استشارة بين يوكن او اكسبديشن او جي اكس ار تماتيك [الأرشيف]

مشاهدة النسخة كاملة : استشارة بين يوكن او اكسبديشن او جي اكس ار تماتيك

أبو مسفر

08/02/2009, 11:39 AM

السلام عليكم
اخواني " ما خاب من استشار "

وانا اولاً استشير ومن ثم استخير إن شاء الله

انا مخير بين يوكن او تاهو لا فرق او اكسبديشن من الاشكال الجديدة من موديل 2007 وفوق
او لاند كروزر جي اكس ار 2006 قير تماتيك وباب المعاوني مسمكر

وش رايكم يالربع في هالسيارات من حيث الاستعمال واكثرهن هرقلة واكثرهن طيحة في السعر

ترتر

08/02/2009, 12:25 PM

اتوقع التويوتا هو الافضل حتى لو فيه باب اهم شي نظافة المحركات هذا من وجهة نظري وان شاء الله الاخوان مايقصرون

تقبل تحياتي والله يوفقك

آل زايد502

08/02/2009, 01:20 PM

التويوتا اضمن بكثيييييييييييييييييييير والاند مايطيح سعره ماسك وعني انا لو خيروني باخذ لاند بس شف الشباب وش يقولون
تقبل مروري

قناص الربع

08/02/2009, 01:20 PM

رحال7

08/02/2009, 01:29 PM

الامريكى سيفتنك ويجيب لك الهم والخسائر من حيث تعلم ومن حيث لا تعلم

ابو وليد2008

08/02/2009, 01:35 PM

بالنسبه للاكسبديشن\السلبيات :يصرف بنزين اكثر من اليوكن داخل البلد, اقل سعه من الداخل , السله العلويه لابد ان تدعم لانها غير مدعمه من اعلى , سعره عند البيع اقل من اليوكن
الايجابيات \أ رسي في الخط, الدبل اقوى من اليوكن , عزم السحب اقوى , الديكورات الداخليه متماسكه وعمليه ,ارفع من اليوكن ,افضل

اوافقك الراي ولكن اعارضك من حيث صرفية البنزين فالاكسبدشن اقل صرفية من اليوكن ومن الداخل وسيع لا يباعد اليوكن على العموم صلي صلاة الاستخارة والله يوفقك

:good: :good: :good: :good: :good: :good:

قناص الربع

08/02/2009, 02:17 PM

السلام عليكم جميعا ......اخ ابو مسفر مساك الله بالخير

بالنسبه لليوكن \السلبيات: واطي (نازل) يحك دائما في الشمع وأخف وزنا وتتفكك الديكورات الداخليه
بسرعه واذا كان من النوع السته بلوط (اي الجنط ) بعد فتره تسمع صوت الكارونه الخلفيه
الايجابيات : اخف وزن , مريح جدا, اقل صرف بنزين , اريح في الخط ,واكثر سعه من الداخل, وسعره عند البيع اكثر من الاكسبديشن, قوي في الانطلاقه
بالنسبه للاكسبديشن\السلبيات :يصرف بنزين اكثر من اليوكن داخل البلد, اقل سعه من الداخل , السله العلويه لابد ان تدعم لانها غير مدعمه من اعلى , سعره عند البيع اقل من اليوكن
الايجابيات \أ رسي في الخط, الدبل اقوى من اليوكن , عزم السحب اقوى , الديكورات الداخليه متماسكه وعمليه ,ارفع من اليوكن ,افضل في التحكم عند القياده
بالنسبه للجي اكس\السلبيات : ضيق من الداخل , غير مريح لا في الخط ولا البر, قطع غياره غاليه ومبالغ فيها , يصرف بنزين اكثر من اليوكن ومن الاكسبديشن ,
الايجابيات : متماسك , قوي في القير والدبل , سعره مرتفع عند البيع
لابد ان نضع في الحسبان ان هناك يوكن ( هافي ديوتي ) اي مصمم بشاصي مختلف وحجم مكينه (6000 سي سي أو 8100 سي سي ) ودفرنش اكبر ودبل اكبر

اخواني هذه معلوماتي الشخصيه خصوصا بعد ماتعاملت مع اليوكن والاكسبديشن والجيب

قناص الربع

08/02/2009, 02:44 PM

على العموم يا ابو وليد انا شخصيا افضل الاكسبديشن ,,,وتوني بعت الجمس واخذت اكسبديشن xl

والمشاركه الاولى عذرا اضيفت ناقصه

وبالنسبه لأبو مسفر على قولك يستخير افضل

NOYEB

08/02/2009, 03:08 PM

حسب استخدام وحاجتك ..والي تقتنع به خذه

AMAZ

08/02/2009, 03:19 PM

الجي اكس ار وخصوصا 2006 صراحه ماينفع في الصحراء ولا يفنع في الخط . في الصحراء عند التغريز عزمه ضعيف ومهما تدوس له المكينه تفصل . يعني عزمه طايح وفي الخط انواع الاصوات في الابواب بالاظافه إلى انك تسمع صوت المكينه عندك . نصحيه ابعد عن الجي اكس ار ... ماينفع .. اذا تبي خذ في اكس ار . واذا ماتقدر على فلوسه خذلك يوكن . وريح عمرك . اما سالفت التايوتا يصبر كلام فاضي انا دوبي مغير الكارونه الامامية .

najdi

08/02/2009, 05:13 PM

GXR 2006
:)

شيكـ علي المكينه بس..

