مساعدة يالربع الله يحفظكم

[fulansa]

السلام عليكم ورحمة الله وبركاته

الأعضاء الكرام ابي فزعتكم الله يغفر لكم ولوالديكم ولجميع المسلمين

ابي اسهل طريق لحسلات

انا من سكان الرياض حي الروضه

بارك الله فيكم وحفظكم وانار دروبكم وفتح لكم ابواب رزقه

[ضفنان]

اخي الكريم انا بعطيك الوصف من الرياض الى الرس وهو كالتالي :
مادمت من اهل الرياض اتجه مع طريق الرياض القصيم السريع الى ان تصل نقطه تفتيش امن الطرق قبل القصيم (ام سدره) بعد التفتيش مباشره اطلع مع المخرج وخذ يسار بإتجاه عنيزه واستمر مع هالطريق يوديك لعنيزه اذا دخلت عنيزه استمر في نفس الطريق اللي انت فيه وسط عنيزه امتداد هالطريق يوديك لدوار الساعه وسط عنيزه (الطريق واضح جدا والساعه كذلك واضحه جدا لأن حجمها كبير) للمعلوميه فقط هو معروف في عنيزه بالدوار ولكن الأن اصبح تقاطع وفيه اشاره
اذا وصلت الدوار المذكور اتجه معه يسار وتكون البلديه على يمينك وامامك اشاره وفي زاويتها اليمنى محطه خذ يمين بعد المحطه مباشره واتجه مع هالطريق مباشره بدون اي لفات (الطريق فيه دوارات )استمر مع هالطريق يوديك للبدايع ثم الرس اذا وصلت الرس اسأل عن الطريق اللي يوديك للهمجه وتجد من يدلك بأذن الله لأي بصراحه مااعرف الوصف من داخل الرس لكن اهل الرس نشاما ومايقصرون معك ان شاء الله
الأن الوصف من الرس الى حسلات :
( للمعلوميه هالوصف نقلته لك من تقارير احد الأخوان من اهل الرس )
اتجه من الرس الى الهمجه ثم تفرق يسار الى ضريه ومسكه ومع وسط مسكه تأخذ يمين الى الصمعوريه ثم تطلع من الصمعوريه الى شعباء (الجبال السود )تستمر في نفس الإتجاه تقريبا 20 كيلو وينتهي بك الطريق وتكون حسلات امامك بسافة 1 كيلو او اقل تقريبا والمسافه من الرس تقريبا 165 كيلو تقريبا.
إحداثيه حسلات 05-92-24
65-60 -42
وبإمكانك الاستفاده اكثر بالرجوع لتقارير الأخوان عن حسلات


آمل ان اكون قد وفقت في إفادتك بما طلبت ورحله موفقه بإذن الله

[fulansa]

الأخ الكريم ضفنان كفيت و وفيت

حفظك الله وسهل لك دروبك وانار لك طريقك وحفظك من كل شر