المساعد الشخصي الرقمي

مشاهدة النسخة كاملة : سؤال فقط لمن جرب الباترول الربع والصالون


برباتوف
08/02/2009, 07:53 PM
السلام عليكم

هل يوجد فرق بالنسبه للراحه بين الربع والصالون ؟ المساعدات والياي نفسها , بس المراتب وهيكل السياره الي يختلف .؟ الي عنده جواب يفيدنا
طبعي شمالي
08/02/2009, 07:58 PM
هههههههههههه اسأل اصحاب الربع تويوتا .. واصحاب الجكسار والفكسار ههههه

اكيد فييييه فرررق مليووون بالميه ..

حتى الربع النيسان .. والصالووون اكيد فيه فرق

بس انا ترا ماجربت الررربع .. جربت الصالون التويوتا والنيسان ... تحياتي لك
مخطور
08/02/2009, 08:00 PM
السلام عليكم

هل يوجد فرق بالنسبه للراحه بين الربع والصالون ؟ المساعدات والياي نفسها , بس المراتب وهيكل السياره الي يختلف .؟ الي عنده جواب يفيدنا

هلا اخوي بالنسبة للراحة الصالون اريح في المطاب والقيادة والرساوة بكل الاحوال بالطريق والبر
ولكنه بيكون اثقل من الربع في الرمال لانه الربع خفيف
ولكن الجيب الصالون بيشيل معك عزبتك وبيشل معك زملاء للرحلة
اتمنى انه افدتك لو بجزء بسيط

وتقبل تحياتي ،،،
برباتوف
08/02/2009, 08:35 PM
طبيعي شمالي
افدنا عن تجربتك وش ازين التويوتا ولا النيسان

مخطور
الله يعطيك العافيه .. انا ابي شئ دقيق .. يعني مثلا عندك المراتب بالذات .. يقولون الصالون مرتبته مريحه
أبوسعد 511
08/02/2009, 08:44 PM
النيسان مشكلته قطع الغيار غاليه شوي ..

بالتوفيق ..
TAMAY
08/02/2009, 10:05 PM
الشباب ماقصرواااا افادوك
برق شامان
08/02/2009, 11:20 PM
هلا اخوي برباتوف
الباترول الربع خفيف في الطعوس اما الصالون تحس انه ثقيل شوي والا المكينه نفس القوة في الربع والصالون.كلها مجربها نفس الشي الا في الخف.
أبوراشد
08/02/2009, 11:26 PM
الفروق لاتذكر بالنسبه للراحه معي ربع من 5 سنوات وممتاز جدا خفيف في الرحلات والسفر وداخل الديره أما الصالون جربته عندي كأنه قطار بعد الربع
لكن التقدير على حسب احتياجك رح للسوق وجرب الإثنين

,,,
ع ى ع 031
09/02/2009, 01:35 AM
والله ما جربت الربع بس الصالون ممتاز
وفي الخف اكيد الربع اخف بس الصالون يعوضه قوة المكينة اذا كان فتك
A_A_K
09/02/2009, 05:15 AM
السلام عليكم ورحمه الله وبركاته

اصبحكم بالخير اعضاء وضيوف

يالغالي ابي افيدك بس انشالله اني اوصلك المعلومه الصحيحه

أولا انا ابي اتكلم عن الصالون الي هو الباترول الطويل من ال اس جي ال الا السوبر
فأن الراحه راحه كافيه المرتبه حقت السواق رفيعه وترزك فيها
اما من جهت المطب مطبه مافي زيه اولا انه مايطمر اذا اكلت مطب على سرعه لانه ياكله ولاتحس فيه ماشالله تبارك الله وخاصتن بالطرد لاصحاب القنص اذا جاي ينطل ينطل ولاعليه من اي احد لانه مايزحف ولاذنب الموتر جنبك
أما الربع النيسان
فهو مريح لاكن مهب مريح عند الطويل لانه يطب ومراتبه شوي نازله مهب مرتفعه يعني يبيلك تحط تحتك شي ونا اقولك هالش ونا الحين معي ربع ومجرب الطويل لايقارن بالراحه
لكن هوووو اريح من الربع التويوتا ولا يقارن اصلا بالربع التويوتا من جهت الراحه فقط لاغير
برباتوف
09/02/2009, 08:51 AM
شكرا لجميع الاخوان الي ردوا

