المساعد الشخصي الرقمي

مشاهدة النسخة كاملة : العلم الاكيد للقير التماتيك


عسير المنال
06/02/2009, 04:17 AM
بسم الله الرحمن الرحيم


اخوانى الموضوع وما فية
ان شاء الله ناوى اشري لى جيب هدد
وتمكن المشكلة بأنة اكثر الموجود بالسوق من المواصفات الى ابحث عنها قير تماتيك
وانا حائر بالتماتيك او العادى الذي لم يتوفر لي بنفس المواصفات
ارجو الافـــادة
ولكم تحياتي
عاشق السيل
06/02/2009, 11:06 AM
أخوي القير على حسب استخدامك ،،

إذا كنت تبي تستخدم الموتر بالمدينة والبر فأنصحك بالتماتيك وخاصة إذا كنت من سكان الرياض والمدن الكبيرة ،،،

وإذا كنت تبي الموتر للبر فقط فأنصحك بالعادي لأنه أصبر وأقوى عزم ،،،

فائدة : التماتيك أريح وأقل صرفية بنزين لكنه يحتاج لمراعاة وصيانة دورية ،، والعادي أقوى عزم وأقل خرابات ولايحتاج للصيانة الدورية لكنه أكثر صرفية بنزين ومتعب بالقيادة بعض الشي والله أعلم ،،

أتمنى إني قدمت المفيد وتقبل مروري يالغالي ....
عسير المنال
06/02/2009, 02:55 PM
مشكور اخى عاشق السيل
بنسبة للاستخدام استخدام عادي يعني مشاوير داخل المدينة - سفر - كشتات وناسة

ولكن انا بعض الاخوة خوفوني من التماتيك قلت مالى الاستشير الاخوان بمكشات هم من يرشدوني
عاشق السيل
06/02/2009, 08:31 PM
مشكور اخى عاشق السيل
بنسبة للاستخدام استخدام عادي يعني مشاوير داخل المدينة - سفر - كشتات وناسة

ولكن انا بعض الاخوة خوفوني من التماتيك قلت مالى الاستشير الاخوان بمكشات هم من يرشدوني

بالعكس أخوي التماتيك مامنه خوف وأنا معي باترول 98 من ست سنوات وطلعاتي بالبر أكثر من وجودي بالمدينة وكل طلعاتي مطاعس ومشاوير بين الفياض وسفريات على الخطوط وسحب المغرزين والحمد لله ماشفت أي مشاكل أو عيوب رغم إن النيسان أكثر حساسية من التويوتا ،، بس أهم شي إني أشيك على الزيت كل فترة وأغير الفلتر مع الزيت كل 50 ألف كيلو ،،،،
فارس الفرسه
06/02/2009, 08:41 PM
انا معي 2003 اتماتيك
ماشي فوق 300 الف
وزي الحلوه
عسير المنال
06/02/2009, 10:52 PM
الله يطمنكم اخواني
ولكم الشكر
عسير المنال
07/02/2009, 04:04 PM
هل من مضيف
مرسال1
07/02/2009, 04:16 PM
والله تبي رأيي خذ عادي ..

الهدد قير عادي أرغب عند البيع ..

التوماتيك لا تاخذه إلا بـ Gxr أو Vxr ..
راعي طويلات
07/02/2009, 04:51 PM
أخوي نصيحتي لك خذ قير عادي في الهدد او gx-r
وكانك تبي تماتيك خذ لك vx_r
لان عزم ال6 سلندر بالتماتيك نايم بقوه وماينفع الا بالقير العادي بعكس ال 8سلندر الي يكون مرغوب في التماتيك اكثر
وطبعا التماتيك ميزته انه مريح واقل صرفيه بشكل خفيف للبنزين مثل ماذكر اخوي عاشق السيل
وقبل كل شيء استخر وجرب القير العادي وجرب التماتيك والي يناسبك توكل الله واشتره
عسير المنال
07/02/2009, 10:16 PM
تسلم اخوى مرسال
اذا رغية البيع فقط فأنا مستخدم طويل الاجل


راعي الطويلات
مشكور وكلامك على راسي
سوبر152
07/02/2009, 11:06 PM
والله تبي رأيي خذ عادي ..
عسير المنال
08/02/2009, 02:57 PM
مشكوراخوي سوبر رايك بالاعتبار
najdi
08/02/2009, 05:22 PM
باختصــــــــار..

