طلعت من البايكة وحصل لي هذا الشي

[المرحوم]

عندي سياره نيسان باث فايندر 2004 اوتماتيك واخذته وانا ثاني مالك وهو ماشي 65000الف كم وله معي اكثر من سنتين وسمن على عسل ومشيته معي حتي 127500 الف كم ورحت عليه حتي لليمن المهم .
لما طلعت من البايكه بعد العصر ومشيت داخل البلد صار عندي طقطقه بالقير لمره واحدة وتجاهلتها ومشيت بعد حوالي 10كم صار يفصل القير ويرتفع صوت المكينه وكانه فاضي من غير ان تتحرك عصا القير من الدي المهم رحت للوكاله محمله على سطحه وعلى طول قالوا غير قير كامل حيث قالوا التقرير يفيد ذلك قلت يمكن حساسات او او او قالوا ابدا لابد ان تغير قير جديد وهل تعلمون كم سعره ب 34000الف ريال من الوكالة اخيرا طلعته من عندهم وامشي عليه خمسة كيلو ويقوم يفصل واتركه خمس دقائق حتى يبرد وامشي عليه وهلم جر حتي حطيته في البيت وكل واحد يقول وضب وواحد يقول خذ من التشليح وواحد يقول ويقول ؟
واحترت ارجوا ممن لديه معرفة ان لايبخل علينا شاكرين تعاونكم

[naifo]

خذ من التشليح ولا توضب

[خ الفياض]

الله يعينك تاكد من مبرد القير والحساسات قبل الفك او التغيير
واذا طلع الخراب اكيد من القير غيره ب واحد مستعمل على الضمان واشرط انه مو مفكوك قبل وخلهم يعطونك ضمان 6 اشهر ولا حولها واكتب بالفاتوره اذا خرب اخذ فلوسي كااااااااااااااااااااااااامله

[تنوم]

طيب شيك على الزيت يمكن ناقص

[لن أمل من العطاء]

الله يعينك تاكد من مبرد القير والحساسات قبل الفك او التغيير
واذا طلع الخراب اكيد من القير غيره ب واحد مستعمل على الضمان واشرط انه مو مفكوك قبل وخلهم يعطونك ضمان 6 اشهر ولا حولها واكتب بالفاتوره اذا خرب اخذ فلوسي كااااااااااااااااااااااااامله


هذا الكلام الصحيح

[بن نويشر]

أعوذ بالله من الشيطان الرجيم ....

قير بـ 34000 ريال !!!!!!!!!!!!!!!

عمى بلا عمى هذا قيمة سيارة .... حسبنا الله ونعم الوكيل ..

وعسى الله يعوضك خير ،، وأنصحك بالركاده ووده لكم ميكانيكي .... لعلى وعسى يكتب لك مهندس بارع يوفر عليك عناء التعب والخسارة ...

[نجد 1]

شيك على الزيت (( وبعدين لاتستعجل حاول تستفر من كذا ورشه)) والله يكتب لك الخير

[الستانس]

يا جال وين 34 الف

رح وضبه بـ2000 ريال ويا دار ما دخلك شر

وابعد عن التشليح >>>وجهه نظر

لأن قيرك تحت استخدامك وإذا وضبته ترجعه جديد

احسن لك من المستعمل

[ابوسهل]

السلام عليكم ورحمة الله وبركاته
انا امل منك عدم الاستعجال في تغيير القير .حيث سبق ان حصل مع نفس المشكلة بسيارة توع فورد وذهبت به الى اشهر الورش المتخصصة في صيانة القيرات بارياض وهم معروفين ومشهورين وجميعهم افاد ان القير مخبط ويحتاج الى توضيب او تغيير يكلف 4500ريال.ولكن لم اسمع كلامهم نظراَ لوجود خبرة بسيطة حيث لاحظت ان القير احيانا يعمل بشكل سليم واحيانا يفوت واحيانا يستمر بسرعة واحدة وبعد الذهاب بهه الى ورشة اخرى للتاكد وجد ان المشكلة بالحساس فقط ولم تكلف صيانته سوى 600ريال.
وحسب كلامك ان القير احيانا يعمل بشكل سليم عندما يبرد وهذا يدل على ان القير سليم حيث ان القير المخبط لايمكن ان يعمل بشكل شليم حتى لوكان بارد
واقترح انك تغير الحساس فقط الموجود غالبا اسفل السيارة .وتغير الزيت والفلتر فقط والله يوفقك

[أبوراشد]

واحد من الشباب قبل أقل من شهر اشترى يوكن 2008 يقول خربان قيره والوكاله طلبوا من راعيه 40 ألف
صلحه عند ورشه بصناعية الرواف ببريده بـ 6 آلاف فقط
ارسلي على الخاص اذا تبي رقمه وتستفسر أكثر عن الموضوع


,,,

[الربذي]

واحد من الشباب قبل أقل من شهر اشترى يوكن 2008 يقول خربان قيره والوكاله طلبوا من راعيه 40 ألف
صلحه عند ورشه بصناعية الرواف ببريده بـ 6 آلاف فقط
ارسلي على الخاص اذا تبي رقمه وتستفسر أكثر عن الموضوع


,,,
وهذا احد عيوب التماتيك
لكن فيه سعودي متخصص بقيور الباث بصناعية الرواف ببريدة
لكن لاتستعجل اخوي

[المرحوم]

الاخوة الاعضاء
السلام عليكم ورحمة الله وبركاته
كم كنت معتزا وفخورا بمزاملتكم في هذا المنتدى المرموق حيث من قرائتي للمشاركات لكم احسست بشعور مغاير حيث انني شعرت بانكم شريتم لي سياره جديده بدل سيارتي الحاليه
فالف شكر وشكر وشكر

[K3ke]

تأكد من فحمات القير تبي تلقى انه فيها المشكله