المساعد الشخصي الرقمي

مشاهدة النسخة كاملة : اخبار المراسلات البعيده ليوم الخميس الماضي :)


راعي عنيزة
01/04/2002, 05:09 PM
السلام عليكم

معليش بنعطيكم الاخبار لو هي بايته :D

بالنسبه لمحاكيكم كان الجو عنده مقفل بست وستين قفل وما سمعت الا راعي كيف وخويه وكانو قريبين عندي اما شقران استقبلته بزبوز :) (بزبوز تصغير بييزي ملحط اكثره تشويش ) :D والبقيه لم ينجح احد
على فكره في واحد نشب لي بالقناة يسولف وممتحن اهلي يقولي كم عمرك !! ويقعد يقرا لي كل مسجات جواله حتى سلطه جواله مسكت يشيل 150 مسج:rolleyes: بصراحه كنت احسبه منكم بس يستهبل لين بالاخير قال لي هات بوسه :D :D عقبها دريت انه سرسري تربيه شوارع وهو يمين ومكشات يسار وكرشته :)

والان دور الاستاذ الكبير شقران يعلمنا من راسل ;)
شقران
01/04/2002, 06:24 PM
مساك الله بالخير الأخوان اللي تواجدو على الموجه من الرياض:
الغالي-برغي-شقران-الصعب وقد اكون نسيت البعض!
من الخرج:
القناص متحرك- ميرندا ثابت- MBC لارسن ثابت مع تواجد البعض واختفائهم من الموجه لكن هؤولاء كانو متواجدين اكثر الوقت.


من القصب واشيقر: ابو دحيم، الهلالي

من المجمعه: الريان
اما الحبيب خاز باز : راعي سديرالظاهر داعس الطبلون بالغناوي والهجيني والأشعار على 146***!!! ومره حاط الطبلون لكن تم تسجيل صوته البهي بقصيده حلوه لكن اهتماماته للهجيني والغناوي ! فخليناه يستمتع!:D
من الشرقيه :!
من قطر:!
من الأمارات:!
من الكويت:!
اخوننا في الخليج ياملحطين يانيمين في العسل
طبعاً لاننسى اخونا الملحط : راعي عنيزه من البر الموحش هههههه (دون المستوى المطلوب):D
الشقردي
02/04/2002, 12:59 PM
هل سجلت بعض المراسلات؟

وهل ودكم نتواعد الخميس الجاي او انكم على الموجة على طول

ملاحظة: اللي يسمعني اهرج يقول اني معهم الاسبوع الماضي لكني على قولة شقران نايم في العسل
عموما امنيتي اراسل هالوجيه السفرة (من السفر اللي يجي عقب الفجر وليس سفرة الطعام :) )
ولو لمدة بسيطة


واسلموا لي
شقران
02/04/2002, 02:04 PM
مساك الله بالخير يالشقردي.
يابعدي التسجيل اللي موجود هو لاخونا خازباز في سدير فقط وبناء على طلب اخونا الغالي من منتديات جوال العرب سجلناه لكن كان بودنا نسجل الجميع وانشاء الله في مراسلات هالأسبوع يوم الخميس انشاء الله رح نقوم بالتسجيل للي ارساله زين ويوصل لنا وعلى نفس التردد نفسه انشاء الله ومن بعد الساعه 9:30 مساء حتى وقت تفرق الجميع ولاندري متى ولكن كل حسب ظروفه على 145825او 50 او75 او 146050 والدعوه عامه
<CENTER><P><IFRAME WIDTH=65% HEIGHT=250 SRC="http://shegardi.bravepages.com/shagran.swf"></IFRAME><BR></CENTER>