الفزعة ياشباب وش افضل الفياض ونت جاي من الشرقية

[برق الشرقية]

أسعد الله أوقاتكم بكل خير
ناوي أروح للصمان وشبعت من أم المصران ، ودي أغير وش الأفضل وش غيرها تكفون يارجالها ، وياليت الاحداثية وفضل طريق ان وجد

[ولد الصمان]

والله ياخوي انا شفت ماحد رد عليك
وانا ودي اعطيك الي تبي بس والله ماعندي معلومية عن الي تبي

[ناصر97]

الفياض كثيرة (ام المصران)(حضرم)(الاعميا)(راكان)(العمانية)وفي فياض شمال الشملول مدري وش اسمها والحداثيات ما تحضرني الحين لكن الشباب بيفيدونك انشاء الله

[برق الشرقية]

ولد الصمان وفيت وكفيت الله يحفظك

انتظر فزعتكم ياوجيه الخير عطونا علومكم لاهنتو

[(الجنوبي)]

جنوب أم مصران على طول بعد ردمية خط الضغط العالي تلقى " عميا " بس ماهي بشرحه مثل أم مصران الفياض منتشره على أطراف الردميه وأنت رايح شرق

[برق الشرقية]

الفياض كثيرة (ام المصران)(حضرم)(الاعميا)(راكان)(العمانية)وفي فياض شمال الشملول مدري وش اسمها والحداثيات ما تحضرني الحين لكن الشباب بيفيدونك انشاء الله[/quote


شاكر مجهودك ويعطيك العافية وبسأل عنها عن طريق الجهاز أو الخريطة وماقصرت

[برق الشرقية]

الجنوبي يطول عمرك لاهنت ياغالي وهذا التواصل ماهو غريب عليك

واللي عنده اكثر يعطينا لان ناوين ناخذها رحالة

[دغيم1]

السلام عليكم ورحمة الله وبركاته
حياك الله أخوي
بالنسبة للفياض الجميلة هي الواقعة في المحيط مابين دغيم - وروضة أم قرين
مثل :
بربك دغيم - خبراء خبزة - أم سنينة - أم قرين - حسناء السبق - وبعض خباري الحاصبيات
كذلك يمكنك مشاهدة المناطق الجميلة من خلال متابعتك للتقارير الجديدة للرحلات التي قام بها بعض الأعضاء نهاية الأسبوع الماضي
تقبل تحياتي

[sosososo]

خبزة لاتفوتك صح انهابعيدةةةةة

[خن بط]

أسعد الله أوقاتكم بكل خير
ناوي أروح للصمان وشبعت من أم المصران ، ودي أغير وش الأفضل وش غيرها تكفون يارجالها ، وياليت الاحداثية وفضل طريق ان وجد


هذا اقتباس من ردي على احد الاخوه من الشرقيه

يمكن يفيدك

وانتوا يا اهل الشرقيه لكم معزه خاصه لدي



المشاركة الأصلية كتبت بواسطة هايلوكس 2005 http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=2438637#post2438637)

السلام عليكم ورحمة الله وبركاته




يا اخوان الله لا يهينكم
انا طالع بأذن الله بكرا وابي منكم تجاوبوني على كم سؤال



1- كم تبعد النعيريه عن مفرق طريق القريه العليا


تبعد حوالي 70 كم
2- وكم كيلو من القرية العليا الى الرفيعة
تقريبا 100 كم
3- وهل فيه فياض حليوه هالسنة حول الرفيعة وكم تبعد
كل الفياض هالسنه حلوه
بعد ماتعدى الرفيعه بحوالي 20كم يجيك على يمينك برج للجوال
افرق من عنده واقضب الخطوط المدهوله
وراح تشوف اللي يسرك ولا تنسانا من الدعاء


علما اني جاي من الشرقيه ..


مرحبا فيك وفي اهل الشرقيه


الله لا يهينكم ...
لاهنت

[ناجز]

الكلام سليم خبزة لاتفوتك

[برق الشرقية]

سلام عليكم ورحمة الله وبركاته

حياك الله أخوي
بالنسبة للفياض الجميلة هي الواقعة في المحيط مابين دغيم - وروضة أم قرين
مثل :
بربك دغيم - خبراء خبزة - أم سنينة - أم قرين - حسناء السبق - وبعض خباري الحاصبيات
كذلك يمكنك مشاهدة المناطق الجميلة من خلال متابعتك للتقارير الجديدة للرحلات التي قام بها بعض الأعضاء نهاية الأسبوع الماضي

تقبل تحياتي

يعطيك العافية على هلمعومات الجوهرية

[برق الشرقية]

الأخوان اللي ردوا لاهنتوا جميع

إستادنا ومشرفنا دغيم 1 مروك نور في عز الظلام

الاستاذ خن بط انت تسلم وماقصرت يالحبيب

الاستاذ sosososo مايجي منك قصور

الاستاذ ناجز تشرفت بمرورك اخوي

[برق الشرقية]

ماقصرتو جميعا" وكان أحد بيخاوينا للصمان الاسبوع المقبل تراها الساعة المباركة

[ضحية بيشة]

المعذره اخوي برق هذا ردي على احد الاخوان من الشرقيه يمكن يفيدك وتحياتي لك ..بالتوفيق



اخوي عاشق انت اهم توصل الرفيعه بالسلامه سواء عن طريق قرية العليا مرورا بالنعيريه او عن طريق

الرياض السريع رماح شويه الرفيعه ...واذا دخلت الرفيعه لاتنسى الخبز الايراني تحصل المخبز بالشارع

العام تزود منه وتوكل على الله ...

اطلع من الرفيع كأنك رايح للرياض عن طريق حفر العتش اول ماتعدي الرفيعه يجيك مفترق طرق امسك طريق

الرياض حفر العتش تمشى ثلاث كيلو تقريبا يجيك يمين المثامن وهي قارات كبار وجبال وتشوف العلامات يمينك مثل كفرات او مراسيم وتشوف الخطوط كثيره انزل وشق المثامن من

جنوب وخلك على المسحية تطيحك على ام قرين بعد عشرين كيلو تقريبا وطريق ممهد وجميل ومن ام قرين خذ شمال كيلو وتجيك سنينه الشماليه وسنينه الجنوبيه وكل المنطقه فياض

حلوه بس خذ شمال عشر كيلو عن ام قرين تجيك خبزه وظلمه ممتازات مره ولاتنسى المضله ترا الشمس بدت تقوى وقت الظهر والله يوفقك ...واذا ماارتحت اعكفها جنوب وما راح تندم ........

[مزون نجد]

عندك روضه خريم