المساعد الشخصي الرقمي

مشاهدة النسخة كاملة : فزعتكم يانشاما بخصوص دودة الجي اكس


ابوتركي666
09/02/2009, 12:12 PM
السلام عليكم
كيف حالكم ياشباب اخباركم
انا ياشباب يانشاما عندي مشكله في طرنبة الدوده إذا بغيت تلف وانت واقف لازم تدوس على شان تخف طبعا يطلع منها صوت ونونه لاكن إذا مادست ثقيله تكون وطبعا الصوت قوي إذا لفية كأنه مافيه زيت ويطلع الصوت
قالي راعي ورشه عندك الطرنبه ورحت لم الوكاله يوم قالي سعره 1050 ريال طبعا سعره غاليه ودي احد صارله نفس المشكله اويدلني على مستعمله تكون ارخص من الوكاله او تشليح تكون عنده الاند كروزر ويكونن عنده القطع لوتكرم احدمنكم يضع لي ارقام تشاليح الرياض او رقم اي تشليح خارج منطقة الرياض تكون عنده الطرنبه
لكم مني الدعاء بالتوفيق في الدنياء والأخره
alhosam26
09/02/2009, 01:14 PM
السلام عليكم اخوي ابو تركي666
اولا اذا الطرمبه قالو لك خربانه اكيد تهرب زيت وفي هذه الحاله ماينفع اصلاح لها غير تركب وحده جديده صحيح السعر عند الوكيل مبالغ فيه ولاكن الاضمن تكون القطعه من الوكاله لان القطع المغشوشه ماليه السوق
ملاحظه /الدوده غير طرمبة الزيت الدركسون اذا كان العطل عندك في الدوده الي جايه بالعرض بين الكفرات يوجد لها اصلاح ترهيم عند وكيل تايوتا الرشيد ويكلف في حدود900ريال
ارجو لك التوفيق
عاشق الغلبا
09/02/2009, 02:24 PM
الاخ الكريم حدثت عند نفس المشكلة وصلحتها ،،،،،

فيه محل بالصناعيه الكبيره خاص بمثل هذه المشكله والمهندس اعتقد سوري لكن ممتاز جداً،،،،

ابحاول اوصف لك المحل وان شاء الله تدعوا لي ،،،،

شارع الامير سلمان وانت جاي من شارع الظهران يعني وجهك بتجاه الشرق بعد الاشاره الاولى طالع على يدك اليسار حتى تشوف صراف بنك الراجحي بالجهه المقابله اذا صار على يسارك اول لفه على اليمين ( فيه محل اعتقد اسمه الصناعات السعوديه من عنده تلف يمين مباشرة ) شارع كبير نوعاً ما ثم تعدي اول تقاطع بتجاه الجنوب خامس محل على اليسار في الزاويه على شارعين اسال عن ابراهيم وان شاء الله يحل المشكلة لك ،،، اسم المحل الهدروليك ،،،،


والمعذرة على عدم الايضاح في الوصف لاني ناسيه ،،، واذا ما عرفت المحل ابشر بعزك اروح معك للمحل بنفسي ،،،،،

تقبل مروري ،،،،،





وعلى دروب الخير نلتقي ،،،،،،،
VXR.2007
09/02/2009, 03:11 PM
شف وانا اخوك انا مسوي اصلح للدوده من شهر في الصناعيه عند محل اسمه
مركز الهدروليك وحذرني قبل يصلح الدوده وقال يمكن يخرب طرنبة زيت حق الدوده ويكلف 1000 تقريبن
والحمدلله ماخربة الطرنبه
يعني انت ضروري تغير الطرنبه واشترها من الوكالة نصيحه اخويه لاتشتري تشليح
سعر اصلح الدوده مع الربلات مايحتاج تجيب شي عنده كل شي تخص الدوده
تقريبن 450 او400
وضمان 4 اشهور
وهذا رقمه
سوداني المدير وحبيب
اسمه بدر الدين
0559660518
اضغط هنا (http://www.wikimapia.org/#lat=24.6324819&lon=46.7511874&z=18&l=10&m=a&v=2)
http://www10.0zz0.com/2009/02/09/12/446630060.jpg
مخاوي العريس
09/02/2009, 06:35 PM
نفس المشكلة ....طقم إصلاح للدودة بحدود 210 وشغل يد 400 وإن شاء الله ترجع سيارتك الأوله
وعلى العموم هذي مشكلة عامة بأكثر اللاندكروزر
ابو نايف 111
09/02/2009, 07:14 PM
السلام عليكم
اخي ابو تركي 666
انا عندي نفس المشكله بضبط بس موتري
جمس.... الورشه الي صلح الموتر عنده
مواتر لند كروزر هذي علبت الدرقسون
وشغله ممتاز جد جد متخصص درقصون
الوصف شارع الصبات ونت جاي من الجنوب بعد التقطع الاول يجي على اليسار
اسمه الفني جبران ,,,, لوحت المحل زرقا
ابوتركي666
10/02/2009, 03:17 PM
السلام عليكم
اشكر كل من شارك وافادني والله انكم فزعه وتبيضون الوجه واهل نخوه
الله يجزاكم خير على المعلومات والتوصيف والتجاوب السريع
الله يوفقكم ويرزقكم حلاله ويجنبكم حرامه والمسلمين
.
.
.
.
.
.
.
اما اخي ابونايف الجنوبي لويحصل توصف بتدقيق لاني ماعرفت شيء
ابو نايف 111
15/02/2009, 05:56 PM
السلام عليكم
http://smileys.smileycentral.com/cat/23/23_34_4.gif (http://www.smileycentral.com/?partner=ZSzeb001_ZNxpt437YYSA) اسف اسف جدا على التاخبر
شف انا اخوك
اذ كانك تعرف الصناعيه القديمه
اول اشاره يمين خل القطع الغيار يمين
تجيك الشاره ديور اول لفه يمين بعد التقطع
الول.... فيه ورشه على اليسار...لوحته زرقا
اسم الفني جبران


انا ناسي اسم الورشه


http://www.smileycentral.com/sig.jsp?pc=ZSzeb114&pp=ZNxpt437YYSA (http://smiley.smileycentral.com/download/index.jhtml?partner=ZSzeb114_ZNxpt437YYSA&utm_id=7922)