نحن وثقافة ورقة الإصلاح من المرور ....(( مشهد إحتضار طريق خريص ))

[مشعاب2]

طريق خريص وآآآآآه ياطريق خريص كم ظلمناك حيييييييل يالغالي

كل ما مشينا فيك زحمة , ما نعرف وقتها غير نقول آآآآآه منك ياخريص .
نجلس في طابور الزحام من المخرج إلى المخرج مسافة صف سيارات لا تقل عن 3 كيلوا

والسبب سيارتين خدشت بعضهن خدش

للإخوان اللي خارج الرياض ترا من جد خدش ياجماعة ماهوب حادث

خصوصا السواقين الأجانب

ثم تعال شف تلقى واحد فيهم يقفل المسار الأيسر والثاني المسار الأوسط

ولا يتحركون لين يجيء المرور وكل هذا لأجل ورقة إصلاح .....!!!

عشان ورقة إصلاح أمة لا إله إلا الله كلللللللللها تعطل مصالحها ورى الإثنين اللي رفضوا يتحركون لين يجي المرور

قبل شهر كنت في طريق الملك فهد وطبعا ترى نفس الكلام اللي اقوله عن خريص ينطبق على طريق الملك فهد

لكن طريق خريص بزياده المهم فجأة كبس راعي ليموزين قدامي فرامل وانا هديت بالقوة حتى وقفت السيارة

دون ما تجيء صقعه باللي قدامي فقط تلامس خفيييييييييف قسم بالله ولكن اللي وراي صقع فيني صقع
والله ياجماعة نزلت ناظرت بسارتي من قدام ما فيها شيء وسيارة راعي الليموزين برضة ما فيها شيء
ورجعت لسيارتي من ورى لقيت دقة خفييييييفه بالصدام عندي وعند اللي صقعني
والله وأركب سيارتي واحرك ويلحقني راع الليموزين الباكستاني قبل احرك
ويدق السيارة يديه يبغاني اوقف قلت له شف سجل عندك رقم اللوحة
ولاني معطل خلق الله تدعي علي عشانك
واحرك وامشيء
ومرة أخرى كنت عند مدخل طريق خريص من عند مستشفى ادما
وامشي على خفيف من شدة الزحمة بعد الدوام في ذاك المدخل عادة تأخذ نص ساعة حتى تنزل على طريق خريص
من الزحمة حتى شعرت بصدمه قوية من ورا وناظرت وإذا شايب في جيب ويسلم علي وارد عليه السلام وأكمل طريقي
والله مانزلت من سيارتي ولا نزل من سيارته
طيب ياجماعة الخير مدينة مثل الرياض وطرق مثل خريص والملك فهد
ما ترون إنه لا بد تغريم جميع من يوقف أو يعيق حركة السير ومصالح الأمة فقط لأجل ورقة إصلاح قيمتها دراهم معدودة مقابل المصحلة العامة

قسم بالله ودي إني أوصل هالشيء لأمير سلمان
لينضر في هذا الأمر بجدية

حيث إنا أبتلينا في مصالحنا وأشغالنا بهذي الثقافة لا تحرك حتى يجيك المرور

وإذا جاء المرور على طوووول خلاهم يتحركون أصلا بدون ما ينظر في كروكي الحادث

لأن الزحام ما يعطية مجال !!!

فهل تؤيدوني في ما هو محرق دمي ؟؟؟

[ابو شهد جدة]

السلام عليكم
اولاً اشكرك على هذا الموضوع المهم
وثانياً بالنسبة لزحمة السير والتي يسببها بعض المتخلفين مثل راعي الليموزين فالمفروض يتم محاسبته ويكون حسابه حساباً عسيراً.
فمثلاً عندنا في جدة طريق المدينة طريق دائري يقص جدة من الجنوب وحتى اقصى الشمال
انا عن نفسي استخدم هذا الطريق مرتين يومياً وذلك لذهابي للعمل وتعال شوف عجائب العالم في هذا الطريق
سواءاً من الحوادث او من بعض السائقين المتخلفين هذا يصلح شماغه وهذا يتكلم بجواله وهذاك اكرمكم الله ينظف خشمه وهذاك نايم في المسار الايسر
وبعظهم لو تأشر له بالنور مايوخر تقول مشتري المسار.
ومايحرق قلبك الى تجي مسرع وتتفاجئ بشخص امامك ماشي 20 ومعه سيارة تالفة ما تعرف كيف سمح له بتجديد اللوحات او الاستمارة.
والله الغظيم معاناة ما يعلم فيها الا الله.
المفروض تحدد سرعة كل مسار وكل سائق لايلتزم بالسرعه المحددة يحاسب.
لكن شكواي وشكواك الى الله.

