المساعد الشخصي الرقمي

مشاهدة النسخة كاملة : لوصار لك اللي صارلهم,وش تسوي؟؟


جركل
09/04/2004, 08:47 PM
مساكم الله بالخير ياشباب
حبيت اشوف وجهة نظركم بموضوع وهو كالتالي:
في شباب صغارين اعرفهم كشتوا للبر الاسبوع الماضي يبي يصيدون ضبان ويوم وصلوا يوم الاربعاء بالليل نام بمكان حول الخط(واتوقع هذا اكبر خطأ) ومادروا الا الساعه 3:30 الفجر الا شباب سكرانين واقفين على روسهم ومعهم سلاح وهددوهم وسرقوا جوالاتهم وفلوسهم والشباب ماقاوموا خوف من السلاح الموجه لهم



ابي كل واحد يقولي وش بيسوي اذا صار لاقدر الله بنفس الموقف؟؟؟؟



وشكرا
الجوني
09/04/2004, 09:28 PM
لا سلم العود الحــــال تعود ... والحمد لله على سلامتهم

أما ربعك ذولاء ترى العمر ماهو مهم بالنسبة للجزامة والشجاعة

فربما تجد رجل عمره أربعين وقلبة قلب ( بط عشاء ) وربما تجد طفل عمرة 13 وقلبة حــجر

وتدري أحسن تصرف إن ربعك ماحاول يتناوشون ( يتهاوشون ) معهم

لأنهم زي ماقلت سكااااارى يعني لو قدر الله يمكن ..(( يصير شي ثاني))

التصرف الصحيح:/
توقعاتي إنك تأخذ رقم اللوحة والأشكال والأوصاف وعلى طول أقرب نقطة

إنك تتبعهم بالسيارة من بعيد لبعيد وتكلم على الشرطة أو توقف أقرب سيارة وتأخذ الجوال وتتصل على الشرطة

ثالث شي دامك ببر وين السلاح اللي بالعاده يصير تحت المخدة ..

(( أخوك :/ أبو صالح
الجنوبي
09/04/2004, 10:57 PM
الحمد لله على سلامتهم
وقطاع الطريق ما يفرقو بين الصغير والكبير
وجنب الخط اشوف انه امن من داخل البر
جركل
10/04/2004, 11:58 PM
اخوي ابو صالح الله يسلمك وفعلا هم اخذوا رقم اللوحه وبلغوا بس الله اكبر من زين الامن عندنا ماشين بالبركه
وثاني شي السلاح وانا اخوك شيلته اللحين صعبه بهالظروف وخاصه مع شباب صغار
بس قل وشوله يطلعون للبر لحالهم؟؟ تعرف بزران القصمان من يوم يبدى يخطي وهو طاب بالبر

------------------------------------------

اخوي الجنوبي الله يسلمك وفعلا انا اشارك الراي لو دخلوا جوا اامن لهم



وشكرا