المساعد الشخصي الرقمي

مشاهدة النسخة كاملة : مليت من التفكير بخصوص التوانك الواقف والفرش


SE.3500
08/02/2009, 10:48 AM
السلام عليكم


صبحكم الله بالخير يا رجال مكشات



من فترة وأنا ودي أركب تانكي ماء بالسيارة (باترول)



وكل ما جيت أركب" واقف" قالوا لي مهب زين وما تقدر تسدح المرتبة ويضيق على عفشك



ثمن أهون



وأبروح أركب "الفرش الأرضي" يقولون مهب زين ما يصب الماء الي فيه لمين ترفعه


ويتأثر بأي شي تحطه عليه




ياناس والله ما أدري وش أسوي؟


ياليت تفيدوننا جميعا وكل واحد يحط تجربته وخصوصا الي مجربينهن كلهن


أنتظركم على أحر من الجمر
ابوحمد666
08/02/2009, 11:11 AM
حياك الله اخوي ونا بقولك تجربتي,,,,,,,,,
ركب تاني المنيوم سعه 90 لتر ويكون قدام مره يعني خلف المرتبه على طول وليات الماء تكون عن طريق الابواب الوسطوما نصحك با التانكي الواقف عشان لو بتحمل اغرض تسدح المراتب ما يضايقك وكذلك لو اردت انك ترقد بالسياره فتستطيع انك تسدح المرات ويكون سرير من اروع ما يكون وانصحك انك تركب طبق (اي رف)يكون على حد التانكي على اساس انك تستفيد من خلفية السياره اي تكون بعض الاغراض تحت وبعضها فوق والاهم انك تستطيع النوم يعني(مراتب مسدوحه+تانيكي الماء+الطبقه,,,تكون على مستوى واحد),,تحياتي لك واي استفسار انا حاضر,,,,,,,
alwweed66
08/02/2009, 11:51 AM
يأخوي شفتك متحير وحبيت افيدك ركب تانكي أرضي بمستوى المرتبه وما راح تندم لأن الأرضي إذا سدحت المرتبه يمكن الاستفاده منه تنام فيه وقت الزنقات مثل المطر والعج 000أيضاً الأرضي يعطيك سعه أكثر ولا يضيق عليك مثل الواقف لو بتحمل شيء0هذا عن تجربه 17سنه خاصة في الباتر سواءً ربع أو صالون سواءً حديد قديماً أو الألمنيوم حالياً وبالنسبه للتحميل مايتأثر حط فوقه إلى التنده ماشئت وإذا أنت خايف فيه حل تسويه (ونم)0وأنا متأكد من تجربتي إنك ماتحتاج هذا الحل000
SE.3500
08/02/2009, 01:49 PM
بس يقولون ان الفرش يثقل على السيارة أكثر من الواقف صحيح ولا لا؟
تناهيت
08/02/2009, 02:23 PM
هلابك اخوي هذا الشي يعتمد عليك انت مثلا : هل تحتاج المرتبة الأخيرة ولا لا
هل عفشك يتميز باطوال معينة تحددها بنفسك مثلاً >ان كان معك خيمة لا تركب واقف لأنة بياخذ مساحة من الشنطة وهكذا >> والأفضل لك واآآآآآمن هو المنسدح ومزاياه لا تقارن بمزايا الواقف وعيوب المنسدح أقل بكثير وواضحة >>فيه الراوية تصلح لك أفضل منهم كلهم:no2: من وجهه نضري >> تحياتي تناهيت
تناهيت
08/02/2009, 02:25 PM
بس يقولون ان الفرش يثقل على السيارة أكثر من الواقف صحيح ولا لا؟


:no2: ما اعتقد لأن الموتر شايل الأثنين في مكان واحد وعلى الدفرنس مباشرة >>وفوق الكفرات :rolleyes:
دانكن
08/02/2009, 02:41 PM
ريح بالك وخذ اللي ترتاح له ..

كلن له مزايا وعيوب ..
إعصار
08/02/2009, 03:19 PM
جاك العلم .. الواقف يقطع ظهر الموتر .. وهذا كلام ناس مجربته ..

ودفعه نايم ..

يالطيب ليش ماتركب أسفل الموتر

السفاري .. نعمة استبنه علاق ..

بس مدري كم يأخذ .

وخل الموتر ومراتبه على كيقك .. بس ما ادري كم يأخذ من لتر ..

فيه واحد معه لاند مركب تانكي تحت طبعآ استبنه علاق .. يأخذ حوال100 لتر ..

بس مدري عن السفاري كم يتسع له تحت ..

موفق يالغالي ..
شمالات نجد
08/02/2009, 03:51 PM
جربت خزان الوادي المنسدح وبصراحه رائع

عيبه إذا بقي حول الربع في التاني يصير دفعه ضعيف ويمكن ينقطع وحلها أني أرقي الكفرات الأمامية على حجر

الله يوفقك

سلام
بواسامه
08/02/2009, 03:55 PM
لا يضيق وانا اخوك راس ماله تانكي
كل شي له محاسن ومساوئ
واشوف الانسب الواقف خلف المرتبه
واذا لك راي توكل على الله ولا تتردد
arrow
08/02/2009, 06:35 PM
مثلك انا !!!!!!!

ادورر تانكي للبرادو ....وبالاخير اخذت تانكي اخونا برق اللي هو جركل اسود 100 لتر ......