لخبراء كهرباء السيارات.....

[ابوقاسم]

السلام عليكم
الاخوة الكهربائية
لمبة الاشارة والعة من امس ولا هي راضية تطفي اشغل السيارة او اطفيها والعة ومعلقة وش الحل معاها
فكيت مجموعة الانوار ولا في فايدة فكيت الفلشر ولا في فايدة وش السواة
ياليت تفيدوني بالحل وش اسوي

[تناهيت]

ابو قاسم >> طيب جرب افصل البطارية واشبك يمكن التماس >او فك الفيوز واحد واحد وشف >>او شف نفس العصا حق الأشارات يمكنة منه معلق شكلك تستخدمة بقوة ومع الوقت هنق معك ---> مركب ريموت انت لموترك يعين موب شد بلد >> لأن هذي تعتبر من مشاكل الريموت خاصة اللي يشبك مع الأنوار

ابو قاسم الله يعين جيرانكم بتشغلهم الأشارة >> تكفى ود الموتر لكهربائي اذا جربت اللي قلت لك أعلاه ولا نفع لأنك بتخسر البطارية على كذا ويمكن يصير بالضفيرة شي لا سمح الله :no: ..

ابو قاسم هل صدمت قطو مؤخراً>> يمكن دخل في موترك جنية ولا شي بسم الله عليك :D >> يحب المزح تراه:j

[ابوقاسم]

بسم الله الرحمن الرحيم
قطو عاد
تدري ليلة الجمعة مار على قطو مدعوس بالشارع يمكن جنية ظل ينتظر السيارة اللي تمرويشبك فيها




وعلى كلامك احتمال يكون من الريموت وراح اشوف كهربائي اللي ركبه
والف شكر على سرعة ردك وتجاوبك
واعوذ بالله من الشيطان الرجيم

[لن أمل من العطاء]

الفلشر جهة واحده او الجهتين


عموما احتمالين
كتاوت تحت الطبلون وتسمع صوته مع الاشارة
او الريموت

[151]

مساء الخير

اذا سيارتك من السيارات الامريكية

شيك على للمبات يمكن وحده محروقه

[ابوقاسم]

مشكورين على الردود
الاخ لن امل من العطاء اللمبة معلقة ولا تطفي جهة واحدة ومثل ما قلت الصوت يطلع واضح وشكله من الجهاز



الاخ 151 مشكور على الرد الاحتمال وارد انه من احد اللمبات وراح نشيكهم ونشوف
والسيارة باث فايندر

[مروووق]

اعتقد انه من الكتاوت (الفيوز الكبير) حق الاشارات الي يجي تحت الدركسون
فصله و شوف الاشارة تطفي او لا ؟

على الاقل علشان تستثني انه يكون معلق. وانتبه على البطاريه لا تفضى و توهقك

تحياتي

[ابوقاسم]

مشكور اخوي على التجاوب
والشكر لكل من رد وساعد برأية
والمشكلة طلعت من جهاز الانذار معلق فيه الدايود مثل ما قال وتم فصل وانهاء خدماته............

[تناهيت]

مشكور اخوي على التجاوب
والشكر لكل من رد وساعد برأية
والمشكلة طلعت من جهاز الانذار معلق فيه الدايود مثل ما قال وتم فصل وانهاء خدماته............
الحمد لله ما هنا قطاوة ولا شي >> ونا ترى قلت لك يمكن المشكلة من الريموت ترها دايم تحصل خاصة اذا كان الكهربائي يتعلم على موترك وخاصه ان كهرب السيارة أخطر من اي شي فلا تحرك فيه ساكن الا وانت عارف وش قاعد تسوي >وانا ركبت مرتين ريموت لاكن اقول للكهربائي خله يفتح ويصك البيبان فقط وهذا الهدف الأساسي للريموت اما تشغيل انوار وانذار وتشغيل عن بعد يضر بالسيارة ويقلل من عمر البطاريه > على العموم الحمد لله ارتحت انا لني متابع الموضوع وشايل همك :j تخيلتك ونت ماشي في الدايري وماسك الأيسر وداق اشارة يسار:D >> الحمد لله على كل حال تحياتي لك اخوك الصغير تناهيت

[ابوقاسم]

الحمد لله ما هنا قطاوة ولا شي >> ونا ترى قلت لك يمكن المشكلة من الريموت ترها دايم تحصل خاصة اذا كان الكهربائي يتعلم على موترك وخاصه ان كهرب السيارة أخطر من اي شي فلا تحرك فيه ساكن الا وانت عارف وش قاعد تسوي >وانا ركبت مرتين ريموت لاكن اقول للكهربائي خله يفتح ويصك البيبان فقط وهذا الهدف الأساسي للريموت اما تشغيل انوار وانذار وتشغيل عن بعد يضر بالسيارة ويقلل من عمر البطاريه > على العموم الحمد لله ارتحت انا لني متابع الموضوع وشايل همك :j تخيلتك ونت ماشي في الدايري وماسك الأيسر وداق اشارة يسار:D >> الحمد لله على كل حال تحياتي لك اخوك الصغير تناهيت




مشكور اخوي على اهتمامك
وعساني ما أشيل همك
وبالنسبة للجهاز انا صار لي مركبة 3سنوات ولا شفت منه الا كل خير وهو مثل ما قلت لفتح واغلاق الابواب وانذار ضد السرقة او العبث بالسيارة




مشكور مرة ثانية على اهتمامك