رحلتنا مع الأصدقاء إلى جراب

[abo saleman]

السلام عليكم ورحمة الله وبركاته

يالله إن تحييهم

كيف حالكم ؟

إن شاء الله بخير


أنا وبعض الأصدقاء عندنا قاعدة بالرحلات البرية

إن كل مره يختار واحد المكان

ويوم جاني الدور قررت أروح لجراب ودلوني أعضاء جزاهم الله خير على الطريق ومن بينهم المهاجر XP

ومشينا يوم الأربعاء بعد ماصلينا العصر في عنيزة في تاريخ 12 / 1 / 1430 هـ

لأن أحد الأخوان تأخر بسبب الدراسه

وهذي صورتنا وحنا طالعين من الأستراحة (مكان الأنطلاق)

http://docs.google.com/File?id=dc24f8bk_201ffg32qsv_b


وبعد ماوصلنا الزلفي الساعة 5:30

مايمدينا نوصل جراب إلا بالليل

وقررنا نبيت الليله في روضة السبلة اللي تبعد عن الزلفي قرابة 10 كيلو

بس عيب المكان شيء واحد بنظري اللي هو لايوجد نظافه

حتى إننا إضطرينا إننا ننظف المكان علشان نقعد

وهذي صورة المكان


http://docs.google.com/File?id=dc24f8bk_205dxcsshfs_b

طبعاً الروضة مشبكه ولها بوابات وأول الروضة على اليمين في زراعة علشان يستفيدون منها

والفياض أخر شيء

حنا مانبي الصجه وقعدنا بالمنتصف بيعد عن الطريق وبيعد عن صجة المخيمات

وهذا صورة جلستنا من الداخل

http://docs.google.com/File?id=dc24f8bk_203fvfq3dhk_b



وهذي صورة الربع وهم يسولفون على مايقضي العشاء

http://docs.google.com/File?id=dc24f8bk_2075g3xdrdc_b


وهذي صورة العشاء ولاننسى أهم شيء شطة الشومطره

http://docs.google.com/File?id=dc24f8bk_209f9vn6pf2_b


في ذيك الليلة نزل علينا برد حتى بعد ماقمنا نبي نصلي الفجر ونغسل الصحون لقينا كل شيء مجمد

وهذي صورة مكاننا من بعيد ومن قريب

http://docs.google.com/File?id=dc24f8bk_211cj2sdrcj_b


http://docs.google.com/File?id=dc24f8bk_213hmndwkdp_b



وهذي صورة تذكارية للأصدقاء في المكان المزروع

http://docs.google.com/File?id=dc24f8bk_215hjjstg24_b


عاد توكلنا على الله ومشينا لجراب

وتوقفنا في جراب من أجل التزود من المحطة

وطلعنا من جراب حتى إنتهى الزلفت

ورحنا إلى فيضة الرحبة

وبالطريق لقينا فيضة جميلة لكن كان يوجد فيها مخيم

وقررنا الأبتعاد عنه

http://docs.google.com/File?id=dc24f8bk_217jnqbscc2_b


حتى وصلنا بحيرة شمال شعيب الرحبة

يرجى عدم الرد

[abo saleman]

وهذه البحيرة مائها عذب و يتزود منها راعين الحلال

http://docs.google.com/File?id=dc24f8bk_219d3kssbhk_b


http://docs.google.com/File?id=dc24f8bk_221jwg4j6fk_b



وذهبنا ندور مكان نبيت فيه

وقعدنا نحارش نفود الدهناء وغرزنا حتى إضطرينا إلى تنسيم الكفرات

وبالأخير لقينا مكان جميل

http://docs.google.com/File?id=dc24f8bk_223grbfb9hc_b


وقعدنا نتجول بالمكان (نطلق رجليننا)

وقعدت أصور عدة صور للمكان

http://docs.google.com/File?id=dc24f8bk_225cwxfv34x_b


http://docs.google.com/File?id=dc24f8bk_227g59f6shd_b


http://docs.google.com/File?id=dc24f8bk_2294tfb55dz_b



http://docs.google.com/File?id=dc24f8bk_231d3hcqkcm_b


http://docs.google.com/File?id=dc24f8bk_233gdxncnfs_b


http://docs.google.com/File?id=dc24f8bk_235fd6znqdg_b


ولم ننسى التزود بالحليب

http://docs.google.com/File?id=dc24f8bk_237fjgmhtdh_b

يرجى عدم الرد

[abo saleman]