قيـــــــر اتوماتيكـ = VXR

قيــــر عادي = GXR / GX / G

:)
ابوسفان
08/02/2009, 06:11 PM
اخوي انت حكيم نفسك اذا راعي جلد ومطامر عادي
واذا راعي وناسه وكشتات ومدينة تماتيك
وبعدين التماتيك يريحك
فارس العمور
08/02/2009, 06:30 PM
اتوقع ان مشاكل التماتيك كانت في الماضي الحين تطور جدااا وصار افضل بمراحل من العادي

العادي يصلح لواحد حياته بالبر فقط
أبوالعز2
08/02/2009, 06:35 PM
أخوي نصيحتي لك خذ قير عادي في الهدد او gx-r
وكانك تبي تماتيك خذ لك vx_r
لان عزم ال6 سلندر بالتماتيك نايم بقوه وماينفع الا بالقير العادي بعكس ال 8سلندر الي يكون مرغوب في التماتيك اكثر
وطبعا التماتيك ميزته انه مريح واقل صرفيه بشكل خفيف للبنزين مثل ماذكر اخوي عاشق السيل
وقبل كل شيء استخر وجرب القير العادي وجرب التماتيك والي يناسبك توكل الله واشتره
التماتيك أفضل
أما من ناحية 6سلندر أو 8 سلندر
فـ6سلندر مافيه عذروب لا بالعزم ولا بغيرة
Bader-M
08/02/2009, 06:44 PM
القير الاتوماتيك افضل لاسباب الاتية
1- اقل صرفية للوقود
2- اسرع استجابه
3- اسهل قيادة
4- يمكنك تحويله الى تغير يدوي عن طريق L-1-2-3 او تحويله الى افور درايف للقيادة الصعبه

تحياتي اليك
نايف292
08/02/2009, 06:59 PM
راعي الطويلات انا متفق معك تماما وكلامك سليم
عاشق السيل
08/02/2009, 09:25 PM
اتوقع ان مشاكل التماتيك كانت في الماضي الحين تطور جدااا وصار افضل بمراحل من العادي

العادي يصلح لواحد حياته بالبر فقط

:good: :good: هذا الكلام اللي كنت أقوله ،، بس أخوي فارس اختصرها وعطاك الزبدة الله يعافيه ...
راعي طويلات
09/02/2009, 06:16 AM
التماتيك أفضل
أما من ناحية 6سلندر أو 8 سلندر
فـ6سلندر مافيه عذروب لا بالعزم ولا بغيرة
أخوي كلامي هذا من تجربة كان مع الوالد Gx_r 2006 على يده من الوكالة اذا مشى وجاء بيغير من نمره لنمره قيره فيه طقه ودينا للوكاله قالوا هذا طبيعي في ال6 سلندر وغير كذا اذا كان الموتر محمل مايمشي الا بطلعه الروح وفي النفود ماينفع لان عزمه ضعيف وقيره مايساعده لذلك القير العادي افضل بمراحل وغير مشاكل بعض ال6 سلندر في نقص الزيت ومنها الموتر الي جاء معنا
بعكس الVx_r الي نشاطه ممتاز وعزمه حاضر سواء كنت بالمدينه او كنت بالنفود ومايهمه قير عادي او تماتيك لان مكينته تساعده
وممكن انت تشوف ان مافيه عذروب لان استخدماتك قليله بس لو تجرب ال 6 سلندر وال8 سلندر بتعرف الفرق
وأنا ماتكلمت عن ايهم افضل القير العادي والا التماتيك انا قلت فيه بعض السيارات مايناسب لها التماتيك والبعض الاخر يناسب لها العادي والتماتيك اذا ماكان التماتيك افضل
إعصار
09/02/2009, 08:46 AM
عزمه موب بالحيل ..

6سلندر.. تماتيك ..

خذ عايدي .. ولا8 سلندر ..

