ترهيم طرمبة البنزين لليوكن في تبوك(سكب) [الأرشيف]

مشاهدة النسخة كاملة : ترهيم طرمبة البنزين لليوكن في تبوك(سكب)

سكب

05/02/2009, 12:57 AM

اخي الحبيب اذا كنت تعاني من مشاكل طرمبة البنزين في اليوكن وتريد التخلص من المشكلة
عليك بالترهيم ويوجد في الصناعية مكنيكي تركي ممتاز يقوم بفتح فتحة فوق التانكي من داخل السيارة
وتركيب طرمبة Vxr ويقول العملية نجاحه ويتغير عزم السياره بدون مشاكل وكنت عندة قبل كم يوم
لاصلاح صوفة الدبل وكان يقوم بترهيم طرمبه لجمس 99 لاحد زبينه والتكلفه بحدود الف ريال كامله
ومن يريد عنوان الورشه يرسلني على الخاص عشان محد يقول يسوي دعاية

تحياتي

طبعي شمالي

05/02/2009, 01:00 AM

الله يعطيك العافيه يالغلا ..

لكن سؤالي هو هل مشكلة طرمبة البنزين هذي موجوده في الجموس 2007 وفوق ؟

سكب

05/02/2009, 01:21 AM

اخي طبعي شمالي
لااتوقع ومن المعروف عن اليوكن تحت موديل 2000 كثير الاعطال طرمبة البنزين وانا عندي 2002 ولايوجد مشاكل اوصيك تغيير فلتر البنزين كل6 اشهر وعدم ترك التانكي يصل الى الربع ونتبة من بعض المحطات
تحياتي

المدقق1

05/02/2009, 02:29 AM

اخي الحبيب اذا كنت تعاني من مشاكل طرمبة البنزين في اليوكن وتريد التخلص من المشكلة

عليك بالترهيم ويوجد في الصناعية مكنيكي تركي ممتاز يقوم بفتح فتحة فوق التانكي من داخل السيارة
وتركيب طرمبة Vxr ويقول العملية نجاحه ويتغير عزم السياره بدون مشاكل وكنت عندة قبل كم يوم
لاصلاح صوفة الدبل وكان يقوم بترهيم طرمبه لجمس 99 لاحد زبينه والتكلفه بحدود الف ريال كامله
ومن يريد عنوان الورشه يرسلني على الخاص عشان محد يقول يسوي دعاية

تحياتي

جزاك الله خيرررررررررررر...انتظر منك رد على الخاص

تناهيت

05/02/2009, 04:49 AM

لا ياخوي ان كان هذا التركي ثقة وشغله مجرب ولا علية كلام وسعرة معقول >>> حط عنوانه عشان الناس تستفيد ولك اجر ان شاء اللة تحياتي

عمر محمد

05/02/2009, 09:12 AM

بارك الله فيك انتظر منك الرد على الخاص

بدوي جنوبي

05/02/2009, 12:55 PM

لا ياخوي ان كان هذا التركي ثقة وشغله مجرب ولا علية كلام وسعرة معقول >>> حط عنوانه عشان الناس تستفيد ولك اجر ان شاء اللة تحياتي

بالعكس سعره غالي جدااااااااااااااااا

التكلفه ما تتعدى 200 ريال شغل يد فقط
والطرمبة الاصلية VXR سعرها معروف
اعرف واحد ركبها ب 150 ريال
وكل الشغله نزل التانكي وفحص الطرمبه
قبل التركيب وتم تغيير فيش للاسلاك

ونصيحتي للاخوان لا تفتح فتحه في بدى السيارة ،،، تشوه البدي
ويتعرض لدخول الماء وقت الامطار ،،والغبار والروائح والخ،،،

اذا تم تركيب طرمبة VXR ماله داعي عمل فتحه فوق التانكي لتغييرها السريع
طرمبه الVXR معروف انها من النادر تتعطل

المسساهر

05/02/2009, 01:32 PM

انا فى الدمام وسيارتى جمس موديل 99 لى تقريبا 5 اشهر مرهم طرنبة vxr موديل 2006 والله ماكلفتنى حتى 300 ريال ومرتاح مرة مرة اترك التركى والله نصاب فى يمانى فى شارع المزارع كهربائى عند بنشرى قريب من بنك الاهلى وسعرة مناسب ومجرب من سنيين التركى حرامىىىىىىىىىىىىى وشكراااااااااااااا

بدوي جنوبي

05/02/2009, 03:21 PM

سكب

05/02/2009, 05:33 PM

اخواني

الان تم الاتصال على المكنيكي ويقول سعر طرمبة البنزين vxr اصليه 600 ريال مع تغيير فلتر سعره 40 ونوع 70 ريال ويقول انه مايركب تجاري التجاري سعره 300 تقريبا وشغل اليد انت وشطرتك
الرخيص رخيص