وهذي صورة الشعيب مع بعد غروب الشمس


http://docs.google.com/File?id=dc24f8bk_239hcck2dtw_b



وبعد ماغربت الشمس


لازم نشغل اللمبة


طلعت اللمبة مكسوره من لاستعجال اللي رابطها


بس معي لمبة ثانيه إحتياطية اللي هي الفلورنست (اللي موجوده بالبيوت الطويله)


عطيتها واحد مرجوج علشان يحطه فوق الشجرة علشان تنير المكان كله


طاحت من ايده وانكسرت وقعدنا ذيك الليله بدون نور بس معنا مصابيح (أكباس)


وبعد ماصحينا في صباح يوم الجمعة


مشينا الساعة 10


وقررنا إننا نروح الى الأرطاويه قطوع


وسألنا أحد راعين الحلال قال إن تبعد حوالي 50 كيلو وتطلعك على ديرة نسيت أسمه في فيها كلمة سدير


وبعد مامشينا وصار الطريق وعر جداً


إضطرينا إننا ننفخ الكفرات


باأحد الفياض


http://docs.google.com/File?id=dc24f8bk_24133sm4wgg_b


وكل شوي نطب في شعيب أزين من اللي قبله


وهذي صور الفياض اللي بطريقنا


http://docs.google.com/File?id=dc24f8bk_243f8v6wfhq_b



http://docs.google.com/File?id=dc24f8bk_245s3jvc7dp_b



هذي صورة فوهة


http://docs.google.com/File?id=dc24f8bk_247pmx6krhp_b



وهذي صورة القارمن


http://docs.google.com/File?id=dc24f8bk_249htkh6mcb_b




وإلى هنا نصل إلى نهاية الصور


وإن شاء الله يتجدد اللقاء بكم في رحلات أخرى


ومن يريد الأحداثيات يضيفني على أيميلي في ملفي الشخصي علشان أعطيه إياه بسرعة لأني ماأدخل موقع مكشات بكثرة


وشاكر لكم

[حنيني]

ماشا الله رحله موفقه

[assaef]

ماشاء الله عليك يابوسليمان وطلعه موفقه...
لوسمحت ياحنيني وين موقع الصوره المرفقه وتاريخها (تكفى.. تكفى لا تنساني)

[حنيني]

ماشاء الله عليك يابوسليمان وطلعه موفقه...
لوسمحت ياحنيني وين موقع الصوره المرفقه وتاريخها (تكفى.. تكفى لا تنساني)


ابشر يالغالي

الصورة في روضة الخفس قبل خمس سنوات

[أبو مها]

ماشاء الله تقرير ولا اروع

واكثر شي عجبني هالفكرة ((للعجازية مع البرد))
http://docs.google.com/File?id=dc24f8bk_209f9vn6pf2_b


نبي نطبقها بالبرد

أخوك أبو مها

[ناصر البداح]

ماشاء الله تبارك

[السيف س]

مشكوور على الصور

[عبدالله العلاج]

عافاك الله يالغالي
نعم الخوه ونعم الصحبه ياعزيزي
عافاكم الله
عندي توجيه بسيط بس اتمنى يتسع صدرك له ياعزيزي
اللي تبي تطمس وجهه لا تطلعه بالعرض افضل ولا لا لكي لا يتشوه عرض الصور الجميل
شكرا لك يالغالي

[المغرز]

الصراحه ماعندي كلام اقوووووووووووووله
تغطيه ولااروع
وتصوير ممتاز
ورحله موفقه
ومع السلامه:j

[نجم حفرالباطن]

رحله موفقه

شكر الله لك

لكن الصور وضوحها ودقتها ضئيلة

[الربع3]

مشكور على هالموضوع الطيب والشيق
بس فيه نصيحه من الاكل على سفر البلاستك لآنها ماهي صحيه وخاصتا مع حرارة الاكل المواد المصنعه منها البلاستك تذوب مع الحراره

تقبل مروري


وتحياتي لكـــــــــــــــــ ولجميع المرافقين في الرحله






http://docs.google.com/File?id=dc24f8bk_209f9vn6pf2_b

[دغيم1]

السلام عليكم ورحمة الله وبركاته
يعطيك العافية أخوي
وحمدا لله على سلامتكم
تقرير جميل ومبسط
وصور أضفت عليه جمالا
تشكرون على الحرص على النظافة والتي هي اساس البيئة وجمالها
بالنسبة للديره فهي ( ام سديره )
وأكرر ماذكره أخي الكريم
وهو عدم تناول الأطعمة على السفرة البلاستيك لأنه يحذر من إستخدام البلاستيك
مع أي ماده ساخنة وذلك لأضرارها الصحية
شكرا لجهودك
تقبل تحياتي

[حوات جده]

مشكور ابو سليمان وتقبل مروري