A_A_K (http://mekshat.com/vb/member.php?u=100282) http://mekshat.com/vb/images/statusicon/user_offline.gif
مكشاتي جديد


ماشاء الله عليك جبت العلم .. انا كنت المح لموضوع المرتبه بس مالقيت احد يجيبها وانا متأكد مايجيبها الي جرب الموترين .. يعني فعلا الصالون مرتبته رفيعه اما الربع خافسه شوي

عموما انا حليت المشكله جزئياً يوم نجدت الموتر وحيشت المرتبه سفنج من النوع القاسي
patrol2006
09/02/2009, 01:55 PM
والله انا معي ربع باترول والله مريح مره بالنسبه لربع تايوتا يعني ما يضايقك تسافر وتكشت عليه مريح بس ركبت عليه ياي استرالي وصار قاسي شوي بس برضه اريح من التيوتا بواجد اما الصالون لانه طويل يبي يكون اريح

لاحض اذا ركبت ورا بالسياره يكون المطب اقسى من الي يركب قدام <<<وربع كلكم ورا ههههه
NissaN 1990
10/02/2009, 09:36 AM
أنا جربت الباترول الصالون والربع وكلها قويه وممتازه وعمليه ومريحه
ولكن الربع بذكر مميزاته وعيوبه وأنتم تعرفون اللي موجود فيه ولا هو موجود في الصالون
من ناحية الياي والدفرنس والمساعدات كلها وحده ما فيه فرق


1- خفيف مره
2- يصل الأماكن الصعب الوصول لها
3- يطلع فوق راس العرق وينزل بدون ما يتعلق بطنه يعني على القص اللي هو السيف طبعاً يطلع العرق بالعرض والصالون لازم ترجع يتعلق على طول و إضافه على ذلك أنه يطلع راس العرق بالطول يعني يمشي وبطنه على السيف القص ما يتعلق ،،،
4- تقدر تديور في محلك ولو كان ضيق ما يحتاج تدق ريوس إذا كنت في شعيب أو أي مكان ضيق ما تبلش
5- داخل المدينه مثل الكورلا ما يحتاج موقف بأي محل تسفطه بس أنه يطمر الرصيف والكرولا ما تطمر
6- ما يساعدك على السرعه والأطمئنان مع الخط مثل الصالون
7- ما يشيل أغراض واجد مثل الصالون وفيه مشكله قدم المرتبه رجع المرتبه أما إذا أنتم أثنين يبي يكفيكم ويزود لو تاخذون شهر في البر ويبي ياخذ أغراضكم كلها
......
.....
.....
......
والمميزات كثيره مره بس ما نقدر نذكرها كلها عموماً أنا أتكلم عن موديلات من 1997 ونازل لأني ما أستخدمت الجدد


أتمنى أني قدمت معلومه مفيده وما ثقلت عليكم
برباتوف
12/02/2009, 12:38 PM
شكرا لجميع النشامى الي ردوا

NissaN 1990 (http://mekshat.com/vb/member.php?u=61773) http://mekshat.com/vb/images/statusicon/user_offline.gif
مكشاتي متقدم


شكرا على ردك المفصل والجميل واحب اخبرك ان الموديلات من 98 وفوق مايفرق واجد عما ذكرت
التعـ King ـديل
12/02/2009, 01:34 PM
بتكلم لك عن تجربه

انا جربت ربع 89 وبصراحه ماارتحت له لا بداخل الديره ولا بالخط لانه قصير مره وخفيف مره وتعبت قعد معي شهرين وبعته

وجربت الصالون 98 - 91 - 97 مافي احلا منها راحه ورساوه وتمسك خط وانت رايق جربت الفل كامل 98 وجربت الاستاندر 98

كلها مواتر تبيض الوجه بر وخط وجربت استاندر 91 حلو وخفيف ومعي الان 97 ولا احلا منه شريته برمضان ورحت الامارات مرتين

براحه والحمدلله لا صرفيه بنزين ولا استهلاك قطع
؟؟؟ياعيني؟؟؟
15/02/2009, 12:17 PM
السلام عليكم ورحمة الله وبركاته::::
الفرق بين الربع والصالون

الربع خفيف لكن مايشيل عزبتك كاملة لكن حط سلة فوق وتنحل المشكلة
الصالون ثقيل شوي ويتعلق بسرعة لكنه دواء
برباتوف
15/02/2009, 02:46 PM
شكراً على مشاركاتكم الرائعه