المساعد الشخصي الرقمي

مشاهدة النسخة كاملة : ابي علاج للطيريالنشامى ....


ابو فهيد.
03/02/2009, 06:55 PM
انا طيري مريض وشافه كذا واحد وكل(ن) يوصف علاج من عنده قلت اعرض المشكله واشوف

انا يالربع البارح اعلفت الطير لحم ونقدت عليه البرد (مو حار على العلف مثل ماكان ) وجيته بعد ساعتين تقريبا
ولقيته حاذف ( مروبج) بعض العلف لحم مثل ما اكله تماما واخذته اليوم للمدعى وهديته .
والطير مافيه حيل نهائيا طرح الحمامه بعد عناء يطير شوي ويوقع لين طرحها مع ان الحمامه منتوفه .
لون المرش يكرم القاري اخضر ونوبات اسود اعلفته نص ثندوه اليوم اخاف انه مايصرف عشاه مع العلم ان وزن الطير ناقص .

ارجو رد من لديه علم جزاكم الله خير
راعي شوق
03/02/2009, 07:03 PM
اخوي السلام عليكم
طيرك ان شاء الله ما فيه الا العافية ولكن العلف البارد ضره اعطيه حبوب سبارتريكس حقت الاقلاع وحاول تعلفه صافي بدون عظم وحاول يكون العلف على مراحل يعني تعطيه الثندوه على ثلاث مرات
وان شاء الله بيكون فخير وعافية
راعي مطروح
03/02/2009, 08:04 PM
الطير اللي فيه التهاب فرسه
الصامل999
03/02/2009, 10:38 PM
يسعد مسك بوفهيد الطير فيه تسمم في الامعاء حله بسكر نبات وانشالله تدعيلي واحسن من كذا اكشف عله في المستشفى بس لايسون منضار للطير حذاري!
رويلي وافتخر
03/02/2009, 10:44 PM
انا من راي راعي شوق وان شاء يكون بأحسن حااال
حرامي دجاج
03/02/2009, 11:08 PM
اولا الله يشفي لك طيرك.اخوي نصيحه لك الطير اللي يبي يعالجه لازم يشوفه ويكون صقار راعي خبره.انا صارلطيري نفس الشي وصار السبب قلاع داخلي.وواحد من الربع طيره نفس الكلام يحذف علفه بعد نصف ساعة تقريبا وعالجه صقار بسكر نبات مثل ماقلو الاخوان.المقصد انه صعبه يعطيك احد العلاج الصحيح.كل واحد يبي يقولك العلاج اللي مر عليه طبعا بحسن نيه.ارجو اني ماطولت عليك.تقبل تحياتي
محمد الشامان
03/02/2009, 11:18 PM
هذا اقلاع والله اعلم
الله يشفي طيرك
فزااع
03/02/2009, 11:33 PM
ود الطير مركز فهد بن سلطان وافحصه..

بيفيدونك ان شاء الله والربع اهل مكشات بيفيدونك..
دلوع الهوى
03/02/2009, 11:34 PM
ياخوى عطة جلي كوز علشان ينضف البطن ويعطية مناعة وبعد ثلاث ساعات عطة نص فرية بدون عضام وريحة يوم بعدين ادعاة ودعيلي
ربع خالي
03/02/2009, 11:57 PM
اخوي ابو فهيد ماني أعرف من الي ردوا عليك الله يجزيهم الف خير وعافيه ,,,,
ولكن يا اخوي انت ماذكرت وش اللي صاير على الطير قبل مايتعب ,,,,
وبذكرلك بعض الاسباب اللي تتعب الطير وتوصله مثل اللي وصله طيرك.
1- كفخ الطير على الكف ( خفّاق) ويطول بالكفخ وانت ماسك الطير ... هذا يمزع بطن الطير وسبب مثل اللي في طيرك.
2-يكون الطير مطاردله قنيصه وطول في الطراد وهو ماعنده اللياقه الكامله وحده الجوع على المطارد اللي اتعبته... وهذا نسميه ملع.
2-يكون الطير في السياره ولاهو في مكانن زين والسياره تهزه وهذا يسبب للطير هدت الحيل ..
((وكل هذي الاسباب اعراضها مثل اللي في طيرك.))
وتقبل مروري
تحياتي للجميع
عبدالله22
04/02/2009, 12:02 AM
اخوي ابو فهيد ماني أعرف من الي ردوا عليك الله يجزيهم الف خير وعافيه ,,,,
ولكن يا اخوي انت ماذكرت وش اللي صاير على الطير قبل مايتعب ,,,,
وبذكرلك بعض الاسباب اللي تتعب الطير وتوصله مثل اللي وصله طيرك.
1- كفخ الطير على الكف ( خفّاق) ويطول بالكفخ وانت ماسك الطير ... هذا يمزع بطن الطير وسبب مثل اللي في طيرك.
2-يكون الطير مطاردله قنيصه وطول في الطراد وهو ماعنده اللياقه الكامله وحده الجوع على المطارد اللي اتعبته... وهذا نسميه ملع.
2-يكون الطير في السياره ولاهو في مكانن زين والسياره تهزه وهذا يسبب للطير هدت الحيل ..
((وكل هذي الاسباب اعراضها مثل اللي في طيرك.))
وتقبل مروري
تحياتي للجميع