وموفق ياالغالي ..
ZIAD_KSA
09/02/2009, 09:01 AM
تبي تماتيك خذ امريكي والا الياباني ما نجح فيه التماتيك
بدرالبيان
09/02/2009, 09:39 AM
شوف حبيبي

عادي تما تيك يحكمه احتياجك

انا شريت 2007 تما تيك والحمد لله وفقت بفضل الله في الاختار يار جل دلع وفو ق الدلع في القيادة كانك تقود طيارة
عسير المنال
09/02/2009, 11:16 PM
اشكر الجميع على افادتكم

حقيقة زادت الحيرة الله يزينها
طحنون
09/02/2009, 11:34 PM
الاعتقاد القديم عن القير الاتماتيك انتهى مع التطور والاختراعات فااصبح القير التماتيك افضل بمراحل من القيرالعادي
فالافضل القير التماتيك
مثال للجيب القير التماتيك اقوى في السحب للسياره المغرزه لان القير العادي يحتمي الكلتش حتى يضعف وينتهي بسرعه
كاشت وحداني
10/02/2009, 12:04 AM
بعطيك قاعدتين
اي موتر تفكر تشتري منه قير تماتيك خذ اقوى مكينه فيه ,
يعني في الجيب لا تاخذ الا 8 سلندر قير تماميك.
واهم حاجه اذا اخذت قير تماتيك وتبي تحافظ عليه لا تتركه من تغيير الفلتر والزيت من فتره لفتره .
ولا تحطه بالريوس مثلا وهو باقي يمشي قدام والعكس ايضا لا تغير اتجاهه الا بعد وقوف السياره تماما.
ولك تحياتي .
باترول 82
10/02/2009, 02:14 AM
اخوي من واقع تجربه القير العادي اقوى في البر وبس يعني للي يبطي يطامر ويكسر الموتر ينفع معه العادي
اما القير التماتيك فهو مريح جداً في البر وداخل الديره ومافيه اي عيب بالبر صح هو اضعف من القير العادي لأن القير العادي تروس والتماتيك كلتشات ومن ناحية العزم ماأظنك تبي تمشي اكثر من 140 خاصة بالجيب وان معي gxr تماتيك ماعليه خلاف
واهم شي الاستخاره بعد الاستشاره الله يوفقك وييسر امرك
وللجميع تحياتي
عسير المنال
10/02/2009, 11:13 PM
طحنون
كاشت وحداني
باترول 82

اشكر لكم مشورتكم
عسير المنال
13/02/2009, 11:14 PM
للمــشاهـــدة
الستانس
13/02/2009, 11:21 PM
انا لو بشري

ما اشري الا عادي

واكيد بأشور لك بالعادي
أبوياسرالقصيم
13/02/2009, 11:22 PM
السلام عليكم
أنا معي تماتيك له ثلاث سنوات وطلعات للبر ووناسه ومافيه اخلاف الله يستر عليه
لكن حافظ على الزيت وغير الفلتر كل 50 إلى 100 ألف كيلو وما تشوف إلا كل خير.
عسير المنال
14/02/2009, 11:41 PM
مشكورر على رآيك اخي
الصامت 2008
15/02/2009, 12:48 AM
أخي عسير المنال
أسعد الله أوقاتك والزملاء
من واقع تجربة منذ عام 1997م وأنا أستخدم سيارتي الجيب Vxr موديل 97 فل أتوماتيك داخل المدينة وخارجها وماخليت مكان تشتهيه نفسي إلا وجيته بالبر ولله الحمد ولا مر علي يوم أشتكيت من القير إطلاقاً ويشهد الله على قولي لكن يوجد مشكلة بسيارة التماتيك هي كثرة تغيير القماشات وأعتقد بكل سيارة هذا من واقع تجربتي وأنت حر بما تشتهيه أما عني فخذ قير أتواتيك وريح بالك تشرب الشاي وأنت تقود سيارتك بالبر والله يوفقك لما فيه مصلحتك ومبروك مقدماً وعليك بصلاة الإستخارة بعد إستطلاعك حول الموضوع0
عسير المنال
15/02/2009, 11:58 PM
الله يستر عليك اخي الصامت

واشكرك على توضيحك والله يجزاك خير
راعي السوناتا
16/02/2009, 12:40 AM
والله يالغالي بحكم تجربتي للقير التماتيك على الجيب

فهو أفضل بالنسبة لل Vxr أما ال Gxr و ال Gx ما ينفع ولا بريال قومة الموتر ثقيله باللحيل

