المساعد الشخصي الرقمي

مشاهدة النسخة كاملة : يا اهل الباترول ماهو الفرق بين السفاري من موديل 91الى 97؟؟؟؟؟؟


اتفاق الطائف
06/02/2009, 08:53 AM
احبتي المكشاتيين

احببت ان استفسر عن امرين

الاول ماهو الفرق بين موديلات الباترول سفاري طويل من موديلات 91الى 97 وخاصة في القوة والتحمل

الامر الاخر
انا شريت باترول موديل 94سوبر سفاري اربع ابواب وثلاجتين قير عادي كلبريتر ودفلوك بسعر 26 الف هل يستاهل سعره لاني حاس ان السعر مبالغ فيه

مع ان البدي نضيف والمحركات سليمة

ولكم جزيل الشكر
اتفاق الطائف
06/02/2009, 02:43 PM
لااله الا الله وحده لاشريك له
عاشق الثويرات
06/02/2009, 02:47 PM
لايوجد فرق بين الموديلات الا من ناحيه الكماليات
قزاز عادي كهرب ثلاجه رفارف هذا اللي انا اعرفه
ابوفهيدان
06/02/2009, 05:46 PM
بعضها يجي بخاخ وبعضها كبليتر
اتفاق الطائف
06/02/2009, 07:13 PM
الله يعطيكم العافية طيب السعر ايش رايكم
بن دعيلج
06/02/2009, 07:17 PM
بعضها يجي بخاخ وبعضها كبليتر
ابوسعودد
06/02/2009, 09:01 PM
اعتقد انه مافيه فرق الا في شويه اكسسوارات اما من ناحية السعر فاعتقد انه سعره حلو ورخيص بعد اذا كان على كلامك نظيف .
اتفاق الطائف
07/02/2009, 12:02 AM
الله يوفقك يابو سعود على مرورك والرد
mhm-191
07/02/2009, 12:34 AM
الله يعطيك خيره ويكفيك شره
انا ارى ان السعر مناسب جدا
طبعي شمالي
07/02/2009, 12:43 AM
يالغالي كلها كربليتر .... هذا اولا ..
ثانيا الشبك حق 91 و92 يفرق عن شبك 93 و94 و95

وشبك 96 و97 يفرق عنهم وتلقاه مميز ولونه كروم .. يعني فضي

ثالثا .. 92 و91 تلقى لون الرفارف حقته رمادي .. بينما 93 و94 .. تلقى لونها اسود

و97 اذا كان فل كامل على نفس لون السياره واذا عادي يكون اسود ..

بعدين عندك الجنوط لموديل 91 لونه ابيض للفل كامل ..
بينما جنوط 93 و94 فضي لونها ..

و97 تختلف تغير شكل الجنوط ..

بعدين عندك ال97 تحصل انوار جانبيه اماميه خلف الفلشر ..

يعني اغلبى الفروق في المواصفات الخارجيه فقط لاغير .. يعطيك العافيه ..
ياليل خبرني
07/02/2009, 02:03 AM
طيب اخوي ابي اسالك وش لونعزم اللي معك
وهل يصرف بنزين لاني ناوي اشتري واحد
من الاشكال هذي وجربت اثنين موديل 91 كلهن ثقيلات

تقبل مروري....
التاكسي
07/02/2009, 02:05 AM
[quote=طبعي شمالي;2426757]يالغالي كلها كربليتر .... هذا اولا ..


تصحيح لمعلوماتك يالغالي السوبر سفاري من 94 وفوق يجي بخاخ
ابو كرك
07/02/2009, 02:12 AM
الاخ اتفاق الطايف اذا موترك نظيف على كلامك وتتبيع الله عطاك زود 2000 بس قللي اللون وشو وذا منت بايع الله يباركلك فيه
اتفاق الطائف
07/02/2009, 06:47 AM
الله يوفقكم يا اخوان على التفاعل
بالنسبة لك يا اخ ليل خبرني
الموتر فعلا تحسة ثقيل نوعا ما اما بالنسبة للبنزين فانا اراه معقول جداا
ابو كرك
والله يالحبيب اني شارية ابي استخدم ومالي نيه بالبيع والله يرزقك افضل منه
NissaN 1990
07/02/2009, 12:36 PM
أخوي كلها مكينه وحده وقير واحد ودفرنسات وحده بس الفرق بسيط في بعض الديكورات الخارجيه والبدي هو نفسه من موديل 1988 إلى 1997 ما تغير بس جاء في موديل 1994 مكينه بخاخ ويمشي سرعة 200 و جاء دفلك بعد هذا في السعودي أما الخليجي يجي دفلك من موديل 1989 ويجي بعد مكره ( اللي هو ونش ) ويجي من موديل ال 1988 إلى 1989 نفس الشكل والشبك تجي عليه نيسان مكتوبه بالأبيض ومن موديل 1990 إلى 1991 تختلف تجي علامه بالفضي وهو نفسه ولونه الشبك أسود بعد أما 1992 إلى 1994ويجي لونه نيكل يفرق وتغير من 1995 إلى 1997 ومن ناحية الداخلي إلى موديل 1991 يجي مراتبه سخيفه ومتفرقه اللي قدام وتجي تكايات الراس مفتوحه مع الوسط فتحه مربعه والمرتبه الثالثه ما تجي لها تكايات راس وأما من موديل 1992 وطالع لا جت المراتب عريضه وجت تكايات الراس كبيره وحتا المرتبه الثالثه فيها تكايات راس ويجي من موديل 1992 تمثال وإذا جاء في الليل يولع لون أخضر مع الأنوار حلو مره في شعار نيسان وأما عن الشكل جاء من موديل 1992 وطالع فيابر اللي تجي على الباب من تحت وهي نفس لون السياره ولاتجي في الموديل 1991 ونازل ومن موديل 1994 وفوق يجي في مقدمة الرفرف لمبة رصيف إذا دقيت إشاره تولع ومن موديل 1992 تختلف حتى اللمبات اللي قدام تجي غازيه أما من موديل 1991 لا ما هي غازيه ومن موديل 1992 يجي غطاء البلوف حق المكينه أسود وأما من موديل 1991 يجي غطاء البلوف نيكل والمواصفات كثيره مره مره فيه شي يذكر وشي ما يذكر ،،، وهي سيارات ممتازه وقويه مره ولا يعلى عليها وإذا الموتر اللي أنت شريته نظيف مره وممشاه قليل أنا باخذه منك ب 30000 ألف ريال وش قلت تراني صامل وأنا في الرياض ،،،،،،،
وأما عن الجنوط من موديل 1991 ونازل يجي لونها أبيض
ومن موديل 1992 إلى 1993 تجي نيكل مثل اللي على موتري اللي بالتوقيع
ومن 1994 إلى 1997 يجي النجمه وهي معروفه وغاليه وحلوه مره

وكل اللي ذكرت مواصفات الفل كامل يعني التوب واللي غيره له مواصفات ثانيه

آسف جداً على الإطاله وأتمنى أني قدمت معلومه مفيده ولو أني كثرت عليكم الكلام ولكن لا تواخذنا

وأي أسفتسار ثاني أنا حاضر طال عمرك