تقبل فائق احترامي.

[همس الغدير]

بسم الله الرحمن الرحيم
السوال متى توجد اليه من ادارة المرور لحل لمثل هذه المشكلة ؟ وحبذا لو شارك الاخوان في طرح حلول للمشكلة

[مشعاب2]

السلام عليكم
اولاً اشكرك على هذا الموضوع المهم
وثانياً بالنسبة لزحمة السير والتي يسببها بعض المتخلفين مثل راعي الليموزين فالمفروض يتم محاسبته ويكون حسابه حساباً عسيراً.
فمثلاً عندنا في جدة طريق المدينة طريق دائري يقص جدة من الجنوب وحتى اقصى الشمال
انا عن نفسي استخدم هذا الطريق مرتين يومياً وذلك لذهابي للعمل وتعال شوف عجائب العالم في هذا الطريق
سواءاً من الحوادث او من بعض السائقين المتخلفين هذا يصلح شماغه وهذا يتكلم بجواله وهذاك اكرمكم الله ينظف خشمه وهذاك نايم في المسار الايسر
وبعظهم لو تأشر له بالنور مايوخر تقول مشتري المسار.
ومايحرق قلبك الى تجي مسرع وتتفاجئ بشخص امامك ماشي 20 ومعه سيارة تالفة ما تعرف كيف سمح له بتجديد اللوحات او الاستمارة.
والله الغظيم معاناة ما يعلم فيها الا الله.
المفروض تحدد سرعة كل مسار وكل سائق لايلتزم بالسرعه المحددة يحاسب.
لكن شكواي وشكواك الى الله.

تقبل فائق احترامي.



هلافيك أبو شهد

واشكرك على مشاركتك

ومعليش اعذرني أنا لا أريد أن أعمم موضوعي عن المخالفات المرورية بشكل عام

أنا أريد الإخوان يركزون على مسألة

أليس من الضرورة إعطاء أقصى مخالفة لكل من يعرقل حركة سير المسلمين ويعطل مصالحهم لأجل مصلحتة الخاصة لأجل ورقة إصلاح ......!!!!!

[ابو شهد جدة]

هلافيك أبو شهد

واشكرك على مشاركتك

ومعليش اعذرني أنا لا أريد أن أعمم موضوعي عن المخالفات المرورية بشكل عام

أنا فقط أبي أركز على مسألة

أليس من الضرورة إعطاء مخالفة لكل من يعرقل حركة سير المسلمين لأجل ورقة إصلاح



كل الطرق تؤدي الى روما
وكلهم مخالفين.

وأزيدك من الشعر بيت اذا ما حبيت توقف وتأخذ ورقه تعال اعلمك على الورش الي تبيعهم عندنا في جدة.

[الكار]

أنا بالنسبة لي تايب من استخدام طريق خريص أطلع واستخدم طرق اخرى تزود علي المسافة 55كلم كل يوم.:(

طيب أخوي مشعاب أنا معك اذا الصدمه خفيفه أصلا ماتستاهل الوقفه لكن لو أعدم لك سيارتك
وحركت أو طلعت سيارتك للمرور المحلي علشان ماتعطل خلق الله أظن المرور مارايح يكتب تقرير الحادث الا بنفس الموقع.

[مشعاب2]

أنا بالنسبة لي تايب من استخدام طريق خريص أطلع واستخدم طرق اخرى تزود علي المسافة 55كلم كل يوم.:(

طيب أخوي مشعاب أنا معك اذا الصدمه خفيفه أصلا ماتستاهل الوقفه لكن لو أعدم لك سيارتك
وحركت أو طلعت سيارتك للمرور المحلي علشان ماتعطل خلق الله أظن المرور مارايح يكتب تقرير الحادث الا بنفس الموقع.