أتمنا أكون أفدتك
عسير المنال
16/02/2009, 01:17 AM
اخي راعي السوناتا اشكرك على توضيحك
لكن ياليت تحددلنا الموديل الى استخدمت
والله يجزاك خير
((أبو سعد))
16/02/2009, 12:37 PM
خذلك تماتيك وريح راسك زمن العادي ولى يا أخي معي Gx.r موديل 2001 تماتيك مطلعه وكالة والحمد لله ما عمري اشتكيت منه بالعكس عزم ممتاز ولا في واحد مغرز إلا وأسحبه حتى كم مره أقوم بسحب دينات اللي ينقلون بها البل اللي مع السودانين بالغالب والحمد لله أطلعه وأنا مرتاح ولا عمري أشتكيت منه لكن كل 70000 تقريبا أقوم بتغير الزيت مع الفلتر تبع القير أتمنا أفدتك
عسير المنال
16/02/2009, 04:09 PM
ابو سعد على مرورك توضيحك والله يكتب الي فيه خير
عسير المنال
18/02/2009, 03:16 AM
هل من مضيف

اللهم ارزقنا الغيث ولا تجعلنا من القانطين
عسير المنال
18/02/2009, 04:05 PM
سبحان الله وبحمده سبحان الله العظيم
حسين السبيعي
19/02/2009, 01:46 AM
توكل علي الله وخذ عادي نصحيه محب في الله
مرساب
20/02/2009, 12:29 AM
اخوي تشتري موتر قيمتة غالية وتعشق 1 2 3 4 5.بلاك ما دخلت زحمة كان كرهت اللي يشور عليك بلعايدي , بعدين السيارات الاخيرة قيرين.
لا لا لا للقير العادي ان كنت تبي الراحة وقلت الصرفية
راعي العشــه
20/02/2009, 04:38 AM
اخوي بعطيك الحل النهائي
بشرط انك تقارن نفسك بأحد الحالتين؟
الحاله الاولى
اذا انت راعي مطامر وراعي مقاومات وراعي بر وطرد صيد وتطعيس خبال
انصحك وبقوه بالقير العادي
الحاله الثانيه
اذا انت ممشاك عادي بالنفود ودخلتك للبر مواسم فقط وفي ديره اشاراته وزحمته كثيره انصحك بالتمواتيك :)

وتجربتي انا معي gxr 2006 توماتيك
والحمدلله ماشفت منه ولا عيب بغض النظر على انه ثقيل شوي في القومه بفرق الـ8 سلندر لاكن بالنسبه لي انا مرتاح فيه مرررره
والخيار لك
اسف على الاطاله
تحياتي
عسير المنال
20/02/2009, 05:34 AM
hnjhhg (http://www.mekshat.com/vb/member.php?u=58702) http://www.mekshat.com/vb/images/statusicon/user_offline.gif

مشكور على مرورك يالغالي
عسير المنال
20/02/2009, 05:38 AM
اخوي مرساب
احترم وجة نظرك واشكرك على مرورك
najdi
20/02/2009, 10:21 AM
اخوي بعطيك الحل النهائي
بشرط انك تقارن نفسك بأحد الحالتين؟
الحاله الاولى
اذا انت راعي مطامر وراعي مقاومات وراعي بر وطرد صيد وتطعيس خبال
انصحك وبقوه بالقير العادي
الحاله الثانيه
اذا انت ممشاك عادي بالنفود ودخلتك للبر مواسم فقط وفي ديره اشاراته وزحمته كثيره انصحك بالتمواتيك :)

وتجربتي انا معي gxr 2006 توماتيك
والحمدلله ماشفت منه ولا عيب بغض النظر على انه ثقيل شوي في القومه بفرق الـ8 سلندر لاكن بالنسبه لي انا مرتاح فيه مرررره
والخيار لك
اسف على الاطاله
تحياتي

اما الــ GXR 4500 EFI يا اخي احس مكينته مهي له ..
احس البدي اكبر واثقل من ان تقوده هالمكينه..
احسها علي سيارة صغيرة تنجح..زي جيب الربع..
او فوتشنر..او باثفاندر..
عسير المنال
20/02/2009, 02:34 PM
راعي العشــه
اشكرك على مرورك واضافتك
عسير المنال
20/02/2009, 02:37 PM
الا خ نجدي
الكثير يرى مثل رأيك
ولكن الاختلاف لا يفسد للود فضية
شكرك على مرورك واضافتك
عسير المنال
21/02/2009, 02:43 PM
http://www.mekshat.com/vb/images/statusicon/post_old.gif يوم أمس, 10:21 AM
najd (http://www.mekshat.com/vb/member.php?u=95905)
مشكور على مرورك اخي واشكرك على اضافتك
عسير المنال
23/02/2009, 05:27 PM
لــلرفـــع
سبحان الله وبحمده سبحان الله العظيم