف طلع عندي صوت طقطقة بالمكينة (طق طق طق طق) :confused: واذا اسرعت اسرعت الطقطقة ولما اخفف تخف واستمرت تقريبا ربع ساعة بعدين خف الصوت ثم اختفى ... المهم ما كملت سفرتي ورجعت لديرتي وكلمت واحد يفهم بالمكانيكا شي بسيط قالي تأكد من السيفون رجعت للبنشري قلت له غير السيفون وتأكد منه المهم غيره وطلع الصوت مره ثانيه :mad: قلت ابروح للورشه ولما وصلت الورشة راح الصوت :confused: ولا فهمني المكيانيكي وطلعت من عند ورحت مشاوير ولا طلع الصوت مرة ثانية :no2: .
ارجو اللي عند خبره لا يبخل علي .
واسف على الاطالة .....

هاوي شمال

27/01/2009, 02:18 AM

اهلا

اتوقع المشكله بالسير

او المراوح اذا كانت توماتيك

وسيط مكة

27/01/2009, 02:19 AM

شوف اخوى ممكن تكون المشكة بكراسي المواطير (( الجلود))

بلاك باث

27/01/2009, 02:41 AM

هاوي شمال
وسيط مكة
اشكركم على مروركم ... والصوت كأنه داخل المكينة

أبو فهد11

27/01/2009, 03:20 AM

هذا سلمك الله مسامير الثلاجه طاحت عليك يالغالي

أنته منها لأنها تراها تسبب تخبيط للموتر

صوتها يجيك مزعج وملحوظ

على العموم الله يكون في عونك

قطب 999

27/01/2009, 09:10 AM

شيك على طرمبة الزيت والسيفون ممكن يكون غير اصلي

الساهر2003

27/01/2009, 10:13 AM

هل الصوت قرقعة وسط المكينة تقريبا يمين شوي ..؟

ترى ممكن يكون احد مستمير الثلاجة اذا انت مافكيتها وطاح وسط البستم .. وهذا حلها سهل روح اقرب ورشة وخله يفك لك المسامير وريح بالك

ذيب صعافيق

27/01/2009, 10:28 AM

http://75.126.184.24/~mekshat/vb/showthread.php? t=185318لو اطلعت على الموضوع على هذا الرابط في هذ المنتدا قد تستفيد

بلاك باث

27/01/2009, 12:55 PM

بارك الله فيكم جميعاً على الردود
الصوت اللي عندي فعلا اسمعه بقوه يمين المكينة لاكنه ليس قرقعة ولكن كأنه ضرب مطرقه
(شاكوش) طق طق طق .......
ومشكروين مرة ثانية على المساعدة ....

ماجد محمد

27/01/2009, 01:20 PM

هلا بك اخوي
تبي نصيحتي الحق على اقرب ورشة زينه قريبه جنبك تراها مسامير الثلاجه قبل لا تخبط الماكينه
نصيحه لا تمشي بالموتر
كان الله بعونك وعون الجميع

DARK2

27/01/2009, 02:08 PM

باذن الله اخذ الكلام 100% وحسب وصفك للمشكلة هذا صوت التكايات بالماكينة والظاهر وصول الزيت لهم كان خفيف .. واللي يسبب المشكلة هذي طرمبة الزيت ولكن حسب كلامك انها اول مرة تسمع الصوت وكان مع المشي فقط فمثل ماقال لك صاحبك تأكد من فلتر الزيت السيفون وثانيا تأكد من نوعية الزيت ولزوجتة ورقم الزيت هل هو مناسب لسيارتك ولا لا واما بالنسبة لطرمبة الزيت اذا حبيت تعرفها عطلانة ولا لاء شغل السياره لما تكون باردة واذا سمعت الصوت اللي تقول عنة فهنية مشكلة بالطرمبة واذا مافية صوت فتأكد من اللي قلت لك عنهم بالاول .. والله يوفقك

بلاك باث

27/01/2009, 06:37 PM

أبو فهد11

27/01/2009, 07:10 PM

يعطيكم العافية جميعاً على جهودكم وما قصرتوا والله ...
أخوي Dark2
غيرت السيفون والزيت (سوبر شل 20\50) جديد ولما طلعة المشكلة رجعت وغيرت السيفون مرة ثانية وعادت المشكلة لفترة (مشوار بسيط) ثم أختفت وشغلته اليوم الصباح ولا طلع الصوت نهائياً... بصبر ليوم السبت بوديه للورشة لاني حالياً مسافرعلى سيارة ثانية .
والله يكون بعونا جميعاً ...

