سؤال عن كفرات البالون للباترول

[عاشق المتنبي]

أنا يا اخوان لاحظت أن أكثر أهل الباترول مركبين كفرات بالون , وأنا معي باترول 2003 , وأبي أعرف الحكمة من تركيب هالنوعية من الكفرات , اللي عنده خلفية لا يقصر جزاه الله خير , هل هو خاص للرمل , وإلا للصيد , وأنا أحس ان الكفر مهب راسي على الخط , لأني ركبت مع واحد مركب كفرات بالون يوم وصل سرعة 100 بدا الموتر يرج .
أرجو الإفادة مشكورين .

[راع الجيب2002]

اخوي

انا معي 2002 مركب عليه بالون سيام تاير والحمدلله لا رجه ولاشي ولكن سو له ترصيص داخلي
والبالون للصيد والرحلات البرية افضل كفرات ... لكن ترى تفكك الموتر بسبب قوتهن وثقلهن ويباسهن ..

اخوك نصوح

[ناوي نيه]

الاغلبيه يركبونه شكل >>> تراااه مركب
بس مثل ماتفضل اخوي راع الجيب انها تفكك الموتر قاااسيه الا اذا نسمتها على 15 يصير لين مره
والرجه على حسب الموتر اذا كان الموتر نضيف ماجاه جلد مطامر وما غيره ان شاءالله ماراح يرج

[ابوابراهيم333]

انا عن نفسي مركبهن لانها في البر ما يحتاج الكفرات ما تخليك تحس بمطانيج البر وهادئة مرة وعيون القط هذي ما تدري عنها هذا غير انها في الرملة ما تحتاج الى للدبل وغير هذا كله ترفع السيارة خاصة اللاند كروزر الي استبنه تحت ما يحك انشاء الله بالجروف.
والباترول يغدي شكل نصب فيها بس اذا بغيت تركب لاتتعدى سيام تاير ومقاس تسعمية وخذ 8 غاط هذا في اذا كان مقاس جنطك 16
اما اذا كان 17 انا اسمع كثيرين يمدحون نوع اسمه هيرو

اما الماكسس ابو جمل ما انصحك فيه اول يابس ومهوب عريض ويطلع صوت مع ادنى لفه

ومن عيوب البالون انها ترج بس سولها ترصيص عن المعروفين في الصناعية وانشاء الله ماعليها
والشىء الثاني انها ثقال على السيارة شوي والفحمات تتاكل بسرعة ازود من الكفرات العادية
ثالث شىء عمرها قصير بالنسبة لسعرها هذا غير يعني الواحد لازم يكون حذر فيها لانه لو انت مسرع ولا قدر الله وانفقع عليك كفر الله يستر لا الكفرات رفيعه
هذا غير المطر ياخوك انواع الزلاق
ومع ذلك تنصب السيارة

ارجوا اني اكون افدتك ولا طولت عليك

[النجايب]

الكفرات البالون ما تنفع الا بالبر اسال مجرب ,

[عاشق المتنبي]

الإخوة الأعزاء راعي الجيب , ناوي نية , أبو إبراهيم , النجايب :
مشكورين على المعلومات الرائعة , لكن فهمت من كلامكم أن هالكفرات ما تصلح إلا للبر والصيد , يعني ما تصلح للسفر والخطوط .
وأنا الصراحة ما دخلت مزاجي هالنوعية من الكفرات , الله يخلي لنا البرجستون :D :D .
تحية طيبة وجزاكم الله خيراً .

[سيف الظفير]

مجربة على اكثر من 12 جيب للمقناص ولا فيه احسن منهاااااا
تمشي على النفد كأنك علي الزفلت وراسة بالبر احسن من غيرهااااا

[مجالس الرجال]

البالون ياجماعة الخير مايصلح إلا للحصى فقط والهواء يكون على العشرين
أما اللي يقول إن البالون يصلح للنفود فهو مخطي لآن الكفر ناعم يزلق مع الرمل وهذا يضيع من عزم الموتر
والمهم ويجهله بعض الناس إن الكفر سرعته 140 وهذا من تجربه وإيضا مكتوب على الكفر حرف N يعني السرعة وسالفة البطانيج مثل غيره عب الكفر هواء 30 ويعطيك علومه الردية احيانا تقول ضارب رصيف
البالون جنبه قوي مثل دعسته ولا يصلح إلا للحصى وعمره بالكثير 6 اشهر

[ابو ناصر2020]

الكفر للبر والصيد وبنسبه لسفر عادي بس مافيه رساوه

اما الرجه رصص ترصيص داخلي عند لمراكز المعروفه وماتجيك رجه اسأل مجرب ولا تسأل طبيب


وكانك مالك بصيد خلك على البريجستون احسن لك

[~ V T A C ~]

الكفرات البالون ما تنفع الا بالبر اسال مجرب

[عاشق النداوي]

والله كنت مركبهن انا الرجه صح فيه رجه بس انا اعجبني فيه انه بالرمل ياسلام يتمشى
ولاكن تم التغير الى دنلوب .

[عاشق النداوي]

لا وزيدك من الشعر بيت قبل ماركب الدنلوب ركبت مشلان كان قمة الروعه بالخط راسي
ولاكن بالرمل مايعجبك ثقيل شوي.

[عاشق المتنبي]

مشكورين يا أخوان على الكلام الجميل , وأنا والله ما ني راعي صيد ولا بر , أنا أمسك خطوط , رايح جاي مع السريع , يعني البر أطلع لكن قليل جداً ( >>> الدبل شد بلد :D :D :D ) .
بس حبيت أستفسر أشوف وش ميزة هالكفرات , والأخوان جزاهم الله خير ما قصروا .

[وادي بهيتان]

ماهو افضل نوع كفرات للباترول الى يتحمل البر

[باترول للأبد]

الموضوع من 2009 كان كتبت موضوع جديد خاص لك وريحت مخك