قسم بالله اني ودي القى لي درب ثاني غير خريص يوم ادوام من الريان خلف مخرخ 13 الى المستشفى العسكري :(

ثانيا انا معك أن الخطأ من المرور نفسه اللي علم العالم هالخطأ

أجل تتصل ثم يقولك لا تحرك لين تجيك دورية

[الفتى سندباد]

أشهد بالله أنك صادق
لكن لا حياة لمن تنادي

[مشعاب2]

بسم الله الرحمن الرحيم
السوال متى توجد اليه من ادارة المرور لحل لمثل هذه المشكلة ؟ وحبذا لو شارك الاخوان في طرح حلول للمشكلة

ابشرك ارسلت الان ايميل على بنفسة صيغة الموضوع

على ادارة مرور الرياض .....

هنا http://www.rt.gov.sa/form.php
(http://www.rt.gov.sa/form.php)

[ع. بن عمار]

السلام عليكم ورحمة الله وبركاته
مشكور وما قصرت على هل الموضوع من جد هل الاجانب يسببون ازمه عندنا في السواقه خاصه اذا صار صادم ولا مصدوم
عاد السؤال اللى يطرح نفسه وين المرور اللى يمشون بدبابات (الدبابات على قولة حبايبنا الكويتين طقطاقي)ليه مايجون بسرعه و يمشون هذولى بشكل سريع عشان لا يعطلون خلق الله؟
عاد تخيلوا يا جماعة الخير كان فيه اسعاف ولا حريق كان بيموت اللى في الإسعاف ولا بيحترق البيت ولا المنشأه وهاذولى ما وصلوا والسبب في ذلك يعود لطويلين العمر اللى تصادموا وعطلوا العالم اللى وراهم.
لا تعليق صراحه
وازيد على كلام اخوى الكبير ابو شهد. الهنود والبنقال اللى يضرب في وجهك فرامل وقدامه مسافه كبيره ولا وماسك المسار الأيسر
هذا من جد ودك تمسكه وتليخه وتليخه الين لما يعلن اسلامه من جديد (اذا كان مسلم) انا قبل اسبوعين تقريبا صدمتلي واحد راعي تكسي على دوار كان قدامي وعلى اساس انه مشى ولاه موقف الأخ وانا مشيت وانا اطالع يسار وما غير اصدمه ويالله عاد حلها عاد قالي مرور قلت له بلا مرور تعال وراي واعطيه 150 والمشكله ان موتره ما جاه الا مخش في الصدام الخلفي وانفك من القاعده ولا هل الباكستاني باغن يغثني بس هل الفلوس سكتته

[أمير المصفحات]

عادي يا أخوان هذا الشيء تعودنا عليه

[مروووق]

انا اشهد انك جبتها على الجرح :rolleyes:

حتى بالمنطقة الشرقية ، بالدمام تحديداً ، على طريق الجبيل الظهران
من كوبري ابن خلدون ، الى مجمع الكباري ، يعني مسافة تاخذها في 5 دقايق . تاخذ فيها احيانا 20 دقيقة بسبب هالاشكال :(. خصوصا ان مجمع الكباري للي رايح الخبر يتحول من 3 مسارات الى مسار واحد . و تعال تفرج على المهرجان الي صاير

وأحيانا السبب اثنين بنقاليه ولا هنود موقفين الناس بسبب خدش بسيط او شي مثل كذا. وترا حتى ربعنا السعوديين بالصباح لك عليهم ، تحصلهم مسوين زحمه والطريق فاضي . موقفين الطريق بسبب انه فيه واحد مبنشر وواقف بأقصى اليمين والعالم تتطمش عليه تطالعه و مسوين زحمه وراهم مسافه 7 كيلو :mad:

هذا اذا استثنينا الي يجيك طاير متجاوز من الكتف اليسار يسوق 160 ولا 180 ولا كأن فيه احد بالطريق الا هو :no: ... ادري شطحت عن الموضوع بعيد ، بس من كثر ماني مكبوت من هالموضوع . واعاني من هالطريق لاكثر من 10 سنوات

انا رأيي من رأيكم انه تتم محاسبه اي شخص يتسبب في حدوث زحمه او ربكه ، خصوصا الي يكلم جوال ولا ياكل سندويش بيض بالجبن. ماجاب لنا البلاوي الا هالاشكال

[مشعاب2]

السلام عليكم ورحمة الله وبركاته
مشكور وما قصرت على هل الموضوع من جد هل الاجانب يسببون ازمه عندنا في السواقه خاصه اذا صار صادم ولا مصدوم
عاد السؤال اللى يطرح نفسه وين المرور اللى يمشون بدبابات (الدبابات على قولة حبايبنا الكويتين طقطاقي)ليه مايجون بسرعه و يمشون هذولى بشكل سريع عشان لا يعطلون خلق الله؟
عاد تخيلوا يا جماعة الخير كان فيه اسعاف ولا حريق كان بيموت اللى في الإسعاف ولا بيحترق البيت ولا المنشأه وهاذولى ما وصلوا والسبب في ذلك يعود لطويلين العمر اللى تصادموا وعطلوا العالم اللى وراهم.
لا تعليق صراحه
وازيد على كلام اخوى الكبير ابو شهد. الهنود والبنقال اللى يضرب في وجهك فرامل وقدامه مسافه كبيره ولا وماسك المسار الأيسر
هذا من جد ودك تمسكه وتليخه وتليخه الين لما يعلن اسلامه من جديد (اذا كان مسلم) انا قبل اسبوعين تقريبا صدمتلي واحد راعي تكسي على دوار كان قدامي وعلى اساس انه مشى ولاه موقف الأخ وانا مشيت وانا اطالع يسار وما غير اصدمه ويالله عاد حلها عاد قالي مرور قلت له بلا مرور تعال وراي واعطيه 150 والمشكله ان موتره ما جاه الا مخش في الصدام الخلفي وانفك من القاعده ولا هل الباكستاني باغن يغثني بس هل الفلوس سكتته


اخوي ولاية سدير

ردك ساهم في الموضوع

والله يعطيك العافية


لو اني اقول مقهور على 150 اللي عطيت الباكستاني

[مشعاب2]

عادي يا أخوان هذا الشيء تعودنا عليه



اخوي ردك ذا كنت اتمنى اني ما قريته

ابي اعرف كيف عادي

الحين الشيء لا صار اصلا خطأ

تبينا نقنع نفسنا فيه ونقول عادي ؟

لكن شكلت والله ما تداوم مع خريص ولا تعرفه :(

ولا ماقلت الهرج :mad:

[مشعاب2]

انا اشهد انك جبتها على الجرح :rolleyes:

حتى بالمنطقة الشرقية ، بالدمام تحديداً ، على طريق الجبيل الظهران
من كوبري ابن خلدون ، الى مجمع الكباري ، يعني مسافة تاخذها في 5 دقايق . تاخذ فيها احيانا 20 دقيقة بسبب هالاشكال :(. خصوصا ان مجمع الكباري للي رايح الخبر يتحول من 3 مسارات الى مسار واحد . و تعال تفرج على المهرجان الي صاير

وأحيانا السبب اثنين بنقاليه ولا هنود موقفين الناس بسبب خدش بسيط او شي مثل كذا. وترا حتى ربعنا السعوديين بالصباح لك عليهم ، تحصلهم مسوين زحمه والطريق فاضي . موقفين الطريق بسبب انه فيه واحد مبنشر وواقف بأقصى اليمين والعالم تتطمش عليه تطالعه و مسوين زحمه وراهم مسافه 7 كيلو :mad:

هذا اذا استثنينا الي يجيك طاير متجاوز من الكتف اليسار يسوق 160 ولا 180 ولا كأن فيه احد بالطريق الا هو :no: ... ادري شطحت عن الموضوع بعيد ، بس من كثر ماني مكبوت من هالموضوع . واعاني من هالطريق لاكثر من 10 سنوات