هذه يا أخي الغالي زيت ما ذكرت لك في أول الموضوع مسامير الثلاجه

طاحت في البستم وأغلب الباث فيندرات ملحمينها أو فاكينها

أنا كان معي أنفنتي شبيه الباث وطاحت علي وصوتها قوي جداً

تسمعه كأنه ماطور هواء حق البناشر

كثر الاستعمال والصوت فيه راح يأثر في السرندل ويلزمك تخرط

ألحك عليه قبل لا يتأثر والله يكتب لك اللي فيه الخير

وأتمنى أنه يكون مشكله سهله وبسيطه

راعي الهدد 77

27/01/2009, 07:57 PM

الله يعينك وده الوكالة وهم اكيد يعرفون الحلـــ...

بلاك باث

28/01/2009, 01:29 AM

الله يعطيكم العافية جميعاً
ومشكوريييييييين

ابوفهيدان

28/01/2009, 05:24 AM

يمكن البلاكات قديمة (البواجي)
مرات يتعطل واحد منها وتلقاه مرة يشتغل ومرة يوقف ولما تكون ماشي صوته طقطقه
جرب تبدلها
او شف اسلاك البواجي

EFI-4500

28/01/2009, 12:11 PM

هذا والله اعلم مثل ما قالك قطب 999 و dark 2

الصوت صوت احد سبايك المكينه وذراعها ما يا صلها زيت

يعني طرمبة الزيت تكون خربانه وضخها للزيت خفيف

الشباب ما قصروا شرحوا واجادوا

الله يعينك ويستر عليك

بلاك باث

29/01/2009, 03:04 AM

بارك الله فيكم جميعاً وما قصرتو والله

vovo

29/01/2009, 06:09 AM

شف وانا اخوك
نفس المشكلة حصلت لي في يوكون

استشرت ناس واجد ومن بينهم مكانيكي سعودي في التشليح
قالي لو اقولك المشكلة بتضحك علي
قال المشكلة من السيفون قلت فسر كلامك قال اغلب السيفونات اللي في البناشر مظروبه اللي يكون ماهو اصلي واللي معاد تصنيعه فالزيت ماياخذ لفه كامله في اللسيفون فيبدا يطقطق
قال رح للوكاله وخذ سيفون وغيره عند البنشر وسويت مثل ماقال واختفى الصوت
والكلام ذا يمكن له شهر والى يومك ذا ماسمت الصوت
هذا اللي حبيت افيدك فية وانت جرب
ورد لي

بلاك باث

30/01/2009, 05:47 AM

اخوي vovo
غيرت السيفون مرة ثانية من نفس البنشر بنفس اليوم( ما أغير الزيت والسيفون إلا عندهم) وطلع الصوت ورحت على طول للورشة مسافة 5 كيلو ولما وصلتها راحت االطقطقة وإلى يومك الطقطقة اختفت....هل المشكلة إنتهت ؟

بلاك باث

31/01/2009, 12:48 AM

لما تكون المشكلة من مسامير الثلاجة هل الطقطقة تختفي ام تستمر ؟؟

أبو فهد11

31/01/2009, 04:43 AM

لما تكون المشكلة من مسامير الثلاجة هل الطقطقة تختفي ام تستمر ؟؟

أحتمال تختفي يا اخي العزيز لكن لست متأكد

لأنه يوم طلع عندي الصوت في الموتر على طووول

حملته في سطحه وعلى الورشه

طبعاً شغلته في الورشه وكان الصوت موجود

هذا اللي اقدر افيدك فيه

موفق إن شاء الله

واتمنى ما عاد يرجع الصوت

بلاك باث

31/01/2009, 08:30 AM

بارك الله فيك اخوي ابوفهد11

اتمنى ذلك وتنتهي المشكلة..

الكيان

01/02/2009, 05:24 AM

ماسك خط والا تعبير

ههههههه

بلاك باث

01/02/2009, 08:57 AM

!!!!!!!!!!
???????