عندي مشكلة؟؟؟ وينكم ياهل الجموس !!!..

[راعي الهدد 77]

السلام عليكم ورحمة الله وبركاته


مساكم (صبحكم) الله بالخير مشرفين واعضاء وزوار منتديات مكشات



عندي مشكلة وارجو من اهل الخبرة الحل ...


عندي جمس موديل 2004 سوبر بان


طلعت عندي بالمكينة صوت (تك تك تك..:confused:


اول ما اشغل الموتر واذا مشيت عليه مشوار يروح الصوت


واذا دعست عليه تسرع الطقطقة :(


ياترى وشي المشكلة ...


ارجو الرد بسرعة ..


وتقبلوا خاص تحياتي
اخوكم (راعي الهدد 77)

[لن أمل من العطاء]

هذا صوت التكايات

وهي في كل الجموس

خاصة في البرد
نظرا لكبر حجم المكينه فالزيت يطول حتى يصل الى التكايات وراس المكينه

لكن اهم شيء عداد ضغط الزيت في الطبلون يعمل بشكل صحيح وهل كلما زادت دعسة البنزين زاد ضغط العداد
اذا كان كما ذكرت لك فالامر طبيعي جدا

والافضل الفحص ولكن لا تفكر مجرد تفكير انك تفك مكينة السيارة باي حال من الاحوال

[راعي الهدد 77]

الله يجزاك خير اخوي

الصراحة ما نتبهت لعداد الضغط باشوفه وارد لك ..

شاكر لك مرورك وعلى الرد السريع...

[khalaa2u]

هذي طرمبة الزيت تحتاج تبديل انا عندي ونيت 2001 صارت هالسالفه لي واستمرت فتره ورحت لميكانيكي ثقه وقال لي طرمبه ومريت كم ميكانيكي ازيد التأكد وكلهم قالو لي نفس الشي بدلتها وراح الصوت

[راعي الهدد 77]

مشكور اخويkhalaa2u على مرورك

بس انت متاكد لاني كنت بوديه الوكاله بس خفت يضربوني ضربة بسعر غالي

ارجو تعلمني مكان الميكانيكي

ويمكن يكون زي ماقال اخوي (لن أمل من العطاء) شي طبيعي بالبرد

والله اعلم وارجو انك تتاكد ...

وجزاك الله خير وبيض الله وجهك..
وشاكر لك مرورك...

[GMC79]

طبيعي باذن الله

[ابوعقل]

ان شاء الله طبيعي

انا يطلع الصوت عندي

جمس 2006

حجم المكينه 6000

وزي ماقال

لن امل من العطاء

الصبح بالشتاء بس

بالصيف ما اسمعه

[ناوي نيه]

فعلا عندي الصوت يطلع وهي بااارده
اهم شي خل عينك على عداد ضغط الزيت يكون على النص او تحته بشوي

[حر المجمعه]

طبيعي باذن الله

[khalaa2u]

اذا انت بالدمام رح لراشد اليماني دكتوراه بالامريكي

[ابو نوره]

طبيعي باذن الله
انا سمعت الصوت بسيارتي البسوبر قبل شهر وشوي وراح ما طول بس كان الجو جامد
مع العلم انه 2008

[سهاري]

ودي افيدك لاكن ما ادري

[راعي الهدد 77]

ناوي نيه:الله يجزاك خير على المعلومة وشاكر لك مرورك عزيزي..

حر المجمعه: مشكور على مرورك..

khalaa2u:لا يابعدي .. انا بالرياض ومشكور على مرورك وعلى اهتمامك..

ابو نوره:الله يطمنك وشاكر لك مرورك

سهاري:الله يجزاك خير يابعدي .. بس ماقصروا الشباب .. وشاكر لك مرورك..
تقبلوا خالص تحياتي حبايبي

اخوكم (راعي الهدد 77)

[السنع كله]

مادام ضغط الزيت في الطبلون عادي لا تشيل هم لانه هو الذي يفيدك عن طرنبة الزيت

[تناهيت]

موضوعك طبيعي ولا توسوس وتأكد من ضغط الزيت وان شاءاللة امورك كلها خير

[لن أمل من العطاء]

الحين خلاص اقتنعت واهم شيء عداد الضغط وباقي العدادات فهي مهمه جدا

[راعي الهدد 77]

السنع كله: الله يجزاك خير .. وشاكر لك مرورك

تنهاهيت: الله يسلمك يا بعدي .. انا بس شكيت وخفت على الموتر ..
وشاكر لك مرورك..

لن أمل من العطاء: مشكور يا بعدي وشاكر لك مرورك

تفبلوا خالص تحياتي :)
اخوكم (راعي الهدد 77)

[kehelan]

المشكله بسيطه إن شاء الله
قد صارت عندي تروح وتجي وسافرت من الرياض إلى الأردن وهي على هالحال
يوم رجعت الرياض تقاربت فترات الصوت وبدا مؤشر ضغط الزيت ينزل إذا وقفت
وعلى طول أوديه عند ابوعادل وقال طرنبة زيت
وغيرته واختفى الصوت وإن شاء الله ما يرجع
آمل أن أكون أفدتك
تقبل تحياتـــــــــــي

[راعي الهدد 77]

سبحان الله وبحمده .. سبحان الله العظيم

[راعي الهدد 77]

سبحان الله وبحمده .. سبحان الله العظيم

[H5N1]

ياجماعة أنا كان معي يوكون موديل 2000 وصار فيه صوت تكايات (صبابات)
وإذا دعست بنزين يختفي الصوت ولاحظت نزول ضغط الزيت وفي نفس الأسبوع صار الضغط منخفض مرة وطلعت لي رسالة (check engine oil pressure)
وديته لأكثر من بنشري أقصد ميكانيكي قالوا لازم توضيب وفك مكينة ويكلف تقريبا 5000 ريال ثم وديته لواحد قال أول شي نفك الصدر ونشوف طرمبة الزيت وبعد مافكوه قال لقيت وصلة بين طرمبة الزيت ومجاري الزيت منفكه وتهرب الزيت وغيرت الطرمبة وشدينا المكينة وطلعت تمام والتكلفة تقريبا 700 ريال بس
هذي تجربتي
أما تجربتي مع اليوكون الحالي ففي يوم من الأيام شغلت السيارة ومشيت 5 أمتارمن البيت وطلعت لي نفس الرسالة ورجعت وأخذته للورشة على سطحة وقالوا طرمبة الزيت خربانة وغيروها وضبط الموتر وقالوا هذا شي طبيعي في اليوكون والمفروض تغيرها كل 60000 كلم تقريبا وبدون فك المكينة بس يفكون صدر المكينة
هذا مالدي وآسف للإطالة .

[راعي الهدد 77]

H5N1:الله يجزاك خير ويوفقك

ومشكور على ردك الباهر والمفيد وشااااااااااااااااااكر لك مرورك

تقبل تحيتي
اخوك (راعي الهدد 77)..