انا رأيي من رأيكم انه تتم محاسبه اي شخص يتسبب في حدوث زحمه او ربكه ، خصوصا الي يكلم جوال ولا ياكل سندويش بيض بالجبن. ماجاب لنا البلاوي الا هالاشكال



المشكلة عامة

زي ما قلت اخوي في جميع ارجاء المملكة

لكن انا تكلمت عن الرياض لأني فيها الأن وأيضا مثال قريب إلى ذهن أغلب الاعضاء

والحل ما يجيء إلا بقوة سلطة المروووور في هذا الأمر


زي مثلا إنه يتم إصدار تعميم في وسائل الإعلام أن من يوقفون حركة السير

في الطرق الرئيسية في إنتظار المرور يتم إدخالهم التوقيف والسيارة للحجز

نظرا لتعديهم على المصالح العامة للسكان الرياض او من يريدون ان يسلكوا الطرق الرئيسية

لأجل مصلحتهم الخاصة

عموما اتمنى من الجميع حرص النقاش في هذي المشكلة فقط عن بقية المخالفات والتجاوزات المرورية

حتى لا يتشعب الموضوع

حنا نقاشنا عن توقيف وتعطيل حركة السير لأجل ورقة الإصلاح فقط

[مشعاب2]

على فكرة أذكر مرة داومت على الساعة 7 الصبح

طبعا العادة اداوم 6 عشان اسبق قفله خريص

لكن اذكر اني سمعت برنامج في اذاعة الرياض على الهواء

مستضيفين ظابط في المرور يصف حركة السير بالرياض

إذا كان البرنامج هذا يومي ياليت أحد من الأعضاء اللي ما يكون مداوم وقت بث البرنامج

يسووي معروف ويتصل على البرنامج و يثير و يناقش هالموضوع على الهواء

إذا فيه امكانية إتصال بالرنامج

[بـلـيـهـان 1]

اقول لك من الحين وسع صدرك مستحيل احد يسمع صوتك ومن امن العقوبه اساء الادب

[الوعب]

السلام عليكم ورحمة الله و بركاتة


هذي فعلا مشكله و تعيق كل من يستحدم الطريق و الكل عانا منها

عندنا في قطر كان النظام نفسه هو المتبع .. يعني في الحادث يموت ولا يتحرك هذا بالنسبه للعماله الخارجيه
اما بالنسبه لاهل قطر كانا نتصل على الشرطه و نقولهم ايش الحاله و كيف الحادث و اذا متفقين الاشخاص الي تداعمو .. يقولهم الشرطي تعالو مركز الشرطه


اما حاليا تغير النظام من سنتين او ثلاث .. اصبح القنانون كالتالي:

اذا كانت السياره تمشي .. يعني الحادث ماتسبب بكسر تاير او تمار يعيق السياره من الحرك .. ففي هذه الحاله لا حول ولا قوه الا بالله .. لين تجي الشرطه

اما اذا كان الحادث بسيط و السياره ممكن تمشي لو بالدز .. فا ياويله الويل اذا جت الشرطه و السياره واقفه في الشارع .. على طول مخالفه و سحب رخصه

و من يومها انحل الموضوع .. و تشوف اذا فيه حادث بسيط و الي متداعمين واقفين تلقا الناس مستخدمي الشارع يحشرونهم لين يتحركون غصب

[العتل]

ياجماعة بالنسبة لورقة الاصلاح موضوعها بسيط جداً إذا دقشت بسيارتك مع سيارة اخرى ماعليك إلا احضار أستمارة سيارتك ( رخصة السير ) واثباتك ( بطاقة الاحوال ) .
وعندك كم قسم حوادث بالرياض يستفسرون عنك وعن سيارتك بالحاسب الآلى ويعطونك ورقة اصلاح على طول
والاقسام هي
1- قسم حوادث الناصرية
2- قسم حوادث شرق الرياض ( الملز )
3- قسم حوادث شمال الرياض
4-قسم حوادث غرب الرياض


http://www.mekshat.com/pix/upload/sign/images/mk94477.gif

[أبو مسفر]

