مشكلة غريبه جداً في راديتر الباترول

[برباتوف]

السلام عليكم .. عندي باترول ربع 2003
المشكله انه يقوم بتحويل كميه من الماء الى الاحتياطي .. يعني كل فتره اذا شيكت لقيت علبه الاحتياطي تزيد شوي .. والراديتر نفسه تنقص شوي .. لحد ماتوصل لمرحله ان الماء ينقص بالحيل على الراديتر .. والمشكله انه في حاله النقص مايستخدم الاحتياطي بالعكس تبدأ الحراره ترتفع فأضطر ازوده ماء .. واضطر انقص علبه الاحتياطي بعد لانه تتعدى الخط حق الفل للاحتياطي .

وديته لميكانيكي قالي المشكله في راس المكينه ..هو الي يرجع الماء للاحتياطي .. والدليل شف المكينه فيها رطوبه بالطرف الايمن ..

وفيه ميكانيكي ثاني قالي جرب غير غطى الراديتر .. مع ان الغطى مافيه شئ ولا اي اثر للملح ..

الغريب ان مافيه اي تهريب للماء .. الماء ينقص من الراديتر ويعبي في الاحتياطي .. ولا يروح من الاحتياطي للراديتر مره ثانيه ابد !!!

[عبد السلام ضيف الله الشلاش]

بسم الله الرحمن الرحيم
تحية طيبة
اخي الكريم برباتوف
اذا انك متأكد ان غطاء الأديتر سليم مايه المايه , هناك احتمال كبير ان وجه المكينة اللي بين الراس والسلندرات ماهو كويس .
انا صار معي زمان مثل هذه الحاله , وطلع من الوجه , لأنه يصير بالوجه فتحه صغيرة جداً يخرج الهواء من البستم الى الماء وهذا الهواء مضغوط فيجبر الماء على الخروج .
والدليل انه من الوجه انه تزداد كمية الماء التي تخرج كل يوم لأن الثقب يتوسع , وانتبه منه اذا زاد اتساع الثقب فأن الماء يدخل على الزيت ويختلطان , وممكن يخرب سيارتك .
اتوقع سيارتك بدون بلف ماء .

اتمنى ان اكون افدتك
عكرش الثالث

[برق شامان]

أخوي برباتوف
أنا معي باترول والمشكلة معروفه ولها حل انا أقول انها من بلف الحرارة شيك عليه وتأكد انه ماهوب مصدي . واذا ما ضبط معك نأكد من طرمبة الماء ان ضغطها زين يوصل للخرطوش.

[عبد السلام ضيف الله الشلاش]

بسم الله الرحمن الرحيم
تحية للجميع

اشكر اخي الكريم برق شامان
لقد ذكرتني العام الماضي كان عندنا سيارة صغيره , سكودا وكان فيها نفس المشكلة , الماء يطلع من الأديتر , فقالو لنا من الراس وقالو وقالو ........... , وديناها لم الوكالة ببريدة وطلع الخراب من طرمبة الماء , لا تدفع كويس , فترتفع الحرارة حوالي الثلثين وهذا مما يجعل الماء يخرج من الأديتر .
الا اذا كانت الحرارة ما ترتفع فهذا شيء آخر .
عكرش الثالث

[الضويان]

نفس المشكله عندي في الجمس 454
وماحصلة اللي يعطني العلم الصحيح والسياره ماشيه اللي قال الراس عندك خربان واللي قال الغطا واللي قال واللي قال والله ماسويت بالسياره شي سوى غريت غط الراديتر الى اصلي ونفس المشكله ماتغير شي
وافكر بتغيير الطرمبه وركب بلف حراره لان البلف مشيول
الحراره في السياره مع الخط طايحه يعني على الخط في عز الصيف وداخل المدينه مع الزحام توصل النصف

[شاهين999]

صار معي كذا ورحت الورش وقالوا راس المكينة ويكلف 4500 ريال

وبعدين توفقت في واحد الله يسعده قال لي شيك على غطاء الاديتر وطلع من الغطاء وغيرته ب35 ريال بس والحمد لله على التوفيق

فنصيحة لا تستعجل

[دانكن]

جرب تغير غطا الرديتر .. :) ..