طيب اذكر لنا العلاج للفايده اذا كان صار للطير زي ما قلت

جزاك الله خير
ربع خالي
04/02/2009, 12:48 AM
فالك طيب يا عبدالله22انت تامر امر.....
العلاج اللي انا اتبعه في الحاله هذي (بشرط يكون جايتنه العله من احدى الاسباب اللي ذكرتها )
فهيه ...
1- الراحه التامه وماتقل عن اسبوع,,
2- سبوح الطير بماي دافئ,,,
3- تقليل في علف الطير ويكون طازه ,,, اما حمام او فأر,, ويكون ثلاث مرات في اليوم
4- في دواء طبيعي وهو ( الموميان ) وهذا الاسم عندنا في الامارات ,,, والحجم يكون قد راس ثقاب الكبريت,,, ويكون يوم تعطيه ويوم تعديه ... وتعطيه مره وحده فقط في اليوم ,, بشرط قبل ماتعلف الطير بأربع ساعات..
هذي تجربتي يا عبدالله ,, والله الشافي .
عبدالله22
04/02/2009, 12:52 AM
تسلم والله يا ربع

وهذا من طيب اصلك

وجزاك الله خير
ربع خالي
04/02/2009, 01:01 AM
ياعبدالله الجهاز مايسمحلي ابعث برساله الا بعد 50 مشاركه وفالك طيب باللي الله يقدرني عليه..
اولا وش هو القلاع ... يمكن عندنا الاسم غير ..
عموما شف حلق الطير ان ماكان فيه قرحه ...او يمكن طيرك عالف شي به عظم وماقدر يرجعه مع الروباي ... او ان الفرسه مجروحه من الداخل ... هذي حي الاسباب اللي مواريها على طيرك ...
اما الرجفه والله ياخوي ما اعرف وش سببها .. اهم شي انتبه لوزن الطير ...
اما العلاج اول شي سكر الطير ومن بعد السكره حاول انه يشرب البيض (الصفار منه ) او اللبن الطارج.
وهذا اللي اقدر افيدك فيه ,,, والسموحه من صاحب الموضوع لأني كتبت هالموضوع في موضوع طيره ..
تحياتي للجميع
معطاب حائل
04/02/2009, 01:01 AM
طيرك مافيه الا العافيه ان شاء الله

الطير كان ضعيف وانت كثرت العلف عليه واكيد بيقذف العلف

نصيحة اذا طيرك ضعيف وتبي تصنعه عط العلف مراحل يعني الصبح فطور على الخفيف

والعشاء عطه ولاتكثر عشان مايزمك الطير ولايقدر يصرف العلف

وحاول انك ماتدعيه ريحه لك يومين وعطه العلف صافي بدون عظام ولو طازج افضل

ولاتعطيه علاجات الحين ابد

والله الشافي
ولد سرحان
04/02/2009, 01:15 AM
الله يشفي طيرك
عقاب الحوم
04/02/2009, 09:22 AM
افحص الطير فيه اكثر من مرض يخلي الطير يقذف
صاحب نوماس
04/02/2009, 09:54 AM
اخوي هذا قلاع اكيد



لانها قد صارت مع طير معي


بس عطة اسبارتكس حقت القلاع

وان شاء الله ماعلية الا العافية
ابو فهيد.
04/02/2009, 04:22 PM
اخوي ابو فهيد ماني أعرف من الي ردوا عليك الله يجزيهم الف خير وعافيه ,,,,
ولكن يا اخوي انت ماذكرت وش اللي صاير على الطير قبل مايتعب ,,,,
وبذكرلك بعض الاسباب اللي تتعب الطير وتوصله مثل اللي وصله طيرك.
1- كفخ الطير على الكف ( خفّاق) ويطول بالكفخ وانت ماسك الطير ... هذا يمزع بطن الطير وسبب مثل اللي في طيرك.
2-يكون الطير مطاردله قنيصه وطول في الطراد وهو ماعنده اللياقه الكامله وحده الجوع على المطارد اللي اتعبته... وهذا نسميه ملع.
2-يكون الطير في السياره ولاهو في مكانن زين والسياره تهزه وهذا يسبب للطير هدت الحيل ..
((وكل هذي الاسباب اعراضها مثل اللي في طيرك.))
وتقبل مروري
تحياتي للجميع


اخوي ربع خالي انا والله كنت مسافرللامارات وماقصروا اهل الامارات احب اني اشكر بعض الاخوان قلب ذيب وقنيص غبر ولايهون ياس البوادي دلوني على محلات الطيور هناك مالك بالطويله وغبت تقريبا اسبوعين وحاط الطير عند واحد ويوم جيت الا والله ماهو طيري اللي انا خابر وانا مادري وش جاه ولا ودي احسس الرجال بشي سالت عن علوم الطير وعطاني علومه
وقال انه بالفتره الاخيره يعني اربع خمس ايام مادعى الطير ولا هده بس