والله اكثر مشاكلنا من السواقين الاجانب وخاصة العمالة اللي تعلمت السياقة عندنا
المفروض مهما كانت قوة الحادث اذا كانت السيارة تمشي يوخذ غرامة على اللي ياقف ويعطل المئات من شان شخص او شخصين

وكذلك يوضع غرامة السرى الدنيا مثل ما عند دبي في طريق خريص والملك فهد المسار الايمن السرعة الدنيا 60 والاوسط 80 والايسر 100
تلقاه ماسك اقصى اليسار ولا يمكن يوخر عنك وهو ما يمشي الا 60

[مب لازم]

اول شيء اكبر مسبب لوقوف خريص العمال والمصري الي معه دردعونه ان مشت عشره زين ولا يعرف يمشي في طريق الا وهو ماسك الايسر ولا يجيك ما سك اقصى اليمين ويطلع عليه واحد من المخرج وهو مسرع على طول يوخر عنه ويصدمك انت وانت ماسك الاوسط

وعندك بعد الدايري الشرقي في الظهر كل بنقليه الرياض فيه عشان يسببون زحمه ولا التريلات الكبار

وثاني شيء لازم يتغير مواعيد بدايه دوام الطلاب مع الموظفين
يعني يصير الطلاب الساعه 6 الموظفين يصير الساعه 9

ووقت خروج الطلاب يكون الساعه 1 الظهر والموظفين الساعه 4 او 5 العصر

وتمتنع اي مدرسه من قبول اي طالب او طالبه الا في المدرسه القريبه من المنزل
لان فيه بعض الناس بيته في جنوب الرياض يسجل عياله في شمال الرياض عشان ذيك المدرسه يعطون درجات اكثر اومايبي علانه في مدرسه حكوميه لانها قريبه من البيت

وانت شف خريص الساعه وحده ان تاخرت دقيقه وحده تشوف انواع الزحمات

وشكرا لطرحك هذا الموضوع

[صلهامه]

على فكرة أذكر مرة داومت على الساعة 7 الصبح

طبعا العادة اداوم 6 عشان اسبق قفله خريص

لكن اذكر اني سمعت برنامج في اذاعة الرياض على الهواء

مستضيفين ظابط في المرور يصف حركة السير بالرياض

إذا كان البرنامج هذا يومي ياليت أحد من الأعضاء اللي ما يكون مداوم وقت بث البرنامج

يسووي معروف ويتصل على البرنامج و يثير و يناقش هالموضوع على الهواء

إذا فيه امكانية إتصال بالرنامج







مشكورين على الموضوع وعساه ينفع

البرنامج فى الام بى سي اف ام واللى يعطى وصف الشوارع بالرياض المقدم ابو شراره بس ما يبرد كبدك بالوصف يعنى يعطونه دقيقه او دقيقه ونص ويالله يلحق على شارع والا شارعين

شطحة
مره فى مخرج طريق مكه كان قدامى سياره وهدأ السرعة فجأه وانا خلفه ضربت فرامل الا فان باكستانى حق نقل البضائع ملحم بصدامى الخلفى , مالكم بالطويلة انا سلمت والحمد لله وهو تكسر صدامه وانواره وفى قمة الزحمة عقب الظهر ونزل يصيح ( انتا مافى شوف ) قلت له اشرب ماء البحر انت الغلطان وركبت سيارتى ابى افلح الا قام يصارخ قلت له والله لو تصارخ لين يوم الدين ترى ان جاء المرور حط الغلط عليك 100 % حتى وان رحت تبى اصلاح يبون يغرمونك لان الغلط عليك لانك جاي من ورى بعدها هجد واسكت

[arrow]

بسم الله

فعلا موضوع يحتاج اعادة نظر .... ويحرق الدم بعد ....

الرياض مهوب ناقص زحمة ,,,بدون تعطيل وهو زحمة !!!

شكرا لك .......