والله اريد فعل خير اشوف اصحاب اليوكنات القديمه من خسارة في خسارة مع طرمبة البنزين

ويمكنكم قبل عمليت الترهيم طلب رقم جوال احد المرهمين عند التركي وسؤالهم عن النتيجه قبل عمل الترهيم

الله يسامحني تسببت لهذا الرجال

على العموم في تبوك لم نسمع احد يسوي ترهيم لطرمبه البنزين ويحقلكم اهل جدة والشرقيه مشاء الله
ومع كلام اخي بدوي جنوبي اذا تمت العملية بدون عمل فتحه من الداخل افضل

بدوي جنوبي

05/02/2009, 06:20 PM

اخوي سكب الله يعطيك العافيه
ما تسببت للرجل بأي شيئ
انت تبي تخدم الناس وجزاك الله خير

لكن بهالمبلغ كثيرررررررر
الشغله ما يبيلها مبلغ 1000 ريال
والاهم من هذا هو تخريم البدى ماله داعى

اقول لاي واحد يبي يغير طرمبة سيارته
بعد توفيروشراء القطع ابحث عن كهربائي
سبق وان قام بنفس الشغله ،،
ويتم الاتفاق علي شغل اليد واعتقد ما يتجاوز ال 200 ريال

ملاحظة / قبل تركيب الطرمبة يجب اختبارها خارج التانكي
لابد شراء القطعه من الوكيل وما تكون قديمة
لان بعضها يكون خربان وتقدر تستبدلها في حال انها ضعيفه
وتضمن انها الاصليه ،، غالبا مشكلة القطع الكهربائيه ما تستبدل

يوجد موزع كبير لقطع غيار تويوتا اغلب القطع من الامارات
ويبيعها على انها الاصليه فاحذرو منه

بالتوفيق للجميع

أبن الجنوب

05/02/2009, 07:32 PM

اخوي سكب ولا يهون الباقين انا مسوي طرمبة vxrعلى سوبربان 99 عند ورشة في حي الصالحيه ورشة الدرعيه الطرمبه حقت vxr97 بعد التخفيض 550 شغل يد 200 وصفايه 40 ريال وفيش 10 ريال ونشوف هي تخدم ولا لاء عموما عشت معاناة 4 سنوات وغيرت الطرمبه 6 مرات ومدري تضبط المره هذه لا وازيدك من الشعر بيت قطعتني في حقل مره وبين المويلح وضباء مره وانا واهلي معي على البحر وياالله لقيت واحد ساعدني واتصلنا على صاحب سطحه وحملته على تبوك وشكراً على موضوعك 0

ayaqaz

06/02/2009, 02:21 AM

يا أخوان الله يوفقكم..

مين يقوم بهذه العملية بمكة المكرمة..

يا ليت اللي عنده فكره يدلني جزاه الله الجنة..

الأسمري 2009

06/02/2009, 03:37 PM

ممكن ترسلي اسم الورشه على الخاص بارك الله فيك
انا في تبوك
وابيه ضروروي

سكب

06/02/2009, 11:24 PM

جزاك الله خيرررررررررررر...انتظر منك رد على الخاص

اخي
المدقق1 إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.
الحبيب يوجد مشكلة عندك في الرسال

سكب

06/02/2009, 11:28 PM

الاخ عمر محمد
الاخ الجراح555

تم ارسال عنوان الورشه على الخاص أسأل الله العظيم أن لا يخسركم

Magellan

06/02/2009, 11:43 PM

مشكور أخوي السكب على معلوماتك وإفادتك لإخوانك
لكن أعتقد من 2005 تم تغيير نظام ودورة الوقود كاملة في سيارات جنرال موتورز وأعتقد أن المشكلة إختفت بشكل كبير ،طبعا لايمنع من حدوثها في الموديلات الحديثة لكن بصورة فردية جدا بسبب خرابها ...
الموديلات من 2000 وإلى 2004 يكون المشكلة من إنكسارها وقد تكلم أخونا سوبر vtc عنها وأفرد لها مواضيع لحل المشكلة..
لكن موديل 99 ونازل هي فيه المشكلة وهي اللي تتغير بطرمبة الفكسار وخصوصا موديل 99 هو أكثرهن مشاكل بالطرمبة

سوبر152

06/02/2009, 11:47 PM

سعر الطرمبة الأصلية حوالي 600 ريال أنا مركبها للباترول من سنتين بس احرص على تغيير الصفاي إذاأحسيت ترادى عزم الموتر أوبدأ يقطع عند أصغر طعس