والله لايهينكم كل واحد باسمه ولا يوريكم شر لا بطيوركم ولا بالمسلمين وخطاكم السو
ربع خالي
04/02/2009, 04:46 PM
والله يا ابوفهيد ما ادري وش ارد عليك باللي يخص علت طيرك ... لا انت اللي سألت الرجال وهذي طبوع النشاما وبيض الله وجهك واشكرك عليها ولا ذكرت ان كان الطير هزيل او انه متعافي بالعديه ...
ان كان الطير هزيل , ترا مافيه شر عد الطير واعلفه على فترات في اليوم ويكون العلف طازه ,,
وان كان الطير مستعد ترا السبب في العلف اللي كان ياخذه الطير ,,,
هذا اللي اقدر اقوله من بعد ماعرفت انك منت بعارف وش اللي غير على الطير , يوم هو عند خويك..
واعتقد ان الطير جاينه ملع قوي ويبيله راحه ... وعليك بسبوح الطير بماي دافي وخله بالشمس..
تقبل مروري
تحياتي لك
طربق طربق
05/02/2009, 02:10 AM
يا مرحبا اخوي ابو عبدالله

الاخوان ماقصرررو

شوف اذا كان اقلع راح تعرفه في امرين يوم ياااكل يقطع الاكل والشي الثاني ريحه الفل مو زينه هذا يكون احتماال كبير انه اقلاع

والشي الثاني هو الاكسيديا ضعف الطير والطيار الطيررر يكون بطى يعني يوم تشوفه يطير او على الدعو راح تنقد على الطياره من الناحيه هذي مصاب في الاكسيده ويضعف

بس شوف اخوي اذا كان اقلاع والطير اضعيف لاتعطيه اسبارتكس ترا راح يتعب الطير زيااده في حبوب صفره وبيضه حق القلاع خفيفه وزينه لو تعطيه حبيتن قبل الاكل او بعد الاكل مافي مشكله

والاحتمال الكبير طيرررك في اقلاع
ابو فهيد.
05/02/2009, 03:20 AM
ع العموم ياجماعة الخير بيض الله وجيهكم وانا اتعبتكم معي والمشكله اني بمكان ماحولي مستشفى اعرضه فيها وانا بديت معاه بالاسبارتركس
لي الحين يومين اعطيه منها على حبتين واعلفه على دفعات وتقل خاطر الطير بدا يزين ابا اشوف ان شاء الله وش النتيجه بعد خمس ايام وابي اريحه من الدعو والله يكتب اللي فيه خير وبغيت اسال يالربع عن علاج الاكسيديا كيف طريقته واللي يقدر يأمن لي العلاج مع العلم ان مكاني بالسعوديه بعرعر والله لا يهين كل واحد رد والا اهتم بالموضوع
صقار قديم
05/02/2009, 03:28 AM
يسعد مسك بوفهيد الطير فيه تسمم في الامعاء حله بسكر نبات وانشالله تدعيلي واحسن من كذا اكشف عله في المستشفى بس لايسون منضار للطير حذاري!

السلام عليكم

أخي الكريم أخالفك الرأي تماما ، إذا كانت حالة الطير تتطلب المنظار فلم الامتناع ؟


الأخ ابوفهيد تحياتي لك إذا رأيت ان حالة طيرك تسير للأسوء وان لون المرش يغلب علية اللون الأخضر ولم يتحسن بعد سكر النبات ب  ساعة فإن طيرك يعاني من إلتهاب لا يستطيع تشخيصة وعلاجة إلا مختص وبعد معاينتة ،وتحليلة . )مع إحترامي للجميع(.
أذا كان طيرك غالي عندك فلا تجرب فية الا السكر فقط.

على أمل أن نسمع منك ما يسر من أخبار طيرك

تحياتي
صقار قديم
05/02/2009, 03:47 AM
يسعد مسك بوفهيد الطير فيه تسمم في الامعاء حله بسكر نبات وانشالله تدعيلي واحسن من كذا اكشف عله في المستشفى بس لايسون منضار للطير حذاري!

السلام عليكم

أخي الكريم أخالفك الرأي تماما ، إذا كانت حالة الطير تتطلب المنظار فلم الامتناع ؟


الأخ ابوفهيد تحياتي لك إذا رأيت ان حالة طيرك تسير للأسوء وان لون المرش يغلب علية اللون الأخضر ولم يتحسن بعد سكر النبات ب  ساعة فإن طيرك يعاني من إلتهاب لا يستطيع تشخيصة وعلاجة إلا مختص وبعد معاينتة ،وتحليلة . )مع إحترامي للجميع(.
أذا كان طيرك غالي عندك فلا تجرب فية الا السكر فقط.

على أمل أن نسمع منك ما يسر من أخبار طيرك

تحياتي