[البيـرق]

انا معك بقوووووووووووووووووة

وهالشي متظايقين منه من مدة

ولا تلقا بسبب هالحكات تصير حوادث ورا بسبب الوقفه المفاجأة

الله يعين على هالقانون الغبي

[بدوي جنوبي]

لو فيه قطارات او باصات للنقل
في الطرق الرئيسيه مثل طريق
خريص او طريق الملك فهد
او الدائري الشرقي بجده
اكيد بتخف الزحمه
يعني تخيلوا كل موظفين الرياض او جده
يركبوا سيارتهم تقريبا في وقت واحد ،
حتي لو تم توسيع الطرق الرئيسيه
مشكله الزحام مستحيل حلها


شكرا لك مشعاب2

[سحابه]

ياجماعة انا مع أخوي ولاية سدير
ليش مايكون هناك دبابات للمرور تباشر بها الحوادث لانه من الصعب وصوله مع وجود زحمة السيارات

[مشعاب2]

ياجماعة اشكركم جميعا على مشاركاتكم


الطيبة وبإذن الله اني ناوي أجمع كل اقتراحاتكم وحلولكم


وارفعها بخطاب للادارة المرور و هيئة العليا لتطور الرياض

[الدبل الثقيل]

مافي حل للزحام في جدة والرياض وغيرها ... الا اجبار عموم الناس - بإستثناء البعض - على النقل العام الباصات والقطارات وتفعيلها .... وخصوصا في الدوام ... يعني الطلاب والموظفين ... اما توسعة الشوارع وغيرها هذي حلول مؤقته ...

[mansoursh]

السلام عليكم ورحمة لله وبركاته ،،،،،
اشكر صاحب الموضوع ،،،،،،،
اتمنى ان يكون تعاون بين المواصلات وتطوير مدينه الرياض والمرور بوضع طريق خريص دورين من الشرق الغرب حتى يخف الزحام ،،،،،،، شكرا

[نديم الحيا]

انصح الجميع بمرور الناصرية

يسوي تشييك لايكون فيه بلاغ على السيارة فقط ويعطيك الورقة في الحال ماتتجاوز العشر دقائق

ذهبت لمرور الغرب قال جب فحص وتأمين عشان اعطيك ورقة اصلاح

قال لي واحد من الربع عن الناصرية واروح لهم طلب مني الإستمارة بس

وعطاني ورقة إصلاح بعد ماشيك في الحاسب والله انها فاضية وانا اللي معبيها وختمها لي

[محمد بن سعيد]

والله كلامك اؤويدك عليه لأن بصراحة نظراً لقرب دوامي من البيت ألاحظ بعض الشباب عندنا في الدوام اللي ساكنين جهة طريق خريص يجي متأخر يعني على الساعة 9 صباحاً وإذا سألته قال لي زحمة خريص اثنين متحاكين ولا جاء مواترهم شيء ويقوفون شارع كامل لا وما هوب اي شارع

[العزوم]

بسم الله الرحمن الرحيم
السوال متى توجد اليه من ادارة المرور لحل لمثل هذه المشكلة ؟ وحبذا لو شارك الاخوان في طرح حلول للمشكلة

السلام عليكم ورحمة الله وبركاته
الاقتباس التالي من الماده( 63) من نظام المرور الجديد الصادر في 26/10/1429هـ ويتضح انه يسمح بتحريك السيارات من موقع الحادث في حالات محدده خلاف السابق والتي يعتبر تحريك السيارات مخالفة لطمس معالم الحادث
63/1- يجوز تحريك المركبة في الحالات التالية:
63/1/1- في حالة الضرورة عندما يكون موقع المركبة يشكل خطراً على السلامة العامة أو عرقلة حركة السير.
63/1/2- إذا كان الحادث بسيط وواضح المعالم واتفق الأطراف على كيفية وقوعه.





تحياتي

[مدرس بالغصب]

يا اخوان خلونا صريحين دعوانا كلها فوضى : اين المرور من قيادة المراهقين اللذين تسببوا ولازالوا يتسببون كل يوم على الناس بالحوادث واين المرور من العماله التي تتعلم القياده على شوارعنا وعلى حساب سلامة الناس واين المرور من تعقيدات ورقة الاصلاح وصعوبة الحصول عليها وكأن المشكلة الوحيدة عندنا هي حزام الامان فقط