المساعد الشخصي الرقمي

مشاهدة النسخة كاملة : كم يسوى ؟


ابوعدي
31/01/2009, 01:57 PM
اخواني لو سمحتو ابي اعرف كم يسوى سفاري موديل 93 اربع بيبان مكيفين فل كامل مكينه ومحركات على الشرط بدي ما رش جته طقه بالرفرف الخلفي وفيه عفطات خفيفه بالباب الامامي امكن ما تذكر عند البعض
ماشي ميه وخمسين الف
خالي من السمكرة كفران بالون توه مركبها مفحوص ومجدد باسم راعيه وكاله ومركب فرارات
سؤالي كم يسوى لاهنتوا
كبسولة2
31/01/2009, 02:03 PM
17 ألف ريال وأشوفها زايادة على حقه

لماذا ؟

لأن عمره الأفتراضي أنتهى ومحركاته خلاص بدأت تهرب زيوت وتتقطع الجلد من طول الوقت حتى وإن كان مخزن بعد

وقفت على بيعه 97 فل كامل خليجي مرشوش بس نظييييف

بــ 22 ألف ريال

ونصيحة أخوية السيارات الجديدة راح يخفضون أسعارها بسبب أنخفاضها عالمياً

وإذا نزل سعر الجديد المستعمل راح يطيييييييح بقوة ويصير سعر هذا الجيب 10 ألف ريال

موفق خير أخوي
ابوعدي
31/01/2009, 02:07 PM
تسلم والله يالكبسولة على سرعه الرد وشكراً على النصيحه طيب وش رايك هل الموتر نظيف وهو يسوى فعلاً 22 الف لأن الرجال حاده بالمبلغ هذا
يعني وش رايك
والسيارة اللي تقول اربع بيبان او ربع
كبسولة2
31/01/2009, 02:32 PM
السيارة الي شفتها وأنباعت قدامي 4 ابواب موديل 97 مرشوشة بس بدون سمكرة

فل كامل تحس أنها نظيييييفة صراحة

حاول معه بالـ 17 الف ريال إذا رفض أرفعها إلى 18 الف

وإذا رفض دور غيره السوق ملياااااااان سيارات

وملاحظة بسيطة أخوي ترى النيسان مو مرغوب ودائما الي مو نظيف يبهذلك

في الصيف حرارة ومشاكل راديتر ومن هالسوالف يعني راح تصرف عليه شوي

وفي الشتاء الله يعينك تحميه نص ساعة قبل ماتمشي عليه حتى مايتفتف وينتع

لأن كل النيسان فيها مشاكل في الكلبرتير والبخاخ حقه

وإذا خبط ولا بوش يكلف توضيبه 7 آلآف ريال غير شغل اليد

ولا يرجع مثل أول يجي فيه حرارة طوال الوقت وخاصة مع تشغيل المكيف

ومعلومة ثانية النيسان إذا دخلت أرض (مراغة) أو فيها غبار كثير

يدخل عليك في الغمارة جو السيارة حتى وإن كنت مقفل القزاز

يعني لا ينصح بأستخدامه لمرضى الربو

ههههههههههههههه

صار علاج مو سيارة هذا ماعندي من معلومات عن النيسان

لأنه كان معي واحد أستعملته 5 سنوات بس بهذلني وبعته
ياسر 97
31/01/2009, 02:46 PM
توكل على الله وخذ السيارة قيمتة مناسبة وبدية زين ومحركاتة زينة وممشاة قليل
والسيارة اذا كانت خالية من الرش قيمتة فيها متى مابغيت تبيع
وانحش عن الي يقولك الموتر مرشوش كامل ومافية سمكرة مع الوقت تشطب البوية وتكسر واذا جيت تبيع ماتلقى الزبون الصامل ويعيبون بموترك لمين تكرهة
لكن اذا كان الموتر بدي وكالة انت الي تشرط عليهم وتحط السعر الي تبية وماحد يقدر يعذرب بالموتر
البواردي2009
31/01/2009, 02:59 PM
اخوي بارك الله فيك


لاتنس الاستخــــــــــــــــــــاره
ابوعدي
01/02/2009, 08:35 AM
الاخوان
كبسولة 2
ياسر97
البواردي2009
الله يعطيكم العافية وما قصرتوا على النصايح واشكركم على التفاعل