المساعد الشخصي الرقمي

مشاهدة النسخة كاملة : الدعامية الأمامية


ابن الوادي
07/04/2004, 12:28 AM
سلامن عليكو شباب ...
ابغى اسألكم حبايبي عن الدعامية للسيارات عموما والجيوب خصوصا (( يعني متى استخدمها اذا ركبتها))
ثانيا : من ناحية الشكل وش رايكم نركب الدعامية النيكل ولا نصبغها مثل لون السيارة !!!
ثالثا : انا بصراحة شاهدت على سيارات الدوريات حاطين لها دعامية سوداء
خصوصا ان الدعامية حقت اللومينا صغيرة وخفيفة مقارنة بالنيكل اللي موجودة بالسوق
رابعا : وهل تركب على الباثفاندر ؟
(( رجاء اللي يعرف وين احصلها يخبرني ))
تحياتي
سيرفر
07/04/2004, 08:57 AM
السلام عليكم ورحمه والبركه
تلقيه كل انوتع الدعاميات عند المميز وسعره زين في صناعية العويضه
محمد العبدالسلام
07/04/2004, 09:57 AM
اخي الحبيب بالنسبة للدعامات الامامية تختلف بحسب اختلاف استخدامها فمثلا هناك من يركبه لاجل الزينه وهذي كثيره واسعارها متفاوته وتركب بالصدام الامامي ولكن فائدتها قليله وهناك من يركبها لاجل دفع السيارات المتعطله أو لسحب الشجر مثل الحطابه أو مثل ما تفضلت سيارات الدوريات وهذي لازم تكون قويه وهي اللي يجي لونها اسود وحديديه وهذي يا اخي الحبيب تركب بالشاص مباشرة لانها لو ركبت بالصدام راح تضغط على الصدام وراح ينكسر
وانت وما تحتاج له وبالنسبة للدعامات تلاقيها موجوده وبكثره بشارع الغرابي بالرياض اذا كنت بالرياض واسعارها مختلفه وحذاري من العماله تراهم يبالغون بالاسعار والله يوفقك .

أخوك نجـ أبن ـد
ابن الوادي
07/04/2004, 09:13 PM
ألف ألف شكر أخوي ابن نجد واخوي سيرفر على النصيحة ولمروركم على موضوعي
تحياتي للجميع:) :) :)
أبو يوسف
20/04/2004, 11:05 AM
مشكور اخوي على طرح مثل هالموضوع

وانا عندي سؤال لمن يعرف عن هالدعاميات بعد اذنك

دعامية العدة ( الشاكوش التعليقة، حقت الذبيحة، الفاس ... ) وين احصلها بالرياض

وكم اسعارها


مشكور اخوي مرة ثانية على الموضوع
راعي سمنان
24/04/2004, 05:16 PM
اخواني ابن الوادي .... أبو هديـل ..... السلام عليكم ورحمه الله .

اذا كنت من الرياض فيوجد محلين هم من افضل من يعمل ( الدعاميات ) بالرياض واحدهم كما قال اخي سيرفر هو المميزالأخر هو المواهب وهو الأفضل من وجهة نضري لخبرته ومن كثرة الزبائن عليه من اهل البر ويركب لجميع السيارات بدون استثناء وعنده مقاس كل سياره ، وعلى فكره هو يخيرك بين ثلاث الوان اما الأسود وهو الأرخص من 400 - 450 ريال او لون السياره مع ضمان نفس درجه لون الوكاله بزياده 50 ريال او يكون نيكل ( تغطيس ) بزياده 150-250 ريال حسب حجم الدعاميه .
مكانهم صناعيه العويضه واذا تبي ارقامهم انا بالخدمه .
ناصح
25/05/2004, 09:32 AM
الاخ راعي سمنان

جزاك الله خير ولا يهونون الباقين

ليت تعطينا رقم المحل ( المواهب )

وجزاك الله خير
الروضة
28/05/2004, 09:10 AM
السلام عليكم ورحمة الله وبركاته
ورشة المواهب - في الصناعية - شارع الويضة - ورشة رقم 189

وأسعار الدعامات للجيب 400ريال أن آخذها منهم بس بدون تركيب الباث فندر واحد مركبها عندهم بـ 350ريال
والسلام

تم التعديل من قبل المشرف
ابن الوادي
01/06/2004, 01:41 PM
اسف على تأخر الرد لقلة دخولي النت .
ولكم مني جزيل الشكر على ردودكم المفيدة

ابن الوادي