الفزعة .. ابي حل لضعف دينمو الكهرب في الجيب القدييم .. [الأرشيف]

مشاهدة النسخة كاملة : الفزعة .. ابي حل لضعف دينمو الكهرب في الجيب القدييم ..

مفك -

30/01/2009, 01:07 AM

السلام عليكم ..

مساكم \صبحكم الله بالخير يالنشامى ..
انا معي جيب تايوتا قدييم ..الدينمو فية ضعييف حييل حتى وهو شغال عادي ثم دعست علية يقوا كل شي النور والبوري ..ركبت علية مراووح كهرب والله لايوريك شفطت الكهرب كلة وصار يقطع ويضعف عزمة اذا اشتغلن المراوح وابي فزعتكم ياهل الخبرة تكفون هل المشكلة بفحمات الدينمو ولا وشو منة ..
ومشكورين مقدماً..

طاش

30/01/2009, 02:36 AM

ابوطاقية

30/01/2009, 10:54 AM

كم قوة الدينمو بالانبير ؟ اذا تحت 100 امبير لايهمك مايشغل مراوحك
افضل حل ترهم دينمو جمس يجي اقل شي 120 امبير طبعا الجمس القديم من 88 وتحت تحصلها رخيصه بالحيل

كويس

30/01/2009, 02:22 PM

يا اخي ركب دينموا جيب من موديل 96 وفوق اكتروني احسن شي لاكتاوت ولا غيره انا عندي 84 تويوتا وعليه مراوح وشغال ميه با الميه بس خذ بطاريه 95 امبير الحمدلله مركب ثلاجه 50 لتر ومقوي 350 واط وشغال ميئه ميئه ارجوا اني قد وصلت لك المعلومه

بواسامه

30/01/2009, 02:52 PM

مشكلتك في الكتاوت

صيد الخاطر 1

30/01/2009, 03:01 PM

هلابكـ أخوي

الحلول كثيرة وأنت تختار
1/ ركب بطرية بي أم
2/ دبل بطارية
3/ ركب دينمو لكزس
4/ ركب كتاوت بس يحتج كهربائي فاهم

أرجوا أن أكون أفدتكـ ,,,,

صيد الخاطر 1

30/01/2009, 03:02 PM

مفك -

31/01/2009, 03:22 PM

هلا اخوي اذا كان الجيب 89وتحت موجود الحل اول شي شيك على الفحمات حق الدينمة الكهرب وبعدين راح اتحصل اذا فتحت البانة الكبوت حق المكينة على الجنب الايسر الي مقابل السواق على الرفرف قطعة سوداء مربعة بحجم باكيت الزقارة بس مربع ومتين اسود وراح اوضح لك الطريقة اذا حبيت اتصل بس احب التاكد من موديل سيارتك

اية يالغالي طاش موديلة 87 ابشيك على الفحمات ان شاء الله ..انت تقصد الكتاوت حق الوكالة الاسود الكبير اذا كنت تقصدة فأنا الله العالم اني مغيره بس ياليت توضح لي الطريقة ولا عليك امر يالغالي..

ـــــــــــــــــ
هلا والله بابوطاقية اية الضاهر انة تحت ال 100 امبير
(افضل حل ترهم دينمو جمس يجي اقل شي 120 امبير طبعا الجمس القديم من 88 وتحت تحصلها رخيصه بالحيل )
بس دينمو الجمس صح قوي وزين بس مهو الكتروني لو بغيت اغيره اركب الكتروي ازين ولالا

ــــــــــــــــ
هلا والله بكويس

(يا اخي ركب دينموا جيب من موديل 96 وفوق اكتروني احسن شي لاكتاوت ولا غيره انا عندي 84 تويوتا وعليه مراوح وشغال ميه با الميه بس خذ بطاريه 95 امبير الحمدلله مركب ثلاجه 50 لتر ومقوي 350 واط وشغال ميئه ميئه ارجوا اني قد وصلت لك المعلومه )
حلو والله يعني ان شاء الله يبي يضبط بس مدحولي دينموا المكسيما اقوا والكتروني ..وش رايك ولا اركب على قولك دينموا جيب ..

ـــــــــــــــ
هلا والله بابواسامه
والله الكتاوت مافية شي على ما اظن لاني مغيره ما ابطيت ..

ــــــــــــــ
هلا بالغالي ابو سمحه..

(1/ ركب بطرية بي أم
2/ دبل بطارية
3/ ركب دينمو لكزس
4/ ركب كتاوت بس يحتج كهربائي فاهم )

والله يالغالي البطارية الي علية الحين 120 امبير ويالله يالله بس طيب لو ركبت علية البطارية الي تقول يبي يضبط ان شاء الله..

وتدبيل البطارية يبي شغل والله والجيب مايسوى

طيب اغلبهم قالوا الكتاوت والكتاوت جديد توي مغير يعني حق الوكالة زين مافية شي وانا غيرتة عن قولت يمكن منة لكن مافرق شي يوم ركبت الجديد ..

وانا اشوف ان الحل هو اني اغير الدينموا واركب حق جيب من الجدد ..

شكراً لكم جميعاً..

ابو رشيد

31/01/2009, 07:19 PM

اذا كان كل ماقالوه الاخون سليم
شيك على السلك الخارج من الدنمو وتاكد انه ماهو مرتخي او متاكل

ابوطاقية

31/01/2009, 07:23 PM

للمعلوميه دينمو اللاندكروز الاكتروني قيمته فوق 1200 ريال اذا ماعندك مانع بالسعر ركبه ترى قوي

مفك -

03/02/2009, 12:51 PM

لا ياخوي غالي ذا مايصلح راح ادوره بالتشاليح لعلي القا واحدن نضيف ..

ابشر اخوي ابو رشيد راح افحص السلك الي تقول واتأكد منة واذا امكن اني اغيره راح اغيره باذن الله ..

كويس

04/02/2009, 03:09 PM

مفك انا اعطيتك المعلومه الي مجربها الان بعدين بسيطه الدينموا ممكن قيمته 250 ريال وتغير في القاعده شوي الي راكبه في المكينه عن طريق المخرطه بعدين تنحل مشكلتك انشاء الله

ابودعسان

04/02/2009, 10:54 PM

علمنا وش صار لك يامفك
ترا الحال من بعضه

جيب الربع

06/02/2009, 10:01 PM

يا اخي ركب دينموا جيب من موديل 96 وفوق اكتروني احسن شي لاكتاوت ولا غيره