علق القير

[اسد نجد]

سلام علكم

اليوم وانا راجع من الدوام الظهر

علق القير في النمرة 4

وماطلع منها حاولت فيها مستحيل ثابت على النمرة 4

صرت اقوم السيارة بالرابع ودايم ضاغط كلتش

طبعا السيارة ربع تويوتا 91

وش السواة ودى اصلح الموتر قبل الخميس

لانى بطلع عليه للبر

[أبومشاري2008]

أتوقع أصلاح علبة كلتش علوي وتحت

[جيب الربع]

يلزمك فك القير بس لاتقرب السوريين الى فى الصناعيه القديمه ان كانك فى الرياض

[اسد نجد]

انا فى الرياض

والموتر بماانه معلق بالرابع

اذا جيت اشغله ينتع لازم اضغط كلتش

اتوقع معناها ان الكلتش سليم

[الستانس]

راجع الخاص

[رجل كريم]

شوف زيت علبة الكلتش ممكن يكون ناقص .. وعلى كل حال تقدر تحول الى اي ترس لكن بعد ما تطفي الموتر .

[aooa]

ما دام انك اذا جيت تشغله ينتع لازم اضغط كلتش وبعد ما تضغط الكلتش ما ينتع

هذا دليل ان الكلتش سليم والمشكله تكون في القير نفسه يمكن ما يكون في القير زيت او قليل جدا

وهل فيه صوت قبل كذا او فجاءه صارت المشكله

ومثل ما قالوا الاخوان ابتعد عن النصابين وحاول تروح للي موثوق ولو كان سعره غالي .

[حر المجمعه]

عزالله مشكله

[sameer_1798]

أتوقع يحتاج فك قير وتصليح ... ياليت أحد من الأخوان يدلك على واحد فاهم في الشغل هذا ويكون أمين وثقة .
ويفضل أنك تسئل عن القطعة في الوكاله قبل فك القير عشان ماتتوهق .

[صبيح2009]

فك القير ما منه فكه لازم يمكن تكون هلال ولا نحاسات

[اسد نجد]

الزيت مانقص

والقير علق فجاة وانا كنت بعشق للخامس

بدون مقدمات وماطلع صوت ولااى شى