[برباتوف]

شكراً لجميع الردود ...

أول خطوة بجرب أغير غطى الاديتر وأبعطيكم خبر ان شاء الله ..لكن هل فيه علامات انه خربان ولا قد يكون خربان بس مايبين ؟ لانه الغطى شكله مافيه الا العافيه كشكل فقط

بخوص الحراره فلا يوجد اي حراره تذكر مادام الراديتر مليان .. لكن المشكله اذا نقص الراديتر ..

بالنسبه لموتري فيوجد فيه بلف حراره لكن ماشيكت عليه .. بصراحه فيه خط رطوبه بسيط من الجانب الايمن للمكينه .. لكن ولو بنخلي المكينه آخر شئ ..

يعني عندنا .. غطى الرديتر .. بلف المكينه .. طرمبه الماء .. والله يستر وجه المكينه

[ساهرالليل]

انا عندي نفس المشكله

الراديتر لا تهريب
الخراطيش لا تهريب
الطبات لا تهريب
الليات لا تهريب
غيرت غطاء الراديتر
واستمرت المشكله
الزيت لا يوجدفيه اي اثار ماء
ومع ذلك ينقص الماء بشكل كبير

[عاشق الغضا]

تبي تكشف على الراس انه مافيه شي اجلد الموتر لمدة خمس دقائق ثم طفه على طول ثم افتح غطى المكينة يبن اذا منشعر الرأس باختلاط الماء مع الزيت ,, ويمكن الراس يبي مسح ’’

[سفاري959]

نفس المشكله صارت مع واحد من الشباب في باترول 98 وديناه ورشه سوا المكانيكي اختبار للراس وطلع المشكله منه فكه سواله مسح خفيف وغير الوجه اصلي كل الشغله كلفت فوق 500 ريال وزبط الموتر واللي عندك انا متأكد انها نفس المشكله لاتخسر نفسك وتغير حاجات مالها داعي اتمنى اكون افدتك

[HGP]

السلام عليكم
أخوي أتمنى إنه من الغطى حق الرديتر
وإذا تبي تتأكد إذا طفيت السياره إصبر شوي وشف فيه مويه تروح الاحتياطي ولا لأ.
وفيه شغله ثانيه إن بعض السيارات يكون فيه خرطوش مشبوك بالغطى حق الاحتياطي إلى القاع عشان يرجع الماء إذا برد الرديتر ونزل الضغط فيه تأكد لا يصبر مفصول لأنها صارت لي قبل.
وبالتوفيق.

[هاجر الود]

أخي العزيز صاحب المشكلة أذا أنك سبق ومسحت راس المكينة أو مركب مستعمل فأنا أكتبها بالخط العريض المشكلة تكمن في رأس المكينة ولا تتعب نفسك وتكابر وتخسر وقت وجهد ومال وغير رأس جديد وخذه من الوكالة وتراه غالي ولا بيع الموتر ورتاح

[صخر الساحل]

ريح نفسك وروح الوكالة بدل بعض الورش الي يتعلمون الحلاقة في روس الايتام

[التعـ King ـديل]

غير الغطاء بغطاء اصلي على فكره الغطاء اذا فيه مشكله ماتبين بالعين المجرده

وغير بلف الحراره وعبه مويه تويوتا الحمراء مع ماء مقطر وان شاء الله ماتشوف الا العافيه

ورد علي بالخاص وش يصير معك

[الوافي]

تأكد زين ودقق في غطى قربة الما الزائد ترى تلقى فيها ولو تنسيم بسيط حط عليه غراء وارتاح

[الوافي]

لأنه كد صارت معي في ربع باترل 97 دايم ينقص الرديتر وترتفع الحراره معي فجأه وسويت كل شي وماستفدت واخيرا اكتشفت ان غطى قربة الما الزايد فيها تهتك بسيط وحطيت عليه غراء ولله الحمد كلش مضبوط الآن