المساعد الشخصي الرقمي

مشاهدة النسخة كاملة : يا شباب عندي موتر يستهبل علي


صبيح2009
30/01/2009, 07:30 PM
السلام عليكم
كنت بالبر الخميس وفي الليل شبكت عقد النور على الجهاز للي بالطفايه للي تجي ورا الموتر باللاند وشوي طفا النور وجيت اشغل ما اشتغل البطارية قاضيه وهذا عيب القير التماتيك واللاند طبعا حتى لو عادي من بيدفه بالطعوس ثقيل المهم مشى واحد من الشباب حتى وصل لطريق بري وجلس هناك يمكن حول الساعه لين مر واحد معه بليزر قلنا بطاريه قال ما معي اشتراك قلنا موجود تعال بس خاف اشوي المهم يوم شفتهم جوا من الفرح رحت اشغل الموتر ابي اكبس لهم نسيت ان البطاريه مغلقه يوم دقيت سلفه ويشتغل ابن الكلب قهرني جاء خوينا قال ليش ما دقيتو انه اشتغل قلنا توه قال راعي البليزر اكيد هذولا نصابين يبون شي وحنا نسولف مع خوينا إلا راعي البليزر داعس ما قال مع السلامه
بالون
30/01/2009, 07:37 PM
نكبه ......................نكبه ....................وفضيحه بعد........... ومالومكــ مالكــ وجه ......... قهر
SuLTaN.M
30/01/2009, 07:49 PM
كااااااااااااااااااع

يا ابن الحلال اهم شي انكم سالمين


ركب بطاريه اضافيه اهم شي تدق لك السلف لو حقت دباب<< يعني صغيره
طبعي شمالي
30/01/2009, 07:57 PM
اخوي الطريقه الوحيده لشجن البطاريه في البر ..

انك تفك البطاريه وتدفنها في الرمل وبعمق كافي ولمده كافيه .. وبعدها ان شاء الله انها تكون كسبت شحنا كهربائيه من الارض ..
alhosam26
30/01/2009, 07:58 PM
اخوي صبيح
السلام عليكم ورحمة الله وبركاته
انصحك تشيك على الدينمو الفحمات وللمعلوميه البطاريه عمرها الافتراضي سنه والافضل لاي شخص يروح البر ان يكون لديه احتياطي شاحن بطاريه
تمنياتي لك باالتوفيق
عبدالله2009
30/01/2009, 07:59 PM
هههههههههه الله يعينكم

بس هذي الله يعافيك شغلتها سهله جدا ...

اصبع البطارية نقز !!!

واوقات تشغل السيارة ما تشتغل ... شوي وتدق سلف وتدور

اصبع البطارية تلقاه محلول .. شد عليه شوي
صبيح2009
30/01/2009, 08:29 PM
احسنت يا خوي عبدالله ان اشهد انك جبتها بعد الصلاة قبل اشوي فتحت كبوت الموتر وناظرة إلا حول الأصبع الأيسر شيء زي الطحين كذا عاد كان معي جاري دكتور اردني بالطب قال حط عليه ببسي ويروح ويتنظف ما هضمت الشغله ببسي قال انا دكتور قلت انت دكتور بس كربائي بنفس الوقت ما تجي
بدوي جنوبي
30/01/2009, 10:04 PM
الببسي اعتبره افضل منظف
وكلامه صحيح الدكتور
اذا صار الاصبع محلي كب عليه ببسي
وينظف علي طول ،،
كورابيكا
01/03/2009, 01:58 AM
السلام عليكم انا من صبيح ممكن نتعرف عليك والحمدلله على السلامه
المميـز
01/03/2009, 05:09 AM
الحمد لله على كل حال يابن الحلال

ودام الموتر اشتغل

المفروض انك حامد ربك قبل كل شيء :)

.
.
.

وبعدين عندي لك حل بما ان موترك قير أوتوماتيــك

حط معك البطاريه اللي فيها اسلاك مثل اسلاك الاشتراك

مثل اللي بالصـــــــورة

http://www.saco.com.sa/7595-0155.jpg


وهذي معلووومات عن هذا الجهاز




جهاز تشغيل السيارة بقوة 450 أمبير. به وحدة 12 فولت قابلة للشحن تحفط الكهرباء مع محول 220 فولت 60 هرتز للشحن بالمنزل. مع 12 قطعة إضافية للإستعمال الطارئ، يمكن تشغيل السيارة مع إمداد 12 فولت للإستعمالات الأخرى. به
جهاز إضاءة.


جهاز تشغيل سيارة قوي التحمل. الرجاء قراءة التعليمات. الشحنة الأولى لمدة 36 ساعة. مع محول. بطارية 12 فولت - 19 أمبير حامض رصاص محكم. رقم 5 أيه أم جي، سلك ملحوم



انا مجرب الجهاز وممتااااااااااااز جدا





وموجود في محلات ساكو


انا انصح فيه وبقووووه


مو شرط يكون قير موترك تماتيك


حتى القير العادي لاصار الموتر محمل والا بنفود ماتقدر تدفه


والله يستر علينا من الامور هذي كلها


والله يحفظنا في مطاليعنا ... آمين
مكشاتي كوكتيل
01/03/2009, 06:15 AM
هذي تحصل معي بعض المرات. أدق سلف ولايشتغل الموتر وأول الامر كانت تتغير ملامح وجهي للأسوأ لكن مع الوقت عرفت إن القصة ومافيها أصبع البطارية.