المساعد الشخصي الرقمي

مشاهدة النسخة كاملة : مشكلة واجهتني في الباث بعد ماغيرت البواجي


.أبوعبدالرحمن
08/02/2009, 07:19 PM
بسم الله الرحمن الرحمن الرحيم



السلام عليكم ورحمة الله وبركاته



اخواني الافاضل


رحت الاسبوع الماضي للصناعية القديمة وبالتحديد ورشة رشيد فأتوقع الكثير يعرفها


المهم غير البواجي بحكم ان سيارتي ماشية الان 100 الف كم ولكن للاسف واجهتني مشكلة


الا وهي


في حال تشغيلي للسيارة يرتفع الكمبريشن كالعادة الى ما قبل 2 ولكن ينزل مرة اخرى ويصل لاول خط

ثم يرتفع فوق النصف يعني كأنه يبي يطفي ويهون


وش تتوقعون المشكلة ؟؟؟؟؟؟؟
المميـز
08/02/2009, 09:44 PM
هلا اخوي ابو عبدالرحمن

شلونك عساك طيب :)

اتوقع ان مشكلتك تكون من اسلاك البواجي

ماركبهن زين بعد مافكهن

شيك عليهن

ومايشوف شر الباث ان شاء الله
Topstars
08/02/2009, 10:04 PM
شيك يمكن من اسلاك البواجي مشقلبة وإذا ماهو منها ...

ويمكن الثروتل بودي ملخبط يبيله وزن....

واسهل حل أفصل البطارية لمدة 6 ساعات..

كذا بتسوي ريست كامل للكمبيوتر..


وإذا ما انحلت افحصها بالكمبيوتر عشان في اشياء كثيرة تلعب بالهوا منهم ابوهم الثروتل فالف..

أحيانا ما يتزن الهوا إلا بالمبيوتر مهما حاولت تسوي ريست للكمبيوتر..


وطمنا عليك
.أبوعبدالرحمن
08/02/2009, 10:26 PM
الله يعطيكم العافية على المرور
المميـز
10/02/2009, 05:18 AM
الله يعطيكم العافية على المرور


الله يعافيك :)

بشرنا وش صار معك

عسى المشكله هينه ؟؟
أبو فهد11
10/02/2009, 05:22 AM
غريبه رشــــيد يطلع منه كذا

على العموم أرجع له وراح يشوفلك المشكله

وهو نصوح بس ســـعره غالي

والله يعينك على مصائب السيارات


بالتوفيق
EFI-4500
10/02/2009, 05:26 AM
هاذي قد صارت لواحد من العيال معاه التيما << نفس مكينة الباث

وسوالها وزن لمنظم الهوا بالكمبيوتر وبعدها ظبطت وبس
أخو شيخة
10/02/2009, 12:03 PM
يابو صفيان أرجع لرشيد وعلمه بالمشكلة أزين لك والشباب ماقصروا عطوك الرأي ورد لنا خبر علشان نستفيد ونشوف وش المشكلة . تقبل فائق تحياتي
إعصار
10/02/2009, 12:05 PM
رشيد ممتاز شغله بس غااالي ..

أرجع له .. وكسر رأسه ..
mmm998
10/02/2009, 03:05 PM
يأخوان أنصحكم انكم لاتقربون للبواجي الا عند الضروره واقصد بالضرورة اذا شفت أن السيارة تقطع رح غير البواجي .... ماهو شرط ممشى الموتر لوكان ماشي 200000 الف أو أكثر من كذا مادامك ماشف شي لاتغير شي ابد ....

والله يعينك اخوي أبو عبدالرحمن الصفيان ..... وبالصراحه أنا كان معي باثفايندر 2003 مافرحت على الله واني ابيعه لانه طلع براس شيب وانا شباب وأنا اخص 2003 , وأنا أحب الباث وهو أغلاء سياره عندي والحين معي 2002 .. الله يستر علينا وعلى المسلمين , ولايخسر مسلم .

والمشكله بسيطه أن شاءالله
.أبوعبدالرحمن
14/02/2009, 12:50 AM
تم اصلاح الباث نشبة


وهو على كلام رشيد والله اعلم وفي ذمته


يقوول انه نضف منظم الهواء !!!!! ووالله اني ما ادري عن صحة ذا الكلام
Topstars
23/02/2009, 11:43 AM
تم اصلاح الباث نشبة


وهو على كلام رشيد والله اعلم وفي ذمته


يقوول انه نضف منظم الهواء !!!!! ووالله اني ما ادري عن صحة ذا الكلام


مثل ما توقعت

وإذا ما انحلت افحصها بالكمبيوتر عشان في اشياء كثيرة تلعب بالهوا منهم ابوهم الثروتل فالف..

أحيانا ما يتزن الهوا إلا بالمبيوتر مهما حاولت تسوي ريست للكمبيوتر..


وطمنا عليك