سكب

07/02/2009, 10:19 AM

الاخ المدقق1
يوجد مشكلة عندك في الخاص

سكب

07/02/2009, 10:25 AM

الشكر للجميع كم اسعدني مروركم
وأرجو ممن لديه الخلفية في هذا الموضوع إدلاء دلوه حتى تعم الفائدة

ودمتم بخير

hadaj

07/02/2009, 10:35 AM

بالتوفيق للجميع

شاهين تميم

07/02/2009, 11:06 AM

يعطيكم العافية يا سكب والشباب كلهم

اذا قل البنزين في التانكي عن الثلث احترت الطرمبة وبدت تفوت واللي ما عانوا من المشكلة هذي تلقاهم من يوصل البنزين للنصف راح وعبأ السيارة فل.

قبل 7 اشهر تقريبا قيمة طرمبة الفكس ار 97 (الاصلية) بما يقارب الـ 430 ريال في صناعية العاصمة بالرياض
تركيب طرمبة الفكس ار على اليوكون او الجمس ما يحتاج قص ولا غيره ولا يحتاج اعادة برمجة

والله يوفق الجميع لما يحبه ويرضاه

ارنون

07/02/2009, 11:24 AM

شكرا على الموضوع

كبسولة2

03/06/2009, 09:42 AM

الف شكر لمداخلات الشباب التي وضحت بعض نقاط اللبس

ساري 111

03/06/2009, 09:56 AM

خويك ذا مع احترامي الشديد نصاب
ليه يعلب بالموتر ويفتح له من الغماره عساه للكسار

كل هذا عجز ينزل التانكي؟؟

فيه ناس ارخص منه وينزلون لك التانكي بدون فتح بالبدي

بدوري7

03/06/2009, 12:46 PM

السلام عليكم
والله يا آخواني
آنا عندي شفر صالون 97 دفرنسين و آخوي معااهـ جمس 99 دفرنسييين
انا عانيت من الطرمبه كثيرررر
غيرتها تقريباً 4 مرات خلال سنتين ونص
مع العلم ان السيارهـ ما تتحرك كثيررر
وآكثر شيئ بالعطل اسافر فيه
وكنت دائماً ما ينزل البنزين عن النصف
وكنت عند المحطه اطفيئ السياره
وآحرص على الصفايه كثيرررر
كل ما آجي اسافر آغيرها
يعني السياره توقف كثيررر ما أستخدمها إلا نادراً
ويوم كنت ابمشي للدمام
فللت السياره ودخلت طريق الملك فهد دوبي طالع من المحطه
إلا الموتر يقطع ويطفاء ويشتغل
وعلى طووول عرفت انها الطرمبه " صارت خبره "
والمشكله اهلي معاااي والحمدلله ما تعطلت بالخط بسسس
بس الحمدلله كان فيه ورشه قريبه ولا 200 متر او 300 متر
وأخلي أخوي يجي ويسحب الصالون بالددسن " الله يالدنيا كنت اسحبهم بالرمال والآن يسحبني " سبحان الله
المهم كلمت صاحب الورشه وقلت الطرمبه مالها إلا 6 شهور او 7
ودوبي مغير الصفايه من 4 أيام تقريباً
قال لي مالك إلا طرمبة vxr 99
ورحت جبت سيارتي الثانيه وهذا الكلام الساعه 3 العصر
وشريت طرمبة أصليه اهي قيمتها فوق 450 آعتقد
وأفياش شريت وحطيته عنده
وقال ان شاء الله انا راح ادق عليك
آذان المغرب واهو يدق علي وقال السياره جاااهزه
ودزينا للدمام
من شهر 4 / 1429هـ إلى الآن الحمدلله ما فيه اي مشكله
وعلى فكرهـ الطرمبه ركبت بداخل التانكي مو تخريم او اي شيئ
بمكان شد البلد
ارجو اني افدت البعض آخواني
تحيتي للجميع

سكب

07/06/2009, 12:16 PM

مشكورين
وجزاكم الله خير
والله الهدف الفايده للجميـع وكلكمـ خيـر وبركـه
تحياتي للجميع

برق خاطف

08/06/2009, 12:08 AM

يوجد في السوق نوع ياباني اسمه ((( دنسو ))) شبيه لطرمبة Vxr .. وهي ممتازه ومجربه . وقيمتها 250 ريال فقط ...وتركب بدون اي مشاكل على قاعدة الطربمه الاصليه ..(( يعني دينمو )) حتى الفيش مايحتاج تغيير ..والتركيب 250 الى 300 ريال ..... ... وهذا من واقع تجربه .......

ayaqaz

09/06/2009, 03:44 PM