بن دويش

08/02/2009, 05:29 PM

أن من رأي خذ تاهو أو يكون لأن فرق المكينة بين لند و( تاهو وياليوكن) فرق كبير في العرزم وقوة المكينة... ومن حيث الوسع وراحة في الخط فالأفضل اليوكن والتاهو وصرفية البنزين أوفر الأمريكي من لند...

هذا ما عندي الله يكتب لك إلي فيه الخير...واستخير كما قالوا الأخوان قبلي

Avalanche

08/02/2009, 05:46 PM

الخيار راجع لك أخوي ...

بالنسبة لي أفضل الأمريكي من جميع النواحي

لكن لي تعليق على أحد الأخوان (الله يجزاه كل خير)

بالنسبه للاكسبديشن\السلبيات :يصرف بنزين اكثر من اليوكن داخل البلد, اقل سعه من الداخل , السله العلويه لابد ان تدعم لانها غير مدعمه من اعلى , سعره عند البيع اقل من اليوكن
الايجابيات \أ رسي في الخط, الدبل اقوى من اليوكن , عزم السحب اقوى , الديكورات الداخليه متماسكه وعمليه ,ارفع من اليوكن ,افضل

بالنسبة لموضوع
- صرف البنزين
- و السعه الداخلية

ما أدري انت حكمت من واقع تجربة ولا من كلام سمعته

على كل حال حبيت أوضح لك
ومن تجربة سابقة مع أحد الزملاء.....
يعتبر الأكسبيدشن أقل صرف و أكبر مساحة داخلية من اليوكن

تحياتي للجميع

نايف292

08/02/2009, 07:07 PM

انا افضل التويوتا جي اكس
والله يكتب لنا ولك الخير

راعي البحري

08/02/2009, 07:25 PM

أولا التويوتا موديله تغير شكله وغالي على الفاضي واللي يقول يمسك سعره ما عنده سالفة لأن سعره جديد نار
اكسبدشيشن ممتاز بس شعبيته ضعيفة
خذ تاهو Ltzجنط 17
أو يوكون Sltجنط 17
طبعا دبلات وارقد ونام وإن ظهرت مشاكل فهي مبالغ فيها وعندك ضمان 100000كم أو خمس سنوات

Bader-M

08/02/2009, 07:40 PM

انا كنت رب اسرة و عاقل خذ لك تاهو Z71
يمتاز بمحرك اقوى و ناقل قدرة ذو ست سرعات

اما اذا كانت رجلك حاره و ما ترحم الموتر
خذ لك لاندكروزر

تحياتي اليك

ensaaan

08/02/2009, 07:57 PM

بالنسبه لوجهة نظري يالغالي

الشكل اليوكن والتاهو احلى وعزم قوي كذلك
بس لاحض من 2007 و 2008 القير 4 سرعات
ونزل 2009 بقير تيب ترونيك 6 سرعات

بالنسبه للإكسبديشن طبعا قير ارضي 6 سرعات
والسياره آمنه تماما وعزم قوي ما شاء الله
وشركه صيانتها حلوه
طبعا انا اعطيك اضافات للأشياء اللي قالوها
الشباب بالنسبه لليوكن او التاهو والإكسبدشن

طبعا في الاكسبدشن مميزات حلوه التبريد الجاف و نظام الأمان عالي

ومميزات كثير بحكم اني شريت اكسبلورر ويجمعون بين هالمميزات بس اعرف
كثير عن مميزات الاكسبدشن
وكنت ناوي عليها لكن مبلغها كبير على امكاناتي

اما بالنسبه للجيب
طبعا صرفيته للبنزين اعلى وانسى شيء اسمه راحه

أبو مسفر

08/02/2009, 08:03 PM

الله يجزاكم الف خير
مشكورين جميعاً على آرائكم اللي متأكد إن كل واحد منكن ما حط رأيه ألا وهو منصح

والله شكل الاراء تكاد تجمع على اليوكن او التاهو ( لا فرق )
خصوصاً أن اللاند كروزر جي اكس آر ( ستة سلندر ) وتماتيك أيضاً

وهو لو كان في اكس آر ( ثمانية سلندر ) لكان هو افضل خيار

لكن ترى الاسعار تكاد تكون متقاربة جدا
جي اكس آر 2006 تماتيك ستاندر اللون ذهبي وباب المعاوني مسمكر
ويوكن 2007 درجة ثانية - ماعرف انواعهن - لكن مساكات الباب نفس لون السيارة ومخشب من داخل

والخيرة فيما اختار الله

TAMAY

08/02/2009, 10:11 PM

التويوتاااااا وبس